Lomɛŋ 3:10 - Eka Eswhī

¹⁰ Mɛ́ le tí á ntē aŋwaʼne Ndém ŋ́gɛ: «Ŋiŋnɔŋ yīi a á ndeŋ ndeŋ, a te éwú ú, tɛ tsɔ taʼ.

Lomɛŋ 3:10 Iomraidhean Croise

Matío 15:19

Akwaŋte tepɔŋ mé fhoó á ntē ŋiŋ, ńtshóne á yí, á lezwhīte epuɔ, á lecʉ̄ʼ á ŋgaŋ agā, á lewɛ á mɛgap, á lejʉ, á leyhī mela, á lezɔ epuɔ.

Málkúsi 10:18

Yɛɛ́so á zɛ́tte á yí ŋ́gɛ: «O tɔ́ŋɔ á gá lɛ ŋiŋ mbɔŋ melaʼ akɔ̄? Ŋiŋ mbɔŋ a te éwú ú, ńdaʼ Ndém yíléyī.

Lomɛŋ 11:8

á gɔ́ páʼ aŋwaʼne Ndém á leé ŋ́gɛ: «Ndém a le kapté leghi tsɔ́p, ŋ́ghʉ̄, menēk mɔ́p é té zéŋ ejʉʼ njʉ́ɔ ɔ́, ŋ́ghʉ̄ metuúŋ mɔ́p é té zéŋ ejʉʼ njúʼ ɔ́, tɛ ntshí ayáʼa. »

Lomɛŋ 3:11

Ŋ́gɛ, ŋiŋ yīi, a wɛɛ̄ leghi a te éwú ú. Ŋiŋ yīi a kɔɔ̄ŋ ŋ́gɛ pɔ́ Ndém e egɔ́ nnɔ, á gɔ́ te éwú ú.

Lomɛŋ 3:23

Epuɔ metsem é lē mbú ŋgwhʉ̄ mefa, ésá lewūʼ tsīi, é lezēŋ Ndém.

Lomɛŋ 3:4

Ŋgáŋ, á té épúp ɔ́, mɛ́ pɔŋteé á lezhɛ̄ á légɛ, Ndém a á si ŋgɔ́ á ŋgaŋ anuúnē, epuɔ menɔŋ tɛ mmī, é piŋ ŋgɔ́ megaŋ mela. Á zi ŋgē egɔ́, mbɔ mɛ́ le tí á ntē aŋwaʼne Ndém ŋ́gɛ: «Á pɔŋ ŋ́gɛ, mɛ́ etsīa ánɛ ashuŋne jú, wu Ndém, ńzhɛ́ á légɛ, o ó ŋiŋ ndeŋ ndeŋ, ŋ́gɔ́ yīi mɛ́ ŋak á wú, o ejhʉ́. »

Tíit 3:3

Á lɛ amɔ̄ʼ afʉʼ, ḿpɛ gɔ́ wɔ ghʉ‑anu té sáŋ, ŋ́gɔ́ wɔ tʉɛ‑athū á mbū Ndém, ńnɔŋ efā nzhɛ. Mbɔ ntií ntiī ekwaŋte, mbɔɔ leziŋ páʼ mbé nnɛ̄t e é si ndʉ́ɛ́, e lē mbú njhʉ́ á yímpɛ. Ḿpɛ nɔŋ nzáa esɔ̄, ńnɔŋ esʉ́ɛ́ etsō epuɔ. Ńnɔŋ ŋghʉ̄ɛ mɛ́ paa á yímpɛ, ńnɔŋ mbānɛ mennɛ̄t mímpɛ.

1 Piɛ 1:16

Ndém a leé á ntē aŋwaʼne yí ŋ́gɛ: «Pɛ egɔ́ té alɔ́ʼ, páʼ yí méŋwɛ̄t azí a á te alɔ́ʼ. »

Menjʉɔ te lí 21:8

Ḿbiŋ ŋgɔ́ mé epuɔ pīi pɔ́ cɔ̄ʼe, ŋ́gɔ́ mé wɔ te júʼ‑nchu Ndém, ŋ́gɔ́ mé epuɔ pīi athū zɔ́p á lē mbék, ŋ́gɔ́ mé wɔ zwhíte‑epuɔ, ŋ́gɔ́ me megaŋ agā, ŋ́gɔ́ mé megaŋ lekaŋ, ŋ́gɔ́ mé wɔ wuʼte‑mesī, mbɔɔ wɔ táŋ‑mela metsem, mbɔ azɔ́p ajʉʼ á ntē mía mía mmók meka yīi, é si ŋgīʼnɛ. Wɔ́p á legɔ̄ á ntē mmók ega mɛ́t, a á si ŋgɔ́ á wɔ́p á lezēŋ ŋkwhʉ́ emɔ̄ʼ legʉɔ. »

Menjʉɔ te lí 22:15

Ŋ́ké ŋgɔ́ mé megaŋ epe, mbɔɔ megaŋ lekaŋ, mbɔɔ megaŋ agā, mbɔɔ wɔ zwhíte‑epuɔ, mbɔɔ wɔ wuʼte‑mesī, mbɔɔ ŋiŋ ntsem yīi, a kɔɔ̄ŋ á letāŋ mela, tɛ ndɔ̄k emiɛ́ tɛ́ nnáŋ, pɔ́ ezɛ́t á nzem apɛ́ tésɔŋ.