Lomɛŋ 3:1 - Eka Eswhī

¹ Tɛ á piŋɛ ŋgɔ́ épúp, mbɔ ŋiŋ a gɔ ezɛ́te ŋ́gɛ, ŋiŋ Yúda a jhʉʉ́ apɛ akɔ̄, ńtɔ́k á ŋiŋ yīi, a te ŋiŋ Yúda á? Ŋ́gɛ letēm ŋiŋ, á tswiteé ánɛ akɔ̄?

Lomɛŋ 3:1 Iomraidhean Croise

Jáaŋ 4:22

Pɛ epuɔ Samalía é si ŋgūʼtɛ á Ndém, nzi nnɔ̄ŋ te nzhɛ́ɛ á yí í. Pek epuɔ Yúda, é piŋ ŋgē ewuʼte á yí, ńnɔŋ nzhɛ́ɛ á yí, melaʼ mīi Ndém a a láʼ ezápa ánɛ epuɔ Yúda, tɛ́ ghʉ, epuɔ menɔŋ e etswɛ́t.

Lomɛŋ 3:2

Ŋiŋ Yúda, a jhʉʉ́ apɛ ntɔ́k á ŋiŋ yīi, a te ŋiŋ Yúda á, ánɛ meshhʉ̄ tɛ nzáne. Á zi ŋgē egɔ́, mbɔ Ndém a le ghʉ̄ melaʼne mí áa mbū pɔ́p.

Lomɛŋ 3:9

Meŋ á páʼā ndɔkɔ ŋ́gɛ akɔ̄? Ŋ́gɛ pek epuɔ Yúda, é páʼā, ńtsyā emɔ̄ʼ epuɔ lɛ́? Ŋgáŋ, meŋ ndē ndáʼ ŋkɛ́ʼte éshúŋ ŋ́gɛ, ŋiŋ ntsem, épuɔ Yúda mbɔɔ epuɔ Glɛk, é puú ŋgɔ́ áa epuʼ mefa.

1 Kɔlɛŋte 15:32

Pek a epuɔ menɔŋ pīi, é páʼ mena mbaʼ lā, é ke lʉɔ́ʼ á tésɔŋ Efɛze ega páʼa. Á ŋgwíʼe ŋgɔ́ éyi, meŋ nde gē elʉɔ́ʼ épúp, leghi tsá é tshí áa ánɛ menu ŋgɔŋ muɔ, mbɔ lelʉɔ̄ʼ mɛ́t, a a tswíte á gá ánɛ akɔ̄? A ŋgwíʼe ŋgɔ́ éyi, mepfhō é té fú ezím ánɛ lewhʉ̄ ɛ́, mbɔ meŋ gɔ elé azá páʼ emɔ̄ʼ epuɔ ŋ́gɛ: «Ḿpɛ epfɛ́t, ńnú, melaʼ mīi ḿpɛ e shʉʼ ezɔ́ mmɔʼ, ékwhʉ́. »

Eble 13:9

Ndɛ́ʼ pɛ ecʉ́ʼ mɛ́ lɔk á ntií ntiī menu eswhī mīi, mɛ́ zíʼnɛ á wɛ́ ánɛ Ndém, ŋ́ghʉ̄, pɛ efāa nzhɛ. Mɛ́ é si nzíʼnɛ á wɛ́ ŋ́gɛ, etsō lejhʉ̄ é gɔ eghʉ̄ʉ, ŋiŋ á tete ánɛ mɛnzhɛ Ndém. Epuɔ pīi pɔ́ kuʼteé anu jʉɔ mɛ́t, pɔ́ la amɔ̄ʼ apɛ éwú jhʉ́ ɛ́. Ndém a lɔɔ̄k apɔŋɔ́ ntē te ndhʉ zí tɛ́ ŋghʉ̄, ŋiŋ á tete ánɛ mɛnzhɛ yi.