Lomɛŋ 2:9 - Eka Eswhī

⁹ Ndém a a láʼ enéŋ ŋgʉɔ̄ʼ pɔ́ atapne, ánɛ awíɛ awíɛ yīi, a á si ŋghʉ̄ɛ anu tepɔŋ. Ézi ánɛ epuɔ Yúda, épáte epuɔ Glɛk.

Lomɛŋ 2:9 Iomraidhean Croise

Matío 16:26

Ŋiŋ a púu ŋgwɛ̄ lewūʼ ŋgɔŋ ntsem, á ndo esī atsetsáʼ, ḿbīŋ ŋkwhʉ́ ḿbí ndaʼ, mbɔ a á jhʉ́ akɔ̄ apɛ ɛ̄? Ŋiŋ a gɔ elɔ̄k akɔ̄, ńdɔk ŋkúmne athū nnɛ̄t zí í?

Lúkási 24:47

Ńzéŋ ŋgɔ́ lɛ, mɛ́ e ké eláʼ ezi á Yelósalɛm, á lelɔk lezēŋ tsí ntswī á mbū ŋgɔŋ ŋgɔŋ ŋ́gɛ, awíɛ awíɛ a egɔ̄ nnɛ̄t zi, ŋ́gwáʼ atswhī tepɔŋ zí, Ndém a shʉʼ ndēkne mefa mí.

Mefaʼ Meziŋ-ntō 11:18

Epuɔ é júʼ anu Piɛ jʉɔ mɛ́t, tu wɔp á pwɛ́t. Pɔ́ zi á lewuʼte á Ndém ndé ŋ́gɛ, Ndém a lɔkɔ ntsɔ́ʼɔ nzhɛ ŋ́gɛ, epuɔ pīi, pɔ́ té epuɔ Yúda á, e egɔ̄ nnɛ̄t zɔp, ŋ́gwáʼ atswhī tepɔŋ zɔ́p, a eghʉ̄ pɔ́ eláʼ ntā á lezēŋ yí.

Mefaʼ Meziŋ-ntō 13:26

Pɔ́ɔl á zéŋ ndé ŋ́gɛ: «Epɔ̄ memía, pɛ pīi pɛ́ é ndhu Ablaham, mbɔɔ pɛ metsem pīi, pɛ wuʼtɛ á Ndém epuɔ Islaɛl, Ndém a á tó ŋke wuɔ yīi, é tswii páʼ epuɔ é gɔ eghʉ̄ʉ épúp tɛ́ ndáʼ ntswɛ́t lā, á mbū pímpɛ puɔ.

Mefaʼ Meziŋ-ntō 20:21

Meŋ ke nɔ̄ŋ eshúŋɔ á taʼ azō á mbū epuɔ Yúda mbɔɔ á mbū epuɔ pīi, é té epuɔ Yúda á ŋ́gɛ: “Á anuúnē á légɛ, pɔ́ egɔ̄ nnɛ̄t zɔp, ŋ́gwáʼ atswhī tepɔŋ zɔ́p, ḿbīŋ nzem á mbū Ndém, ḿbiŋ efɛ́ nnɛ̄t ŋgyá á mbū Atsyapuɔ yímpɛ Yɛɛ́so.”

Mefaʼ Meziŋ-ntō 26:20

tɛ meŋ kʉʉ̄ŋ ndáʼ ńzī á leshūŋ anu zí á mbū epuɔ Damas, ḿbáte epuɔ Yelósalɛm, éshʉʼ eshúŋ á mbū epuɔ Yudéa ntsem, mbɔɔ á mbū emɔ̄ʼ melāʼ ndɛʼɛ ŋ́gɛ, pɔ́ egɔ̄ nnɛ̄t zɔp, ŋ́gwáʼ atswhī tepɔŋ zɔ́p, ḿbīŋ nzem á mbū Ndém, ḿbiŋ ŋghʉ̄ menu membɔŋ mīi, é tswii á légɛ, pɔ́ é wáʼ atswhī tepɔŋ zɔ́p.

Mefaʼ Meziŋ-ntō 28:17

Á tɔ́k eleʼé tɛ́t, Pɔ́ɔl a tɔ́ŋ mekém epuɔ Yúda pīi, é naáŋ á tésɔŋ Lóma, á mba yí. Pɔ́ shʉʼ ncúʼte, ńnáŋ á esī, á lé á mbū pɔ́p ŋ́gɛ: «Epɔ̄ memía, meŋ ntshií páʼa, mbɔ meŋ nda eghʉ̄ amɔ̄ʼ anu tepɔŋ ánɛ alāʼ zímpɛ ɛ́, ḿbiŋ te fā amɔ̄ʼ anu ánɛ mɛt alāʼ, páʼ wɔ maŋgānjʉʼ pímpɛ é le zapá épúp ɔ́. Táʼ, a awuɔ yīi mɛ́ kʉʉ̄ŋ ŋgɔ̄ á gá á Yelósalɛm, ńnéŋ á mbū epuɔ Lóma lāa.

Mefaʼ Meziŋ-ntō 28:28

Pɔ́ɔl á zéŋ ndé á mbū pɔ́p ŋ́gɛ: «Pɛ ezhɛ́ á mbɔŋɔ́ ŋ́gɛ, Ndém a le tó ŋke mbɔŋ yīi, é ghʉɛ mɛ́ tswɛ́tɛ, á mbū epuɔ pīi é té epuɔ Yúda á. Pɔ́ e shʉʼ ejúʼ azɔ́p ŋke mɛ́t. »

Mefaʼ Meziŋ-ntō 3:26

melaʼ epúp tɛ́, Ndém a ke gē ezi a letō á Njuʼ‑Nchu yi, ńtó á yí melaʼ mɛ́. Ńtó á yí ŋ́gɛ, a eshʉ̄ʼ ŋghʉ̄ anu mbɔŋ ánɛ pɛ, éfhó ánɛ mɛnzhɛ tepɔŋ, éfók á wɛ́. »

Lomɛŋ 1:16

Esē é té si ŋkúu á gá á letswi ŋke mbɔŋ ɔ́. É si ŋgɔ́ mete Ndém á lelɔk ŋghʉ̄, tɛ mbɔɔ awɔ́ lɛ́ yīi, a á fɛ́ nnɛ̄t ŋgyá á mbū Yɛɛ́so, á tswɛ́t. Epuɔ Yúda é zi mvhɔ, ńtswɛ́t, emɔ̄ʼ epuɔ é páte.

Lomɛŋ 10:12

Púp, atɛʼte á té zɛ́t á tsetsɛlɛ epuɔ Yúda pɔ́ a epuɔ pīi, é té epuɔ Yúda á. Pɔ́ metsem é puú ŋgwɛ̄ á taʼ Atsyapuɔ, á pú ŋgyá etsō mbɔŋ á mbū epuɔ metsem pīi, pɔ́ é si eswíŋtɛ á yí.

Lomɛŋ 2:10

Ŋ́ké mbiŋ ŋgɔ́ mé awíɛ yīi, a á si ŋghʉ̄ɛ á mbɔŋɔ́, á kɔŋte á yí, ŋ́kím lezēŋ tsí á mbɔŋɔ́, ŋ́ghʉ̄ á náŋ mé apwɛne. Nzī ánɛ epuɔ Yúda, ḿbáte epuɔ Glɛk.

Lomɛŋ 8:35

Akēzō á gɔ efāak á yímpɛ, ánɛ ŋkɔŋ zīi, Klísto a lɔɔ̄k ŋkɔŋ á yímpɛ ɛ̄? Ŋgʉɔ̄ʼ lɛ́? Atapne lɛ́? Lelʉɔ̄ʼ á yímpɛ lɛ́? Nzi lɛ́? Mbūŋ lɛ́? Ecū mīi, é faŋnɛ á yímpɛ lɛ́? Kɛ lewhʉ̄ ʉ́?

Lomɛŋ 9:24

Ḿpɛ mé si ŋgɔ́ epuɔ pīi, a le wɛ̄ atsāmezeŋɛ ánɛ pɔ́p, á yímpɛ pīi, a le fhó á nnɔ epuɔ Yúda, mbɔɔ á nnɔ epuɔ pīi, é té epuɔ Yúda á, ńtɔ́ŋ á wɔ́p.

Galat 3:28

Á tsia épúp, pɛ metsem lɔkɔ ncʉ́ʼɛ á taʼ azō á mvhɔ Ndém, tɛ mɛ́ le zéŋ ntɛ̄ʼte ŋ́gɛ, ŋiŋ Yúda a awuɔ, ŋiŋ Glɛk á gɔ́ ewuɔ ɔ́. Ŋ́gɛ ŋkwa e ejʉɔ, ŋiŋ yīi a naáŋ á ŋga athū yí á gɔ́ ewuɔ ɔ́. Ŋ́gɛ menzwí a awuɔ, ŋiŋ mbaŋa á gɔ́ ewuɔ ɔ́, mbɔ pɛ é zápa ánɛ Yɛɛ́so Klísto, ńcʉ́ʼ á taʼ.

Kɔlɔs 3:11

Púp, mɛ́ le zéŋ ŋghʉ̄ á tɛʼte ŋ́gɛ, ŋiŋ Glɛk a awuɔ, ŋiŋ Yúda á gɔ́ ewuɔ ɔ́. Ŋ́gɛ, ŋiŋ yīi mɛ́ lē ntém á yí a awuɔ, ŋiŋ yīi mɛ́ la á yí tém ɛ́, á gɔ́ ewuɔ ɔ́. Ŋ́gɛ, ŋiŋ alāʼ ndɛʼɛ a awuɔ, epuɔ pīi pɔ́ naáŋ páʼ mena mbaʼ lā, é gɔ́ epuɔ ɔ́. Ŋ́gɛ, apuʼ a ajʉɔ, ŋiŋ yīi a naáŋ á ŋga athū yí, á gɔ́ ewuɔ ɔ́. Klísto mé puú ŋgɔ́ ndaʼ mɛgém anu, ńnáŋ á ntē epuɔ metsem pīi, pɔ́ fɛɛ́ nnɛ̄t ŋgyá mé yí.

2 Tesalonik 1:6

Á zi ŋgɔ́ ndeŋ ndeŋ á légɛ, Ndém a a láʼ enéŋ ŋgʉɔ̄ʼ á athū epuɔ pīi, é lɔkɔ ŋgʉɔ̄ʼ eswɛ́tɛ á wɛ́,

1 Piɛ 4:17

Njhʉ̄ e é kuʼ zīi, Ndém a gʉɔ me nzaáʼ ntsaŋ zɔp a epuɔ menɔŋ. A á ké ezi mvhɔ, ézáʼ ezi epuɔ alāʼ pí. A piŋɛ nzī á lezāʼ ezímpɛ épúp, mbɔ a a kó ánɛ epuɔ pīi, pɔ́ é si ndʉ̄ʼɛ á wɔ́p á levēŋ ŋke mbɔŋ yí, azɔ́p anu a egɔ́ é lɛ akɔ̄?