Lomɛŋ 2:8 - Eka Eswhī

⁸ Ḿbiŋ ŋgɔ́ mé epuɔ pīi, pɔ́ teē athū á mbū yí, pɔ́ té kɔ̄ŋ á leziŋ páʼ anuúnē á si ndʉ́ɛ́ épúp ɔ́, ŋ́kɔ̄ŋ á leziŋ áa ánɛ mɛnzhɛ ŋgɛ́tté, a ezáŋ á alɔŋ ánɛ pɔ́p, ńtswá á wɔ́p á tepɔŋ ŋgʉɔ athʉ́ lepé.

Lomɛŋ 2:8 Iomraidhean Croise

Lomɛŋ 1:18

Ndém a fhoó á lephū, ńtswī á légɛ, yí zaáŋ á lɔ́ŋ á mbū megaŋ atʉɛ́‑athū metsem. Ńzáŋ á lɔ́ŋ ánɛ anu tepɔŋ ntsem zīi, epuɔ menɔŋ é ghʉɛ, épuɔ pīi é lɔɔ̄k anu tepɔŋ, ŋ́kápte á anuúnē.

Lomɛŋ 10:16

Táʼ, epuɔ metsem mé lɛ te ŋke mbɔŋ véŋ. Á lɔk ŋgɔ́ páʼ, Izayi ntswi‑ŋke Ndém, a le lé azí á ntē aŋwaʼne Ndém ŋ́gɛ: «Atsyapuɔ, awɔ́ a á ké mvéŋ ŋke mbɔŋ yīi, pek tswii ī?»

Lomɛŋ 15:18

Meŋ ŋaʼaá nchu gá, ńdɔk eshúŋ áa ajū mīi, Klísto a le zapá ánɛ meŋ ŋghʉ̄, tɛ́ epuɔ pīi é té epuɔ Yúda á, é júʼ nchu Ndém. A le zapá ánɛ meshuŋne má, mbɔɔ ánɛ ega leghʉ, tɛ́ ŋghʉ̄ épúp.

Lomɛŋ 6:17

Ḿpɛ eké ŋgūʼte á Ndém. Pɛ lɛ amɔ̄ʼ afʉʼ, ŋgɔ́ apuʼ mefa. Á piīŋ ŋgɔ́ tsetsɔŋɔ, anu zīi epuɔ é le ziʼnéē, pɛ júʼ mvéŋ, pɛ ekúʼte mé ntē wɛ́ ntsem.

Lomɛŋ 9:22

Ndém a le nɔ̄ŋ ŋkɔŋɔ á letswi azāŋalɔ́ŋ zí, ńnɔŋ ŋkɔ̄ŋɔ á leghʉ mɛ́ zhɛ́ mete mí, ŋ́ké esēk, ŋ́kwɛ́t ntē ánɛ epuɔ pīi, pɔ́ é páʼ meŋgwʉ́ŋ mīi, a ke gɔ́ á záŋ á lɔ́ŋ ánɛ pɔ́p, tɛ ŋghʉ̄ pɔ́ láʼ ndákne.

1 Kɔlɛŋte 11:16

A piŋɛ ŋgɔ́ éyi, ŋiŋ a piŋne anu jʉɔ mɛ́t, ŋgaŋ á zhɛ́ á légɛ, ḿpɛ te wɛ̄ emɔ̄ʼ ntií ndɛʼɛ, á lelɔk nnáŋ á. Emɔ̄ʼ melúŋ epɔ̄ Ndém é zéŋ te wɛ̄ azɔ́p mmɔʼ ntií ndɛʼɛ ɛ́.

2 Kɔlɛŋte 12:20

Meŋ á si mbɔ́kɔ á gá á lekō á alāʼ pɛ, meŋ ńde jʉ́ɔ pɛ wɛ̄ɛ atswhī zīi, meŋ á si ŋkɔ̄ŋɔ ŋ́gɛ, pɛ ewɛ̄ ɛ́. Púp, pɛ azɛ́, pɛ é le jʉ́ɔ meŋ gɔ́ páʼ, pɛ é si ŋkɔ̄ŋɔ ŋ́gɛ, meŋ egɔ́ épúp ɔ́. Meŋ á si mbɔ́kɔ á gá á legē eshʉʼe, ńjʉ́ɔ membo é gɔ́ á tsetsɛlɛ pɛ, pɛ nɔ̄ɔŋ ŋgwīɛ̄ á sɛ́h ntē á nnɔ pɛ, ńnɔŋ nzáŋa á lɔ́ŋ, ńnɔŋ nnɛ́ttɛ, ńnɔŋ ntáŋa mela, ńnɔŋ esɛ́ʼɛ epuɔ, ńnɔŋ nzɔ̄ɔ epuɔ, ńnɔŋ ntáktɛ ejʉʼ.

Galat 5:20

Ŋ́gɔ́ á lewuʼte ajūɔ tsem zīi, á té Ndém ɛ́. Ŋ́gɔ́ á lewɛt lekaŋ. Ŋ́gɔ́ á lekɔ mbo. Ŋ́gɔ́ á lewɛ ndʉʼne. Ŋ́gɔ́ á lewɛ sɛ́h ntē. Ŋ́gɔ́ á lezāŋ á lɔ́ŋ. Ŋ́gɔ́ á lenɛ̄te. Ŋ́gɔ́ á lenēŋ mefakne á nnɔ epuɔ. Ŋ́gɔ́ á lenēŋ mefakne ánɛ menɔ.

Fílíip 1:17

Epi emɔ̄ʼ epuɔ é piŋ nnɔ̄ŋ eshúŋɔ anu Klísto páʼā, ńdɔkɔ efāʼa azō ánɛ meŋ. Ajū mīi á tshónɛ á wɔ́p á letswi ŋke, á té ndeŋ ndeŋ ɛ́. Pɔ́ é si ŋkwāŋa ŋ́gɛ, pɔ́ e ghʉ épúp, élɔk etswiʼne ŋgʉɔ̄ʼ za á ŋgyā atʉɛ́ ega.

Fílíip 2:3

Ndɛ́ʼ pɛ gē eghʉ azō, ńdɔkɔ efāʼa anu ánɛ ŋiŋ, kɛɛ́ ndɔkɔ ntswīi nnɛ̄t lɛ́. A cʉ́ʼɛ épúp, pɛ enɔ̄ɔŋ nnɛ̄t á esī á tsetsɛlɛ pɛ, awíɛ awíɛ á piŋ njʉ́ɔ mmɔʼ ŋiŋ áa páʼ, ŋgaŋ mé tsyaā á yí lā.

2 Tesalonik 1:8

Éshʉ̄ʼɛ épúp, á ntē mía mía mmók, á mbʉʉ̄ʼ anu á mbū epuɔ pīi, pɔ́ té á Ndém véŋ, épuɔ pīi, pɔ́ lʉʉ̄ʼ á lekūʼte ŋke mbɔŋ yí Atsyapuɔ yímpɛ Yɛɛ́so.

Tíit 3:9

Pá aŋak ánɛ anu te methū, ḿbá menu ánɛ ndhu te mi wɔ maŋgānjʉʼ, ḿbá á letɔʼne ashuŋne, ḿbá meswaáŋ eshuŋne ánɛ mbé Ndém. Emuɔ menu mɛ́t é gɔ́ áa menu te athū, ḿbiŋ ŋgɔ́ éyi, é gɔ le ŋiŋ tswíte.

Eble 10:27

Mbɔ ŋgaŋ a a cʉ́ʼɛ ezwíʼtɛ áa mía ŋgʉɔ̄ʼ yīi, Ndém a a záʼ ntsaŋ zi, élé. A egɔ́ á yí á legʉɔ mé mía mmók yīi, megaŋ atʉɛ́‑athū á mbū Ndém, e láʼ egʉɔ mé éwú.

Eble 11:8

Á le fhó ánɛ páʼ, Ablaham a le fɛ́ nnɛ̄t épúp, ŋ́gyá á mbū Ndém, tɛ́ Ndém á tɔ́ŋ á yí, á lɛ mvéŋ, ŋ́gʉ̄ɔ mé alāʼ zīi, Ndém a le phʉ́ á leyā á mbū yí ŋ́gɛ, a ecʉ́ʼ azí. Ŋ́gē egʉɔ, a te nzhɛ́ ajʉʼ zīi, a gʉɔ mé éwú ú.

Eble 5:9

Ndém á náŋ á yí ánɛ mía ajʉʼ, á cʉ́ʼ á mbū epuɔ pīi é juúʼ nchu yí, ŋ́gɔ́ á Ŋghʉɛ‑mɛ́‑tswɛ́t á lemiʼɛ.

Jáak 3:14

Ŋiŋ a piŋɛ ŋgɔ́ á nnɔ pɛ, ŋ́gwɛ̄ á sɛ́h ntē, tɛ ntē yí é séŋ lɛ cʉʉ́ʉ́, ŋ́gɔ́ efʉʼ metsem, ńnɛ́tte nɛtté, ndɛ́ʼ ŋgaŋ á zéŋ ŋŋīa ŋ́gɛ, yí é ŋgaŋ azhɛ̄‑anu. Ŋiŋ a ghʉɛ épúp, ŋgaŋ á lɔkɔ esɛ̄tɛ anuúnē, á cʉ́ʼɛ mela.

Jáak 3:16

Ajʉʼ zīi epuɔ menɔŋ é éwú, ŋ́gwɛ̄ á sɛ́h ntē, ńzéŋ ŋgɔ́ megaŋ anɛte, tákátáká pɔ́ ntií ntiī menu tepɔŋ, é éwú.

1 Piɛ 3:1

Ndeŋ ndeŋ páʼ wɔ ghʉ‑afaʼ á mba epuɔ, é pɔŋteé á lenɔŋ nnɛ̄t á esī á mvhɔ memɔʼɔ́ afaʼ pɔ́p lā, ewíɛ́ menzwí lɛ́ a enɔ̄ŋ nnɛ̄t á esī á mvhɔ ndō yi, tɛ ŋgɔ́ yīi, azi ŋgɔ́ éyi emɔ̄ʼ mbaŋa, é kaá nnɔ̄ŋ njúʼɔ ashuŋne Ndém ɛ́, awɔ́ ŋiŋ wɔp lɛ́, á fhó ánɛ atswhī mbɔŋ nzwí yi, ŋ́kúmne ntē yí, té gɔ́ yīi, pɛ é lé á anu,

1 Piɛ 4:17

Njhʉ̄ e é kuʼ zīi, Ndém a gʉɔ me nzaáʼ ntsaŋ zɔp a epuɔ menɔŋ. A á ké ezi mvhɔ, ézáʼ ezi epuɔ alāʼ pí. A piŋɛ nzī á lezāʼ ezímpɛ épúp, mbɔ a a kó ánɛ epuɔ pīi, pɔ́ é si ndʉ̄ʼɛ á wɔ́p á levēŋ ŋke mbɔŋ yí, azɔ́p anu a egɔ́ é lɛ akɔ̄?

Menjʉɔ te lí 14:10

mbɔ Ndém a a záŋ á lɔ́ŋ á mbū yí, éték á whi, énéŋ á ntē ndɔ̄ŋ, a enú páʼ meluʼ lā. Ńjʉ́ɔ á mía mía ŋgʉɔ̄ʼ á ntē mmók meka, á mvhɔ mecɔʼ pīi, é epi Ndém, mbɔɔ á mvhɔ Mɔ́ Njʉnjhʉ.

Menjʉɔ te lí 16:19

Esī atsetsáʼ é cʉʼne épúp, mía mía tésɔŋ á kemɛ, ŋ́gāp nnɛ̄t nzhɛ tɛ́t, metésɔŋ elāʼ ntsem é pú ŋkēmɛ. Ndém á kímte á mía mía tésɔŋ Babilɔn, ŋ́gyá á yí á whi yīi, a á nték nnéŋ á ntē ndɔ̄ŋ, tɛ́ á nɔŋ efūʼu páʼ meluʼ lā, ŋ́gɛ a enú.