Lomɛŋ 2:7 - Eka Eswhī

⁷ A a láʼ eghʉ, epuɔ pīi pɔ́ kaāk ete, ŋ́ghʉ̄ menu mbɔŋ, ńdɔkɔ efāʼa ŋ́gɛ, a ekím lezēŋ tsɔ́p á mbɔŋɔ́, ńdɔkɔ efāʼa ŋ́gɛ, a ekɔ̄ŋte á wɔ́p, ńdɔkɔ efāʼa á legɔ̄ le fú ŋkwhʉ́, ŋ́kó ŋkwhʉ́ ɛ́, e etā á lezēŋ yí.

Lomɛŋ 2:7 Iomraidhean Croise

Matío 25:46

Epuɔ puɔ mɛ́t, e egʉ̄ɔ mé alāʼ ŋgʉɔ̄ʼ te mi. Wɔ júʼ‑nchu Ndém, e egʉ̄ɔ mé lezēŋ Ndém, pɔ́ a pɔ́p mé ecʉ́ʼɛ mbúu nnáŋa. »

Lúkási 21:19

Pɛ ekāk ete, tɛ́ ndáʼ ŋgɔ́ éwú. »

Lúkási 8:15

Emɔ̄ʼ epuɔ é piŋ ŋkó ŋ́gɔ́ páʼ ajʉʼ atsáʼ mbɔŋ zīi, ashuŋne mɛ́t á whʉ éwú lā, pɔ́ juúʼ ashuŋne Ndém, ńdɔ̄k ntē mbɔŋ ntswí, ŋ́kúʼte á mbɔŋɔ́, ŋ́gɔ́ ndeŋ ndeŋ, éfhó ánɛ lekak ete, ánɛ mɛnzhɛ Ndém, ńzém ntá. »

Jáaŋ 4:36

Efaʼ‑etsō, a á ndáʼ nzī á letswī ntsɔʼɔ́ afaʼ yí, a á si ndāka etsō, ńtáŋa á lezēŋ Ndém. Púp, mbhi‑etsō pɔ́ efaʼa, é si mbúu ŋkáka.

Jáaŋ 5:44

Pɛ ghʉʉ̄ mekuʼ á nnɔ pɛ nzeŋne zeŋné, á pɔŋ á wɛ́ tɛʼ, ńnɔŋ te efāʼa á leghʉ ajū mīi, Ndém ndaʼ a gɔ elɔ̄ɔk ŋgyá mekuʼ mɛ́ ɛ́. Pɛ gɔ epīiŋ ŋgāa, éfɛ́ nnɛ̄t ŋgyá á mbū meŋ ŋ̄?

Lomɛŋ 2:10

Ŋ́ké mbiŋ ŋgɔ́ mé awíɛ yīi, a á si ŋghʉ̄ɛ á mbɔŋɔ́, á kɔŋte á yí, ŋ́kím lezēŋ tsí á mbɔŋɔ́, ŋ́ghʉ̄ á náŋ mé apwɛne. Nzī ánɛ epuɔ Yúda, ḿbáte epuɔ Glɛk.

Lomɛŋ 6:23

Á épúp, ntsɔʼɔ́‑afaʼ mefa, é si ŋgɔ́ á lewhʉ̄. Ajū mīi Ndém a piŋɛ ŋgyáa á mbū epuɔ menɔŋ ndémndēm, á gɔ́ á lezāpa ánɛ Yɛɛ́so Klísto Atsyapuɔ yímpɛ, ńtā á lezēŋ yí.

Lomɛŋ 8:18

Meŋ á si nzhɛ́ɛ á légɛ, ŋgʉɔ̄ʼ zīi, ḿpɛ é tsetsɔŋɔ njʉ́ɔ, e puú te azō ɔ́. Mɛ́ gɔ le lɔ̄k ŋgʉɔ̄ʼ mɛ́t, ḿbɛ́ efʉʼ ánɛ lewūʼ tsīi, Ndém a a shʉʼ eyá á mbū pímpɛ ɛ́.

Lomɛŋ 9:23

A le gē eghʉ épúp, ńzéŋ nnɔŋ ŋkɔ̄ŋɔ ŋ́gɛ, mɛ́ ezhɛ́ páʼ lewūʼ tsí é faáŋ épúp, ánɛ epuɔ pīi, é páʼ meŋgwʉ́ŋ mīi, a wɛɛ̄ atsāmezeŋɛ ánɛ pɔ́p lā. A le té njhʉ̄ ŋyɛ̄tte meŋgwʉ́ŋ mɛ́t, ŋ́gɛ pɔ́ eláʼ ŋkó á ntē lewūʼ tsí.

1 Kɔlɛŋte 15:42

A láʼ ezéŋ egɔ́ ndeŋ ndeŋ épúp, á afʉʼ zīi mepfhō é zímɛ ánɛ lewhʉ̄. Apfhō ŋiŋ zīi mɛ́ é túŋ, á koó á ntē esī, ńdʉ́. Ḿbiŋ nzím ánɛ lewhʉ̄ páʼā, á té fú nzéŋ ndʉ́ ʉ́.

1 Kɔlɛŋte 15:50

Epɔ̄ memía, anu zīi meŋ ndɔkɔ ndʉ́ɛ́ a a jʉɔ. Mbe nnɛ̄t páʼ e é si ŋgɔ́ mbap pɔ́ metshi lā, e gɔ le náŋ á ajʉʼ zīi, Ndém a naáŋ éwú esáʼa epuɔ ɔ́. Ajū mīi á gɔ ekwhʉ́, pɔ́ azi á naáŋ á lemiʼɛ, á gɔ le púte ajʉʼ nnáŋ á.

1 Kɔlɛŋte 15:58

Púp me mepɔŋ mesoó pá, pɛ etswīʼne efók ŋkwɛ, ńdɛ̄tne ánɛ Klísto, amɔ̄ʼ azō á le pú efāŋne á wɛ́ ɛ́, pɛ etswiʼne ŋghʉ̄ mefaʼ Atsyapuɔ Ndém, ńdɔk ŋgʉ̄ɔ mé mvhɔ. Ńnɔŋ nzhɛ́ɛ á légɛ, ŋgʉɔ̄ʼ zīi pɛ jʉ́ɔ á nzem Atsyapuɔ, e te e láʼ etó ndémndēm ɛ́.

Galat 6:9

Ndɛ́ʼ ḿpɛ eká á yímpɛ, á leghʉ anu mbɔŋ. Ḿpɛ nɔŋ ŋghʉ̄ɛ anu mbɔŋ ndɔkɔ ŋgʉ̄ɔ mé mvhɔ, mbɔ afʉʼ a fú ekuʼe, Ndém a eghʉ̄, ḿpɛ ekáp ntá mbɔŋ.

Efɛze 6:24

Ŋ́gɛ Ndém a elɛ ŋghʉ̄ anu mbɔŋ té ndhʉ, ánɛ epuɔ metsem pīi, pɔ́ kɔɔ̄ŋ Atsyapuɔ yímpɛ Yɛɛ́so Klísto, mé ŋkɔŋne zīi, e te ndáʼa mmī í.

Kɔlɔs 1:27

Ndém a ke kɔ̄ŋ á leghʉ, pɔ́ zhɛ́ ntsem mɛ́t. Ńzhɛ́ páʼ, nzwiŋ ntsem mɛ́t, é teē épúp. Ńzhɛ́ lewūʼ tsīi é ánɛ ntsem mɛ́t. Ńzhɛ́ épúp, á tsetsɛlɛ epuɔ pīi, é té epuɔ Yúda á. Ntsem mɛ́t é gɔ́ lɛ: Klísto a á tsetsɛlɛ pɛ, yí mé zéŋ nnɔ̄ŋ ŋghʉ̄ɛ, pɛ ekúʼtɛ á légɛ, pɛ e fú ekó á ntē lewūʼ Ndém.

1 Timotɛ 1:17

Awuʼte pɔ́ mekuʼ, e egɔ́ á mbū Ndém yīi, a á eséŋɛ lɛ́, ŋ́gɔ́ áa efɔ, á mbū Ndém te kwhʉ́, á te jʉ́ɔ‑eshhʉ̄ yí, á Ndém yīi a á yíléyī. A egɔ́ épúp á meŋguʼ meŋguʼ. Á páʼa.

2 Timotɛ 1:10

Tsetsɔŋɔ, Ndém a á ké mbiŋ ntswī á yímpɛ apɔŋɔ́ ntē te ndhʉ mɛ́t, éfhó ánɛ páʼ, Ŋghʉɛ‑mɛ́‑tswɛ́t yímpɛ, á Yɛɛ́so Klísto, a le shʉ̄ʼ á ŋgɔŋ tɛ mɛ́ jʉ́ɔ á yí. Ŋghʉɛ‑mɛ́‑tswɛ́t wuɔ mɛ́t, mé le tē ntsyā á lewhʉ̄, ńtswī á yímpɛ á légɛ, ŋiŋ a kúʼtɛ ŋke mbɔŋ, mbɔ a a fú eta á lezēŋ Ndém, a á le zéŋ ŋkwhʉ́ ɛ́.

Eble 2:7

O le shʉ̄ʼ ánɛ páʼ mecɔʼ Ndém é épúp, ńnáʼ esóʼne á yí mé esī, ánɛ méŋ afʉʼ, ńchʉ́ á yí, ŋ́ghʉ̄ ŋ́gɛ, mɛ́ eyá mekuʼ mí.

Eble 6:12

Púp, ndɛ́ʼ pɛ eká, á cʉ́ʼɛ épúp, pɛ efʉ̄ʼne epuɔ pīi, pɔ́ le fɛ́ nnɛ̄t ŋgyá á mbū Ndém, ŋ́kāk ete, Ndém á yá á wɔ́p ajū mīi, a le laʼnē á mbū pɔ́p.

Eble 6:15

Ablaham á júʼ épúp, ŋ́kwɛ́t ntē nnáŋ. Ndém á láʼ ŋgyá ajū mīi, a le laʼnēē, á mbū yí.

1 Jáaŋ 2:25

Pɛ eké njʉ́ɔ ajū mīi, Klísto a le laʼnē á mbū pímpɛ: á lefū ntā á lezēŋ Ndém.