Lomɛŋ 2:6 - Eka Eswhī

⁶ A láʼ egɔ́ aleʼé mɛ́t, «a efhó ánɛ ŋghʉʉ́‑anu awíɛ awíɛ, ńzápa azí anu, á alá apū yí. »

Lomɛŋ 2:6 Iomraidhean Croise

Matío 16:27

Pɛ ezhɛ́ á légɛ, Méŋ‑Ŋiŋnɔŋ a a láʼ epiŋ nzem pɔ́ a mecɔʼ Ndém, á ntē shʉ́shɔ́k Mɔʼɔ́ yi, éfhó ánɛ meziŋɛ́ awíɛ awíɛ, tɛ́ eyá ntsɔʼɔ́ afaʼ yí.

Lomɛŋ 14:22

Kúʼte anu zīi o ó si nzhɛ́ɛ ánɛ anu jʉɔ mɛ́t á ntē wu, pɛ Ndém mé ezhɛ́. Eshhʉ̄ mbɔŋ a á si ŋgɔ́ á ŋiŋ yīi, ntē yí é té si ŋŋāka á yí, ánɛ anu zīi, a á sáŋ tɛ njʉ́ɔ ŋ́gɛ, á mbɔŋ á leghʉ ɛ́.

1 Kɔlɛŋte 3:8

Ŋiŋ yīi a phiɛ, pɔ́ ŋiŋ yīi a pfɛttɛ, é gɔ́ áa taʼ azō. Ndém a á ké eláʼ efhó áa ánɛ páʼ awíɛ, a á ghʉ azí afaʼ épúp, tɛ́ eyá eyí ntaŋá.

1 Kɔlɛŋte 4:5

Ńdɔkɔ ŋ́gɛ, ndɛ́ʼ pɛ efāaʼ á lezhɛ̄, kɛ ŋiŋ a á ghʉ á mbɔŋɔ́ kɛ ŋgáŋ lɛ́ ɛ. Pɛ ezwíʼte, afʉʼ a eláʼ ŋkūʼ. Pɛ ezwíʼte tɛ Atsyapuɔ a eláʼ mbīŋ nzem. Á láʼ aleʼé mɛ́t, a ekɛ̄ʼɛ á akʉ̄ɛ akʉ̄ɛ zīi, á tsetsɔŋɔ ŋgɔ́ ndʉɔne lʉɔne á ntē amɔ nzém. Ajū mīi epuɔ é lʉɔ̄ á ntē pɔ́p, a epú nzéŋ ŋ́ghʉ̄, mɛ́ ezhɛ́. Púp, Ndém a efhó ánɛ afaʼ awíɛ awíɛ, tɛ́ ŋgūʼte á yí.

2 Kɔlɛŋte 11:15

Á pú te á nte azō á mbū epuɔ puɔ mɛ́t, á lepɔp epuɔ ŋ́gɛ, pɔ́ é megaŋ afaʼ kwaʼ Ndém ɛ́. Pɔ́ e ké eláʼ ewɛ ntsɔʼɔ́‑afaʼ wɔ́p, e egɔ́ ndeŋ ndeŋ páʼ mefaʼ mɔ́p.

2 Kɔlɛŋte 5:10

melaʼ mīi, ḿpɛ metsem, e láʼ etshí á mvhɔ Klísto, a ezáʼ ntsaŋ zímpɛ. Éfhó ánɛ mefaʼ mīi, awíɛ awíɛ a le zɛ́t á esī atsetsáʼ ega, ŋ́ghʉ̄ɛ, kɛ emi mbɔŋ lɛ̄ɛ, kɛ emi tepɔŋ lɛ̄ɛ, ńzápa azí anu á alá apū yí.

2 Timotɛ 4:14

Alɛkzaŋdle, á tɛ‑ala, a ke zá esɔ̄ ánɛ meŋ tɛʼ. Atsyapuɔ mé e láʼ etsɔ́ʼ afaʼ zīi, a ke ghʉ̄ʉ̄.

Menjʉɔ te lí 2:23

Meŋ a shʉʼ eghʉʉ, ewɔŋkhʉ̄ pí e ekwhʉ́te, púp melúŋ epuɔ Yɛɛ́so ntsem e ezhɛ́ á légɛ, meŋ á si ŋgɔ́ á ŋiŋ yīi, a zhɛɛ́ ajū mīi, ŋiŋ a á ntē yí ŋkwāŋtɛ, ńzhɛ́ azi ŋiŋ a á si ntsáa. Meŋ a shʉʼ efhó ánɛ mefaʼ awiɛ́ awiɛ́ á nnɔ pɛ, tɛ́ ezápa azí anu á alá apū yí.

Menjʉɔ te lí 20:12

Meŋ zéŋ njʉ́ɔ epuɔ pīi, pɔ́ lē ŋkwʉ́te, mémía epuɔ mbɔɔ epuɔ pīi é mɛɛ̄ emɛ ŋgɔ́, pɔ́ tshíte á ajʉʼ, á mvhɔ akɔʼ lefɔ mɛ́t, ńjʉ́ɔ mɛ́ ŋáʼa membúʼ aŋwaʼne. Ńzéŋ jʉ́ɔ mɛ́ ŋáʼa mmɔʼ lepúʼ aŋwaʼne, é gɔ́ etsi, mɛ́ le tí nzēŋ epuɔ pīi, pɔ́ wɛɛ̄ lenāŋ leswhī éwú. Mɛ́ fhó ánɛ mefaʼ awíɛ awíɛ mīi, a le ghʉ̄ʉ̄, mɛ́ tí á ntē meŋwaʼne, tɛ́ nzáʼ ntsaŋ zi.

Menjʉɔ te lí 22:12

Yɛɛ́so, a á si ŋké ndʉ́ɛ́ ŋ́gɛ: «Awuɔ yīi meŋ cʉʼɛ́ eshʉʼ shʉʼe lāa. Ége eshʉʼ épúp, éwɛ ntaŋá, éfhó ánɛ afaʼ awiɛ́ awiɛ́, tɛ́ e yá eyí.