Lomɛŋ 2:5 - Eka Eswhī

⁵ O ké mbiŋ ŋgɔ́ si ntʉ̄ɛ̄ athū, ńnɔŋ te mvéŋɛ á lekūmne ntē wú ú. Ŋ́ghʉ̄ɛ épúp páʼā, ńdɔkɔ ntɔ́ŋɔ á mía mía azāŋalɔ́ŋ Ndém ánɛ wu, ánɛ aleʼé zīi, a lɔkɔ á kwaʼ ndeŋ ndeŋ, ńzáʼa ntsaŋ zɔp a epuɔ menɔŋ, ńtswīi azāŋalɔ́ŋ zí.

Lomɛŋ 2:5 Iomraidhean Croise

Lomɛŋ 1:18

Ndém a fhoó á lephū, ńtswī á légɛ, yí zaáŋ á lɔ́ŋ á mbū megaŋ atʉɛ́‑athū metsem. Ńzáŋ á lɔ́ŋ ánɛ anu tepɔŋ ntsem zīi, epuɔ menɔŋ é ghʉɛ, épuɔ pīi é lɔɔ̄k anu tepɔŋ, ŋ́kápte á anuúnē.

Lomɛŋ 11:25

Epɔ̄ memía, meŋ á si ŋkɔ̄ŋɔ ŋ́gɛ, pɛ ezhɛ́ ajū mīi, Ndém a le lʉ̄ɔ̄, tɛ́ a etsīa épúp, pɛ é le pfēŋ á kíkhí ŋ́gɛ, pɛ é si ŋgɔ́ megaŋ azhɛ̄‑anu ú. Azō mɛ́t á lɛ: apak epuɔ Islaɛl pīi, pɔ́ é si ntʉ̄ɛ̄ athū á mbū Ndém lā, pɔ́ e láʼ ete á athū tee, tɛ Ndém a eghʉ̄, epuɔ metsem pīi a le tsɔ́ʼē, é gɔ́ te epuɔ Islaɛl ɛ́, e etswɛ́t.

Lomɛŋ 9:22

Ndém a le nɔ̄ŋ ŋkɔŋɔ á letswi azāŋalɔ́ŋ zí, ńnɔŋ ŋkɔ̄ŋɔ á leghʉ mɛ́ zhɛ́ mete mí, ŋ́ké esēk, ŋ́kwɛ́t ntē ánɛ epuɔ pīi, pɔ́ é páʼ meŋgwʉ́ŋ mīi, a ke gɔ́ á záŋ á lɔ́ŋ ánɛ pɔ́p, tɛ ŋghʉ̄ pɔ́ láʼ ndákne.

2 Kɔlɛŋte 5:10

melaʼ mīi, ḿpɛ metsem, e láʼ etshí á mvhɔ Klísto, a ezáʼ ntsaŋ zímpɛ. Éfhó ánɛ mefaʼ mīi, awíɛ awíɛ a le zɛ́t á esī atsetsáʼ ega, ŋ́ghʉ̄ɛ, kɛ emi mbɔŋ lɛ̄ɛ, kɛ emi tepɔŋ lɛ̄ɛ, ńzápa azí anu á alá apū yí.

2 Tesalonik 1:5

Wɛ́ á lekak ete mbɔɔ wɛ́ lefɛ̄ nnɛ̄t, a á páʼā, ŋ́gɔ́ a ayiŋne á légɛ, Ndém a a fú ezáʼ ntsaŋ ndeŋ ndeŋ. Ŋgʉɔ̄ʼ zīi pɛ jʉ́ɔɔ, e é páʼā, ńdɔkɔ ntsɔ́ʼɔ á mɛnzhɛ á légɛ, pɛ kuūʼ á lekō á ntē Lefɔ Ndém. Pɛ jʉ́ɔɔ ŋgʉɔ̄ʼ páʼā, melaʼ etsiɛ́.

Eble 3:13

A cʉ́ʼɛ épúp, pɛ esēmte mennɛ̄t mɛ́ nzeŋne zeŋné eleʼé etsem, ḿbɔ́k mefa á letshōne á ŋiŋ á nnɔ pɛ, á te athū á mbū Ndém. Pɛ eghʉ̄ épúp eleʼé metsem, melaʼ mīi, tɛ ntshí tsetseŋɔ, ḿpɛ gɔ́ áa ánɛ ayáʼa, páʼ mɛ́ leé á ntē aŋwaʼne Ndém épúp.

Eble 3:15

Á gɔ́ páʼ aŋwaʼne Ndém á leé ŋ́gɛ: «Pɛ gɔ́ ŋké njúʼ anu zīi, Ndém a lʉ́ɛ́ ayáʼa, ndɛ́ʼ pɛ ezēŋne metuúŋ mɛ́, páʼ wɔ maŋgānjʉʼ pɛ́, é le ghʉ̄ épúp, áfʉʼ zīi pɔ́ le tē athū, á mbū Ndém. »

Eble 4:7

É melaʼ épúp tɛ́, Ndém a le zéŋ nnéŋ amɔ̄ʼ aleʼé leswhī leswhī, ńtɔ́ŋ lɛ, “ayáʼa”. Éshʉʼ nnáŋ tɛ ndɔ̄k nchu Efɔ Ndavít, ŋ́kím aleʼé mɛ́t ánɛ ajʉʼ aŋwaʼne zīi, mɛ́ ndáʼ ŋkím lā, ŋ́gɛ: «Pɛ gɔ́ ŋké njúʼ anu zīi, Ndém a lʉ́ɛ́, ayáʼa, ndɛ́ʼ pɛ ezēŋne metuúŋ mɛ́. »

Jáak 5:3

Avlɛká á si mbúu njhʉ́ɛ á gɔ́ɔl pɔ́ ŋkāp zɛ. Avlɛká mɛ́t á páʼa, ńdɔkɔ eshúŋɔ á wɛ́ anu zīi, a shʉʼ eghʉ á wɛ́. A shʉʼ ezéŋ ejhʉ́ mbe nnɛ̄t zɛ, tɛ e epú mbék, páʼ mmók é tɔɔ azō tɛ á pékɛ lā. Pɛ lē ncup lewūʼ á afʉʼ zīi, ŋgɔŋ e gɔ á mmiī.

2 Piɛ 2:9

Mɛ́ fhoó ánɛ anu jʉɔ mɛ́t, ńjʉ́ɔ páʼ Atsyapuɔ a kuūʼ á lefhō á ntē atapne, éfók á ŋiŋ yīi, a naáŋ ndeŋ ndeŋ, páʼ yí Ndém a á si ŋkɔ̄ŋɔ. Ńjʉ́ɔ páʼ a kuūʼ á yí á lekūʼte megaŋ mefa, ńdɔk nzwíʼte aleʼé zīi, a gʉɔ mé nzaáʼ ntsaŋ, étswá á wɔ́p ŋgʉɔ athʉ́ lepé.

2 Piɛ 3:7

Ŋ́gɔ́ mé lephū mbɔɔ mé esī atsetsáʼ zīi, e é tsetseŋɔ lāa, mbɔ ashuŋne Ndém mɛ́t a leé ŋ́gɛ, e e láʼ enáŋ tɛ eláʼ etshí aleʼé zīi, mmók é pík á wɔ́p. Ndém a a láʼ ekápte á wɔ́p, tɛ eláʼ etshí á aleʼé zīi, a záʼa ntsaŋ, ḿbíkɛ wɔ te jú‑nchu yí.

Zwide 1:6

Pɛ ezéŋ ŋkímte mecɔʼ Ndém pīi, pɔ́ lɛ te kɔ̄ŋ á letshī ánɛ ajʉʼ zīi, Ndém a le tshí á wɔ́p éwú ú, ŋ́kɔ̄ŋ á wɔ́p á lefhō ánɛ etsɔ́p lenaŋá, ŋ́gʉ̄ɔ. Ndém a lē mbú ntsēŋɛ á wɔ́p á lemiʼɛ, á ajʉʼ zīi, á seéŋ lɛ cʉʉ́ʉ́, ńdɔkɔ nzwíʼtɛ á mía aleʼé zīi, yí e gʉɔ mé nzaáʼ ntsaŋ.

Menjʉɔ te lí 2:21

Meŋ á yá á yí njhʉ̄ á lelɔk ŋgɔ̄ nnɛ̄t zi, ŋ́gwáʼ atswhī tepɔŋ zí, a piīŋ te si ŋkɔ̄ŋɔ á legɔ nnɛ̄t zi, ŋ́gwáʼ á yí á lezēŋ ŋghʉ̄ á agā á.

Menjʉɔ te lí 6:17

Pek lʉ́ɛ́ páʼa melaʼ mīi, mía aleʼé zīi, pɔ́ gɔ á nzáŋ lɔ́ŋ, a á ndáʼ ŋkūʼ. Awɔ́ a gɔ epīiŋ mvūʼu u?»