Lomɛŋ 2:4 - Eka Eswhī

⁴ O ghʉɛ épúp, á gɔ́ yīi, o lɔkɔ ŋgwáka á Ndém, tɛ́ á ké ŋgɔ́ á kwaʼ ŋiŋ mbɔŋ, ŋ́gɔ́ á ŋiŋ yīi a kwɛɛ́t ntē, a te gákne ntswá á ŋiŋ ŋgʉɔ athʉ́ lepé ɛ́. O ka zhɛ́ á légɛ, Ndém a á épúp páʼā, ńdɔkɔ ŋgyáa á wú meshhʉ̄ á legɔ nnɛ̄t ju, ŋ́gwáʼ á atswhī tepɔŋ jú lɛ̄?

Lomɛŋ 2:4 Iomraidhean Croise

Lomɛŋ 10:12

Púp, atɛʼte á té zɛ́t á tsetsɛlɛ epuɔ Yúda pɔ́ a epuɔ pīi, é té epuɔ Yúda á. Pɔ́ metsem é puú ŋgwɛ̄ á taʼ Atsyapuɔ, á pú ŋgyá etsō mbɔŋ á mbū epuɔ metsem pīi, pɔ́ é si eswíŋtɛ á yí.

Lomɛŋ 11:22

Jʉ́ɔ páʼ Ndém a á ŋgaŋ ntē mbɔŋ, ńzéŋ ŋgɔ́ á ŋiŋ, ŋ́kīa, ŋiŋ a te zíʼ. A tswaá ŋgʉɔ athʉ́ lepé, á athū epuɔ pīi, pɔ́ é fa nzhɛ. A á piŋ ŋghʉ̄ anu mbɔŋ ánɛ wu. Ńdaʼ ŋ́gɛ, o eké nnáŋ é efʉʼ metsem, ńzhɛ́ á légɛ, yí mé ghʉʉ̄ anu mbɔŋ ánɛ wu, tɛ ŋgɔ́ te épúp zhɛ́, mbɔ a a shʉʼ ezáʼ á wú ajú.

Lomɛŋ 11:33

Jʉ́ɔ páʼ apɔŋɔ́ ntē zīi, Ndém a wɛɛ̄ ánɛ epuɔ, á faáŋ épúp. Jʉ́ɔ páʼ azhɛ̄‑anu zí á faáŋ tɛʼ, a puú nzhɛ́ páʼ, ajūɔ tsem á ziīŋ épúp. Ŋiŋ a gɔ le zhɛ́ páʼ Ndém a zapaá menu épúp ɔ́. Ŋiŋ á le zhɛ́ páʼ memɛnzhɛ pí, é épúp ɔ́.

Lomɛŋ 3:25

Ndém a le véŋ ŋ́gɛ, a ekwhʉ́ ndɔk ésōk mefa ŋiŋ ntsem yīi, a á fɛ́ nnɛ̄t ŋgyá á mbū yí. Ndém a le ghʉ̄ épúp, ńdɔkɔ ntswīi páʼ yí gē etɔ́ŋ á ŋiŋ lɛ ŋiŋ ndeŋ ndeŋ, á ziŋ épúp. A lɛ efʉʼ mvhɔ páʼā, ńnáʼ ŋkʉ̄ŋɛ lezēk tsí ánɛ mefa epuɔ menɔŋ.

Lomɛŋ 6:1

Tɛ á páʼa, ḿpɛ lɔkɔ ndʉ́ɛ́ ŋ́gɛ akɔ̄? Ŋ́gɛ ḿpɛ etswiʼne nnáŋ á ntē mefa, ńdɔkɔ efāʼa ŋ́gɛ, Ndém a etswiʼne ŋgwɛ̄ apɔŋɔ́ ntē te ndhʉ ánɛ pímpɛ lɛ́?

Lomɛŋ 6:15

Tɛ á páʼa ndɔkɔ ndʉ́ɛ́ ŋ́gɛ akɔ̄? Ŋ́gɛ ḿpɛ eghʉ̄ mefa, melaʼ mīi ḿpɛ te zɛ́t nzīŋɛ ánɛ mɛnzhɛ lepé Mɔɔ́sɛ ɛ́ lɛ́? Melaʼ mīi ḿpɛ é si nzīŋɛ ánɛ mɛnzhɛ yīi, Ndém a a tsia éwú, étswi apɔŋɔ́ ntē te ndhʉ zí ánɛ pímpɛ lɛ́? Ŋgáŋ, á té épúp ɔ́.

2 Kɔlɛŋte 8:2

Ntií ntiī ŋgʉɔ̄ʼ e le shʉ̄ʼ ánɛ pɔ́p, táʼ, lekāk tsīi é ntē pɔ́p, é zá nzíʼ ndhʉ, pɔ́ tswi á légɛ, pɔ́ zhɛɛ́ á lewɛ azō, ŋ́gyá á ŋiŋ, tɛ mbɔɔ páʼ, pɔ́ é kwaʼ wɔ te kuʼ ánɛ azō.

Efɛze 1:18

Ŋ́gɛ a elɛ ndɔ̄k ŋkaʼ yí ŋkɛ̄ʼɛ ntē wɛ́, pɛ ecuŋte nzhɛ́ ajū mīi, a lɛɛ́ ntɔ́ŋɔ á wɛ́ páʼā, ŋ́gɔ̄ eyá mé pɛ, ńcuŋte nzhɛ́ páʼ, mía mía lewūʼ yīi, a yáa á mbū epuɔ pīi é lɛtneē ánɛ yí, a á épúp.

Efɛze 1:7

Méŋ yi mɛ́t a le lɔ̄k metshi mí, ńzó athū zímpɛ, ŋ́ghʉ̄, Ndém á fhó ánɛ mía apɔŋɔ́ ntē te ndhʉ zí, ńdēkne mefa mímpɛ.

Efɛze 2:4

Táʼ, atsāmezeŋɛ Ndém á te ndhʉ. Ŋkɔŋ zīi a wɛɛ̄ ánɛ pímpɛ, é faáŋ tɛʼ.

Efɛze 2:7

Ndém a le zapá ánɛ Yɛɛ́so Klísto, ńtswī apɔŋɔ́ ntē zí ánɛ pímpɛ, ńdɔkɔ ntwīi á mbū epuɔ, á meŋguʼ meŋguʼ ŋ́gɛ, yí é ŋiŋ té mmɔʼ, éyi a ghʉʉ̄ anu mbɔŋ té ndhʉ.

Efɛze 3:16

Ŋ́gɛ a elɛ efhó ánɛ te ndhʉ lewūʼ tsí, ńzápa ánɛ Azwakne zí, ŋ́gyá á wɛ́ mete, tɛ́ agega zɛ́ a elɔk nnáŋ efʉʼ metsem, ńtēte.

Efɛze 3:8

Meŋ yīi, meŋ gɔ́ áa kwaʼ nzoknzem, á nnɔ epuɔ Ndém metsem, Ndém a le ké nzápa ánɛ apɔŋɔ́ ntē te ndhʉ zīi, a wɛɛ̄ ánɛ meŋ, ŋ́ghʉ̄, meŋ egʉ̄ɔ eshúŋ epuɔ pīi, é té epuɔ Yúda á, léwūʼ tsīi, é ánɛ Klísto. Lewūʼ mɛ́t é te mi lewūʼ.

Fílíip 4:19

Ndém yīi meŋ ŋguʼtɛ, a wɛɛ̄ lewūʼ te ndhʉ. A a láʼ etsia á nzem Yɛɛ́so Klísto, éyá á wɛ́ ajūɔ tsem zīi, á mbū pɛ ŋkíŋɛ, té cʉ nzem.

Kɔlɔs 1:27

Ndém a ke kɔ̄ŋ á leghʉ, pɔ́ zhɛ́ ntsem mɛ́t. Ńzhɛ́ páʼ, nzwiŋ ntsem mɛ́t, é teē épúp. Ńzhɛ́ lewūʼ tsīi é ánɛ ntsem mɛ́t. Ńzhɛ́ épúp, á tsetsɛlɛ epuɔ pīi, é té epuɔ Yúda á. Ntsem mɛ́t é gɔ́ lɛ: Klísto a á tsetsɛlɛ pɛ, yí mé zéŋ nnɔ̄ŋ ŋghʉ̄ɛ, pɛ ekúʼtɛ á légɛ, pɛ e fú ekó á ntē lewūʼ Ndém.

Kɔlɔs 2:2

Meŋ tíi akɛtte jʉɔ páʼa, ńdɔkɔ esēmtɛ á wɛ́ metsem. Ńzéŋɛ ndɔkɔ efāʼa ŋ́gɛ, pɛ etswiʼne ŋkɔ̄ŋne mennɛ̄t mɛ́ nzeŋne zeŋné. Ŋ́gɛ Ndém a efhó ánɛ wɛ́ lejūʼ anu zí tɛ ntsékne, ŋ́kēm ephʉ wɛ́. Púp, pɛ elɔk ŋkūʼ á lejūʼ ntsem zi. Ntsem mɛ́t, é si ŋgɔ́ á Klísto méŋwɛ̄t.

1 Timotɛ 1:16

Táʼ, Ndém a le ké ntsá mezeŋɛ má, a lɛɛ́ ŋghʉɛ épúp páʼā, ŋ́gɛ Yɛɛ́so Klísto, a ezápa ánɛ meŋ, ŋgaŋ mefa té mmɔʼ, ńtswī á légɛ yí zhɛɛ́ á lekwɛ̄t ntē. Púp, meŋ ndɔk ŋgɔ́ efʉʼ á mbū epuɔ pīi, pɔ́ e shʉʼ efɛ́ nnɛ̄t eyá mé yí, éfú eta á lezēŋ Ndém.

1 Timotɛ 6:17

Éshʉ̄ʼ ánɛ epuɔ pīi, pɔ́ é megaŋ lewūʼ á ŋgɔŋ ega, tswi á mbū pɔ́p ŋ́gɛ, ndɛ́ʼ pɔ́ ŋia. Ŋ́gɛ ndɛ́ʼ pɔ́ tshí ntē wɔ́p ánɛ lewūʼ, melaʼ mīi é gɔ́ ezéŋ mmī. Ŋ́gɛ pɔ́ etshí ntē wɔ́p áa ánɛ Ndém. Yí mé yaá á yímpɛ etsō mbɔŋ tɛ nzáne, ŋ́gɛ e etswíte á yímpɛ.

1 Piɛ 3:20

Epuɔ puɔ mɛ́t, é si ŋgɔ́ epuɔ pīi, pɔ́ lɛ efʉʼ mvhɔ, ńtē athū á mbū Ndém. Afʉʼ zīi Noe a le kɔ́ akɛnūʼ, Ndém á nɔŋ nzwíʼtɛ té kyákte nnɛ̄t, ŋ́gɛ pɔ́ eshʉʼ ŋkó éwú, pɔ́ zɛ́t ntʉɛ athū tee. Emɔ̄ʼ ntaʼné epuɔ lefaá ndaʼ, mé kó á ntē akɛnūʼ. Ndém á ghʉ pɔ́ vuʼu ntshi.

2 Piɛ 1:11

A egɔ́ épúp, Ndém a eláʼ esá nzhɛ saá, pɛ elɔk ŋkó á ntē Lefɔ tsí. Léfɔ te mi Atsyapuɔ yímpɛ Yɛɛ́so Klísto Ŋghʉɛ‑mɛ́‑tswɛ́t.

2 Piɛ 3:15

Pɛ ecuŋte nzhɛ́ á mbɔŋɔ́ á légɛ, Atsyapuɔ a te ŋgáknɛ á leshʉʼ ɛ́ páʼā, ńdɔkɔ ŋgyáa eshhʉ̄ á mbū epuɔ, á lefū ntswɛ́t. Ánɛ ajʉɔ anu mɛ́t, mbɔ Ndém a le yá azhɛ̄‑anu á mbū méŋ mɔ́ yímpɛ Pɔ́ɔl, ŋ́gɔ́ á esoó yímpɛ, á lɔk ntí menu muɔ mɛ́t eshúŋ á wɛ́.

2 Piɛ 3:3

Pɛ eté njhʉ̄ nzhɛ́ á légɛ, a shʉʼ egɔ́ ánɛ mezoknzem eleʼé, emɔ̄ʼ epuɔ e eshʉ̄ʼ, ŋ́ghʉ̄ azɔ́p áa menu mīi, mbe zɔp e é si ntshónɛ á wɔ́p ŋ́gɛ pɔ́ eghʉ̄. Epuɔ puɔ mɛ́t e shʉʼ ezwi á wɛ́,

2 Piɛ 3:9

Atsyapuɔ a gɛ te nnáŋa á leghʉ, ajū mīi a le laʼnēē, á po ɔ́. Emɔ̄ʼ epuɔ é piŋ ŋkwāŋ ŋ́gɛ, a naáŋ á leghʉ. A gē eziŋ ménda páʼā, é gɔ́ áa melaʼ mɛ́, melaʼ mīi a te kɔ̄ŋ ŋ́gɛ, tsɔ taʼ ŋiŋ a efā nzhɛ ɛ́. A cʉ́ʼɛ épúp mbɔ, a kɔɔ̄ŋ ŋ́gɛ, ŋiŋ ntsem a ewɛ̄ njhʉ̄, á lelɔk ŋgɔ̄ nnɛ̄t zi, ŋ́gwáʼ atswhī tepɔŋ zí.

Menjʉɔ te lí 2:21

Meŋ á yá á yí njhʉ̄ á lelɔk ŋgɔ̄ nnɛ̄t zi, ŋ́gwáʼ atswhī tepɔŋ zí, a piīŋ te si ŋkɔ̄ŋɔ á legɔ nnɛ̄t zi, ŋ́gwáʼ á yí á lezēŋ ŋghʉ̄ á agā á.

Menjʉɔ te lí 3:20

Awuɔ yīi meŋ tshií á nchu ŋgyā ŋkwáʼtɛ la, ŋiŋ a júʼɔ ŋghi za, ńtsɔ́ʼ nchu ŋgyā, mbɔ meŋ a kó á ŋgyā, pek yí e epúte etsō mpfɛ́t, a egɔ́ mé meŋ, meŋ egɔ́ mé yí.