Lomɛŋ 2:29 - Eka Eswhī

²⁹ mɛ́ fhoó áa ánɛ ajū mīi, mɛ́ té si ndɔ̄kɔ menēk njʉ́ɔ ɔ́, tɛ́ nzhɛ́ á kwaʼ ŋiŋ Yúda. Kwaʼ letēm ŋiŋ, á gɔ áa ntē yí, ŋ́gɔ eyi Azwakne Ndém mé ghʉ̄ʉ. A te fhó ánɛ páʼ ŋgaŋ á kuʼteé lepé ɛ́. Kwaʼ ŋiŋ Yúda mɛ́t, ŋiŋnɔŋ mé té á yí kɔŋte, Ndém mé kɔŋteé á yí.

Lomɛŋ 2:29 Iomraidhean Croise

Lúkási 11:39

Yɛɛ́so á lé á mbū yí ŋ́gɛ: «Pɛ epuɔ Falísia, pɛ ejʉ́ɔ. Pɛ zhɛɛ́ á lecuŋte esōk mekwáŋ kwáŋ pɛ́, pɔ́ ndɔ̄ŋ meluʼ zɛ, páʼ lepé é si nzɛ́ttɛ. Táʼ, ḿbiŋ te zhɛ́ á lesok ntē wɛ́ ɛ́, nzi lejʉ pɔ́ ekwaŋte tepɔŋ ntií ntiī, é gɔ́ éwú tɛ ndó.

Lúkási 17:21

Mɛ́ té shʉʼ eghíte ŋ́gɛ, Ndém a á zi á lesāʼ lefɔ tsí ega kɛ́ egʉ ʉ́. Pɛ ezhɛ́ á mbɔŋɔ́ á légɛ, Ndém a á ndáʼ ŋgɔ́ si esáʼa lefɔ tsí á nnɔ pɛ. »

Jáaŋ 12:43

Pɔ́ le nɔ̄ŋ ŋkɔŋɔ ŋ́gɛ, epuɔ menɔŋ e ewūʼte á wɔ́p, ńtsyā á légɛ, Ndém mé ekɔ̄ŋte á wɔ́p.

Jáaŋ 4:23

Táʼ, afʉʼ á si eshʉ̄ʼɛ, tɛ mbɔ á nzi ndáʼ ŋ́kūʼ, ázi kwaʼ wɔ wuʼte‑Ndém Mɔʼɔ́, é ge ewuʼte á yí, Azwakne Ndém mé etshóne á wɔ́p, pɔ́ ewūʼte á yí, páʼ mɛ́ pɔŋteé á lewuʼte á yí épúp. É si ŋgɔ́ á kwaʼ wɔ wuʼte‑Ndém Mɔʼɔ́ pīi, a á si ŋkɔ̄ŋɔ.

Jáaŋ 5:44

Pɛ ghʉʉ̄ mekuʼ á nnɔ pɛ nzeŋne zeŋné, á pɔŋ á wɛ́ tɛʼ, ńnɔŋ te efāʼa á leghʉ ajū mīi, Ndém ndaʼ a gɔ elɔ̄ɔk ŋgyá mekuʼ mɛ́ ɛ́. Pɛ gɔ epīiŋ ŋgāa, éfɛ́ nnɛ̄t ŋgyá á mbū meŋ ŋ̄?

Lomɛŋ 14:17

melaʼ mīi, Lefɔ Ndém é té si ŋgɔ́ anu etsō lejhʉ̄ pɔ́ anu meluʼ ɔ́. É si ŋgɔ́ á lecʉ̄ʼ, Azwakne Ndém á ghʉ, mɛ́ lɔk á ndeŋ ndeŋ nnáŋ, ńnáŋ mé apwɛne, ńnáŋ mé lekāk.

Lomɛŋ 2:27

Púp, ŋiŋ yīi mɛ́ é si ndɔ̄kɔ menēk njʉ́ɔ, mbɔ mɛ́ la á yí tém ɛ́, á piŋ nnɔ̄ŋ ŋkúʼtɛ lepé Mɔɔ́sɛ, a a shʉʼ mmaʼ esē á athū wu yīi, mɛ́ lē ntém á wú, o nɔŋ nzhɛ́ɛ lepé, ḿbiŋ nnɔ̄ŋ te nzīŋɛ páʼ lepé mɛ́t, é si nzɛ́tɛ ɛ́.

Lomɛŋ 3:1

Tɛ á piŋɛ ŋgɔ́ épúp, mbɔ ŋiŋ a gɔ ezɛ́te ŋ́gɛ, ŋiŋ Yúda a jhʉʉ́ apɛ akɔ̄, ńtɔ́k á ŋiŋ yīi, a te ŋiŋ Yúda á? Ŋ́gɛ letēm ŋiŋ, á tswiteé ánɛ akɔ̄?

Lomɛŋ 7:6

Á piīŋ ŋgɔ́ tsetsɔŋɔ, mbɔ Ndém a lē ŋghʉ, ḿpɛ kwhʉ́ ánɛ ajū mīi, á lɛ́ ndɔkɔ á yímpɛ ŋghʉ̄ɛ epuʼ. Lepé é té zɛ́t ŋkúʼte á yímpɛ ɛ́, tɛ ŋgɔ́ yīi, ḿpɛ gɔ eghʉ̄ʉ afaʼ á mbū Ndém, ánɛ ntií eswhī, Azwakne Ndém mé nɔŋ esáʼa á yímpɛ. Ḿpɛ é le zéŋ ŋghʉ̄ afaʼ, ánɛ ntií zīi, lepé Mɔɔ́sɛ é lɛɛ́ ntshónɛ á yímpɛ, ḿpɛ ghʉ̄ɛ ɛ́.

1 Kɔlɛŋte 4:5

Ńdɔkɔ ŋ́gɛ, ndɛ́ʼ pɛ efāaʼ á lezhɛ̄, kɛ ŋiŋ a á ghʉ á mbɔŋɔ́ kɛ ŋgáŋ lɛ́ ɛ. Pɛ ezwíʼte, afʉʼ a eláʼ ŋkūʼ. Pɛ ezwíʼte tɛ Atsyapuɔ a eláʼ mbīŋ nzem. Á láʼ aleʼé mɛ́t, a ekɛ̄ʼɛ á akʉ̄ɛ akʉ̄ɛ zīi, á tsetsɔŋɔ ŋgɔ́ ndʉɔne lʉɔne á ntē amɔ nzém. Ajū mīi epuɔ é lʉɔ̄ á ntē pɔ́p, a epú nzéŋ ŋ́ghʉ̄, mɛ́ ezhɛ́. Púp, Ndém a efhó ánɛ afaʼ awíɛ awíɛ, tɛ́ ŋgūʼte á yí.

1 Kɔlɛŋte 7:19

A gɔ́ éyi mɛ́ lé tém á ŋiŋ lo, ŋ́gɔ́ éyi mɛ́ la á yí témɛ lo, mbɔ á te amɔ̄ʼ azō ɔ́. Mía azō á gɔ́ áa leziŋ, páʼ mbé Ndém é si ndʉ́ɛ́ épúp.

2 Kɔlɛŋte 10:18

Ŋiŋ yí méŋwɛ̄t é tswiī ajū mīi, yí é aziɛ́ páʼā, Atsyapuɔ a te á yí véŋ. A veéŋ áa ŋiŋ yīi, yí Atsyapuɔ mé tswiī ajū mīi, ŋgaŋ a á aziɛ́.

2 Kɔlɛŋte 3:6

Yí mé le ghʉ̄ʉ̄, pek kūuʼ á legɔ̄ megaŋ afaʼ á ntē eka eswhī. Eka eswhī mɛ́t é té si ŋgɔ́ lepé, tɛ mɛ́ tí tií í, é fhɔ́ɔ áa mbū Azwakne Ndém. Lepé tsīi mɛ́ le tíī, é ghʉʉ̄, ŋiŋ á pí pií. Azwakne Ndém á piŋ ŋghʉ̄, mɛ́ gɔ́ éwú.

Fílíip 3:3

Ḿpɛ mé kwaʼ epuɔ pīi, mɛ́ lé tém á wɔ́p. Ḿpɛ mé si ŋgē ewuʼtɛ á Ndém, Azwakne zí mé tshónɛ á yímpɛ. Ḿpɛ é si ndɔ̄kɔ á Yɛɛ́so Klísto tɛ́ ŋkāʼtɛ. Ḿpɛ gɔ le lɔ̄k ajū mīi, epuɔ menɔŋ mé le zapáā, tɛ́ ŋkāʼtɛ ɛ́.

1 Tesalonik 2:4

Ŋgáŋ, Ndém a le zwíʼ á wék tɛ njʉ́ɔ, tɛ́ ntsékne ŋke mɛ́t á mbū pek. Pek é si ntswīi páʼ á zɛ́tte épúp. Pek te si ŋghʉ̄ɛ ajū mīi, a pɔŋ epuɔ menɔŋ ɔ́. Pek é si ŋghʉ̄ɛ áa azi, a pɔŋ á Ndém. Ndém mɛ́t, a zhɛɛ́ ajū mīi, á mentē pek.

1 Piɛ 3:4

Pɛ egē etswiŋ nnɛ̄t zɛ, a egɔ́ páʼ ntē wɛ́ é épúp. Ajū mīi á teē nzwiŋ á mbū Ndém, á si ŋgɔ́ á letswiŋ nnɛ̄t mé atswhī mbɔŋ zīi, á fhɔ́ɔ á atá ntē, ntií atswhī mɛ́t e gɔ le pék. Á ghʉʉ̄, ŋiŋ á pwɛ́ne nnáŋ té ŋak.