Lomɛŋ 2:27 - Eka Eswhī

²⁷ Púp, ŋiŋ yīi mɛ́ é si ndɔ̄kɔ menēk njʉ́ɔ, mbɔ mɛ́ la á yí tém ɛ́, á piŋ nnɔ̄ŋ ŋkúʼtɛ lepé Mɔɔ́sɛ, a a shʉʼ mmaʼ esē á athū wu yīi, mɛ́ lē ntém á wú, o nɔŋ nzhɛ́ɛ lepé, ḿbiŋ nnɔ̄ŋ te nzīŋɛ páʼ lepé mɛ́t, é si nzɛ́tɛ ɛ́.

Lomɛŋ 2:27 Iomraidhean Croise

Matío 3:15

Tɛ́ Yɛɛ́so á tsɔ́ʼ á mbū yí ŋ́gɛ: «Véŋ ŋ́gɛ, a egɔ́ épúp tsetsɔŋɔ. O o ghʉ épúp, tɛ́ pɔkɔ elɔk ŋghʉ̄, anu tsem zīi Ndém a le léē, a ezīŋ ndeŋ ndeŋ. » Jáaŋ á lɛ mvéŋ.

Mefaʼ Meziŋ-ntō 13:22

Ndém á sóʼne á yí ánɛ akɔʼ lefɔ, ŋ́kɔ́ʼne á Ndavít nnáŋ éwú, á cʉ́ʼ á efɔ wɔp. Ndém a le lé ánɛ Ndavít wuɔ mɛ́t ŋ́gɛ: “Meŋ á jʉ́ɔ ŋ́gɛ Ndavít méŋ Jese, a á si ŋgɔ́ ntií ŋiŋ zīi, ntē gá é si ŋkɔ̄ŋɔ. A a shʉʼ eghʉ ajūɔ tsem zīi, meŋ mé tswi.”

Lomɛŋ 13:10

Ŋiŋ a lɔɔ̄k ŋkɔŋne nnáŋ páʼā, ŋ́gɔ́ yīi, á gɔ le ghʉ̄ á anu tepɔŋ ánɛ ŋiŋ ɛ́. Lenāŋ mé ŋkɔŋne á páʼā, ńdɔk ŋgɔ́ á lekūʼte lepé Ndém tɛ ntsékne.

Lomɛŋ 2:15

Pɔ́ é páʼā, ńdɔkɔ ntswīi á légɛ, mɛnzhɛ yīi, lepé é si ŋkɔ̄ŋɔ ŋ́gɛ mɛ́ ezīŋ éwú, a á ŋkia kia á ntē pɔ́p. Ntē wɔ́p é zéŋ nnɔ̄ŋ eshúŋɔ á wɔ́p épúp. Akwaŋte zɔ́p á lɔk á legɔ̄ amɔ̄ʼ afʉʼ, ŋ́ŋāk á wɔ́p, mbɔɔ á legɔ̄ mmɔʼ afʉʼ, ńtɔ́k nzem zɔp, ńzéŋ ŋghʉ̄ pɔ́ zhɛ́ épúp.

Lomɛŋ 2:20

ŋ́gɔ á nziʼnɛ epuɔ pīi, é zɛɛ́t te wɛ leghi, ŋ́gɔ á nziʼnɛ wɔ te tswhi nzhɛ́ azō. O ó si njʉ́ɔ ŋ́gɛ, o ó épúp melaʼ mīi, o ó si njʉ́ɔ lepé Mɔɔ́sɛ, páʼ mɛgém anu á lelɔk nzhɛ́ azō, mbɔɔ lelɔk ŋgwɛ̄ anuúnē.

Lomɛŋ 2:25

O kúʼtɛ lepé Mɔɔ́sɛ, mbɔ legɔ̄ yīi mɛ́ le tém á wú, a a tswíte á wú. Ḿbiŋ te lepé mɛ́t kúʼte, á cʉ́ʼɛ ŋgɔ́ɔ áa páʼ, mɛ́ zi la á wú tém ɛ́ lā.

Lomɛŋ 2:26

A piŋɛ ŋgɔ́ éyi, ŋiŋ yīi mɛ́ la á yí tém ɛ́, a á si nzīŋɛ páʼ lepé Mɔɔ́sɛ é zɛteé épúp, mbɔ Ndém a te e tɔ́ŋ á yí lɛ, ŋiŋ yīi mɛ́ lē ntém á yí lɛ̄?

Lomɛŋ 2:29

mɛ́ fhoó áa ánɛ ajū mīi, mɛ́ té si ndɔ̄kɔ menēk njʉ́ɔ ɔ́, tɛ́ nzhɛ́ á kwaʼ ŋiŋ Yúda. Kwaʼ letēm ŋiŋ, á gɔ áa ntē yí, ŋ́gɔ eyi Azwakne Ndém mé ghʉ̄ʉ. A te fhó ánɛ páʼ ŋgaŋ á kuʼteé lepé ɛ́. Kwaʼ ŋiŋ Yúda mɛ́t, ŋiŋnɔŋ mé té á yí kɔŋte, Ndém mé kɔŋteé á yí.

Lomɛŋ 3:30

Á épúp melaʼ mīi, taʼ Ndém mé éwú. Yí mé e láʼ ezápa ánɛ lefɛ̄ nnɛ̄t epuɔ pīi, mɛ́ lé tém á wɔ́p, mbɔɔ epi mɛ́ la á wɔ́p tém ɛ́, étɔ́ŋ á wɔ́p lɛ epuɔ ndeŋ ndeŋ.

Lomɛŋ 8:4

A lɛɛ́ ŋghʉɛ épúp, ńdɔkɔ ŋ́gɛ, ḿpɛ ekūʼ á leziŋ páʼ lepé é si nzɛ́ttɛ. Á yímpɛ pīi, ḿpɛ te zɛ́t nnáŋa páʼ mbe nnɛ̄t zímpɛ é si ntshónɛ á yímpɛ ŋ́gɛ, ḿpɛ enáŋ épúp ɔ́, ńcʉ́ʼɛ ńnáŋa áa páʼ, Azwakne Ndém á kɔɔ̄ŋ épúp.

1 Kɔlɛŋte 7:19

A gɔ́ éyi mɛ́ lé tém á ŋiŋ lo, ŋ́gɔ́ éyi mɛ́ la á yí témɛ lo, mbɔ á te amɔ̄ʼ azō ɔ́. Mía azō á gɔ́ áa leziŋ, páʼ mbé Ndém é si ndʉ́ɛ́ épúp.

2 Kɔlɛŋte 3:6

Yí mé le ghʉ̄ʉ̄, pek kūuʼ á legɔ̄ megaŋ afaʼ á ntē eka eswhī. Eka eswhī mɛ́t é té si ŋgɔ́ lepé, tɛ mɛ́ tí tií í, é fhɔ́ɔ áa mbū Azwakne Ndém. Lepé tsīi mɛ́ le tíī, é ghʉʉ̄, ŋiŋ á pí pií. Azwakne Ndém á piŋ ŋghʉ̄, mɛ́ gɔ́ éwú.

Galat 5:14

melaʼ mīi, lepé tsīi é puú ŋkwɛ́t athū mbé ntsem, é gɔ́ áa ndaʼ lɛ̄ɛ: «Kɔŋ á ŋiŋ ntsem, páʼ athū nnɛ̄t jú lā. »

Efɛze 2:11

Epuɔ Yúda é wɛɛ̄ ayiŋne zīi, á tswii légɛ, mɛ́ lē ntém á wɔ́p á mbe nnɛ̄t pɔ́p. Pɔ́ kɔɔ̄ŋ ŋ́gɛ, mɛ́ etɔ́ŋ á wɔ́p lɛ «epuɔ pīi, mɛ́ lē ntém á wɔ́p. » Pɛ pīi mɛ́ lɛ te gē ezhí á wɛ́, pɛ gɔ́ epuɔ Yúda á, pɛ te wɛ̄ ayiŋne mɛ́t, á mbe nnɛ̄t pɛ ɛ́. Pɔ́ tɔɔ́ŋ á wɛ́ lɛ «epuɔ pīi, mɛ́ la á wɔ́p tém ɛ́. » Pɛ ekímte ajū mīi, pɛ lɛ aziɛ́ á amɔ̄ʼ afʉʼ.

2 Timotɛ 3:15

O ó si nzhɛ́ɛ aŋwaʼne Ndém, tɛ efhó páʼ, o le zɛɛ́t á mɔ́. Aŋwaʼne mɛ́t á kuūʼ á leyā á wú azhɛ̄‑anu, tɛ́ Ndém á ghʉ o etswɛ́t, éfhó ánɛ páʼ, o ó fɛ́ nnɛ̄t ju ŋgyá á mbū Yɛɛ́so Klísto.

Eble 11:3

Ḿpɛ fhoó ánɛ páʼ, ḿpɛ fɛɛ́ nnɛ̄t ŋgyá á mbū Ndém, tɛ́ njúʼ á légɛ, Ndém a le lɔ̄k ashuŋne, tɛ́ ŋghʉ̄ ŋgɔŋ. Púp, ajū mīi ḿpɛ é si ndɔ̄kɔ menēk njʉ́ɔ, á fhoó ánɛ azi, ḿpɛ te lɔ̄k menēk njʉ́ɔ ɔ́.