Lomɛŋ 2:26 - Eka Eswhī

²⁶ A piŋɛ ŋgɔ́ éyi, ŋiŋ yīi mɛ́ la á yí tém ɛ́, a á si nzīŋɛ páʼ lepé Mɔɔ́sɛ é zɛteé épúp, mbɔ Ndém a te e tɔ́ŋ á yí lɛ, ŋiŋ yīi mɛ́ lē ntém á yí lɛ̄?

Lomɛŋ 2:26 Iomraidhean Croise

Matío 15:28

Yɛɛ́so á pwɛt á mbū yí ŋ́gɛ: «Maá, lefɛ̄ nnɛ̄t wu ŋgyá á mbū meŋ, a te fáŋ ŋ? Ndém a elɛ̄ ŋghʉ̄ ajū mīi o ó si ntsáa, á mbū wu. » Ńdé épúp, méŋ yí á lɛ ntē efʉʼ mɛ́t efʉʼ mɛ́t.

Lomɛŋ 2:25

O kúʼtɛ lepé Mɔɔ́sɛ, mbɔ legɔ̄ yīi mɛ́ le tém á wú, a a tswíte á wú. Ḿbiŋ te lepé mɛ́t kúʼte, á cʉ́ʼɛ ŋgɔ́ɔ áa páʼ, mɛ́ zi la á wú tém ɛ́ lā.

Lomɛŋ 2:27

Púp, ŋiŋ yīi mɛ́ é si ndɔ̄kɔ menēk njʉ́ɔ, mbɔ mɛ́ la á yí tém ɛ́, á piŋ nnɔ̄ŋ ŋkúʼtɛ lepé Mɔɔ́sɛ, a a shʉʼ mmaʼ esē á athū wu yīi, mɛ́ lē ntém á wú, o nɔŋ nzhɛ́ɛ lepé, ḿbiŋ nnɔ̄ŋ te nzīŋɛ páʼ lepé mɛ́t, é si nzɛ́tɛ ɛ́.

Lomɛŋ 3:30

Á épúp melaʼ mīi, taʼ Ndém mé éwú. Yí mé e láʼ ezápa ánɛ lefɛ̄ nnɛ̄t epuɔ pīi, mɛ́ lé tém á wɔ́p, mbɔɔ epi mɛ́ la á wɔ́p tém ɛ́, étɔ́ŋ á wɔ́p lɛ epuɔ ndeŋ ndeŋ.

Lomɛŋ 8:4

A lɛɛ́ ŋghʉɛ épúp, ńdɔkɔ ŋ́gɛ, ḿpɛ ekūʼ á leziŋ páʼ lepé é si nzɛ́ttɛ. Á yímpɛ pīi, ḿpɛ te zɛ́t nnáŋa páʼ mbe nnɛ̄t zímpɛ é si ntshónɛ á yímpɛ ŋ́gɛ, ḿpɛ enáŋ épúp ɔ́, ńcʉ́ʼɛ ńnáŋa áa páʼ, Azwakne Ndém á kɔɔ̄ŋ épúp.

Galat 6:15

Ajū mīi á mbū meŋ ŋgɔ́ á mía azō, á té si ŋgɔ́ á letēm ŋiŋ, kɛ á legɔ̄ le á yí tém lɛ́ ɛ́. Á si ŋgɔ́ áa lewɛ lenāŋ leswhī.

Efɛze 2:11

Epuɔ Yúda é wɛɛ̄ ayiŋne zīi, á tswii légɛ, mɛ́ lē ntém á wɔ́p á mbe nnɛ̄t pɔ́p. Pɔ́ kɔɔ̄ŋ ŋ́gɛ, mɛ́ etɔ́ŋ á wɔ́p lɛ «epuɔ pīi, mɛ́ lē ntém á wɔ́p. » Pɛ pīi mɛ́ lɛ te gē ezhí á wɛ́, pɛ gɔ́ epuɔ Yúda á, pɛ te wɛ̄ ayiŋne mɛ́t, á mbe nnɛ̄t pɛ ɛ́. Pɔ́ tɔɔ́ŋ á wɛ́ lɛ «epuɔ pīi, mɛ́ la á wɔ́p tém ɛ́. » Pɛ ekímte ajū mīi, pɛ lɛ aziɛ́ á amɔ̄ʼ afʉʼ.

Fílíip 3:3

Ḿpɛ mé kwaʼ epuɔ pīi, mɛ́ lé tém á wɔ́p. Ḿpɛ mé si ŋgē ewuʼtɛ á Ndém, Azwakne zí mé tshónɛ á yímpɛ. Ḿpɛ é si ndɔ̄kɔ á Yɛɛ́so Klísto tɛ́ ŋkāʼtɛ. Ḿpɛ gɔ le lɔ̄k ajū mīi, epuɔ menɔŋ mé le zapáā, tɛ́ ŋkāʼtɛ ɛ́.

Kɔlɔs 2:11

Páʼ pɛ lɛtneē ánɛ Klísto lā, pɛ é ntém teém, ŋiŋnɔŋ mé ké te á wɛ́ tém, Klísto méŋwɛ̄t mé le tém á wɛ́. Ejʉɔ ntií letēm mɛ́t, e soōk mefa ánɛ pɛ.