Lomɛŋ 2:22 - Eka Eswhī

²² O ó si mbʉ́ɛ́ agā, ḿbiŋ nnɔ̄ŋ ŋghʉ̄ɛ agā melaʼ akɔ̄? O ó si mbāa mesī, ḿbiŋɛ njʉ̄ʉ á tsitsi yīi, a tshiteé á meŋgyā pɔ́p melaʼ akɔ̄?

Lomɛŋ 2:22 Iomraidhean Croise

Matío 12:39

Yɛɛ́so á pwɛt á mbū pɔ́p ŋ́gɛ: «Epuɔ ŋguʼ puɔ é té pɔŋ, ŋ́gɔ́ wɔ teē‑athū á mbū Ndém. Pɔ́ é si ŋkōnɛ á gá ŋ́gɛ, meŋ eghʉ̄ á taʼ ŋkʉʼne anu, a egɔ́ ayiŋne zīi á tswii á légɛ, mete má é fhɔ́ɔ á mbū Ndém. Amɔ̄ʼ ayiŋne anu zīi, meŋ gɔ á ntswiī pɔ́p, á té éwú ú, ńdaʼ gá á leghʉ taʼ ŋkʉʼne anu, páʼ ezi, Ndém a le ghʉ̄ ánɛ ntswi‑ŋke yi Jonási.

Matío 16:4

Epuɔ ŋguʼ puɔ, é epuɔ tepɔŋ, ŋ́gɔ́ wɔ teē‑athū á mbū Ndém. Pɔ́ é si ŋkōnɛ á gá ŋ́gɛ, meŋ eghʉ̄ á taʼ ŋkʉʼne anu, a egɔ́ ayiŋne zīi, á tswii á légɛ, mete má é fhɔ́ɔ á mbū Ndém. Amɔ̄ʼ ayiŋne anu zīi, meŋ gɔ á ntswiī pɔ́p, á té éwú ú, ńdaʼ á leghʉ taʼ ŋkʉʼne anu, páʼ ezi, Ndém a le ghʉ̄ ánɛ Jonási. » Yɛɛ́so á lé épúp, ésákne á wɔ́p á ajʉʼ mɛ́t, ŋ́gʉ̄ɔ.

Málkúsi 11:17

Ńzī á lezīʼne epuɔ ndé ŋ́gɛ: «Á ntē aŋwaʼne Ndém, Ndém á lé ŋ́gɛ: “Ŋgyā za e efú nnáŋa ŋgɔ́ɔ ŋgyā aswiŋte, á mbū ŋgɔŋ ntsem.” A té ayi pɛ pwɔ̄ é kʉʉ̄ŋ esɛt, ńdɔk ŋghʉ̄ ŋka metsɔ́ŋ laá kɛ?»

Mefaʼ Meziŋ-ntō 19:37

Pɛ é shuŋne epuɔ puɔ, ńdɔk eshʉ̄ʼ páʼā, mbɔ pɔ́ ka ŋgyā esī pwɔ́ʼ ɔ́, ḿbīŋ te shúŋne tépɔŋ ánɛ ndém yímpɛ ɛ́.

Lomɛŋ 12:9

Á pɔŋ ŋ́gɛ, ŋkɔŋne zīi ŋiŋ a wɛɛ̄ á mbū epuɔ, e egɔ́ ŋkɔŋne mé taʼ ntē. Awíɛ a echʉ́ nnɛ̄t ŋkʉ̄ anu tepɔŋ, ŋ́kúʼte á yí á leghʉ anu mbɔŋ.

Jáak 4:4

Pɛ é páʼ megaŋ agā wɔnzwí lā, pɛ te si nzhɛ́ɛ á légɛ, ŋiŋ a neéŋ ntē yí áa ánɛ tsitsi ŋgɔŋ wuɔ páʼā, ńdɔkɔ ŋgɔ́ á ŋgaŋ mbo Ndém ɛ́ lɛ̄? Ŋiŋ a nɔŋ ŋkɔ̄ŋɔ á yí á lelɔk tsitsi ŋgɔŋ wuɔ, ŋ́kwɛ́t ntwɛt yí, á zhɛ́ á légɛ, yí é ŋgaŋ mbo Ndém.