Lomɛŋ 2:20 - Eka Eswhī

²⁰ ŋ́gɔ á nziʼnɛ epuɔ pīi, é zɛɛ́t te wɛ leghi, ŋ́gɔ á nziʼnɛ wɔ te tswhi nzhɛ́ azō. O ó si njʉ́ɔ ŋ́gɛ, o ó épúp melaʼ mīi, o ó si njʉ́ɔ lepé Mɔɔ́sɛ, páʼ mɛgém anu á lelɔk nzhɛ́ azō, mbɔɔ lelɔk ŋgwɛ̄ anuúnē.

Lomɛŋ 2:20 Iomraidhean Croise

Matío 11:25

Yɛɛ́so á ghʉ ndé ŋ́gɛ: «Mɔʼɔ́ ga, Atsyapuɔ, wu yīi, o pɔɔ́ŋ lephū pɔ́ esī atsetsáʼ, meŋ á syákne á wú, páʼ o ke lʉ̄ɔ menu mú, á mbū megaŋ azhɛ̄‑anu mbɔɔ á mbū meghi, ḿbiŋ ntswī á mbū epuɔ pīi, é páʼ ewɔŋkhʉ̄ lā, éwɔ te zhɛ́‑anu.

Lomɛŋ 2:19

Wu yīi o ó si nzhɛ́ɛ ŋ́gɛ, o ó si ntsāŋa wɔ apií‑menēk, ŋ́gɔ́ ŋkaʼ á mbū wɔ ziŋ á ntē nzém,

Lomɛŋ 3:31

Ḿpek é páʼā, ńdɔkɔ ndʉ́ɛ́ ŋ́gɛ, lepé é té zɛ́t á azō ɔ́, melaʼ mīi, pek fɛɛ́ nnɛ̄t ŋgyá á mbū Klísto lɛ́? Ŋgáŋ, a cʉ́ʼɛ épúp, mbɔ pek é si mvéŋɛ ŋ́gɛ, mɛ́ pɔŋteé é lekūʼte lepé tɛ é te.

Lomɛŋ 6:17

Ḿpɛ eké ŋgūʼte á Ndém. Pɛ lɛ amɔ̄ʼ afʉʼ, ŋgɔ́ apuʼ mefa. Á piīŋ ŋgɔ́ tsetsɔŋɔ, anu zīi epuɔ é le ziʼnéē, pɛ júʼ mvéŋ, pɛ ekúʼte mé ntē wɛ́ ntsem.

1 Kɔlɛŋte 3:1

Epɔ̄ memía, ŋ́gɔ́ mé meŋ, meŋ ndɛ á tsetsɛlɛ pɛ páʼā, meŋ te shúŋne á mbū pɛ, páʼ mɛ́ shúŋnɛ á mbū epuɔ pīi, Azwakne Ndém ánɛ pɔ́p ɔ́. Meŋ nde shuŋné á mbū pɛ áa páʼ, mɛ́ shúŋnɛ á mbū epuɔ ŋgɔŋ puɔ lā, melaʼ mīi, pɛ le zɛ́t páʼ mezízí ewɔŋkhʉ̄ pīi, mɛ́ zɛɛ́t ntsaŋa á wɔ́p, ánɛ mɛnzhɛ Klísto lā.

2 Timotɛ 1:13

Cʉ́ʼ, meshuŋne mīi é ke tó á nchu meŋ, ŋ́gɔ́ á anuúnē, e egɔ́ efʉʼ á mbū wu, á lelɔk nzíʼne emɔ̄ʼ epuɔ. Ŋ́gē ezíʼne epuɔ, ńnɔŋ efíɛ́ nnɛ̄t ŋgyáa á mbū Yɛɛ́so Klísto, ŋ́kɔ̄ŋ epuɔ melaʼ mīi, o lɛtneē ánɛ yí.

2 Timotɛ 3:5

Mɛ́ cʉteē á wɔ́p á nzem apɛ́, ńjʉ́ɔ pɔ́ gɔ́ páʼ epuɔ pīi, pɔ́ ziīŋ páʼ Ndém a á si ŋkɔ̄ŋɔ lā. Tɛ́ pɔ́ ké ŋgɔ́ epuɔ pīi, pɔ́ é si ndʉ̄ʼɛ mete Ndém. Lʉɔ́ʼte ntií epuɔ jʉɔ mɛ́t azɔ́p.

Tíit 1:16

Pɔ́ é efʉʼ metsem, ḿvéŋ ŋ́gɛ pɔ́ é si nzhɛ́ɛ á Ndém. Efʉʉ́ʼ‑enu tsɔ́p, é piŋ nnɔ̄ŋ ntswī á légɛ pɔ́ té á yí zhɛ́. Pɔ́ ghʉʉ̄ ajū mīi mɛ́ e tóne á wɔ́p tóne, ŋ́gɔ́ megaŋ atʉɛ́‑athū á mbū Ndém, ŋ́gɔ́ epuɔ pīi, é zi te kūʼ á leghʉ anu mbɔŋ ɔ́.

Eble 5:13

Ŋiŋ yīi a á efʉʼ metsem, ńtsá áa lepē lā, a á páʼā, ńdɔkɔ nzɛ́t áa mɔ́ eswī. Yí méŋwɛ̄t a gɔ le kūʼ á lezhɛ̄ ajū mīi, á ndeŋ ndeŋ ɛ́.

Jáak 3:1

Epɔ̄ memía pá á nzem Klísto, ndɛ́ʼ epuɔ tɛ nzá, é gɔ́ wɔ zíʼne‑anu Ndém á mbū epuɔ. Pɛ é si nzhɛ́ɛ á légɛ, Ndém a a láʼ elɔk azāŋalɔ́ŋ, tɛ́ záʼ ntsaŋ zek, mégaŋ aziʼne.

1 Piɛ 2:2

Páʼ epɔ̄ meswī pīi, mɛ́ zɛɛ́t nzhíɛ á wɔ́p, é shʉ́ɛ́ lepē lā, pɛ esé azɛ́ á lejūʼ ashuŋne Ndém efʉʼ metsem. Aziɛ́ mé kwaʼ lepē tsīi, alɔ́ʼ á té éwú ú. Pɛ enɔ́ŋ lepē mɛ́t, ńdɔk ntswhí, tɛ́ Ndém a eláʼ ŋghʉ̄, pɛ etswɛ́t.