Lomɛŋ 2:19 - Eka Eswhī

¹⁹ Wu yīi o ó si nzhɛ́ɛ ŋ́gɛ, o ó si ntsāŋa wɔ apií‑menēk, ŋ́gɔ́ ŋkaʼ á mbū wɔ ziŋ á ntē nzém,

Lomɛŋ 2:19 Iomraidhean Croise

Matío 15:14

Pɛ etshī á wɔ́p nnéŋ. Pɔ́ é si ŋgɔ́ wɔ efʉʉ́‑menēk pīi, pɔ́ tsaŋa emɔ̄ʼ. Afʉʉ́‑menēk á piŋɛ ntsāŋ amɔ̄ʼ, mbɔ pɔ́ mémpīa é pú ewhʉ á ntē lephʉ̄. »

Matío 4:16

Pɛ pīi pɛ kɛɛ́ nnáŋa á ntē nzém, ezɛ njhʉ̄, e é pú ndá. Nu a á sáʼ, tɛ nnɔ̄ŋ ŋkyáa ánɛ pɛ pīi, é kɛɛ́ nnáŋa á ntē nzém, á alāʼ zīi lewhʉ̄ a á éwú. »

Matío 5:14

Pɛ é si ŋgɔ́ ŋkaʼ ŋgɔŋ ntsem. Tésɔŋ yīi a tshií á ndo lekwɛ̄t, a gɔ egaá tɛ́ ndʉ̄ɔne é?

Matío 6:23

Menēk mú é piŋɛ nnɔ̄ŋ eséŋɛ, mbɔ o o gɔ́ efʉʼ metsem, égɔ́ á ntē nzém. Menēk mú é náŋa tɛ eséŋ, mbɔ o o pú ecʉ́ʼɛ egɔ́ɔ áa ntē nzém.

Málkúsi 10:15

Meŋ a shúŋ á wɛ́ á kwaʼ anuúnē, ŋiŋ a gɔ te véŋ páʼ méŋ agáʼ mɔ́ lā, ŋ́gɛ Ndém mé ecʉ́ʼɛ esáʼa á yí í, mbɔ a te e láʼ ekó á ntē Lefɔ Ndém ɛ́. »

Lúkási 1:79

Ḿbú nzéŋ ŋ́kɛ̄ʼɛ epuɔ pīi, pɔ́ naáŋ á ntē nzém, lewhʉ̄ á gɔ́ éwú efāŋnɛ á wɔ́p, tɛ́ ḿpɛ elɔ̄k nzíʼne á yímpɛ, á lenāŋ mé apwɛne. »

Jáaŋ 9:34

Pɔ́ tsɔ́ʼ á mbū yí ŋ́gɛ: «O puú ŋgɔ́ ajūɔ tepɔŋ tɛ efhó páʼ, mɛ́ le zhí á wú. O piŋɛ efāʼa á wú á lezīʼne á wék akɔ̄?» Ńdé épúp, ńdɛ efhó á ŋgyā aswiŋte, ńjūŋ á yí ŋgyá á apɛ́.

Mefaʼ Meziŋ-ntō 26:18

Étó á wú épúp, o egʉɔ ŋŋáʼa menēk epuɔ mɛ́t, ŋ́ghʉ̄ pɔ́ efhó á ntē nzem ntó, ŋ́kó á ntē ŋkaʼ. Ŋ́ghʉ̄ Sɛ́ta a á le zéŋ á wɔ́p esáʼ á, Ndém mé ecʉ́ʼɛ esáʼa á wɔ́p, tɛ́ pɔ́ efɛ́ nnɛ̄t ŋgyá á mbū meŋ, Ndém a elēkne mefa mɔ́p, ŋ́gyá á azɔ́p ajʉʼ á nnɔ epuɔ pīi, pɔ́ epí tɛ ntsékne.”

Lomɛŋ 2:18

Wu yīi o ó si nzhɛ́ɛ ajū mīi Ndém a á si ŋkɔ̄ŋɔ, mbɔ lepé Mɔɔ́sɛ é lē nzíʼne á wú, á lesāŋ tɛ ŋkāŋ ajū mīi, á mbɔŋ.

Lomɛŋ 2:20

ŋ́gɔ á nziʼnɛ epuɔ pīi, é zɛɛ́t te wɛ leghi, ŋ́gɔ á nziʼnɛ wɔ te tswhi nzhɛ́ azō. O ó si njʉ́ɔ ŋ́gɛ, o ó épúp melaʼ mīi, o ó si njʉ́ɔ lepé Mɔɔ́sɛ, páʼ mɛgém anu á lelɔk nzhɛ́ azō, mbɔɔ lelɔk ŋgwɛ̄ anuúnē.

1 Kɔlɛŋte 3:18

Ndɛ́ʼ ŋiŋ méŋwɛ̄t, á pɔpte mbe nnɛ̄t zi. Ŋiŋ a gɔ́ɔ á tsetsɛlɛ pɛ, ńnɔŋ ŋ́gɛ yí é ŋgaŋ azhɛ̄‑anu, ánɛ ezi ntií epuɔ ŋgɔŋ puɔ, ŋgaŋ á lɛ ncʉ́ʼ áa páʼ apia lā, tɛ́ ndɔk ŋgwɛ̄ á kwaʼ azhɛ̄‑anu.

1 Kɔlɛŋte 4:10

Epuɔ ŋgɔŋ puɔ é si njʉ́ɔ á wék páʼ epia lā, melaʼ mīi pek é si ntswīi ŋke mbɔŋ Klísto. Ŋ́ké ŋgɔ́ mé pɛ, pɛ enɔ̄ɔŋ ŋkwāŋa ŋ́gɛ, pɛ é megaŋ azhɛ̄‑anu, melaʼ mīi pɛ a Klísto é nnɔ ká? Epuɔ é kwaāŋ ŋ́gɛ, pek é si ŋgɔ́ epuɔ mbwɛ́t pwɛté. Pɛ piŋ ŋkwāŋ ŋ́gɛ, pɛ é si ŋgɔ́ epuɔ ntē tɛʼ ká? Epuɔ menɔŋ é si nzwīi á wék, ḿbiŋ nnɔ̄ŋ ŋgūʼtɛ á wɛ́ ká?

Fílíip 2:15

Ńdɔk mbú ŋgɔ́ epuɔ pīi, mɛ́ té si ndāʼa á wɔ́p ɔ́. Épuɔ pīi alɔ́ʼ zɔ́p á té éwú ú. Ŋ́gɔ́ epɔ̄ Ndém, épuɔ pīi pɔ́ é te alɔ́ʼ á nnɔ epuɔ ŋguʼ puɔ, mégaŋ esɔ̄, ŋgɔ́ epuɔ tepɔŋ. Pɛ egɔ́ á nnɔ pɔ́p, ŋ́kɛ̄ʼɛ, páʼ mecɔʼ saŋ é kɛʼɛ ejʉʼ lā.