Lomɛŋ 2:17 - Eka Eswhī

¹⁷ Wu yīi o ó si ndʉ́ɛ́ ŋ́gɛ, o ó ŋiŋ Yúda, ńnɔŋ ntsēŋnɛ ánɛ lepé Mɔɔ́sɛ, ńnɔŋ ndɔ̄kɔ á Ndém ŋkāʼtɛ.

Lomɛŋ 2:17 Iomraidhean Croise

Matío 3:9

Pɛ epá á lelɛ ndɔ̄k áa nchu ndaʼ, ńdé ŋ́gɛ: “Pek é ndhu Ablaham.” Meŋ shúŋɔ á wɛ́ ŋ́gɛ, Ndém a kuūʼ á lesɛt metɔ́ puɔ, ńdɔk ŋghʉ̄ nzwɛt Ablaham.

Lúkási 10:28

Yɛɛ́so á pwɛt á mbū yí ŋ́gɛ: «Ŋŋ, o ó shúŋ anuúnē. Gʉɔ̄, ŋ́kó ŋghʉ̄ ajú épúp, éfú mbú ntā á lezēŋ Ndém. »

Jáaŋ 5:39

Pɛ é si ntúŋɔ atseŋ aŋwaʼne Ndém, melaʼ mīi, pɛ é si ŋkwāŋa ŋ́gɛ, pɛ gɔ ezápa éwú, tɛ́ efú ntā á lezēŋ Ndém. Aŋwaʼne Ndém á ké ŋgɔ́ si eshúŋɔ azí á ŋiŋ yīi, meŋ á ewiɛ́.

Jáaŋ 5:45

Ndɛ́ʼ pɛ ekwāaŋ ŋ́gɛ, meŋ mé láʼ eswiŋ á wɛ́ á mvhɔ Mɔʼɔ́ ga. Ŋiŋ yīi a a láʼ eswiŋ á wɛ́, a á si ŋgɔ́ á Mɔɔ́sɛ, á ŋiŋ yīi pɛ le néŋ á ntē pɛ ŋ́gɛ, a a shʉʼ etswíte á wɛ́.

Jáaŋ 7:19

Mɔɔ́sɛ mé lɛ te yá lepé á mbū pɛ ɛ́ lɛ̄? Tsɔ taʼ ŋiŋ wɛ a piīŋ te si ŋghʉ̄ɛ páʼ, lepé mɛ́t é si nzɛ́ttɛ ɛ́. Pɛ faʼa á lezwhī á gá ŋ́gɛ akɔ̄?»

Jáaŋ 8:33

Pɔ́ tsɔ́ʼ á mbū yí ŋ́gɛ: «Pek é si ŋgɔ́ ndhu Ablaham. Ŋiŋ a laá nzi ndɔ̄k á wék, ŋ́ghʉ̄ epuʼ tsí í. O gɔ́ epīiŋ ŋgāa ndé ŋ́gɛ, pek é le zɛ́t epuʼ ɔ́ ɔ̄?»

Jáaŋ 8:41

Pɛ é si ŋghʉ̄ɛ azɛ́ mefaʼ mīi, ewɛ mɔʼɔ́ a gɛ ŋghʉ̄ɛ. » Pɔ́ tsɔ́ʼ á mbū yí ŋ́gɛ: «Pek te si ŋgɔ́ epɔ̄ agā á. Pek wɛɛ̄ áa taʼ Mɔʼɔ́ ndaʼ, á gɔ́ á Ndém. »

Lomɛŋ 2:23

O ó si ndɔ̄kɔ lepé Mɔɔ́sɛ ŋkāʼtɛ, ḿbiŋɛ ndɔ̄kɔ á wú á legɔ̄ le zīŋ páʼ lepé mɛ́t é si ndʉ́ɛ́, ńtsēŋtɛ lezēŋ Ndém.

Lomɛŋ 3:27

Anu á ké ŋgɔ́ páʼa, mbɔ ŋiŋ a gɔ eké nzéŋ ŋ́kāʼte kɛ? Ŋgáŋ, melaʼ akɔ̄? Melaʼ mīi mía azō, a te á lekūʼte lepé ɛ́, a gɔ́ áa lefɛ̄ nnɛ̄t ŋgyá mé Klísto.

Lomɛŋ 9:32

Pɔ́ lɛ te lɔ̄k ewuɔ mɛnzhɛ mɛ́t, ŋ́gʉɔ tɛ ŋkó ɔ́ melaʼ akɔ̄? Melaʼ mīi, pɔ́ lɛ te fāʼ á wɔ́p á lefhō ánɛ lefɛ̄ nnɛ̄t ŋgyá á mbū Yɛɛ́so, tɛ́ ŋgɔ́ epuɔ ndeŋ ndeŋ á mvhɔ Ndém ɛ́. Pɔ́ le fāʼ á wɔ́p áa lefhō ánɛ mefaʼ mɔ́p. Pɔ́ le ghʉ̄ épúp, ŋ́kwɛ̄ eshhʉ̄ wɔ́p ánɛ «tɔ́ yīi, mɛ́ kwatɛ éwú ŋgwhʉ̄ɛ á esī. »

2 Kɔlɛŋte 11:22

Pɔ́ é si ŋgɔ́ epuɔ Eble, meŋ gɔ́ azá ewiɛ́. Ŋ́gɔ́ á ntē eka epuɔ Islaɛl, meŋ gɔ́ azá éwú. Ŋ́gɔ́ ndhu Ablaham, meŋ gɔ́ azá eziɛ́.

Galat 2:15

Ḿpɛ é páʼā, mbɔ mɛ́ le zhí á yímpɛ, ḿpɛ gɔ́ epuɔ Yúda. Ḿpɛ é té epuɔ pīi, é té epuɔ Yúda á, épuɔ pīi ḿpɛ jʉɔ́ á wɔ́p páʼ megaŋ mefa lá á.

Efɛze 2:11

Epuɔ Yúda é wɛɛ̄ ayiŋne zīi, á tswii légɛ, mɛ́ lē ntém á wɔ́p á mbe nnɛ̄t pɔ́p. Pɔ́ kɔɔ̄ŋ ŋ́gɛ, mɛ́ etɔ́ŋ á wɔ́p lɛ «epuɔ pīi, mɛ́ lē ntém á wɔ́p. » Pɛ pīi mɛ́ lɛ te gē ezhí á wɛ́, pɛ gɔ́ epuɔ Yúda á, pɛ te wɛ̄ ayiŋne mɛ́t, á mbe nnɛ̄t pɛ ɛ́. Pɔ́ tɔɔ́ŋ á wɛ́ lɛ «epuɔ pīi, mɛ́ la á wɔ́p tém ɛ́. » Pɛ ekímte ajū mīi, pɛ lɛ aziɛ́ á amɔ̄ʼ afʉʼ.

Menjʉɔ te lí 2:9

Meŋ á si nzhɛ́ɛ ŋgʉɔ̄ʼ ju, ńnɔŋ nzhɛ́ɛ páʼ o ó ntē mbūŋ. Táʼ, o ké ŋgɔ́ á ŋgaŋ azō. Meŋ á si nzhɛ́ɛ nzɔ zīi, epuɔ pīi pɔ́ é si ŋ́gɛ, pɔ́ é epuɔ Yúda, ńdɔkɔ ntaŋá mela, é si ndɔ̄kɔ nzɔ̄ɔ á wú. Pɔ́ é si ŋgɔ́ nnɔ epuɔ pīi, pɔ́ wuʼtɛ á Sɛ́ta.

Menjʉɔ te lí 3:1

Tí á mbū cɔʼ Ndém yīi, a cʉtɛ alúŋ epuɔ Yɛɛ́so zīi, á tésɔŋ Saadɛs ŋ́gɛ: «Ŋiŋ yīi a wɛɛ̄ ezwakne esambīa tsīi, é faʼa á mbū Ndém, ńzéŋ ŋgwɛ̄ mecɔʼ saŋ esambīa, a á si ndʉ́ɛ́ ŋ́gɛ: Meŋ á si nzhɛ́ɛ mefaʼ mú. Epuɔ é si ndʉ́ɛ́ ŋ́gɛ o ó nte, káʼā mbɔ o lē ŋkhwʉ́.

Menjʉɔ te lí 3:9

Meŋ á si eswīŋɛ nnɔ epuɔ pīi, é wuʼtɛ á Sɛ́ta á mbū wu. Epuɔ puɔ mɛ́t, é si ndʉ́ɛ́ ŋ́gɛ, pɔ́ é epuɔ Yúda, ḿbiŋ te epiɛ́ ɛ́. Pɔ́ lʉ́ɛ́ épúp páʼā, ńdɔkɔ ntáŋa mela. Meŋ a shʉʼ etshóne á wɔ́p, pɔ́ eshʉʼ ntswíʼte á esī á mvhɔ wu, ŋ́ŋɔ́ʼne tɛ athū zɔ́p a epfēŋ esī. A etsīa épúp, pɔ́ ezhɛ́ á légɛ meŋ kɔɔ̄ŋ á wú.