Lomɛŋ 2:16 - Eka Eswhī

¹⁶ Á páʼa, ŋ́gɔ́ ajū mīi, a láʼ etɔ́ke, á aleʼé zīi Ndém a zápa ánɛ Yɛɛ́so Klísto, ŋ́ŋāka epuɔ menɔŋ, ánɛ menu mīi, pɔ́ lʉɔ ánɛ lenāŋ tsɔ́p. Á lɔk ŋgɔ́ páʼ ŋke mbɔŋ yīi, meŋ tswii, é si ndʉ́ɛ́ épúp.

Lomɛŋ 2:16 Iomraidhean Croise

Matío 16:27

Pɛ ezhɛ́ á légɛ, Méŋ‑Ŋiŋnɔŋ a a láʼ epiŋ nzem pɔ́ a mecɔʼ Ndém, á ntē shʉ́shɔ́k Mɔʼɔ́ yi, éfhó ánɛ meziŋɛ́ awíɛ awíɛ, tɛ́ eyá ntsɔʼɔ́ afaʼ yí.

Lúkási 8:17

Akʉ̄ɛ akʉ̄ɛ zīi á ndʉɔne lʉɔne lɛ́, Ndém a a ké eshʉʼ eghʉ, mɛ́ ezhɛ́ zhɛ́. Akʉ̄ɛ akʉ̄ɛ zīi á ntē ntsem lɛ́, a ekɛ́ʼɛ, mɛ́ epú njʉ́ɔ.

Jáaŋ 12:48

Ŋiŋ a nɔŋ ŋ́gɛ pek yí é té wɛ, ńnɔŋ te ŋghʉ̄ɛ páʼ meshuŋne má é si ndʉ́ɛ́ épúp ɔ́, mbɔ ŋgaŋ a á ndáʼ ŋgwɛ̄ á nzaʼ‑ntsaŋ yi, á gɔ́ páʼ, a láʼ ánɛ nzoknzem aleʼé, anu zīi meŋ zíʼnɛ á yí, a te ŋkúʼtɛ ɛ́ lā mé eghʉ̄, a á ewhʉ̄ á asāʼ.

Mefaʼ Meziŋ-ntō 10:42

Yɛɛ́so a le tswī me pek ŋ́gɛ, pek mé pɔŋteé á letswi á mbū alāʼ ŋ́gɛ, yí tɛ́ Ndém a le chʉ́ʉ̄, ńdɔk ŋghʉ̄ á ŋiŋ yīi, a záʼa ntsaŋ zɔp a epuɔ mete mbɔɔ ezɔp a mepfhō.

Mefaʼ Meziŋ-ntō 17:31

A le néŋ á taʼ aleʼé yīi, a pɔŋteé á lelɔk nzáʼ ntsaŋ zɔp a epuɔ menɔŋ ndeŋ ndeŋ, a le tsɔ́ʼ á ŋiŋ yīi, a a shʉʼ ezáʼ ntsaŋ mɛ́t. Ŋ́ghʉ̄, ŋgaŋ á zím ánɛ lewhʉ̄, ńdɔkɔ eshúŋɔ epuɔ metsem ŋ́gɛ, nzaʼ‑ntsaŋ mɛ́t a a wɔ̄. »

Lomɛŋ 16:25

Awuʼte a egɔ́ á mbū Ndém. Yí mé kuūʼ á leghʉ, lefɛ̄ nnɛ̄t wɛ á tswhí ŋgʉ̄ɔ mé mvhɔ, páʼ ŋke mbɔŋ yīi, meŋ tswii, é si ndʉ́ɛ́ épúp. Ŋ́ke yīi meŋ sáʼa eshúŋɔ epuɔ ánɛ Yɛɛ́so Klísto. Ńzéŋ ŋkūʼ á leghʉ, lefɛ̄ nnɛ̄t wɛ á tswhí ŋgʉ̄ɔ mé mvhɔ, páʼ ntsem zīi, Ndém a le sīā, ŋ́ghʉ̄ ḿpɛ zhɛ́, e leé épúp. Ntsem mɛ́t, Ndém a le lʉɔ̄ tɛ efhó tɛ meŋguʼ meŋguʼ.

Lomɛŋ 2:5

O ké mbiŋ ŋgɔ́ si ntʉ̄ɛ̄ athū, ńnɔŋ te mvéŋɛ á lekūmne ntē wú ú. Ŋ́ghʉ̄ɛ épúp páʼā, ńdɔkɔ ntɔ́ŋɔ á mía mía azāŋalɔ́ŋ Ndém ánɛ wu, ánɛ aleʼé zīi, a lɔkɔ á kwaʼ ndeŋ ndeŋ, ńzáʼa ntsaŋ zɔp a epuɔ menɔŋ, ńtswīi azāŋalɔ́ŋ zí.

Lomɛŋ 3:6

Ŋgáŋ, á té épúp ɔ́. Á le wíʼe ŋgɔ́ épúp, mbɔ Ndém a a fú eghʉ páʼ lā, tɛ́ ezáʼ ntsaŋ zɔp a epuɔ menɔŋ ŋ̄?

1 Kɔlɛŋte 15:1

Epɔ̄ memía, meŋ á si ŋkímtɛ á wɛ́ ŋke mbɔŋ yīi, meŋ nde tswī á mbū pɛ, pɛ ejúʼ mvéŋ, ńzéŋ nzīŋ páʼ é si ndʉ́ɛ́ épúp.

1 Kɔlɛŋte 4:5

Ńdɔkɔ ŋ́gɛ, ndɛ́ʼ pɛ efāaʼ á lezhɛ̄, kɛ ŋiŋ a á ghʉ á mbɔŋɔ́ kɛ ŋgáŋ lɛ́ ɛ. Pɛ ezwíʼte, afʉʼ a eláʼ ŋkūʼ. Pɛ ezwíʼte tɛ Atsyapuɔ a eláʼ mbīŋ nzem. Á láʼ aleʼé mɛ́t, a ekɛ̄ʼɛ á akʉ̄ɛ akʉ̄ɛ zīi, á tsetsɔŋɔ ŋgɔ́ ndʉɔne lʉɔne á ntē amɔ nzém. Ajū mīi epuɔ é lʉɔ̄ á ntē pɔ́p, a epú nzéŋ ŋ́ghʉ̄, mɛ́ ezhɛ́. Púp, Ndém a efhó ánɛ afaʼ awíɛ awíɛ, tɛ́ ŋgūʼte á yí.

2 Kɔlɛŋte 5:10

melaʼ mīi, ḿpɛ metsem, e láʼ etshí á mvhɔ Klísto, a ezáʼ ntsaŋ zímpɛ. Éfhó ánɛ mefaʼ mīi, awíɛ awíɛ a le zɛ́t á esī atsetsáʼ ega, ŋ́ghʉ̄ɛ, kɛ emi mbɔŋ lɛ̄ɛ, kɛ emi tepɔŋ lɛ̄ɛ, ńzápa azí anu á alá apū yí.

Galat 1:11

Epɔ̄ memía, meŋ chʉ́ɛ nnɛ̄t eshúŋɔ á wɛ́ ŋ́gɛ, ŋke mbɔŋ yīi, meŋ ndɛɛ́ ntswii á mbū pɛ, é té efhɔ́ɔ á mbū ŋiŋnɔŋ ɔ́.

1 Timotɛ 1:11

Anu jʉɔ zīi, meŋ zíʼnɛ á wɛ́ la, á fhɔ́ɔ á ntē ŋke mbɔŋ páʼ Ndém a le tsekné á mbū meŋ épúp. Ndém wuɔ mɛ́t, a á ŋiŋ, shʉ́shɔ́k yi á gɔ́ éwú. A naáŋ efʉʼ metsem, á ntē lepɔŋ.

2 Timotɛ 2:8

Kímte á Yɛɛ́so Klísto, páʼ Ndém a le ghʉ̄ʉ̄, á zím ánɛ lewhʉ̄. Yɛɛ́so wuɔ mɛ́t, a á ndhu Efɔ Ndavít, ńdeŋ ndeŋ páʼ ŋke mbɔŋ yīi meŋ tswii, é si ndʉ́ɛ́ épúp.

2 Timotɛ 4:1

A fú aleʼé, Yɛɛ́so Klísto, a ezéŋ eshʉ̄ʼ, ésáʼ ŋgɔŋ ntsem, ńzáʼ ntsaŋ zɔp a epuɔ mete, mbɔɔ ezɔp a mepfhō. Meŋ á tshí á mvhɔ yí, mbɔɔ á mvhɔ Ndém, ńdɔk á legɔ̄ yīi, a a fú eshʉʼ épúp, ńdé mé wu ŋ́gɛ:

2 Timotɛ 4:8

Tɛ efhó tsetsɔŋɔ, meŋ ncʉ́ʼɛ nzwíʼtɛ áa ntaŋá yīi, ŋiŋ yīi a naáŋ páʼ Ndém a á si ŋkɔ̄ŋɔ, a pɔŋteé á lewɛ, ńtaŋá yīi Atsyapuɔ, á ndɔ̄k ndeŋ ndeŋ nzáʼ ntsaŋ, a a láʼ eyá mé meŋ, á aleʼé zīi, a záʼa ntsaŋ. A á le lɛ̄ ŋgyá mé meŋ ndaʼ á, a eyá tɛ mbɔɔ á mbū epuɔ metsem pīi, é gɛ nzī ntsáa á lejʉ̄ɔ á yí.

Eble 9:27

Páʼ epuɔ menɔŋ, é pɔŋteé á lekwhʉ̄ á taʼ legʉɔ, ŋgʉ̄ɔ mé ajʉʼ zīi, Ndém a záʼa ntsaŋ éwú lā.

1 Piɛ 4:5

Táʼ, pɔ́ e láʼ etshí á mvhɔ Ndém, élɛʼ menu mɔ́p. Ndém mɛ́t a á ndáʼ ntshí á yí á lezāʼ ntsaŋ zɔp a epuɔ mete, mbɔɔ ezɔp a mepfhō.

2 Piɛ 2:9

Mɛ́ fhoó ánɛ anu jʉɔ mɛ́t, ńjʉ́ɔ páʼ Atsyapuɔ a kuūʼ á lefhō á ntē atapne, éfók á ŋiŋ yīi, a naáŋ ndeŋ ndeŋ, páʼ yí Ndém a á si ŋkɔ̄ŋɔ. Ńjʉ́ɔ páʼ a kuūʼ á yí á lekūʼte megaŋ mefa, ńdɔk nzwíʼte aleʼé zīi, a gʉɔ mé nzaáʼ ntsaŋ, étswá á wɔ́p ŋgʉɔ athʉ́ lepé.