Lomɛŋ 2:15 - Eka Eswhī

¹⁵ Pɔ́ é páʼā, ńdɔkɔ ntswīi á légɛ, mɛnzhɛ yīi, lepé é si ŋkɔ̄ŋɔ ŋ́gɛ mɛ́ ezīŋ éwú, a á ŋkia kia á ntē pɔ́p. Ntē wɔ́p é zéŋ nnɔ̄ŋ eshúŋɔ á wɔ́p épúp. Akwaŋte zɔ́p á lɔk á legɔ̄ amɔ̄ʼ afʉʼ, ŋ́ŋāk á wɔ́p, mbɔɔ á legɔ̄ mmɔʼ afʉʼ, ńtɔ́k nzem zɔp, ńzéŋ ŋghʉ̄ pɔ́ zhɛ́ épúp.

Lomɛŋ 2:15 Iomraidhean Croise

Jáaŋ 8:9

Pɔ́ júʼ páʼ Yɛɛ́so a á lé épúp, ŋgʉ̄ɔ á taʼ taʼ. Ńzī ánɛ melʉɛ, tɛ Yɛɛ́so pɔ́ menzwí wɔ̄ mé cʉ́ʼ nzɛ́t éwú. Menzwí wɔ̄ á zɛ́t ntshí áa ajʉʼ zīi, mɛ́ ntshí á yí éwú lā.

Mefaʼ Meziŋ-ntō 23:1

Pɔ́ɔl á pʉ́ʼɛ menēk mí ntshí ánɛ wɔ sáʼ‑ŋgɔŋ epuɔ Yúda, ńdé mé pɔ́p ŋ́gɛ: «Epɔ̄ memía, ánɛ páʼ meŋ ndɔɔ̄k ŋgɔ́ azá á mvhɔ Ndém, amɔ̄ʼ azō á té á ntē meŋ ŋŋāka á gá á, tɛ ŋkó á ayáʼa á. »

Mefaʼ Meziŋ-ntō 24:16

Melaʼ épúp tɛ́, meŋ kaāk ete efʉʼ metsem, á legɔ̄ ndeŋ ndeŋ á mvhɔ Ndém, mbɔɔ á mvhɔ epuɔ menɔŋ.

Lomɛŋ 2:14

Á amɔ̄ʼ afʉʼ, epuɔ pīi é té epuɔ Yúda á, ńzi nnɔ̄ŋ te nzhɛ́ lepé Mɔɔ́sɛ ɛ́, é ké njúʼ á mbe nnɛ̄t pɔ́p, ŋ́ghʉ̄ páʼ é si nzɛ́ttɛ. Pɔ́ naáŋ páʼ lepé mɛ́t, é nti tií á ntē pɔ́p lā, tɛ́ ŋké mbiŋ ńnɔ̄ŋ te nzhɛ́ɛ lepé mɛ́t ɛ́.

Lomɛŋ 2:27

Púp, ŋiŋ yīi mɛ́ é si ndɔ̄kɔ menēk njʉ́ɔ, mbɔ mɛ́ la á yí tém ɛ́, á piŋ nnɔ̄ŋ ŋkúʼtɛ lepé Mɔɔ́sɛ, a a shʉʼ mmaʼ esē á athū wu yīi, mɛ́ lē ntém á wú, o nɔŋ nzhɛ́ɛ lepé, ḿbiŋ nnɔ̄ŋ te nzīŋɛ páʼ lepé mɛ́t, é si nzɛ́tɛ ɛ́.

Lomɛŋ 9:1

Páʼ meŋ á ŋiŋ Klísto lā, anu zīi meŋ gɔ́ á eshúŋɔ la, á anuúnē. Meŋ te ntáŋa mela á. Azwakne Ndém á nɔŋ ntswíi ntāŋ gá, ŋ́ghʉ̄ɛ, ntē gá é té ŋāka á gá á.

2 Kɔlɛŋte 1:12

Ajū mīi ḿpek lɔkɔ ŋkāʼtɛ, á si ŋgɔ́ páʼ akwaŋte zék á té si ŋŋāka á wék ɛ́. Pek lɔɔ̄k á ndeŋ ndeŋ pɔ́ anuúnē zīi, á fhɔ́ɔ á mbū Ndém, tɛ́ nnáŋ á ŋgɔŋ ega. Ńtswhi ŋgwɛ̄ á ndeŋ ndeŋ pɔ́ anuúnē mɛ́t, ánɛ pɛ. Ŋ́gē ewɛ épúp, á té fhɔ́ɔ ánɛ azhɛ̄‑anu ŋiŋnɔŋ ɔ́, á fhɔ́ɔ áa ánɛ apɔŋɔ́ ntē te ndhʉ zīi, Ndém a wɛɛ̄ ánɛ pek.

2 Kɔlɛŋte 5:11

Pek é si nzhɛ́ɛ anu zīi, lewuʼte Atsyapuɔ, á páʼā ndɔkɔ ndʉ́ɛ́, ńnɔŋ efāʼa á leghʉ, tɛ epuɔ menɔŋ é véŋ azɔ́p. Ndém a zhɛɛ́ á wék tɛ ntsékne. Meŋ á kwaŋ ŋ́gɛ, pɛ méŋwɛ̄t é zhɛɛ́ á gá azá tɛ ntsékne, á ntē pɛ.

1 Timotɛ 4:2

Epuɔ puɔ mɛ́t e shʉʼ ecʉ́ʼe, megaŋ ŋkɔŋ menēk, ŋ́gɔ́ megaŋ mela, é eghʉ, pɔ́ efā nzhɛ. Megaŋ ŋkɔŋ menēk mɛ́t, é si ŋgɔ́ epuɔ pīi, athū zɔ́p á lē mbék, páʼ mɛ́ tɔɔ azō á mmók tɛ á pékɛ lā, tɛ ŋgɔ́ yīi, akwaŋte zɔ́p á nɔŋ ntswáa á wɔ́p, pɔ́ le zéŋ nzhɛ́ ɛ́.

Tíit 1:15

Ajūɔ tsem á mbɔŋ, á mbū epuɔ pīi pɔ́ wɛɛ̄ ntē mbɔŋ, á mvhɔ Ndém. Ḿbiŋ ŋgɔ́ á mbū epuɔ pīi, epe é lē mpféŋ á wɔ́p, épuɔ pīi pɔ́ lʉʉ̄ʼ á wɔ́p á lefɛ̄ nnɛ̄t ŋgyá á mbū Yɛɛ́so, mbɔ ajūɔ mbɔŋ, á té mbū pɔ́p ɔ́, á cʉ́ʼɛ épúp, mbɔ akwaŋte zɔ́p á efʉʼ metsem, ńtshí áa leghʉ anu tepɔŋ, leghi tsɔ́p é zéŋ ntshí áa leghʉ anu tepɔŋ.