Lomɛŋ 2:13 - Eka Eswhī

¹³ Á páʼā, epuɔ pīi, é juúʼ lepé Mɔɔ́sɛ juúʼ ndaʼ, Ndém a te e láʼ etɔ́ŋ á wɔ́p lɛ, epuɔ ndeŋ ndeŋ ɛ́. Epuɔ pīi é ké mbiŋ njúʼ lepé mɛ́t, ŋ́kúʼte, a etɔ́ŋ á wɔ́p lɛ, epuɔ ndeŋ ndeŋ.

Lomɛŋ 2:13 Iomraidhean Croise

Lúkási 18:14

Yɛɛ́so á ge emakne, ńdé ŋ́gɛ: «Pɛ ezhɛ́ á légɛ, ŋiŋ wuɔ mɛ́t, á ge epiŋ nzem mé mba zi, mbɔ Ndém a á ndáʼ mvéŋ á yí páʼ ŋiŋ yi, ḿbiŋ te ŋiŋ Falísia véŋ. Á épúp tɛ́, ŋiŋ yīi a kɔʼneé nnɛ̄t kɔʼné, Ndém a a shʉʼ esóʼne á yí. Ŋiŋ yīi a piīŋ nnɔŋ nnɛ̄t á esī nɔŋ, Ndém a a shʉʼ ekɔ́ʼne á yí. »

Lúkási 8:21

Yɛɛ́so á piŋ mbwɛ̄t ńdé ŋ́gɛ: «Mɛ́ ga, pɔ́ epɔ̄ memía pá, é si ŋgɔ́ epuɔ pīi, pɔ́ é si njúʼɔ ashuŋne Ndém, ńzéŋɛ ŋghʉ̄ɛ ndeŋ ndeŋ épúp. »

Jáaŋ 13:17

Tsetsɔŋɔ, páʼ pɛ é si nzhɛ́ɛ menu muɔ mɛ́t lā, pɛ ghʉɛ épúp, mbɔ pɛ é meshhʉ̄ mbɔŋ.

Mefaʼ Meziŋ-ntō 13:39

Awíɛ awíɛ yīi, a á fɛ́ nnɛ̄t ŋgyá á mbū Yɛɛ́so, a a láʼ etswɛ́t ánɛ mefa mí.

Lomɛŋ 10:5

Mɔɔ́sɛ a le tíī, ánɛ ŋiŋ á legē egɔ́ á ŋiŋ ndeŋ ndeŋ, éfhó ánɛ yí á lekūʼte lepé, ŋ́gɛ: «Ŋiŋ yīi a kuʼteé lepé, a a láʼ elɔk lepé mɛ́t tɛ́ egɔ́ éwú. »

Lomɛŋ 2:25

O kúʼtɛ lepé Mɔɔ́sɛ, mbɔ legɔ̄ yīi mɛ́ le tém á wú, a a tswíte á wú. Ḿbiŋ te lepé mɛ́t kúʼte, á cʉ́ʼɛ ŋgɔ́ɔ áa páʼ, mɛ́ zi la á wú tém ɛ́ lā.

Lomɛŋ 3:20

É melaʼ épúp tɛ́, Ndém a te e láʼ efhó ánɛ páʼ, ŋiŋ a ghʉʉ̄ páʼ lepé ntsem é si nzɛ́ttɛ, tɛ́ etɔ́ŋ á ŋgaŋ lɛ, ŋiŋ ndeŋ ndeŋ ɛ́. Lepé é tswiteé áa lelɔk nzhɛ́ ajū mīi, mɛ́ é fa.

Lomɛŋ 3:23

Epuɔ metsem é lē mbú ŋgwhʉ̄ mefa, ésá lewūʼ tsīi, é lezēŋ Ndém.

Lomɛŋ 3:30

Á épúp melaʼ mīi, taʼ Ndém mé éwú. Yí mé e láʼ ezápa ánɛ lefɛ̄ nnɛ̄t epuɔ pīi, mɛ́ lé tém á wɔ́p, mbɔɔ epi mɛ́ la á wɔ́p tém ɛ́, étɔ́ŋ á wɔ́p lɛ epuɔ ndeŋ ndeŋ.

1 Kɔlɛŋte 4:4

Meŋ á ntē meŋ nzhɛ́ á légɛ, meŋ ke ghʉ̄ afaʼ zīi, Ndém a le tsekné á mbū meŋ á mbɔŋɔ́. Táʼ, á té ndɔkɔ ŋ́gɛ, meŋ á ŋiŋ ndeŋ ndeŋ á mvhɔ Ndém ɛ́. Ŋiŋ yīi a a láʼ elé egɛ, meŋ á ŋiŋ ndeŋ ndeŋ, kɛ meŋ te ewiɛ́ lɛ́ɛ, a gɔ́ áa Atsyapuɔ.

Galat 2:16

Ḿpɛ é si ŋké nzhɛ́ɛ á légɛ, Ndém a te fhó ánɛ ŋiŋ á lekūʼte mbé mí, tɛ́ ntɔ́ŋ á ŋgaŋ lɛ, ŋiŋ ndeŋ ndeŋ ɛ́. A fhoó áa ánɛ ŋiŋ á lefɛ̄ nnɛ̄t ŋgyá á mbū Yɛɛ́so Klísto. Ḿpɛ azímpɛ é le fɛ́ nnɛ̄t ŋgyá á mbū Yɛɛ́so Klísto, ńdɔkɔ efāʼa ŋ́gɛ, a etsīa ánɛ lefɛ̄ nnɛ̄t mɛ́t, ńtɔ́ŋ á yímpɛ lɛ, epuɔ ndeŋ ndeŋ. A á le zápa ánɛ pímpɛ á lekūʼte mbé mí í, melaʼ mīi, Ndém a gɔ le fhó ánɛ ŋiŋ á lekūʼte mbé mí, tɛ́ ntɔ́ŋ á ŋgaŋ lɛ, ŋiŋ ndeŋ ndeŋ ɛ́.

Galat 5:4

Pɛ pīi, pɛ é si ŋkwāŋa ŋ́gɛ, pɛ é epuɔ ndeŋ ndeŋ á mvhɔ Ndém, melaʼ mīi pɛ é kuʼteé mbé Mɔɔ́sɛ, pɛ ezhɛ́ á légɛ, pɛ lē efak nnɛ̄t ánɛ Klísto. Púp pɛ lɔ̄kɔ ntémɛ nzem, ŋ́gɛ ndɛ́ʼ Ndém á ghʉ anu mbɔŋ té ndhʉ ánɛ pɛ.

Jáak 1:27

Legɔ̄ á kwaʼ ŋiŋ Ndém ndeŋ ndeŋ, páʼ Mɔʼɔ́ yímpɛ Ndém, a á si ŋkɔ̄ŋɔ, á si ŋgɔ́ á letūŋne epɔ̄ metsɛɛ́h pɔ́ mepfók á ntē ŋgʉɔ̄ʼ zɔp. Ḿbiŋ ntshí á akhu ŋgīŋne, ḿbɔ́k menu ŋgɔŋ á leghʉ, o efā nzhɛ.

1 Jáaŋ 2:29

Páʼ pɛ é si nzhɛ́ɛ á légɛ, Klísto a á ŋiŋ ndeŋ ndeŋ lā, pɛ ezéŋ nchʉ́ nnɛ̄t nzhɛ́ á légɛ, ŋiŋ ntsem yīi, a ghʉʉ̄ ajū mīi, á ndeŋ ndeŋ, a á si ŋgɔ́ á méŋ Ndém.

1 Jáaŋ 3:7

Ewɔŋkhʉ̄ pá, ndɛ́ʼ pɛ ecʉ́ʼ, ŋiŋ á ghʉ pɛ efā nzhɛ. Ŋiŋ yīi a ghʉʉ̄ anu ndeŋ ndeŋ, a á ŋiŋ ndeŋ ndeŋ, páʼ Klísto a á ŋiŋ ndeŋ ndeŋ.