Lomɛŋ 2:12 - Eka Eswhī

¹² Epuɔ metsem pīi, pɔ́ é si ŋgē eghʉɛ mefa, ńnɔŋ te nzhɛ́ɛ lepé Mɔɔ́sɛ ɛ́, pɔ́ e láʼ elákne áa te zhɛ́ lepé mɛ́t. Táʼ, epuɔ metsem pīi pɔ́ ge eghʉ mefa, ńnɔŋ nzhɛ́ɛ lepé, Ndém a eláʼ ntsīa ánɛ lepé mɛ́t, tɛ́ nzáʼ ntsaŋ zɔp.

Lomɛŋ 2:12 Iomraidhean Croise

Matío 11:22

Kwaʼ anuúnē, meŋ shúŋɔ á wɛ́ ŋ́gɛ, a láʼ aleʼé zīi, Ndém a záʼa ntsaŋ epuɔ menɔŋ, anu zɛ́ a epék ntɔ́k azi epuɔ Tíi pɔ́ Sidɔŋ.

Matío 11:24

Meŋ ndɔkɔ eshúŋɔ á wɛ́ ŋ́gɛ, a láʼ aleʼé zīi, Ndém a záʼa ntsaŋ epuɔ menɔŋ, anu zɛ́ a epék ntɔ́k azi epuɔ tésɔŋ Sodɔm. »

Jáaŋ 19:11

Yɛɛ́so á tsɔ́ʼ á mbū yí ŋ́gɛ: «Ndém a zɛ́tɛ té yá mete á mbū wu, mbɔ amɔ̄ʼ ajū mīi, o gɔ eghʉ̄ʉ ánɛ meŋ, á té éwú ú. É melaʼ épúp tɛ́ ŋiŋ yīi, a ke swīŋ á gá á mbū wu, a á ŋgaŋ mefa ntɔ́k á wú. »

Mefaʼ Meziŋ-ntō 2:23

Yɛɛ́so wuɔ mɛ́t, pɛ ke gɔ̄ á yí, ŋ́gyá á mbū wɔ te zhɛ́‑Ndém, pɔ́ kwɛte á yí ánɛ mbaŋne paŋné, á kwhʉ́. Á gɔ́ anu zīi, Ndém a le té njhʉ̄ nzápa, ńnɔŋ nzhɛ́ɛ á légɛ, a láʼ egɔ́ épúp.

Lomɛŋ 1:32

Tɛ mbɔɔ páʼ pɔ́ é si ncūŋtɛ nzhɛ́ páʼ, lepé Ndém é leé ŋ́gɛ, epuɔ pīi pɔ́ fʉʼtɛ ntií menu jʉɔ mɛ́t, pɔ́ gɔ le vūʼu lā. Pɔ́ té lɛ efʉ̄ʼte ntií menu jʉɔ mɛ́t ndaʼá, pɔ́ zeéŋ ntswíʼte epuɔ pīi, pɔ́ é si efʉ̄ʼtɛ.

Lomɛŋ 4:15

Ŋiŋ a te zīŋ páʼ lepé Mɔɔ́sɛ é si nzɛ́ttɛ ɛ́ páʼā, Ndém á záŋ á lɔ́ŋ. Lepé é piīŋ te á esī í páʼā, ŋ́gɔ́ yīi mɛ́ gɔ le lé ŋ́gɛ, ŋiŋ a á fa lepé ɛ́.

Lomɛŋ 8:3

Ndém a le ghʉ̄ épúp, á gɔ́ ajū mīi, lepé Mɔɔ́sɛ é lɛ te kūʼ á leghʉ ɛ́, melaʼ mīi, lepwɛ̄t ŋiŋnɔŋ, a le ghʉ̄ʉ̄, ŋiŋ a te kūʼ á lekūʼte lepé ɛ́. Ndém a le gē efók mefa epuɔ menɔŋ, ńtó á kwaʼ Méŋ yi, á wɛ mbe nnɛ̄t, páʼ ezi epuɔ menɔŋ, mégaŋ mefa. A le zapá ánɛ mbe nnɛ̄t zi mɛ́t, tɛ́ mbík mefa epuɔ menɔŋ.

1 Kɔlɛŋte 9:21

Meŋ gʉɔ̄ tɛ ŋkó á nnɔ epuɔ pīi, pɔ́ gɛ te njúʼu lepé Mɔɔ́sɛ ɛ́, ńcʉ́ʼɛ nnáŋa áa páʼ pɔ́p la, ńdɔkɔ efāʼa ŋ́gɛ wɔ te júʼ‑lepé, e efɛ́ nnɛ̄t ŋgyá á mbū Atsyapuɔ Yɛɛ́so. Meŋ te ndɔ̄kɔ ŋ́gɛ, meŋ gɛ te njúʼu lepé Ndém ɛ́, ŋgáŋ, meŋ gɛ njúʼu, melaʼ mīi, Klísto a puú ŋgɔ́ etsá lepé tsem.

Galat 3:10

Ndém a a láʼ enéŋ ndɔ á athū epuɔ metsem pīi, pɔ́ kuʼteé lepé, éfāʼa á legɔ̄ ndeŋ ndeŋ á mvhɔ yí. Ndém a le lé á ntē aŋwaʼne yí ŋ́gɛ, yí e láʼ enéŋ ndɔ á athū ŋiŋ ntsem yīi, a te kuʼté mbé ntsem, efʉʼ metsem ɛ́. Á ŋiŋ ntsem yīi, a te si nzīŋɛ ánɛ mbé ntsem mīi, mɛ́ le tí á ntē aŋwaʼne mbé ɛ́.

Galat 3:22

Ndém a leé á ntē aŋwaʼne yí ŋ́gɛ, epuɔ metsem á ndo esī atsetsáʼ, é si ŋgɔ́ apuʼ mefa, tɛ́ Ndém a etsīa épúp, ŋ́gyá ajū mīi, a le laʼnēē, á mbū epuɔ pīi, é fɛɛ́ nnɛ̄t ŋgyā á mbū Yɛɛ́so Klísto.

Jáak 2:10

Ŋiŋ a zi mbú ŋkúʼte mbé Ndém ntsem, ḿbīŋ ŋgwhʉ̄ ánɛ taʼ ndaʼ, mbɔ a á pú ŋgwhʉ̄ mbé Ndém ntsem.