Lomɛŋ 2:10 - Eka Eswhī

¹⁰ Ŋ́ké mbiŋ ŋgɔ́ mé awíɛ yīi, a á si ŋghʉ̄ɛ á mbɔŋɔ́, á kɔŋte á yí, ŋ́kím lezēŋ tsí á mbɔŋɔ́, ŋ́ghʉ̄ á náŋ mé apwɛne. Nzī ánɛ epuɔ Yúda, ḿbáte epuɔ Glɛk.

Lomɛŋ 2:10 Iomraidhean Croise

Matío 10:13

Ŋ́gɔ́ éyi epuɔ ŋgyā mɛ́t, é kókne á wɛ́, Ndém á ghʉ pɔ́ wɛ apwɛne. Ḿbiŋ te á wɛ́ kókne, apwɛne zɛ́ é piŋ, á mbū pɛ.

Lúkási 1:79

Ḿbú nzéŋ ŋ́kɛ̄ʼɛ epuɔ pīi, pɔ́ naáŋ á ntē nzém, lewhʉ̄ á gɔ́ éwú efāŋnɛ á wɔ́p, tɛ́ ḿpɛ elɔ̄k nzíʼne á yímpɛ, á lenāŋ mé apwɛne. »

Lúkási 12:37

Meshhʉ̄ mbɔŋ é megaŋ afaʼ puɔ mɛ́t, épi mɔʼɔ́ wɔp a á ge ekɔ́ʼe, mbɔ pɔ́ kaá ndí í. Kwaʼ anuúnē, meŋ shúŋɔ á wɛ́, mbɔ a ŋyɛtte nnɛ̄t zi á legʉɔ efāʼ etsō, étswi á mbū pɔ́p, pɔ́ enáŋte á esī, a elɔk shʉʼ, ŋ́gyá pɔ́ epfɛ́t.

Lúkási 19:42

Ńdé ŋ́gɛ: «Pɛ epuɔ Yelósalɛm, a láʼa ŋgɔ́ yīi, pɛ le zhɛ́ azɛ́ ajū mīi, á gɔ eyá á wɛ́ apwɛne ayáʼa ā? Ajʉɔ anu mɛ́t á piteé á wɛ́, pɛ gɔ le jʉ́ɔ.

Lúkási 22:14

Afʉʼ á náŋ tɛ ŋkūʼ, Yɛɛ́so pɔ́ a meziŋ‑ntō pí, é shʉʼ nnáŋ á esī ŋgɔ̄ á mpfɛ́t azō.

Lúkási 9:48

Á lé á mbū pɔ́p ŋ́gɛ: «Ŋiŋ a ŋkóknɛ á méŋ agáʼ mɔ́ wuɔ melaʼ má, mbɔ a lɔkɔ ŋkóknɛ áa gá. Ŋiŋ a piŋɛ ŋkókne á gá, mbɔ a lɔkɔ ŋkóknɛ á ŋiŋ yīi, a le tó á gá. Ŋiŋ yīi a á nnɔ pɛ metsem, ńnɔ̄ŋ nnɛ̄t zi á esī, yí mé mía ŋiŋ. »

Jáaŋ 12:26

Ŋiŋ a nɔŋ ŋkɔ̄ŋɔ á yí á legɔ̄ ŋgaŋ afaʼ ga, á tsé á nzem meŋ. Ajʉʼ zīi meŋ á éwú la, á shʉʼ nzéŋ ŋ́gɔ́ azí éwú. Ŋiŋ a nɔŋ ŋghʉ̄ɛ afaʼ zá, mbɔ Mɔʼɔ́ ga a a shʉʼ ekɔŋte á yí.

Jáaŋ 14:27

«Meŋ á tsya apwɛne á mbū pɛ. Meŋ á yá apwɛne zá á mbū pɛ. Meŋ te ŋgyáa ánɛ ntií zīi, epuɔ ŋgɔŋ puɔ, é lɔɔ̄k ŋgyá apwɛne ɛ́. Ndɛ́ʼ além zɛ́ á zéŋ ntsɔ́ʼɔ, ndɛ́ʼ pɛ ezéŋ ncɔ̄ʼ.

Jáaŋ 16:33

Meŋ á pú eshúŋ á wɛ́ emuɔ menu mɛ́t, ńdɔkɔ ŋ́gɛ, páʼ pɛ lɛtneē ánɛ meŋ lā, apwɛne a egɔ́ mé pɛ. Pɛ é ntē ŋgɔŋ ega páʼa, ŋ́gɔ́ áa ntē atapne. Táʼ, pɛ eké ŋkāk ete, meŋ ndē ndáʼ nte ńtsyā anu tepɔŋ, á ŋgɔŋ ega. »

Mefaʼ Meziŋ-ntō 10:35

Ŋiŋ a nɔŋɔ ŋgūʼtɛ á Ndém, ŋ́gɔ́ á ŋiŋ ndeŋ ndeŋ, mbɔ Ndém a á véŋ á yí véŋ. Tɛ a zi mbú ntó ánɛ aziɛ́ alāʼ lɛ́.

Lomɛŋ 14:17

melaʼ mīi, Lefɔ Ndém é té si ŋgɔ́ anu etsō lejhʉ̄ pɔ́ anu meluʼ ɔ́. É si ŋgɔ́ á lecʉ̄ʼ, Azwakne Ndém á ghʉ, mɛ́ lɔk á ndeŋ ndeŋ nnáŋ, ńnáŋ mé apwɛne, ńnáŋ mé lekāk.

Lomɛŋ 15:13

Meŋ á si eswíŋtɛ ŋ́gɛ, Ndém, páʼ ḿpɛ zwiʼteé ajūɔ tsem áa mbū yí lā, a elɛ efhó ánɛ páʼ pɛ fɛɛ́ nnɛ̄t ŋgyá á mbū Klísto lā, ŋ́ghʉ̄, lekāk pɔ́ apwɛne e egɔ́ á ntē pɛ tɛ ndó. Tɛ́ mete Azwakne zí, é eghʉ̄, pɛ ecuŋte nzwíʼte ajū mīi, a le laʼnē á leyā á mbū pɛ.

Lomɛŋ 2:7

A a láʼ eghʉ, epuɔ pīi pɔ́ kaāk ete, ŋ́ghʉ̄ menu mbɔŋ, ńdɔkɔ efāʼa ŋ́gɛ, a ekím lezēŋ tsɔ́p á mbɔŋɔ́, ńdɔkɔ efāʼa ŋ́gɛ, a ekɔ̄ŋte á wɔ́p, ńdɔkɔ efāʼa á legɔ̄ le fú ŋkwhʉ́, ŋ́kó ŋkwhʉ́ ɛ́, e etā á lezēŋ yí.

Lomɛŋ 2:9

Ndém a a láʼ enéŋ ŋgʉɔ̄ʼ pɔ́ atapne, ánɛ awíɛ awíɛ yīi, a á si ŋghʉ̄ɛ anu tepɔŋ. Ézi ánɛ epuɔ Yúda, épáte epuɔ Glɛk.

Lomɛŋ 5:1

Páʼ Ndém á lē ntɔ́ŋ á yímpɛ lɛ epuɔ ndeŋ ndeŋ, melaʼ mīi ḿpɛ fɛɛ́ nnɛ̄t ŋgyá á mbū yí lā, ḿpɛ zapaá ánɛ Atsyapuɔ yímpɛ Yɛɛ́so Klísto, ḿpɛ a pɔ́p é náŋ ńda nda.

Lomɛŋ 8:6

Ŋiŋ a ziīŋ páʼ, mbe nnɛ̄t zi mé si ntshónɛ á yí ŋ́gɛ, a ezīŋ épúp páʼā, ńdɔkɔ nzīŋɛ ánɛ mɛnzhɛ lewhʉ̄. Ŋiŋ á piŋ nzīŋ páʼ Azwakne Ndém mé si nzɛ́ttɛ épúp páʼā, ńdɔkɔ nzīŋɛ ánɛ mɛnzhɛ yīi, Ndém a a ghʉ, a egɔ́ éwú, ŋ́gwɛ̄ apwɛne.

Lomɛŋ 9:21

Mbɔɔ‑meŋgwʉ́ŋ a gɔ elɔ̄ɔk atsáʼ meŋgwʉ́ŋ, ŋ́ghʉ̄ ajū mīi a á kɔŋ. A gɔ elɔ̄ɔk mbɔ́ ŋgwʉ́ŋ yīi, é teē nzwiŋ, ŋ́kɔ̄ŋ, á lɔk mbɔ́ eyi, é lɛɛ̄ emɛ emɛ ŋgɔ́.

Lomɛŋ 9:23

A le gē eghʉ épúp, ńzéŋ nnɔŋ ŋkɔ̄ŋɔ ŋ́gɛ, mɛ́ ezhɛ́ páʼ lewūʼ tsí é faáŋ épúp, ánɛ epuɔ pīi, é páʼ meŋgwʉ́ŋ mīi, a wɛɛ̄ atsāmezeŋɛ ánɛ pɔ́p lā. A le té njhʉ̄ ŋyɛ̄tte meŋgwʉ́ŋ mɛ́t, ŋ́gɛ pɔ́ eláʼ ŋkó á ntē lewūʼ tsí.

Galat 5:22

Pɛ eké njʉ́ɔ ntá zīi, Azwakne Ndém á ghʉ̄ʉ, ŋiŋ á zém. Á ghʉʉ̄, ŋiŋ á wɛ ŋkɔŋne. Ŋ́ghʉ̄, ŋiŋ á náŋ mé lekāk. Ŋ́ghʉ̄, ŋiŋ á náŋ mé apwɛne. Ŋ́ghʉ̄, ŋiŋ a te gákne nzáŋ á lɔ́ŋ ɔ́. Ŋ́ghʉ̄, ŋiŋ á wɛ apɔŋɔ́ ntē. Ŋ́ghʉ̄, ŋiŋ tswíte emɔ̄ʼ epuɔ. Ŋ́ghʉ̄, ŋiŋ á gɔ́ ŋiŋ yīi, mɛ́ gɔ etém nzem ŋgyá á mbū yí.

Galat 5:6

Ńdɔkɔ ŋ́gɛ, ŋiŋ a lɛtnɛ ánɛ Yɛɛ́so Klísto, mbɔ letēm á ŋiŋ pɔ́ legɔ̄ le á yí tém, é pú ŋgɔ́ le á yí tswíte. Mía anu a gɔ́ áa á yí á lefɛ̄ nnɛ̄t ŋgyá á mbū Klísto, lefɛ̄ nnɛ̄t mɛ́t á tshóne á yí á lekɔŋ epuɔ menɔŋ.

Fílíip 4:7

Pɛ ghʉɛ épúp, Ndém á yá á wɛ́ apwɛne zīi, á puú efáŋ ńtɔ́k ajū mīi, leghi ŋiŋ ntsem, é gɔ ekwāŋte. Apwɛne mɛ́t, a epú ŋkápte á wɛ́, ńtɔ́te leghi tsɛ́, melaʼ mīi pɛ lɛtneē ánɛ Yɛɛ́so Klísto.

1 Timotɛ 1:17

Awuʼte pɔ́ mekuʼ, e egɔ́ á mbū Ndém yīi, a á eséŋɛ lɛ́, ŋ́gɔ́ áa efɔ, á mbū Ndém te kwhʉ́, á te jʉ́ɔ‑eshhʉ̄ yí, á Ndém yīi a á yíléyī. A egɔ́ épúp á meŋguʼ meŋguʼ. Á páʼa.

Eble 2:7

O le shʉ̄ʼ ánɛ páʼ mecɔʼ Ndém é épúp, ńnáʼ esóʼne á yí mé esī, ánɛ méŋ afʉʼ, ńchʉ́ á yí, ŋ́ghʉ̄ ŋ́gɛ, mɛ́ eyá mekuʼ mí.

Jáak 2:22

Púp, lɔkɔ nzhɛ́ á légɛ, yí lefɛ̄ nnɛ̄t pɔ́ leghʉ mefaʼ ndɔ̄k ntswī, é le zīŋ á taʼ nnɔ. Yí leghʉ mefaʼ ndɔ̄k ntswī á légɛ yí fɛɛ́ nnɛ̄t, mé si ŋgɔ́ á lefɛ̄ nnɛ̄t ŋgyá á mbū Ndém tɛ ntsékne.

Jáak 3:13

Ŋiŋ a gɔ́ɔ á nnɔ pɛ, ŋ́kwāŋ ŋ́gɛ, yí wɛɛ̄ azhɛ̄‑anu, ńzéŋ ŋgwɛ̄ leghi, á lɔk atswhī mbɔŋ zí ntswī, ńzéŋ ndɔ̄k mefaʼ mīi, a ghʉɛ, mé lesōʼne nnɛ̄t ŋgyá á esī, ńtswī.

1 Piɛ 1:7

Pɛ e jʉ́ɔ ŋgʉɔ̄ʼ mɛ́t épúp, tɛ́ mɛ́ ejʉ́ɔ kɛ pɛ zi ŋkwāʼ efɛ́ nnɛ̄t ŋgyá á mbū Yɛɛ́so lɛ́ɛ. Wɛ́ lefɛ̄ nnɛ̄t ŋgyá á mbū Yɛɛ́so, a teē nzwiŋ ntɔ́k á gɔ́ɔl. Mɛ́ gē ezhɛ́ á gɔ́ɔl mbɔŋ, ńtɔ̄ á yí á mmók. Á piŋ ŋké efú ndáʼ ḿbék péke. Ndém a a láʼ efhó ánɛ wɛ́ á lefɛ̄ nnɛ̄t ŋgyá á mbū Yɛɛ́so, tɛ́ ekɔ́ʼne nzwiŋ wɛ́, tɛ́ ewuʼte á wɛ́, tɛ́ eghʉ mekuʼ mɛ́, á aleʼé zīi, Yɛɛ́so Klísto yí méŋwɛ̄t, a ghʉɛ mɛ́ zhɛ́ɛ á yí.

1 Piɛ 5:4

Pɛ ghʉɛ épúp, mbɔ aleʼé zīi efɔ mepio‑memvhō a túɔ́ á ntentā, a eyá á wɛ́ ntaŋá yīi, é tɔɔ́k etsō tsem. Ntaŋá wuɔ mɛ́t, é gɔ le láʼ mbék ɛ́.