Lomɛŋ 2:1 - Eka Eswhī

¹ A zi mbú ŋgɔ́ áa awɔ́ lɛ́, ńnɔŋ nthúɔ alɔ́ʼ ŋiŋ, mbɔ mɛ́ gɔ le á yí tsá, melaʼ mīi, wu yīi o ó si nthúɔ alɔ́ʼ epuɔ, ḿbiŋ nnɔ̄ŋ ŋghʉ̄ɛ ajú páʼ pɔ́p, á páʼā, o lɔkɔ ntshíɛ athʉ́ á akhu wu mbīi.

Lomɛŋ 2:1 Iomraidhean Croise

Lúkási 12:14

Yɛɛ́so á tsɔ́ʼ á mbū yí ŋ́gɛ: «Mbaŋa wɔ, awɔ́ a ke chʉ́ á gá, ŋ́gɛ meŋ eŋāk menu mɛ́ ɛ́? Ŋ́gɛ meŋ egāp etsō tsɛ́ ɛ́?»

Lúkási 19:22

Á lé á mbū yí ŋ́gɛ: “Tepɔŋ ŋgaŋ afaʼ, meŋ a lɔk ashuŋne zīi, á tó á nchu wu, tɛ́ lɔk eŋak á wú. O ke nɔ̄ŋ nzhɛ́ɛ á légɛ, meŋ á ŋgaŋ leŋīŋ tɛʼ, ŋ́gē epɛ́ azō, mbɔ meŋ ndɛ te nɔ̄ɔŋ, ŋ́gē efaʼ etsō á ŋkāʼ, mbɔ meŋ kɛ te jʉ́ʼ.

Lúkási 6:37

«Ndɛ́ʼ ŋiŋ á thú alɔ́ʼ ŋiŋ tɛ mbā á yí, tɛ́ Ndém a eláʼ le azí thú. Ndɛ́ʼ pɛ elé ŋ́gɛ, ŋiŋ a á ŋgaŋ mefa, tɛ́ Ndém a eláʼ le lé ŋ́gɛ, pɛ é azɛ́ megaŋ mefa á. Pɛ elēkne mefa epuɔ, Ndém á epiŋ ndēkne emɛ́.

Lomɛŋ 14:22

Kúʼte anu zīi o ó si nzhɛ́ɛ ánɛ anu jʉɔ mɛ́t á ntē wu, pɛ Ndém mé ezhɛ́. Eshhʉ̄ mbɔŋ a á si ŋgɔ́ á ŋiŋ yīi, ntē yí é té si ŋŋāka á yí, ánɛ anu zīi, a á sáŋ tɛ njʉ́ɔ ŋ́gɛ, á mbɔŋ á leghʉ ɛ́.

Lomɛŋ 2:2

Ḿpɛ metsem, é si ŋké nzhɛ́ɛ á légɛ, Ndém a lɔɔ̄k á ndeŋ ndeŋ, tɛ́ nzáʼ ntsaŋ epuɔ pīi, pɔ́ fʉʼteē ejʉɔ ntií menu.

Lomɛŋ 2:3

Wu yīi, o thúɔ alɔ́ʼ epuɔ pīi, pɔ́ fʉʼtɛ ejʉɔ ntií menu, ḿbiŋɛ nnɔ̄ŋɔ ŋghʉ̄ɛ ajú páʼ pɔ́p, o ó jʉ́ɔ ŋ́gɛ, o gɔ ekʉ̄ʉ azāŋalɔ́ŋ Ndém, tɛ ntswɛ́t lɛ́?

Lomɛŋ 3:9

Meŋ á páʼā ndɔkɔ ŋ́gɛ akɔ̄? Ŋ́gɛ pek epuɔ Yúda, é páʼā, ńtsyā emɔ̄ʼ epuɔ lɛ́? Ŋgáŋ, meŋ ndē ndáʼ ŋkɛ́ʼte éshúŋ ŋ́gɛ, ŋiŋ ntsem, épuɔ Yúda mbɔɔ epuɔ Glɛk, é puú ŋgɔ́ áa epuʼ mefa.

Lomɛŋ 9:20

Wu ŋiŋnɔŋ, o ké mbiŋ ŋgɔ́ páʼā ŋgɔ́ awɔ́, tɛ ŋgɔ̄ á ndʉʼɛ́ ajū mīi, Ndém mé kɔŋ ŋ̄? Ŋgwʉ́ŋ é gɔ eghʉ̄ʉ páʼ lā, ńzɛ́tte á mbɔɔ‑meŋgwʉ́ŋ ŋ́gɛ: «Melaʼ akɔ̄ o le pɔ́ á gá ánɛ ejʉɔ ntií í?»

1 Kɔlɛŋte 4:5

Ńdɔkɔ ŋ́gɛ, ndɛ́ʼ pɛ efāaʼ á lezhɛ̄, kɛ ŋiŋ a á ghʉ á mbɔŋɔ́ kɛ ŋgáŋ lɛ́ ɛ. Pɛ ezwíʼte, afʉʼ a eláʼ ŋkūʼ. Pɛ ezwíʼte tɛ Atsyapuɔ a eláʼ mbīŋ nzem. Á láʼ aleʼé mɛ́t, a ekɛ̄ʼɛ á akʉ̄ɛ akʉ̄ɛ zīi, á tsetsɔŋɔ ŋgɔ́ ndʉɔne lʉɔne á ntē amɔ nzém. Ajū mīi epuɔ é lʉɔ̄ á ntē pɔ́p, a epú nzéŋ ŋ́ghʉ̄, mɛ́ ezhɛ́. Púp, Ndém a efhó ánɛ afaʼ awíɛ awíɛ, tɛ́ ŋgūʼte á yí.

1 Kɔlɛŋte 7:16

Wu menzwí, ŋgɔ́ á ŋiŋ Yɛɛ́so, o gɔ le zhɛ́ kɛ Ndém a gɔ ezápa ánɛ wu, ŋ́ghʉ̄ ndō wu á tswɛ́t kɛ ŋgáŋ lɛ́ɛ̄. Wu ŋiŋ mbaŋa, o ó le zhɛ́ kɛ, Ndém á gɔ ezápa ánɛ wu, ŋ́ghʉ̄ nzwí wu á tswɛ́t kɛ ŋgáŋ lɛ́ɛ̄.

Jáak 2:20

Atsetseŋ, o ó si ŋkɔ̄ŋɔ ŋ́gɛ, mɛ́ etswī á wú á légɛ, ŋiŋ a fíɛ́ nnɛ̄t ŋgyá á mbū Yɛɛ́so Klísto, té lɔk mefaʼ ntswī, mbɔ lefɛ̄ nnɛ̄t mɛ́t, a gɔ́ áa ŋŋiké lɛ́?

Jáak 4:11

Epɔ̄ memía, ndɛ́ʼ pɛ esɛ́ʼne mennɛ̄t mɛ́. Ŋiŋ a sɛɛ́ʼ mmɔʼ páʼā, ká á lezāʼ ntsaŋ mmɔʼ páʼā, ńdɔkɔ esɛ́ʼɛ lepé, ńdɔkɔ nthúɔ́ alɔ́ʼ lepé Ndém. Ŋiŋ a piŋɛ nthú alɔ́ʼ lepé, mbɔ a á páʼā, ńdɔkɔ ncʉ́ʼɛ páʼ ŋiŋ yīi, a le néŋ lepé, ŋ́ké te á nneŋ‑lepé mɛ́t ɛ́.