Lomɛŋ 16:7 - Eka Eswhī

⁷ Ńtsāʼte á Aŋdlonikus pɔ́ Junias, pɔ́ é si ŋgɔ́ epuɔ alāʼ pék. Pek a pɔ́p mé lɛ á ŋgyā atʉɛ́. Pɔ́ é si ŋgɔ́ memía meziŋ‑ntō Klísto, mbɔ pɔ́ le zī nzi á lefɛ̄ nnɛ̄t ŋgyá á mbū Klísto, tɛ́ meŋ ndáʼ efɛ́ azá.

Lomɛŋ 16:7 Iomraidhean Croise

Jáaŋ 14:20

Aleʼé mɛ́t, pɛ ezhɛ́ á légɛ, meŋ á ntē nnɛ̄t Mɔʼɔ́ ga, ḿpɛ é a pɔ́p é piŋ mbú ŋgɔ́ á taʼ nchu.

Jáaŋ 15:2

Apū athʉ́ tɛ ntɔ̄ʼne ánɛ meŋ, ḿbiŋ nnɔ̄ŋ te nzémɛ ntá á, a kʉɔ́ʼē. Azi á si nzémɛ ntá, á cuŋte ŋkíŋte ŋ́gɛ, a etswiʼne nzém á mbɔŋɔ́.

Jáaŋ 6:56

Ŋiŋ a pfɛ́tɛ mbap nnɛ̄t za, ńnú metshi má, mbɔ pek ŋgaŋ é temte, meŋ gɔ́ ánɛ yí, á gɔ́ ánɛ meŋ.

Lomɛŋ 16:10

Ńtsāʼte á Apɛlɛs, a le tswī á légɛ, yí chʉʉ́ nnɛ̄t ndɛ̄tne ánɛ Klísto. Pɛ etsāʼte epuɔ mba Alistobul.

Lomɛŋ 16:11

Ńtsāʼte á Elodiɔŋ, ŋiŋ alāʼ wek. Ńtsāʼte epuɔ mba Naasis pīi é lɛtneē ánɛ Atsyapuɔ.

Lomɛŋ 16:21

Timotɛ esoó afaʼ ga, a á tsaʼte á wɛ́, mbɔɔ Lusius, ŋ́ghʉ̄ á Jazɔŋ pɔ́ Sosioatlos, épuɔ alāʼ pék.

Lomɛŋ 16:3

Pɛ etsāʼte á Plisil pɔ́ Akilas, mésoó afaʼ pá pīi, pek a pɔ́p é pútɛ ŋghʉ̄ɛ afaʼ, á mbū Yɛɛ́so Klísto.

Lomɛŋ 16:6

Pɛ etsāʼte á Malía, a ke tséŋ aziʼne tɛʼ melaʼ mɛ́.

Lomɛŋ 16:8

Pɛ etsāʼte á Ampliyatus, a á si ŋgɔ́ á mbɔŋ esoó gá, á nzem Atsyapuɔ.

Lomɛŋ 16:9

Ńtsāʼte á Ulbɛŋ, ḿpɛ a pɔ́p é si mbútɛ ŋghʉ̄ɛ afaʼ á mbū Klísto. Pɛ ezéŋ ntsāʼte á mbɔŋ esoó ga Stakis.

Lomɛŋ 8:1

Púp, tsetsɔŋɔ, epuɔ pīi pɔ́ lɛtneē ánɛ Yɛɛ́so Klísto, Ndém a gɔ le zéŋ ntswá á wɔ́p ŋgʉɔ athʉ́ lepé ɛ́

Lomɛŋ 8:11

Azwakne ŋiŋ yīi, a le ghʉ̄ Yɛɛ́so á zím ánɛ lewhʉ̄, á gɔ́ á ntē pɛ, mbɔ ŋiŋ mɛ́t yīi, a le ghʉ̄ Yɛɛ́so Klísto mɛ́t, á zím ánɛ lewhʉ̄, a shʉʼ ezéŋ eghʉ, mbe nnɛ̄t zɛ zīi, é gɔ́ áa akwhʉɛ́‑azō, e egɔ́ nte, éfhó ánɛ Azwakne zí zīi, á ntē pɛ.

Lomɛŋ 9:3

Á ŋgwíʼe ŋgɔ́ yīi, Ndém á letēm nzem za, mbɔɔ wék Klísto, á legɔ̄ le gɔ́ nnɔ ɔ́, á gɔ etswíte epɔ̄ memía pá, épuɔ alāʼ pék, mbɔ a ke gɔ́, meŋ etsá épúp.

1 Kɔlɛŋte 1:30

Yí Ndém mé le tswāŋ á wɛ́ a Yɛɛ́so Klísto. Ŋ́ghʉ̄ɛ épúp páʼā, ŋ́gɛ Yɛɛ́so Klísto a egɔ́ á mbū pímpɛ, ŋ́gɔ́ á ŋiŋ yīi a zíʼnɛ azhɛ̄‑anu zīi, á fhɔ́ɔ á mbū yí Ndém. Á zeéŋ ŋgɔ́ melaʼ Yɛɛ́so mɛ́t, tɛ́ ḿpɛ é epuɔ ndeŋ ndeŋ á mvhɔ Ndém. Mbɔ Yɛɛ́so a le cūʼ á yímpɛ, ánɛ mefa, ḿpɛ é tswhi ŋgɔ́ epuɔ Ndém.

2 Kɔlɛŋte 11:23

Ŋ́gɔ́ megaŋ afaʼ Klísto, meŋ a shúŋne páʼ apia lā, meŋ gɔ́ azá ewiɛ́ tɛ ntɔ́k á wɔ́p. Meŋ nde ghʉ̄ afaʼ ntɔ́k á wɔ́p. Ŋgɔ́ me lekō á atʉɛ́, mbɔ meŋ ndé kó ntɔ́k á wɔ́p. Mɛ́ lé pú ntswá á gá, ńtɔ́k á wɔ́p. Meŋ ndé zápne á nchu lewhʉ̄, ánɛ meŋgʉɔ tɛ nzáne.

2 Kɔlɛŋte 12:2

Meŋ á si nzhɛ́ɛ emɔ̄ʼ ŋiŋ Klísto yīi a á éwú, mbɔ á ayáʼa ŋguʼ ntsɔp lekua mé legēm, páʼ Ndém a le lɔ̄k á yí ŋgʉ̄ɔ tɛ ŋkó á ajʉʼ zīi, yí méŋwɛ̄t Ndém a naáŋ éwú. Kɛ ŋgaŋ a lɛ péʼe, ńdíi athū lɛ́, mbɔ meŋ ka zhɛ́ ɛ́. Kɛ a le lɔ̄k á kwaʼ mbe nnɛ̄t zi lɛ́, mbɔ meŋ ka zhɛ́ ɛ́. Ndém méŋwɛ̄t mé si nzhɛ́ɛ.

2 Kɔlɛŋte 5:17

Ŋiŋ a lɛtneē ánɛ Klísto páʼā, ńcʉ́ʼ á ŋiŋ eswhī, mbɔ nzwiŋ atswhī ŋgaŋ, a á mi. Á cʉ́ʼɛ ŋgwɛ̄ áa atswhī eswhī.

2 Kɔlɛŋte 5:21

Klísto a lɛ á te fa, Ndém á piŋ ŋgyá apiʼ mefa mímpɛ á mbū yí, ńdɔkɔ ŋ́gɛ ḿpɛ elɔ̄k páʼ, ḿpɛ lɛtneē ánɛ Klísto, ńcʉ́ʼ epuɔ ndeŋ ndeŋ á mvhɔ Ndém.

Galat 1:22

Á gɔ́ épúp páʼā, mbɔ melúŋ epuɔ Klísto mīi é ŋgɔŋ Yudéa, pɔ́ la lezēk ánɛ meŋ tshí ɛ́.

Galat 2:2

Meŋ nde gē epe egʉɔ épúp, mbɔ Ndém mé sia eshúŋ á gá. Meŋ kó éwú, pek a wɔ tshí‑mvhɔ ánɛ alúŋ epuɔ Yɛɛ́so, é ghʉ acuʼte. Meŋ kó ánɛ acuʼte mɛ́t, ŋ́kɛ́ʼte ŋke mbɔŋ yīi, meŋ á si ntswīi á tsetsɛlɛ epuɔ Yɛɛ́so pīi, é té epuɔ Yúda á, eshúŋ á wɔ́p, ḿbɔ́k afaʼ zīi, meŋ ke ghʉ̄ʉ̄, mbɔɔ azi meŋ á tsetsɔŋɔ ŋghʉ̄ɛ, á lege ezoko, ńtó ndémndēm.

Galat 2:6

Ŋ́gɔ́ mé epuɔ pīi mɛ́ jʉɔ́ á wɔ́p páʼ wɔ tshí‑mvhɔ, mbɔ epuɔ puɔ mɛ́t, é lɛ te tshí amɔ̄ʼ apiʼ ndɛʼɛ, á athū meŋ ɛ́. Ajū mīi pɔ́ lɛ aziɛ́, á pú te si eshúŋɔ á gá azō ɔ́. Ńzi te épúp ɔ́, mbɔ Ndém a te cʉtē á ajʉʼ zīi, ŋiŋ a tshií éwú ú.

Galat 5:6

Ńdɔkɔ ŋ́gɛ, ŋiŋ a lɛtnɛ ánɛ Yɛɛ́so Klísto, mbɔ letēm á ŋiŋ pɔ́ legɔ̄ le á yí tém, é pú ŋgɔ́ le á yí tswíte. Mía anu a gɔ́ áa á yí á lefɛ̄ nnɛ̄t ŋgyá á mbū Klísto, lefɛ̄ nnɛ̄t mɛ́t á tshóne á yí á lekɔŋ epuɔ menɔŋ.

Galat 6:15

Ajū mīi á mbū meŋ ŋgɔ́ á mía azō, á té si ŋgɔ́ á letēm ŋiŋ, kɛ á legɔ̄ le á yí tém lɛ́ ɛ́. Á si ŋgɔ́ áa lewɛ lenāŋ leswhī.

Efɛze 2:10

Ndém mé le pɔ́ á yímpɛ, a le zapá ánɛ Yɛɛ́so, té mbɔ́ á yímpɛ. Ŋ́ghʉ̄ɛ épúp, ńdɔkɔ ŋ́gɛ, ŋghʉʉ́‑menu mímpɛ é egɔ́ mbɔŋ, ńzīŋ ánɛ nzhɛ zīi, Ndém a le té njhʉ̄ ŋkīa á mbū pímpɛ, ḿpɛ pīiŋ mbɔ́ŋte á leziŋ éwú.

Kɔlɔs 4:10

Alistáak a á si ntsāʼtɛ á wɛ́. Pek yí mé ŋgyā atʉɛ́. Málkúsi méŋ mɔ́ Baanabas a á si nzéŋɛ ntsāʼtɛ á wɛ́ azí. Mɛ́ lé zi ntí á mbū pɛ, ńdɔk ŋkím á yí. A gɛ ŋké eshʉ̄ʼ, pɛ ekókne á yí á mbɔŋɔ́.

Filemɔŋ 1:23

Pek Epaflas é ŋgyā atʉɛ́ melaʼ mīi pek é si ŋghʉ̄ɛ afaʼ Yɛɛ́so Klísto, a á si ntsāʼtɛ á wú.

1 Jáaŋ 4:13

Ḿpɛ gē ezhɛ́ á légɛ, Ndém a á me pímpɛ, ḿpɛ ezéŋ ŋgɔ́ mé yí, ńjʉ́ɔ, ŋ́gwɛ̄ Azwakne zí, páʼ a le néŋ á ntē pímpɛ lā.

1 Jáaŋ 5:20

Ḿpɛ é si nzhɛ́ɛ á légɛ, Méŋ Ndém a le shʉ̄ʼ á ŋgɔŋ, ŋ́gyá á yímpɛ leghi, á lelɔk nzhɛ́ á kwaʼ Ndém. Ḿpɛ pīiŋ nzápa ánɛ Yɛɛ́so Klísto Méŋ Ndém, ŋ́gɔ́ á alá apū kwaʼ Ndém mɛ́t. Yɛɛ́so mɛ́t a á si ŋgɔ́ á Ndém, ŋ́gɔ́ kwaʼ Ndém, ŋ́gɔ́ á Ŋghʉɛ mɛ́ ta á lezēŋ Ndém.

Menjʉɔ te lí 1:9

Meŋ Jáaŋ méŋ mɔ́ wɛ, ńdɛ̄tne ánɛ Yɛɛ́so páʼ pɛ lā, meŋ á si njʉ́ɔ azá ŋgʉɔ̄ʼ páʼ pɛ lā, ńnɔŋ ŋŋíŋɛ azá á ntē Lefɔ Ndém. Mɛ́ le lɔ̄k á gá ŋgʉ̄ɔ mé Patmos, álāʼ, ntshi é kɛ́nne nnéŋ á esɔŋ, ńdɔ̄kɔ á gá ŋgʉɔ épúp, melaʼ ashuŋne Ndém zīi, meŋ kuʼtéē, mbɔɔ melaʼ anu Yɛɛ́so zīi, meŋ shúŋɔ.