Lomɛŋ 16:5 - Eka Eswhī

⁵ Pɛ etsāʼte alúŋ epuɔ Yɛɛ́so zīi, á gɛ ncúʼtɛ á ŋgyā pɔ́p, ńtsāʼte á mbɔŋ esoó ga Epenɛt, a á si ŋgɔ́ mvhɔ ŋiŋ yīi, a le fɛ́ nnɛ̄t ŋgyá mé Klísto, á ntē apak ŋgɔŋ Azíi.

Lomɛŋ 16:5 Iomraidhean Croise

Matío 18:20

Ajʉʼ zīi epuɔ mémpīa ká epuɔ métɛ́t é cúʼte éwú, ánɛ lezēŋ tsá, meŋ á tsetsɛlɛ pɔ́p. »

Mefaʼ Meziŋ-ntō 16:6

Pɔ́ɔl pɔ́ epuɔ pí, é shʉʼ nnɔ̄ŋ ŋgʉ̄ɔ mé eshuúŋ anu Ndém á ntē apak ŋgɔŋ Azíi, Azwakne Ndém á té véŋ. Tɛ pɔ́ zápa á ntē apak ŋgɔŋ Fliji pɔ́ Ŋgalati ŋgʉ̄ɔ.

Mefaʼ Meziŋ-ntō 18:12

Páʼ Pɔ́ɔl á nzɛ́t éwú lā, á shʉʼ ŋgɔ̄ afʉʼ zīi Ŋgaliɔŋ a lɛ á ŋgɔpna apak ŋgɔŋ mɛ́t, mɛ́ tɔ́ŋ lɛ Akayi. Epuɔ Yúda é cúʼte, ŋ́gɔ́ á taʼ nchu, ḿbā á Pɔ́ɔl, ŋ́gɔ̄ á yí, éshūŋne á yí ndɔk ŋgʉ̄ɔ mé mvhɔ asāʼ,

Mefaʼ Meziŋ-ntō 18:27

Apolos á shʉʼ nnɔ̄ŋ ŋkɔ̄ŋɔ á yí á legʉɔ mé apak ŋgɔŋ Akayi. Epɔ̄ memía é yá á yí ŋgate, á leghʉ épúp. Á ge egʉɔ, pɔ́ tí akɛtte ŋgyá á mbū epuɔ Yɛɛ́so pīi, pɔ́ é eshhʉ̄ ŋgɔŋ mɛ́t, ńdé ŋ́gɛ, pɔ́ ekókne á yí á mbɔŋɔ́. Á kó éwú, Ndém á nɔŋ ntswítɛ á yí, á nɔŋ ntɔ́tɛ epuɔ pīi, pɔ́ lē efɛ́ nnɛ̄t ŋgyá á mbū Yɛɛ́so.

Mefaʼ Meziŋ-ntō 2:9

Emɔ̄ʼ epuɔ é tsetsɛlɛ pímpɛ, mbɔ pɔ́ efhó á ŋgɔŋ Páat, emɔ̄ʼ é fhó á ŋgɔŋ Mɛdi pɔ́ Elam, mbɔɔ Mezopotami. Emɔ̄ʼ é zéŋ efhó á Yudéa pɔ́ Kapados mbɔɔ á Pɔ́ɔŋ, ŋ́ghʉ̄ á Azíi.

Lomɛŋ 11:16

Mɛ́ piŋɛ ŋgyá mvhɔ atsém mblɛ á mbū Ndém, mbɔ avuʼ á puú nzéŋ ŋgɔ́ áa azí. Ŋiŋ a yáa ŋgaŋ athʉ́ á mbū Ndém, á zéŋ nzhɛ́ a légɛ, mbū athʉ́ é puú nzéŋ ŋgɔ́ áa emi Ndém.

Lomɛŋ 15:26

Á gɔ́ páʼ, epuɔ Yɛɛ́so pīi é apak ŋgɔŋ Maseduan mbɔɔ á apak ŋgɔŋ Akayi, é ke jʉ́ɔ ŋ́gɛ á mbɔŋ, á lemaʼ ncup ndɔ̄k ntswíte epuɔ Ndém pīi, é Yelósalɛm, ŋ́gɔ́ wɔ te kuʼ ánɛ azō.

Lomɛŋ 16:12

Pɛ etsāʼte á Tlifɛ́ne pɔ́ Tlifóze. Pɔ́ ke tséŋ aziʼne á leghʉ afaʼ á mbū Atsyapuɔ. Pɛ etsāʼte á Pɛɛsida, á mbɔŋ esoó ga eyi menzwí, a ke tséŋ aziʼne tɛʼ, á leghʉ afaʼ á mbū Atsyapuɔ.

Lomɛŋ 16:4

Pɔ́ le té á ndhʉɛ̄ athū zá, ńnɔŋ ŋgɔ̄ á ŋkwʉ́tɛ. Meŋɛmeŋ ndaʼ mé té si ŋgūʼu anu mbɔŋ zīi pɔ́ le ghʉ̄ ɛ́, elúŋ epuɔ Yɛɛ́so ntsem á ntē elāʼ tsīi, é té alāʼ epuɔ Yúda á, é zeéŋ nnɔŋ ŋgūʼu azɔ́p.

Lomɛŋ 16:6

Pɛ etsāʼte á Malía, a ke tséŋ aziʼne tɛʼ melaʼ mɛ́.

Lomɛŋ 16:8

Pɛ etsāʼte á Ampliyatus, a á si ŋgɔ́ á mbɔŋ esoó gá, á nzem Atsyapuɔ.

1 Kɔlɛŋte 16:15

Epɔ̄ memía, amɔ̄ʼ ajū mīi, meŋ a zéŋ elɔk esemte á wɛ́, a a jʉɔ. Pɛ é si nzhɛ́ɛ páʼ Stefanas pɔ́ atseŋ ŋgyā zí, é si ŋgɔ́ mvhɔ epuɔ pīi, é le fɛ́ nnɛ̄t ŋgyá á mbū Yɛɛ́so, á apak ŋgɔŋ Akayi. Pɔ́ neéŋ athū á leghʉ afaʼ zīi, á tswíte epuɔ Yɛɛ́so.

1 Kɔlɛŋte 16:19

Melúŋ epuɔ Yɛɛ́so mīi é apak ŋgɔŋ Azíi, é tsaʼte á wɛ́. Akilas pɔ́ Plisil, ŋ́ghʉ̄ megaŋ alúŋ epuɔ Yɛɛ́so pīi, pɔ́ gɛ ncúʼtɛ á ŋgyā pɔ́p, é chʉ́ nnɛ̄t ntsāʼtɛ á wɛ́, ánɛ lezēŋ Atsyapuɔ.

2 Kɔlɛŋte 1:1

Meŋ Pɔ́ɔl nziŋ‑ntō Yɛɛ́so Klísto, páʼ Ndém a le kɔ̄ŋ épúp mé tíi akɛtte jʉɔ páʼa. Pek méŋ mɔ́ yímpɛ Timotɛ mé tíi, ŋ́gyáa á mbū alúŋ epuɔ Ndém, á tésɔŋ Kɔlɛŋte, mbɔɔ á mbū epuɔ Ndém ntsem pīi, pɔ́ puú ŋgɔ́ á ntē apak alāʼ zīi, mɛ́ tɔ́ŋɔ lɛ Akayi.

2 Kɔlɛŋte 9:2

melaʼ mīi, meŋ á si nzhɛ́ɛ á légɛ, pɛ wɛɛ̄ akwaŋte mbɔŋ á lelɔk ntswíte epuɔ. Meŋ ke zéŋ ndɔk á wɛ́ ŋkāʼte, á mvhɔ epuɔ apak ŋgɔŋ Maseduan. Éshúŋ á wɔ́p ŋ́gɛ, tɛ efhó ŋguʼ afʉʼ a, epuɔ Ndém á ntē apak ŋgɔŋ Akayi, é lē ndáʼ mbɛ́tte á leyā azō, ńdɔk ntswíte epuɔ Ndém. Pɔ́ júʼ páʼ pɛ é si ŋkhʉ́nɛ á leyā azō épúp, ńtswiʼne ŋkɔ̄ŋ á leyā azɔ́p azō, ńdɔk ntswíte á wɔ́p.

Kɔlɔs 4:15

Pɛ epú ntsāʼte epɔ̄ memía pīi, pɔ́ é tésɔŋ Laodisɛ, ńtsāʼte á Nímfa, ńtsāʼte epuɔ Yɛɛ́so metsem pīi, pɔ́ gɛ ncúʼtɛ á ŋgyā yí.

Filemɔŋ 1:2

Mbɔɔ á mbū alúŋ epuɔ Yɛɛ́so zīi, á cuʼteé á ŋgyā wu lā. Ńtíi mbɔɔ á mbū Apfia, á méŋ mɔ́ yímpɛ eyi menzwí. Mbɔɔ á mbū Aashʉp, á ŋiŋ yīi, ḿpɛ a pɔ́p é pútɛ ndʉɔ́ʼɔ ánɛ mɛnzhɛ Ndém.

Jáak 1:18

A le fhó ánɛ lekɔŋ yi, ńdɔ̄k ashuŋne anuúnē, ŋ́ghʉ̄ ḿpɛ é gɔ́ éwú. Ŋ́ghʉ̄ɛ épúp páʼā, ŋ́gɛ ḿpɛ egɔ́ á mbū yí, ńtshí mvhɔ, ánɛ ajū mīi a á pɔ́.

3 Jáaŋ 1:1

Meŋ mɔ́ ndʉɛ mé tíi akɛtte jʉɔ, á mbū mbɔŋ esoó ga Ŋgayus, meŋ kɔ̄ɔŋ á wú á kwaʼ anuúnē.

Menjʉɔ te lí 14:4

Epuɔ puɔ mɛ́t, é si ŋgɔ́ epuɔ pīi, pɔ́ a wɔnzwí é lɛ te nɔ̄ɔŋ, pɔ́ lɛ te menzwí zhɛ́. Pɔ́ le nɔ̄ŋ nzhɛnɛ á Mɔ́ Njʉnjhʉ é ejʉʼ tsem yīi, a gʉɔ éwú. Ndém a le fhó á nnɔ epuɔ menɔŋ, ncūʼ á wɔ́p. Pɔ́ gɔ́ á mvhɔ yí mbɔɔ á mvhɔ Mɔ́ Njʉnjhʉ, ŋ́gɔ́ páʼ mvhɔ ecū mīi, é fhɔ́ɔ á ŋkāʼ lā.