Lomɛŋ 16:4 - Eka Eswhī

⁴ Pɔ́ le té á ndhʉɛ̄ athū zá, ńnɔŋ ŋgɔ̄ á ŋkwʉ́tɛ. Meŋɛmeŋ ndaʼ mé té si ŋgūʼu anu mbɔŋ zīi pɔ́ le ghʉ̄ ɛ́, elúŋ epuɔ Yɛɛ́so ntsem á ntē elāʼ tsīi, é té alāʼ epuɔ Yúda á, é zeéŋ nnɔŋ ŋgūʼu azɔ́p.

Lomɛŋ 16:4 Iomraidhean Croise

Jáaŋ 15:13

Ŋiŋ a te éwú tɛ ŋgwɛ̄ ŋkɔŋ, ńtɔ́k á ŋiŋ yīi, a yaá athū nnɛ̄t zí melaʼ epuɔ pīi, a kɔɔ̄ŋ á wɔ́p ɔ́.

Mefaʼ Meziŋ-ntō 15:26

Pɔ́ɔl pɔ́ Baanabas é si ŋgɔ́ epuɔ pīi lewhʉ̄ a lē nnek á wɔ́p, tɛ ŋgɔ́ yīi pɔ́ kúɔ́ ánɛ anu Atsyapuɔ yímpɛ Yɛɛ́so Klísto, ŋ́kwhʉ́, pɔ́ le lʉ̄ʉʼ.

Mefaʼ Meziŋ-ntō 15:41

Á ge egʉɔ, ńdɔ̄k á apak ŋgɔŋ Sili pɔ́ Silisi ntɔ́k. Ńnɔŋ ntɔ́kɔ ánɛ aziɛ́ alúŋ epuɔ Yɛɛ́so lɛ́, ésēmtɛ á wɔ́p ánɛ lefɛ̄ nnɛ̄t.

Mefaʼ Meziŋ-ntō 16:5

Melúŋ epuɔ Yɛɛ́so mɛ́t, é nɔŋ ntswīʼnɛ efíɛ́ nnɛ̄t ŋgyáa á mbū Yɛɛ́so, ńdɔkɔ ŋgʉ̄ɔ mé mvhɔ. Nnɔ wɔ́p é zéŋ nnɔ̄ŋ ntswīʼnɛ eleʼé tsem.

Mefaʼ Meziŋ-ntō 9:31

Emuɔ menu mɛ́t é tɔ́k páʼā, melúŋ epuɔ Yɛɛ́so mīi é Yudéa, mbɔɔ á Ŋgaliléa, pɔ́ Samalía, é nɔŋ nnáŋa mé apwɛne. Ńnɔŋ ntɔ́tɛ mennɛ̄t mɔ́p, ńjúʼɔ nchu Atsyapuɔ. Azwakne Ndém á nɔŋ ntswítɛ á wɔ́p á lezā ŋgʉ̄ɔ mé mvhɔ.

Lomɛŋ 16:3

Pɛ etsāʼte á Plisil pɔ́ Akilas, mésoó afaʼ pá pīi, pek a pɔ́p é pútɛ ŋghʉ̄ɛ afaʼ, á mbū Yɛɛ́so Klísto.

Lomɛŋ 16:5

Pɛ etsāʼte alúŋ epuɔ Yɛɛ́so zīi, á gɛ ncúʼtɛ á ŋgyā pɔ́p, ńtsāʼte á mbɔŋ esoó ga Epenɛt, a á si ŋgɔ́ mvhɔ ŋiŋ yīi, a le fɛ́ nnɛ̄t ŋgyá mé Klísto, á ntē apak ŋgɔŋ Azíi.

Lomɛŋ 5:7

Á teē tɛʼ, á mbū ŋiŋ á lekwhʉ̄ melaʼ emɔ̄ʼ ŋiŋ, tɛ ŋgaŋ a zi ŋgɔ́ áa ŋiŋ ndeŋ ndeŋ. A gɔ́ amɔ̄ʼ, mbɔ ŋiŋ a gɔ evéŋ á lekwhʉ̄, á athū ŋiŋ yīi, a gɛ ŋghʉ̄ɛ anu mbɔŋ.

1 Kɔlɛŋte 16:1

Ŋ́gɔ́ mé ncup, á lelɔk ntswíte epuɔ Yɛɛ́so á Yelósalɛm, mbɔ pɛ eghʉ̄ ndeŋ ndeŋ páʼ, meŋ nde lé ŋ́gɛ, mɛ́ eghʉ̄ épúp, ánɛ melúŋ epuɔ Yɛɛ́so, á tésɔŋ Ŋgalati.

1 Kɔlɛŋte 7:17

Amɔ̄ʼ anu zīi, meŋ a zéŋ etswiʼne, a a jʉɔ páʼa. Awíɛ awíɛ a enáŋ eyi lenāŋ, páʼ Atsyapuɔ Ndém a le kīa ŋ́gɛ, a enáŋ épúp, mbɔ a gɛ nzī nnáŋa épúp, tɛ efhó páʼ Ndém, a le lɔ̄k á yí ŋghʉ̄ á ŋiŋ yi. Lepé cʉɔ mɛ́t tsīi, meŋ ŋgyáa á mbū pɛ lāa, á si ŋgɔ́ ajū mīi, meŋ á si nzíʼnɛ ánɛ meŋgyā melúŋ epuɔ Yɛɛ́so ntsem.

Fílíip 2:30

A ke nɔ̄ŋ ŋgɔ̄ á ŋkwhʉ́ɛ ánɛ mefaʼ Klísto. A ke kó á leshʉʼ á ŋgyā ajū mīi, pɛ méŋwɛ̄t é le gɔ le kūʼ á leshʉʼ ŋgyá á mbū meŋ, ńdɔk ntswíte á gá á, ńnɔŋ ŋgɔ̄ á ŋgyá athū zí.

1 Tesalonik 2:14

Epɔ̄ memía, pɛ ke pɛ́ efʉʼ ánɛ elúŋ epuɔ Ndém tsīi, é apak ŋgɔŋ Yudéa. Elúŋ mɛ́t é lɛtneē ánɛ Yɛɛ́so Klísto. Pɛ ke pɛ́ efʉʼ ánɛ pɔ́p melaʼ mīi, kwaʼ epuɔ alāʼ pɛ́, é ke yá á wɛ́ ŋgʉɔ̄ʼ, ńdeŋ ndeŋ páʼ epuɔ Yúda, e le yá elúŋ epuɔ Ndém tsīi, é Yudéa ŋgʉɔ̄ʼ azɔ́p épúp.

1 Jáaŋ 3:16

Ḿpɛ ejʉ́ɔ á ajū mīi, ŋkɔŋne e é si ŋgɔ́ aziɛ́: Yɛɛ́so a le yá athū nnɛ̄t zí, melaʼ mefa mímpɛ. Ḿpɛ azímpɛ, é pɔŋteé á leyā athū nnɛ̄t zímpɛ, melaʼ epɔ̄ memía pímpɛ.

Menjʉɔ te lí 1:4

Meŋ Jáaŋ, meŋ tíi akɛtte jʉɔ páʼa, á mbū meŋgyā alúŋ epuɔ Yɛɛ́so esambīa mīi, é apak ŋgɔŋ Azíi. Ŋ́gɛ Ndém yīi a á éwú, mbɔ a le zī ŋgɔ́ éwú, éláʼ ezéŋ eshʉʼe, a eghʉ̄ anu mbɔŋ té ndhʉ ánɛ pɛ, ńnéŋ apwɛne á ntē pɛ. Ŋ́gɛ ezwakne esambīa tsīi, é faʼa á mbū Ndém, ńtshíte á mvhɔ akɔʼ Lefɔ Ndém, e eghʉ̄ anu mbɔŋ té ndhʉ ánɛ pɛ, ńnéŋ apwɛne á ntē pɛ.