Lomɛŋ 16:26 - Eka Eswhī

²⁶ Á ké ŋgɔ́ tsetsɔŋɔ, mbɔ meŋwaʼne metswi‑ŋke Ndém, é lē ŋghʉ, ntsem mɛ́t é tó á ntentā. Ndém yīi a naáŋ lemiʼɛ, a lē ntswi ŋ́gɛ, mɛ́ eghʉ̄, epuɔ elāʼ tsem, é ezhɛ́ ntsem mɛ́t. Ńzhɛ́ épúp, éfɛ́ nnɛ̄t ŋgyá mé yí, ńjúʼ nchu yí.

Lomɛŋ 16:26 Iomraidhean Croise

Málkúsi 16:15

Ńdé á mbū pɔ́p ŋ́gɛ: «Pɛ egʉɔ ŋkʉ́ʼne á ŋgɔŋ esī atsetsáʼ ntsem, ńtswī ŋke mbɔŋ á mbū nzwɛt ŋiŋnɔŋ ntsem.

Mefaʼ Meziŋ-ntō 10:43

Yɛɛ́so mɛ́t, tɛ́ metswi‑ŋke Ndém metsem, é le lé ánɛ lezēŋ tsí ŋ́gɛ, ŋiŋ a fíɛ́ nnɛ̄t ŋgyá mé yí, mbɔ Ndém a a shʉʼ elekne mefa ŋgaŋ, melaʼ mí. »

Mefaʼ Meziŋ-ntō 6:7

Á gɔ́ épúp, ashuŋne Ndém á nɔŋ ntswīʼnɛ esāŋa ejʉʼ. Nnɔ Yɛɛ́so é nɔŋ nzáa ŋgʉ̄ɔ mé mvhɔ á Yelósalɛm. Wɔ nɔŋ‑epɔʼ tɛ nzáne, é véŋ anu Yɛɛ́so, ŋ́kúʼte.

Lomɛŋ 1:2

A le té njhʉ̄, ńdɔ̄k nchu metswi‑ŋke pí, ńdāʼne ŋke mbɔŋ mɛ́t á ntē aŋwaʼne yí.

Lomɛŋ 1:20

Tɛ efhó páʼ Ndém a le nɔ̄ŋ ŋgɔŋ, epuɔ menɔŋ é fhoó ánɛ mecū mīi a le ghʉ̄ʉ̄, ńzhɛ́ páʼ a á épúp, tɛ mbɔɔ páʼ, mɛ́ té lɔ̄k menēk njʉ́ɔ á yí í. Etsō mɛ́t é tswiī á légɛ, a wɛɛ̄ mete á lemiʼɛ. Ńzéŋ ntswī á légɛ, yí mé kwaʼ Ndém. Púp, Ndém a gɔ le tsá á ŋiŋ yīi, a á lé ŋ́gɛ, yí té á yí zhɛ́ ɛ́,

Lomɛŋ 1:5

Ndém a le zapá ánɛ yí, ŋ́gwɛ̄ apɔŋɔ́ ntē te ndhʉ ánɛ meŋ, ŋ́ghʉ̄ meŋ ecʉ́ʼ á nziŋ‑ntō. Éfāʼa ŋ́gɛ, meŋ eghʉ̄, elāʼ ntsem e efɛ́ nnɛ̄t ŋgyá á mbū Klísto, ńjúʼ nchu yí. Meŋ eghʉ̄ɛ épúp, ńdɔkɔ ŋgūʼtɛ á yí.

Lomɛŋ 15:18

Meŋ ŋaʼaá nchu gá, ńdɔk eshúŋ áa ajū mīi, Klísto a le zapá ánɛ meŋ ŋghʉ̄, tɛ́ epuɔ pīi é té epuɔ Yúda á, é júʼ nchu Ndém. A le zapá ánɛ meshuŋne má, mbɔɔ ánɛ ega leghʉ, tɛ́ ŋghʉ̄ épúp.

Lomɛŋ 15:4

Ajūɔ tsem zīi mɛ́ le tí á ntē aŋwaʼne Ndém, tɛ efhó tɛ efʉʼ, mɛ́ le tíī, ńdɔkɔ ntékɛ á yímpɛ, tɛ́ ḿpɛ ezápa ánɛ menu mīi mɛ́ le tí á ntē aŋwaʼne mɛ́t, ŋ́kāk ete, ŋ́kwɛ́t ntē ndɔk nzwíʼte ajū mīi, ḿpɛ é si ntsáa, ńnɔŋ nzhɛ́ɛ á légɛ, ḿpɛ e láʼ ewɛ.

Lomɛŋ 3:21

Á piīŋ ŋgɔ́ tsetsɔŋɔ, mbɔ Ndém a lē ntswi páʼ, yí ghʉʉ̄ épúp, tɛ́ ntɔ́ŋ á ŋiŋ lɛ, ŋiŋ ndeŋ ndeŋ. A te fhó ánɛ páʼ, ŋgaŋ a kuʼteé lepé ɛ́. Meŋwaʼne lepé mbɔɔ meŋwaʼne metswi‑ŋke Ndém, é le té njhʉ̄, ńtswī á yímpɛ ajʉʼ anu jʉɔ mɛ́t.

Galat 3:8

Ndém a le té njhʉ̄, ńdé á ntē aŋwaʼne yí ŋ́gɛ, yí e láʼ eghʉ, epuɔ pīi é té epuɔ Yúda á, e ecʉ́ʼ epuɔ ndeŋ ndeŋ, éfhó ánɛ wɔ́p á lefɛ̄ nnɛ̄t ŋgyá á mbū yí. A le lé épúp, ńtswī ŋke mbɔŋ wuɔ á mbū Ablaham ŋ́gɛ, yí e láʼ ezápa ánɛ yí, énéŋ mbwɛ́né ánɛ elāʼ ntsem.

Efɛze 1:9

A le ghʉ̄ʉ̄, ḿpɛ é zhɛ́ ajū mīi, a le nɔ̄ŋ ŋkwaŋtɛ á ntē ntsem, áju mīi yí méŋwɛ̄t a le té njhʉ̄, éfhó ánɛ apɔŋɔ́ ntē zí, ŋ́kwāŋte á leghʉ.

Efɛze 2:20

Pɛ lē ncʉ́ʼ ŋgyā Ndém. Meziŋ‑ntō Yɛɛ́so, mbɔɔ metswi‑ŋke pí, é gɔ́ páʼ mentɔ̄ ŋgyā mɛ́t lā, Yɛɛ́so Klísto yí méŋwɛ̄t á gɔ́ tɔ́ yīi, a piīʼ ŋgyā mɛ́t.

Kɔlɔs 1:26

Éshúŋ á wɛ́ ntsem zīi, tɛ efhó á meŋguʼ meŋguʼ, á lʉɔ á mbū epuɔ menɔŋ. Tsetsɔŋɔ, a ke pīŋ ŋkɛ́ʼɛ, á mbū epuɔ pīi, é si ŋgɔ́ epuɔ pí.

1 Timotɛ 1:17

Awuʼte pɔ́ mekuʼ, e egɔ́ á mbū Ndém yīi, a á eséŋɛ lɛ́, ŋ́gɔ́ áa efɔ, á mbū Ndém te kwhʉ́, á te jʉ́ɔ‑eshhʉ̄ yí, á Ndém yīi a á yíléyī. A egɔ́ épúp á meŋguʼ meŋguʼ. Á páʼa.

1 Timotɛ 3:16

Kwaʼ anuúnē, mía anu ndʉɔne lʉɔne yīi ḿpɛ pɔŋteé á lekūʼte, á cʉte á Yɛɛ́so, Ndém a le ghʉ̄ ḿpɛ zhɛ́, ńzéŋ nnɔ̄ŋ eshúŋɔ á yímpɛ páʼ, ḿpɛ náŋa épúp, á pɔŋ á yí. Yɛɛ́so a le cʉ́ʼ á ŋiŋnɔŋ, Azwakne Ndém á shúŋ á yímpɛ ŋ́gɛ, a á si ŋgɔ́ á ŋiŋ ndeŋ ndeŋ. Mecɔʼ Ndém é le jʉ́ɔ á yí. Epuɔ é sáʼ anu zí, á mbū ŋgɔŋ ŋgɔŋ. Mɛ́ fɛɛ́ nnɛ̄t ŋgyá mé yí, á ntē ŋgɔŋ. Ndém á kɔ́ʼne á yí, nnáŋ á ntē shʉ́shɔ́k yi.

2 Timotɛ 1:10

Tsetsɔŋɔ, Ndém a á ké mbiŋ ntswī á yímpɛ apɔŋɔ́ ntē te ndhʉ mɛ́t, éfhó ánɛ páʼ, Ŋghʉɛ‑mɛ́‑tswɛ́t yímpɛ, á Yɛɛ́so Klísto, a le shʉ̄ʼ á ŋgɔŋ tɛ mɛ́ jʉ́ɔ á yí. Ŋghʉɛ‑mɛ́‑tswɛ́t wuɔ mɛ́t, mé le tē ntsyā á lewhʉ̄, ńtswī á yímpɛ á légɛ, ŋiŋ a kúʼtɛ ŋke mbɔŋ, mbɔ a a fú eta á lezēŋ Ndém, a á le zéŋ ŋkwhʉ́ ɛ́.

Eble 13:8

Yɛɛ́so Klísto a te kúmne, a gɔ́ éyi a kɛ ezɔ́, ŋ́gɔ́ lɛ akɔ̄ lɛ́, mbɔ a á ayáʼa, ŋ́gɔ́ áa épúp, épiŋ enáŋa egɔ́ɔ áa épúp.

Eble 9:14

Tɛ ŋgʉɔ shɔ́ʼɔ́ ánɛ metshi Klísto o? Te mi Azwakne á le tshoné á yí, á yá athū nnɛ̄t zí á mbū Ndém, ŋ́gɔ́ á Te fa, á ŋiŋ yīi, a kwhʉ́ɛ epa esɔ̄. Metshi mí e láʼ esok á yímpɛ ánɛ mefaʼ tepɔŋ, ḿpɛ epiŋ ncʉ́ʼɛ ŋghʉ̄ɛ afaʼ áa mbū Ndém, páʼ a naáŋ nte.

1 Jáaŋ 5:20

Ḿpɛ é si nzhɛ́ɛ á légɛ, Méŋ Ndém a le shʉ̄ʼ á ŋgɔŋ, ŋ́gyá á yímpɛ leghi, á lelɔk nzhɛ́ á kwaʼ Ndém. Ḿpɛ pīiŋ nzápa ánɛ Yɛɛ́so Klísto Méŋ Ndém, ŋ́gɔ́ á alá apū kwaʼ Ndém mɛ́t. Yɛɛ́so mɛ́t a á si ŋgɔ́ á Ndém, ŋ́gɔ́ kwaʼ Ndém, ŋ́gɔ́ á Ŋghʉɛ mɛ́ ta á lezēŋ Ndém.

Menjʉɔ te lí 1:17

Meŋ nde jʉ́ɔ á yí épúp, ńdɛ ŋgwhʉ̄ á mekhu yí, páʼ apfhō azō lā. Á zápa apū ete zí ánɛ meŋ, ńdé ŋ́gɛ: «Te zéŋ mbɔ́k, meŋ á si ŋgɔ́ Nzií, ńzéŋ ŋgɔ́ Nzokó.

Menjʉɔ te lí 19:10

Meŋ ndɛ̄ɛ ntswíʼte á mekhu yí, ŋ́ŋɔ́ʼne tɛ athū á pfeŋ esī, ŋ́gɔ̄ á ŋguʼté á yí, tɛ́ á lé mé meŋ ŋ́gɛ: «Ndɛ́ʼ o eghʉ̄ épúp. Meŋ á azá ŋgaŋ afaʼ Ndém páʼ wu, mbɔɔ páʼ epɔ̄ memía pú pīi, pɔ́ ziŋɛ ánɛ mekhu Yɛɛ́so. Ndém tɛ́ o pɔŋteé á lewuʼte. » Anuúnē zīi Yɛɛ́so a le ziʼné epuɔ, aziɛ́ mé tshoneé á ŋiŋ á letswi ŋke yí.