Lomɛŋ 16:25 - Eka Eswhī

²⁵ Awuʼte a egɔ́ á mbū Ndém. Yí mé kuūʼ á leghʉ, lefɛ̄ nnɛ̄t wɛ á tswhí ŋgʉ̄ɔ mé mvhɔ, páʼ ŋke mbɔŋ yīi, meŋ tswii, é si ndʉ́ɛ́ épúp. Ŋ́ke yīi meŋ sáʼa eshúŋɔ epuɔ ánɛ Yɛɛ́so Klísto. Ńzéŋ ŋkūʼ á leghʉ, lefɛ̄ nnɛ̄t wɛ á tswhí ŋgʉ̄ɔ mé mvhɔ, páʼ ntsem zīi, Ndém a le sīā, ŋ́ghʉ̄ ḿpɛ zhɛ́, e leé épúp. Ntsem mɛ́t, Ndém a le lʉɔ̄ tɛ efhó tɛ meŋguʼ meŋguʼ.

Lomɛŋ 16:25 Iomraidhean Croise

Matío 13:17

Meŋ shúŋɔ á wɛ́ á kwaʼ anuúnē ŋ́gɛ, metswi‑ŋke Ndém tɛ nzáne mbɔɔ wɔ júʼ‑nchu Ndém tɛ nzáne, é le tsá á wɔ́p á lejʉ̄ɔ ajū mīi, pɛ é ayáʼa njʉ́ɔ la, ńdáʼ te jʉ́ɔ. Ńtsá á wɔ́p á lejūʼ ajū mīi, pɛ é ayáʼa njúʼɔ, ńdáʼ te júʼ.

Matío 13:35

Ŋ́ghʉ̄ épúp, tɛ́ á lɔk mbō páʼ ntswi‑ŋke Ndém a le lé ŋ́gɛ: «Meŋ a shʉʼ eŋáʼa nchu gá, élɔk eshúŋ meshuŋne lepúʼ. Meŋ a shʉʼ esáʼ eshúŋ ecū mīi, Ndém a le lʉ̄ɔ tɛ efhó páʼ, a le nɔ̄ŋ ŋgɔŋ. »

Matío 20:7

Pɔ́ pwɛt á mbū yí ŋ́gɛ: “É melaʼ mīi, ŋiŋ a kaá ndɔ̄k á wék afaʼ á.” Á lé mé pɔ́p ŋ́gɛ: “Pɛ egʉ̄ɔ á ŋkāʼ meŋ azɛ́.”

Mefaʼ Meziŋ-ntō 20:32

Tsetsɔŋɔ wuɔ, meŋ á tsékne á wɛ́ á mbū Ndém, ńnɔŋ ndʉ́ɛ́ ŋ́gɛ, pɛ́ etshí á ashuŋne zí á mvhɔ, aziɛ́ mé si ntswīi páʼ a wɛɛ̄ ŋkɔŋ te ndhʉ ánɛ pímpɛ épúp. Aziɛ́ mé zéŋ ŋkūʼ á leghʉ, pɛ tēte ánɛ lefɛ̄ nnɛ̄t ŋgyá mé yí, éfú ŋkó ánɛ lepɔŋ te mi tsīi, a le féŋ á mbū epuɔ pīi, é epí, tɛ ntsékne.

Mefaʼ Meziŋ-ntō 9:20

á lɛ nzī á lekʉ̄ʼne ánɛ meŋgyā aswiŋte epuɔ Yúda, ésáʼ ŋ́gɛ, Yɛɛ́so a á Méŋ Ndém.

Lomɛŋ 11:25

Epɔ̄ memía, meŋ á si ŋkɔ̄ŋɔ ŋ́gɛ, pɛ ezhɛ́ ajū mīi, Ndém a le lʉ̄ɔ̄, tɛ́ a etsīa épúp, pɛ é le pfēŋ á kíkhí ŋ́gɛ, pɛ é si ŋgɔ́ megaŋ azhɛ̄‑anu ú. Azō mɛ́t á lɛ: apak epuɔ Islaɛl pīi, pɔ́ é si ntʉ̄ɛ̄ athū á mbū Ndém lā, pɔ́ e láʼ ete á athū tee, tɛ Ndém a eghʉ̄, epuɔ metsem pīi a le tsɔ́ʼē, é gɔ́ te epuɔ Islaɛl ɛ́, e etswɛ́t.

Lomɛŋ 14:4

O ó páʼa ŋgɔ́ áa awɔ́, tɛ nthúɔ alɔ́ʼ ŋgaŋ afaʼ ŋiŋ ndɛʼɛ, tɛ mbāa á yí í? A faa lo, ŋ́gɔ́ te fāa lo, á cʉte áa mɔʼɔ́ afaʼ yi. Á páʼā ŋgɔ́ éyi, ŋgaŋ afaʼ Atsyapuɔ, a gɔ le gē eghʉ épúp, ńdɔkɔ efāa, melaʼ mīi Atsyapuɔ á pɔɔ́ŋ mete á lelɔk ntɔ́te á yí, tɛ a á le fāa.

Lomɛŋ 16:24

Ŋ́gɛ Atsyapuɔ yímpɛ Yɛɛ́so Klísto, a elɛ ŋghʉ̄ á anu mbɔŋ té ndhʉ ánɛ pɛ metsem. Á épúp.]

Lomɛŋ 2:16

Á páʼa, ŋ́gɔ́ ajū mīi, a láʼ etɔ́ke, á aleʼé zīi Ndém a zápa ánɛ Yɛɛ́so Klísto, ŋ́ŋāka epuɔ menɔŋ, ánɛ menu mīi, pɔ́ lʉɔ ánɛ lenāŋ tsɔ́p. Á lɔk ŋgɔ́ páʼ ŋke mbɔŋ yīi, meŋ tswii, é si ndʉ́ɛ́ épúp.

1 Kɔlɛŋte 1:23

Ŋ́ké ŋgɔ́ mé pek, mbɔ pek é si ntswīi ŋke mbɔŋ ánɛ Nzaʼ‑Ŋkhʉ, páʼ mɛ́ le kwɛtē á yí ánɛ mbaŋne paŋné. Ŋke mɛ́t, é gɔ́ á mbū epuɔ Yúda, ŋ́gɔ́ á nde anu. Ŋ́gɔ́ á mbū epuɔ pīi, é té epuɔ Yúda á, ŋ́gɔ́ áa anu te methū.

1 Kɔlɛŋte 2:7

Azhɛ̄‑anu zīi pek zíʼnɛ á wɛ́, á si ŋgɔ́ azhɛ̄‑anu, éfhɔ́ɔ á mbū Ndém. Ŋ́gɔ́ ntsem, mbɔ Ndém a le lʉ̄ɔ̄, tɛ nzɛ́t áa te nɔŋ ŋgɔŋ. Ńté njhʉ̄ ndʉ̄ɔ épúp, élɔk eshʉʼ eghʉ, ḿpɛ ekó á nte shʉ́shɔ́k yí.

1 Kɔlɛŋte 4:1

Meŋ á si ŋkɔ̄ŋɔ ŋ́gɛ, epuɔ ezhɛ́ á légɛ, pek é megaŋ afaʼ Klísto, mbɔ Ndém a le tsekné anuúnē zīi, á le lʉ̄ɔ̄, ŋ́gɛ pek ezíʼne á wɛ́.

2 Kɔlɛŋte 4:3

A piŋɛ ŋgɔ́ éyi, ŋke mbɔŋ yīi pek tswii, é té si ŋgyáa á lejūʼ ú, mbɔ epuɔ menɔŋ pīi, pɔ́ é ánɛ mɛnzhɛ lepī mé té njúʼ ú.

2 Kɔlɛŋte 4:5

Pek é si ŋgē etswii ŋke mbɔŋ á mbū pɛ páʼā, pek te efāʼa áa leshūŋ á wɛ́ epuɔ pīi, pek é epiɛ́ ɛ́, pek é si ŋghʉ̄ɛ áa lɛ, pɛ ezhɛ́ á légɛ, Yɛɛ́so Klísto a á si ŋgɔ́ á Atsyapuɔ. Ŋ́gɔ́ mé pek, mbɔ pek é si ndʉ́ɛ́ ŋ́gɛ, pek é megaŋ afaʼ pɛ́, melaʼ Yɛɛ́so.

Galat 2:2

Meŋ nde gē epe egʉɔ épúp, mbɔ Ndém mé sia eshúŋ á gá. Meŋ kó éwú, pek a wɔ tshí‑mvhɔ ánɛ alúŋ epuɔ Yɛɛ́so, é ghʉ acuʼte. Meŋ kó ánɛ acuʼte mɛ́t, ŋ́kɛ́ʼte ŋke mbɔŋ yīi, meŋ á si ntswīi á tsetsɛlɛ epuɔ Yɛɛ́so pīi, é té epuɔ Yúda á, eshúŋ á wɔ́p, ḿbɔ́k afaʼ zīi, meŋ ke ghʉ̄ʉ̄, mbɔɔ azi meŋ á tsetsɔŋɔ ŋghʉ̄ɛ, á lege ezoko, ńtó ndémndēm.

Efɛze 1:9

A le ghʉ̄ʉ̄, ḿpɛ é zhɛ́ ajū mīi, a le nɔ̄ŋ ŋkwaŋtɛ á ntē ntsem, áju mīi yí méŋwɛ̄t a le té njhʉ̄, éfhó ánɛ apɔŋɔ́ ntē zí, ŋ́kwāŋte á leghʉ.

Efɛze 3:11

A le ghʉ̄ épúp, ńdɔk ŋghʉ̄, anu zīi a le sáāŋ, tɛ nzī nzɛ́t áa te nɔŋ ŋgɔŋ, á zápa ánɛ Atsyapuɔ yímpɛ Yɛɛ́so Klísto, ḿbō.

Efɛze 3:9

A le zéŋ ŋgyá á gá meshhʉ̄ á lelɔk ŋghʉ̄, epuɔ é zhɛ́ páʼ, a á si ŋghʉ̄ɛ, anu zīi a le sáŋ á ntē ntsem, á puɔ. Anu mɛ́t, yí Ndém Nnɔŋ‑Ŋgɔŋ, a le lʉ̄ɔ̄, tɛ efhó á nzií‑ŋgɔŋ.

Efɛze 6:19

Pɛ eswíŋte á Ndém, mbɔɔ ánɛ azá athū. Éswíŋte ŋ́gɛ, Ndém a enéŋ ashuŋne zí á nchu meŋ, meŋ ndɔk ntɛ̄ʼte éshúŋ ntsem zīi, e lʉɔneē ánɛ ŋke mbɔŋ.

Kɔlɔs 2:2

Meŋ tíi akɛtte jʉɔ páʼa, ńdɔkɔ esēmtɛ á wɛ́ metsem. Ńzéŋɛ ndɔkɔ efāʼa ŋ́gɛ, pɛ etswiʼne ŋkɔ̄ŋne mennɛ̄t mɛ́ nzeŋne zeŋné. Ŋ́gɛ Ndém a efhó ánɛ wɛ́ lejūʼ anu zí tɛ ntsékne, ŋ́kēm ephʉ wɛ́. Púp, pɛ elɔk ŋkūʼ á lejūʼ ntsem zi. Ntsem mɛ́t, é si ŋgɔ́ á Klísto méŋwɛ̄t.

Kɔlɔs 4:3

Pɛ ezéŋ eswíŋte á Ndém á athū pek, ŋ́gɛ a elɛ ntsɔ́ʼ nzhɛ á mbū pek, á lelɔk ntswī ŋke yí, á lelɔk ŋkɛ́ʼte ntsem zīi, a le zapá ánɛ Klísto, ŋ́kɛ́ʼɛ. Ézi ŋgɔ́ melaʼ ntsem mɛ́t, tɛ́ meŋ á ŋgyā atʉɛ́.

1 Tesalonik 3:13

Ŋ́gɛ a lɛ ŋghʉ̄, mentē mɛ́ e eŋímne nnáŋ té pɔ́k, tɛ ŋgɔ́ yīi Ndém a gɔ le wɛ́ laʼ. Ŋ́ghʉ̄, pɛ egɔ́ té alɔ́ʼ, á mvhɔ Mɔʼɔ́ yímpɛ Ndém, áleʼé zīi, Atsyapuɔ yímpɛ Yɛɛ́so, a piŋɛ nzem pɔ́ a mecɔʼ pí metsem. [Á épúp].

2 Tesalonik 2:14

É melaʼ páʼa mɛ́t, tɛ́ Ndém a le tsīa ánɛ ŋke mbɔŋ yīi, pek le tswī á mbū pɛ, ńtɔ́ŋ á wɛ́ ndɔk ŋghʉ̄ epuɔ pí, ŋ́gɛ pɛ ekó á ntē shʉ́shɔ́k Atsyapuɔ yímpɛ Yɛɛ́so Klísto.

2 Tesalonik 3:3

Atsyapuɔ a á te sɛt‑nzem, a eghʉ̄, pɛ eŋímne nnáŋ té pɔ́k, ŋ́kápte á wɛ́, tɛ Efɔ menu tepɔŋ a á le á wɛ́ mé azō ghʉ.

2 Timotɛ 1:9

Ndém mé le ghʉ̄ ḿpɛ é tswɛ́t, ńtɔ́ŋ á yímpɛ ndɔ̄k ŋghʉ̄ epuɔ pí. A lɛ te gē eghʉ épúp, éfhó ánɛ mefaʼ mbɔŋ mímpɛ ɛ́, a le fhó ánɛ páʼ, a le kwāŋ épúp, éfhó ánɛ apɔŋɔ́ ntē te ndhʉ zí, ánɛ epuɔ menɔŋ. A le té njhʉ̄ nzápa ánɛ Yɛɛ́so Klísto, ńtswī á yímpɛ apɔŋɔ́ ntē te ndhʉ jʉɔ mɛ́t, tɛ nzī nzɛ́t áa te nɔŋ ŋgɔŋ.

2 Timotɛ 2:8

Kímte á Yɛɛ́so Klísto, páʼ Ndém a le ghʉ̄ʉ̄, á zím ánɛ lewhʉ̄. Yɛɛ́so wuɔ mɛ́t, a á ndhu Efɔ Ndavít, ńdeŋ ndeŋ páʼ ŋke mbɔŋ yīi meŋ tswii, é si ndʉ́ɛ́ épúp.

Tíit 1:2

Ŋ́gē enáŋ épúp, ńnɔŋ nzwíʼtɛ á lefū ntā á lezēŋ Ndém, páʼ a le laʼnē épúp, tɛ nzɛ́t áa te nɔŋ ŋgɔŋ. Ndém mɛ́t a te láte.

Eble 7:25

É melaʼ épúp tɛ́, a kuūʼ á yí á leghʉ, epuɔ pīi pɔ́ é si nzápa ánɛ yí, ńtshótɛ nnɛ̄t mé lezēŋ Ndém, é tswɛ́t tɛ ndaʼ, melaʼ mīi, a á efʉʼ metsem, ŋ́gɔ́ áa nte, ńzéŋ nnɔŋ eswíŋtɛ á Ndém á athū pɔ́p.

1 Piɛ 1:20

Ndém a le pú nzɛ́t áa te nɔŋ ŋgɔŋ, ńté njhʉ̄ ŋkāŋ á yí. Á piŋ ŋkūʼ tsetseŋɔ yīi, ŋgɔŋ é si ŋgɔ̄ á mmiī la, á fók á yí á tentā, ŋ́gɛ a etswíte á wɛ́.

1 Piɛ 5:10

Pɛ e jʉ́ɔ ŋgʉɔ̄ʼ épúp, áa méŋ afʉʼ, Ndém, a eghʉ̄ akʉ̄ɛ akʉ̄ɛ a ezéŋ mbīŋ á menaŋá yí. A á Ŋghʉɛ‑anu‑mbɔŋ‑té ndhʉ. Yí mé le zapá ánɛ Klísto, ńtɔ́ŋ á wɛ́ nnéŋ á ntē te mi shʉ́shɔ́k yi. Ḿpfēŋ ndo zɛ. Pɛ echʉ́ nnɛ̄t ntēte ánɛ mɛnzhɛ wɛ, tɛ ŋgɔ́ yīi, amɔ̄ʼ azō á gɔ le zéŋ á wɛ́ ŋghʉ̄ ɛ́.

Menjʉɔ te lí 10:7

Meleʼé mīi mɛ́ e láʼ ejúʼ á cɔʼ Ndém mbáte esambīa á letɔ̄ŋ ezi ntaŋ, Ndém a eghʉ̄, ajū mīi a le kwaŋtē á ntē ntsem, a epō. Ḿbō páʼ a le tswī épúp, á mbū megaŋ afaʼ pí, métswi‑ŋke.