Lomɛŋ 16:21 - Eka Eswhī

²¹ Timotɛ esoó afaʼ ga, a á tsaʼte á wɛ́, mbɔɔ Lusius, ŋ́ghʉ̄ á Jazɔŋ pɔ́ Sosioatlos, épuɔ alāʼ pék.

Lomɛŋ 16:21 Iomraidhean Croise

Mefaʼ Meziŋ-ntō 13:1

Emɔ̄ʼ epuɔ é lɛ ánɛ alúŋ epuɔ Yɛɛ́so zīi á Aŋtiɔsh, ŋ́gɔ́ metswi‑ŋke Ndém, emɔ̄ʼ é gɔ́ wɔ zíʼne epuɔ azō. Epuɔ puɔ mɛ́t, é lɛ wɔ Baanabas, ŋ́ghʉ̄ á Simeɔŋ yīi, mɛ́ lɛɛ́ nzéŋɛ ntɔ́ŋɔ á yí lɛ Sɛ́h‑Ŋiŋ, mbɔɔ Lusius ŋiŋ Silɛ̄ne, mbɔɔ Manaɛŋ yīi, pɔ́ Efɔ Elōde é le lū á esī, ŋ́ghʉ̄ á Sɔ́ɔl.

Mefaʼ Meziŋ-ntō 17:14

Epɔ̄ memía é jʉ́ɔ épúp, ndɛ ŋ́ghʉ̄ Pɔ́ɔl á lɔk eshhʉ̄ mía ntshi ŋgʉ̄ɔ. Ŋ́gɔ́ mé Silas pɔ́ Timotɛ, pɔ́ cʉ́ʼ nzɛ́t á Bele.

Mefaʼ Meziŋ-ntō 17:5

Táʼ, emɔ̄ʼ epuɔ Yúda é jʉ́ɔ azɔ́p, éséŋ eshhʉ̄. Ńdɛ ntsé á mɛnzhɛ, ńcúʼte epuɔ pīi, é té ecūɔ ɔ́. Pɔ́ a pɔ́p é tɔ́kte á tésɔŋ, éswīte alāʼ, ńcʉ̄ʼne ejʉʼ, tɛ nzíʼ ŋkó á mba mmɔʼ ŋiŋ, mɛ́ tɔ́ŋ á yí lɛ Jazɔŋ, éfāʼ á Pɔ́ɔl pɔ́ Silas, ŋ́gɔ̄ á ŋgɔɔ̄ pɔ́p, élɔk egʉɔ mé mvhɔ alāʼ.

Mefaʼ Meziŋ-ntō 18:5

Afʉʼ zīi Silas pɔ́ Timotɛ é le fhó á apak ŋgɔŋ Maseduan, éshʉʼ ntswɛ́tte á Pɔ́ɔl lā, á pú ncʉ́ʼ efʉʼ metsem, ńtswī ŋke mbɔŋ á mbū epuɔ Yúda ŋ́gɛ, Yɛɛ́so mé si ŋgɔ́ á Nzaʼ‑Ŋkhʉ.

Mefaʼ Meziŋ-ntō 19:22

Ńdɛ ntó á Timotɛ pɔ́ Elaste pīi, pɔ́ tswítɛ á yí ánɛ afaʼ, ŋ́gɛ pɔ́ epīk á Maseduan. Yí méŋwɛ̄t á piŋ ncʉ́ʼ nnáʼ ńnáŋ á ntē apak ŋgɔŋ Azíi.

Mefaʼ Meziŋ-ntō 20:4

Pɔ́ a epuɔ puɔ é lɛ nnɔ: á Sopatɛɛ méŋ Piilus, ŋiŋ tésɔŋ Bele, ŋ́ghʉ̄ Alistáak pɔ́ Sekúndus, épuɔ Tesalonik. Ŋ́ghʉ̄ á Ŋgayus ŋiŋ Dɛlbe, ŋ́ghʉ̄ á Timotɛ, ŋ́ghʉ̄ á Tishik pɔ́ Tlofime, épuɔ apak ŋgɔŋ Azíi.

Lomɛŋ 16:11

Ńtsāʼte á Elodiɔŋ, ŋiŋ alāʼ wek. Ńtsāʼte epuɔ mba Naasis pīi é lɛtneē ánɛ Atsyapuɔ.

Lomɛŋ 16:7

Ńtsāʼte á Aŋdlonikus pɔ́ Junias, pɔ́ é si ŋgɔ́ epuɔ alāʼ pék. Pek a pɔ́p mé lɛ á ŋgyā atʉɛ́. Pɔ́ é si ŋgɔ́ memía meziŋ‑ntō Klísto, mbɔ pɔ́ le zī nzi á lefɛ̄ nnɛ̄t ŋgyá á mbū Klísto, tɛ́ meŋ ndáʼ efɛ́ azá.

Lomɛŋ 9:3

Á ŋgwíʼe ŋgɔ́ yīi, Ndém á letēm nzem za, mbɔɔ wék Klísto, á legɔ̄ le gɔ́ nnɔ ɔ́, á gɔ etswíte epɔ̄ memía pá, épuɔ alāʼ pék, mbɔ a ke gɔ́, meŋ etsá épúp.

2 Kɔlɛŋte 1:1

Meŋ Pɔ́ɔl nziŋ‑ntō Yɛɛ́so Klísto, páʼ Ndém a le kɔ̄ŋ épúp mé tíi akɛtte jʉɔ páʼa. Pek méŋ mɔ́ yímpɛ Timotɛ mé tíi, ŋ́gyáa á mbū alúŋ epuɔ Ndém, á tésɔŋ Kɔlɛŋte, mbɔɔ á mbū epuɔ Ndém ntsem pīi, pɔ́ puú ŋgɔ́ á ntē apak alāʼ zīi, mɛ́ tɔ́ŋɔ lɛ Akayi.

2 Kɔlɛŋte 1:19

melaʼ mīi, Yɛɛ́so Klísto Méŋ Ndém, páʼ pek Silvɛŋ mbɔɔ Timotɛ é le shʉ̄ʼ á alāʼ pɛ, éshúŋ á wɛ́ á ŋiŋ yīi, a á ewiɛ́ lā, a te si ŋgɔ́ á ŋŋ, ńzéŋ ŋgɔ́ á ŋ́ŋŋ́ ŋ̄, a á efʉʼ metsem, ŋ́gɔ́ áa ŋŋ.

Fílíip 1:1

Meŋ Pɔ́ɔl mé tíi akɛtte jʉɔ páʼa. Pek Timotɛ, mégaŋ afaʼ Yɛɛ́so Klísto. Ńtíi á mbū pɛ metsem pīi, pɛ le zapá ánɛ Yɛɛ́so Klísto, ńcʉ́ʼ epuɔ Ndém, á wɛ́ pīi pɛ naáŋ á tésɔŋ Fílíio. Ńtíi mbɔɔ á mbū wɔ tshí‑mvhɔ pɔ́ wɔ tɛ́ne‑alúŋ epuɔ Yɛɛ́so.

Kɔlɔs 1:1

Meŋ Pɔ́ɔl, ŋ́gɔ́ á Nziŋ‑ntō Yɛɛ́so Klísto, páʼ Ndém a le kɔ̄ŋ épúp, mé tíi akɛtte jʉɔ páʼa, pek Timotɛ méŋ mɔ́ yímpɛ.

1 Tesalonik 1:1

Meŋ Pɔ́ɔl, meŋ tíi akɛtte jʉɔ páʼa, pek a Silvɛŋ, ŋ́ghʉ̄ á Timotɛ mé tíi. Ńtíi ŋgyáa á mbū alúŋ epuɔ Yɛɛ́so zīi, á tésɔŋ Tesalonik. Pɛ é si ŋgɔ́ epuɔ Ndém Mɔʼɔ́, ńzéŋ ŋgɔ́ epuɔ Atsyapuɔ Yɛɛ́so Klísto. Ŋ́gɛ Ndém a elɛ ŋghʉ̄ anu mbɔŋ té ndhʉ ánɛ pɛ, ŋ́ghʉ̄ pɛ enáŋ mé apwɛne.

1 Tesalonik 3:2

ńtó á méŋ mɔ́ yímpɛ Timotɛ á mbū pɛ. Timotɛ wuɔ mɛ́t, pɔ́ Ndém mé si ŋghʉ̄ɛ afaʼ, á letswi ŋke mbɔŋ ánɛ Klísto á mbū epuɔ menɔŋ. Pek túɔ́ á yí épúp, ŋ́gɛ a eshʉʼ esēmte á wɛ́, ŋ́ghʉ̄, lefɛ̄ nnɛ̄t wɛ a etswhí ŋgʉ̄ɔ mé mvhɔ.

1 Tesalonik 3:6

Tsetsɔŋɔ, Timotɛ a á fhó á alāʼ pɛ mbīŋ nzem, éshúŋ á wék menu mbɔŋ, ánɛ páʼ pɛ fɛɛ́ nnɛ̄t épúp, mbɔɔ páʼ, pɛ wɛɛ̄ ŋkɔŋne épúp. A á shúŋ á wék ŋ́gɛ, pɛ zɛɛ́t ŋkímtɛ á wék á mbɔŋɔ́ kímte. Ŋ́gɛ pɛ é si eshʉ́ɛ́ á lezēŋ njʉ́ɔ á wék, ńdeŋ ndeŋ páʼ, pek azék, é si eshʉ́ɛ́ á lezēŋ njʉ́ɔ á wɛ́.

2 Tesalonik 1:1

Meŋ Pɔ́ɔl, ŋ́ghʉ̄ á Silvɛŋ, mbɔɔ Timotɛ mé tíi akɛtte jʉɔ páʼa. Ńtíi á mbū alúŋ epuɔ Yɛɛ́so zīi, á tésɔŋ Tesalonik, ŋ́gɔ́ alúŋ Ndém, á Mɔʼɔ́ yímpɛ, ńzéŋ ŋgɔ́ á azi Atsyapuɔ Yɛɛ́so Klísto.

1 Timotɛ 1:2

Meŋ tíi páʼa á mbū wu Timotɛ, kwaʼ méŋ ga á nzem Yɛɛ́so, páʼ pɔkɔ puú efɛ́ nnɛ̄t ŋgyá mé yí lā. Ŋ́gɛ Ndém Mɔʼɔ́ mbɔɔ Yɛɛ́so Klísto, á Atsyapuɔ yímpɛ, e elɛ ŋghʉ̄ anu mbɔŋ té ndhʉ á mbū wu, ŋ́gwɛ̄ atsāmezeŋɛ á mbū wu, ŋ́ghʉ̄ o enáŋ mé apwɛne.

1 Timotɛ 6:11

Ŋ́ké ŋgɔ́ mé wu, wu ŋiŋ Ndém, mbɔ o pɔŋteé á wú á lekʉ ecʉɔ etsō mɛ́t. Ŋ́gɔ́ efʉʼ metsem, éfāʼ á wú á legɔ̄ ndeŋ ndeŋ á mvhɔ Ndém. Ńnáŋ páʼ Ndém a á si ŋkɔ̄ŋɔ, éfɛ́ nnɛ̄t ŋgyá á mbū Yɛɛ́so, ŋ́kɔ̄ŋ epuɔ menɔŋ. Ŋ́kāk ete á nzem Ndém, ńdɔ̄k apwɛne tɛ́ ŋghʉ̄ emú menu ntsem.

1 Timotɛ 6:20

Timotɛ ga, pá á wú á lelɔk ajū mīi, Ndém a ke tsekné á mbū wu, ŋghʉ̄ mega. Pá meshuŋne mīi é cʉ́ʼɛ á letswīte á ŋiŋ, é tɔʼ epuɔ á lefɛ̄ nnɛ̄t ŋgyá á mbū Ndém. Ḿbá meshuŋne mīi, epuɔ é gē eshúŋ, ńnɔŋ ŋkwāŋa ŋ́gɛ, ashuŋne megaŋ azhɛ̄‑anu.

2 Timotɛ 1:2

Meŋ tíi páʼa á mbū wu Timotɛ méŋ ga, meŋ ŋkɔ̄ɔŋ á wú tɛʼ. Meŋ á si ndɔ́ɔ á mbū Ndém, á Mɔʼɔ́ yímpɛ, mbɔɔ á mbū Atsyapuɔ yímpɛ Yɛɛ́so Klísto, ŋ́gɛ pɔ́ lɛ ŋghʉ̄ anu mbɔŋ té ndhʉ, ŋ́gwɛ̄ á atsāmezeŋɛ ánɛ wu, ŋ́ghʉ̄, o enáŋ mé apwɛne.

Eble 13:23

Pɛ ezhɛ́ á légɛ, mɛ́ ke tshī á méŋ mɔ́ yímpɛ Timotɛ nnéŋ. A gáknɛ eshʉ̄ʼ ńtswɛ́tte á gá, mbɔ meŋ a ge eshʉʼ ejʉ́ɔ á wɛ́, pek yí e egɔ́ nnɔ.