Lomɛŋ 16:2 - Eka Eswhī

² Pɛ ekókne á yí á tsetsɛlɛ pɛ, ánɛ lezēŋ Atsyapuɔ, páʼ epuɔ Ndém é pɔŋteé á lekōkne mennɛ̄t mɔ́p épúp. Ńtswíte á yí ánɛ ajūɔ tsem zīi, a gɔ etsá á mbū pɛ. A lé zii ntswíte epuɔ tɛ nzáne, tɛ mbɔɔ meŋ azá.

Lomɛŋ 16:2 Iomraidhean Croise

Matío 25:40

Efɔ a etsɔ́ʼ á mbū pɔ́p ŋ́gɛ: “Meŋ a shúŋ á wɛ́ á kwaʼ anuúnē. Efʉʼ metsem yīi, pɛ le ghʉ̄ épúp tɛ mbɔɔ á mbū méŋ agáʼ mɔ́ á nnɔ epuɔ pá, pɛ lɛ páʼā, ńdɔkɔ ŋghʉ̄ɛ áa mbū meŋ.”

Mefaʼ Meziŋ-ntō 9:13

Ananias á lɛ ndé ŋ́gɛ: «Atsyapuɔ, meŋ ke júʼ epuɔ tɛ nzáne, é nɔŋ eshúŋɔ menu ánɛ ŋiŋ wuɔ mɛ́t, éfhó ánɛ páʼ, a á si ŋgēnɛ epuɔ pú épúp, á Yelósalɛm.

Mefaʼ Meziŋ-ntō 9:15

Atsyapuɔ á tsɔ́ʼ ŋ́gɛ: «Ké ŋgʉ̄ɔ gʉɔ. Meŋ á tsɔ́ʼ á ŋiŋ mɛ́t ŋ́gɛ, a eghʉ̄ afaʼ zá, ńzéŋ eshúŋ á ŋiŋ yīi meŋ á ewiɛ́, á mbū melāʼ ndɛʼɛ, mbɔɔ á mbū mefɔ pɔ́p, mbɔɔ á mbū epuɔ Islaɛl.

Mefaʼ Meziŋ-ntō 9:36

Mmɔʼ menzwí a lɛ á tésɔŋ Jope, ŋ́gɔ́ á azí mmɔʼ ŋiŋ Yɛɛ́so, lezēŋ tsí é gɔ́ lɛ Tabīta, mɛ́ tɔ́ŋ mé ashuŋne epuɔ Glɛk lɛ, Dɔlkas ńdɔkɔ ŋ́gɛ, «na ŋgap». A lɛ efʉʼ metsem, ŋ́ghʉ̄ɛ menu mbɔŋ, ńnɔŋ ntswítɛ wɔ te kuʼ ánɛ azō.

Mefaʼ Meziŋ-ntō 9:39

Piɛ á kó njúʼ, pɔ́ a pɔ́p é lɛ ndū á esī ŋgʉ̄ɔ. Ŋ́kó éwú, mɛ́ lɔk á yí mbē mé ntē ŋgyā ánɛ leleŋ athʉ́. Mbɔ mepfók tésɔŋ é mbú ncúʼte éwú, ńnɔŋ ndāa, ńtswī á yí menzhó mīi, Dɔlkas a ke nɔ̄ŋ ntémɛ, ŋ́gɔ̄ á ŋgāptɛ, á afʉʼ zīi a ke zɛ́t nte.

Mefaʼ Meziŋ-ntō 9:41

Piɛ á kímne apū zí, á lu á esī ntshí ajʉʼ. Á tɔ́ŋ epuɔ Yɛɛ́so pɔ́ mepfók pwɔ̄, ńtswī á yí á mbū pɔ́p, á gɔ́ nte.

Lomɛŋ 15:7

A épúp tɛ́, pɛ ekókne mennɛ̄t mɛ́ nzeŋne zeŋné, ńdeŋ ndeŋ páʼ, Klísto á le kokné á wɛ́ épúp, ŋ́ghʉ̄ épúp, ńdɔk ŋgūʼte á Ndém.

Lomɛŋ 16:15

Pɛ etsāʼte á Filologe pɔ́ Juli, mbɔɔ Nele pɔ́ méŋ mɔ́ yi éyi menzwí. Ńtsāʼte á Olɛmpas pɔ́ a epuɔ Ndém metsem pīi, pɔ́ a pɔ́p é gɛ ncúʼtɛ.

Lomɛŋ 16:23

Ŋgayus, á ŋiŋ yīi a kóknɛ á gá á mba yí, mbɔ alúŋ epuɔ Yɛɛ́so á gɛ ncúʼtɛ á mba yí, a á tsaʼte á wɛ́. Elaste, á efeŋ‑ŋkāp tésɔŋ, a á tsaʼte á wɛ́, mbɔɔ Kaatus á méŋ mɔ́ yímpɛ. [

Lomɛŋ 16:6

Pɛ etsāʼte á Malía, a ke tséŋ aziʼne tɛʼ melaʼ mɛ́.

Lomɛŋ 16:9

Ńtsāʼte á Ulbɛŋ, ḿpɛ a pɔ́p é si mbútɛ ŋghʉ̄ɛ afaʼ á mbū Klísto. Pɛ ezéŋ ntsāʼte á mbɔŋ esoó ga Stakis.

Efɛze 5:3

Pɛ é si ŋgɔ́ epuɔ Ndém, púp á ka pɔ̄ŋ ŋ́gɛ, agā, mbɔɔ eziɛ́ ntií anu epe lɛ́, mbɔɔ atsɔʼɔ́‑ntɔ̄ŋ, a ezi mbú ŋgɔ́ á nnɔ pɛ ɛ́.

Fílíip 1:27

Mía azō á gɔ áa lɛ, pɛ ezīŋ ánɛ mɛnzhɛ yīi, ŋke mbɔŋ ánɛ Klísto é si nzɛ́ttɛ, tɛ ŋgɔ́ yīi, azi ŋgɔ́ éyi, meŋ a shʉʼ ejʉ́ɔ á wɛ́, kɛɛ meŋ te shʉʼ eshʉʼ ɛ́ lɛ́ɛ, meŋ etshí njúʼ páʼ pɛ kwɛɛ́t, ńchʉ́ nnɛ̄t ŋgɔ́ á taʼ nchu, éfók mbʉʼ metsem mé taʼ ntē, ŋ́ghʉ̄, lefɛ̄ nnɛ̄t ŋgyá mé Klísto, á gɔ́ páʼ ŋke mbɔŋ é si nzíʼnɛ épúp.

Fílíip 2:29

Púp, a a shʉʼ eshʉʼe, pɛ elɔ̄k á kwaʼ mía lekāk tɛ́ ntswí á yí, melaʼ mīi a á méŋ mɔ́ wɛ á nzem Atsyapuɔ. Pɛ eghʉ̄ mekuʼ ntií epuɔ pīi, pɔ́ é páʼ yí lā.

Kɔlɔs 4:10

Alistáak a á si ntsāʼtɛ á wɛ́. Pek yí mé ŋgyā atʉɛ́. Málkúsi méŋ mɔ́ Baanabas a á si nzéŋɛ ntsāʼtɛ á wɛ́ azí. Mɛ́ lé zi ntí á mbū pɛ, ńdɔk ŋkím á yí. A gɛ ŋké eshʉ̄ʼ, pɛ ekókne á yí á mbɔŋɔ́.

1 Timotɛ 2:10

A cʉ́ʼɛ épúp, pɔ́ lɔk mefaʼ membɔŋ mɔ́p, ńtswīŋ nnɛ̄t zɔp páʼ wɔnzwí pīi, pɔ́ ziīŋ á nzem Ndém, é ghʉʉ̄ épúp.

2 Timotɛ 1:18

Ŋ́gɛ Atsyapuɔ a elɛ ŋkápte á yí, áleʼé zīi a piŋɛ nzem, ŋ́gɔ̄ á nzáʼ ntsaŋ. Mmɔʼ ŋiŋ a te si nzhɛ́ɛ mefaʼ mīi, a ke ghʉ̄ á mbū meŋ, á tésɔŋ Efɛze, páʼ wu ú.

Tíit 2:3

Ndeŋ ndeŋ épúp, zíʼne á mbū wɔnzwí pīi pɔ́ é tswhí á légɛ, pɔ́ pɔŋteé á lenāŋ páʼ, Ndém a á si ŋkɔ̄ŋɔ. Ndɛ́ʼ pɔ́ sɛ́ʼ epuɔ, ndɛ́ʼ pɔ́ néŋ nnɛ̄t zɔp ánɛ meluʼ. Á mbɔŋ ŋ́gɛ pɔ́ ezíʼne epuɔ atswhī mbɔŋ.

Filemɔŋ 1:12

Meŋ á piŋne á yí, ŋ́gyá á mbū wu, a á si ŋgɔ́ ntē gá ntsem.

Filemɔŋ 1:17

Páʼ o jʉɔ́ á gá páʼ méŋ mɔ́ wu, á nzem Klísto lā, lɛ ŋkókne á yí páʼ, o kóknɛ á gá lā.

2 Jáaŋ 1:10

Ŋiŋ a ge eshʉʼe á mba pɛ, ŋ́gɔ́ éyi, a te ndɔ̄kɔ áa anu zīi Yɛɛ́so a le léē, éshʉ̄ʼɛ, ndɛ́ʼ pɛ ekókne á yí, ndɛ́ʼ pɛ zi mbú ndé á mbū yí ŋ́gɛ, zhɛ́ á leshʉʼ.