Lomɛŋ 16:19 - Eka Eswhī

¹⁹ Epuɔ metsem é si nzhɛ́ɛ páʼ, pɛ juúʼ nchu Atsyapuɔ. A épúp tɛ́, ntē gá é si ŋgáŋtɛ melaʼ mɛ́. Meŋ á si ŋké ntsáa ŋ́gɛ, pɛ ewɛ̄ azhɛ̄‑anu, á lelɔk ŋghʉ̄ anu mbɔŋ, ŋ́gɔ́ efʉʼ metsem, ŋ́kʉ̄ anu tepɔŋ.

Lomɛŋ 16:19 Iomraidhean Croise

Matío 10:16

«Awuɔ yīi meŋ túɔ́ á wɛ́ á nnɔ epuɔ menɔŋ, páʼ memvhō mīi é kúɔ́ á nnɔ metsho lāa. Pɛ eké ŋgʉ̄ɔ azɛ́, ŋ́gīkte páʼ menū lā, ŋ́gɔ́ ndendem páʼ ekepēŋ lā.

Lúkási 10:3

Pɛ egʉ̄ɔ, ńzhɛ́ á légɛ, meŋ túɔ́ á wɛ́ á nnɔ epuɔ menɔŋ, páʼ epɔ̄ memvhō mīi, é kúɔ́ á nnɔ metsho lā.

Lomɛŋ 1:8

Meŋ a ge ezi mvhɔ, étsia á nzem Yɛɛ́so Klísto, ésyákne á Mɔʼɔ́ yímpɛ Ndém á athū pɛ metsem. Ésyáknɛ épúp, melaʼ mīi, mɛ́ é ejʉʼ tsem á ndo esī atsetsáʼ, ésáʼa eshúŋɔ páʼ, pɛ fɛɛ́ nnɛ̄t épúp, ŋ́gyá á mbū Yɛɛ́so.

1 Kɔlɛŋte 14:20

Epɔ̄ memía, ndɛ́ʼ pɛ esáŋ menu páʼ mezízí ewɔŋkhʉ̄ lā. Pɛ esáŋ menu páʼ melʉɛ lā. Ŋ́gɔ́ ánɛ mefa, mbɔ pɛ egɔ́ páʼ mezízí ewɔŋkhʉ̄ lā, éwɔ te fa.

Efɛze 5:17

Ndɛ́ʼ pɛ enáŋ páʼ metsetseŋ lā, pɛ egɔ́ efʉʼ metsem, éfāʼ á lezhɛ̄ ajū mīi, Atsyapuɔ a á si ŋkɔ̄ŋɔ ŋ́gɛ pɛ eghʉ̄.

Fílíip 1:9

Aswiŋte zīi, meŋ á si ŋghʉ̄ɛ á mbū Ndém á athū pɛ, a ajʉɔ: meŋ á si ndɔ́ɔ ŋ́gɛ, Ndém a eghʉ̄, pɛ etswiʼne ŋkɔ̄ŋne mennɛ̄t mɛ́, ńdɔk ŋgʉ̄ɔ mé mvhɔ. Púp, ńdɔk nzhɛ́ páʼ Ndém a á épúp, ḿbiŋ ŋghʉ̄ menu mīi, é mbɔŋ á leghʉ.

Fílíip 2:15

Ńdɔk mbú ŋgɔ́ epuɔ pīi, mɛ́ té si ndāʼa á wɔ́p ɔ́. Épuɔ pīi alɔ́ʼ zɔ́p á té éwú ú. Ŋ́gɔ́ epɔ̄ Ndém, épuɔ pīi pɔ́ é te alɔ́ʼ á nnɔ epuɔ ŋguʼ puɔ, mégaŋ esɔ̄, ŋgɔ́ epuɔ tepɔŋ. Pɛ egɔ́ á nnɔ pɔ́p, ŋ́kɛ̄ʼɛ, páʼ mecɔʼ saŋ é kɛʼɛ ejʉʼ lā.

Kɔlɔs 3:16

Ŋ́gɛ ashuŋne Klísto, páʼ á wɛɛ̄ lewūʼ ntsem lā, a egɔ́ á ntē pɛ efʉʼ metsem. Pɛ elɔ̄k azhɛ̄‑anu, ńzíʼne anu Ndém á nnɔ pɛ, ńzeŋne zeŋné, ńtékne mennɛ̄t mɛ́. Pɛ ezɔ̄p mé ntē wɛ́ ntsem, ńdɔk ŋgūʼte á Ndém. Ńzɔ̄p mezɔp ntshi mīi, é ntē aŋwaʼne Ndém, ńzɔ̄p mezɔp ntshi epuɔ Yɛɛ́so. Ńzɔ̄p mezɔp ntshi mīi, Azwakne Ndém á néŋ á ntē pɛ.