Lomɛŋ 16:18 - Eka Eswhī

¹⁸ Ntií epuɔ jʉɔ mɛ́t, é páʼā, pɔ́ té ŋghʉ̄ɛ afaʼ á mbū Klísto Atsyapuɔ yímpɛ ɛ́, pɔ́ lɔkɔ áa levem tsɔ́p nzīŋɛ. Pɔ́ lɔɔ̄k meleté eshuŋne, pɔ́ meshuŋne á lelɔk ndʉ̄te epuɔ, ḿbɔ̄pte wɔ véŋ véŋ.

Lomɛŋ 16:18 Iomraidhean Croise

Matío 24:11

Wɔ táŋ‑mela ŋ́gɛ, pɔ́ é metswi‑ŋke Ndém, e shʉʼ etó tɛ ezáne, éghʉ, atʉtʉ epuɔ a efā nzhɛ.

Matío 24:24

Emɔ̄ʼ epuɔ e shʉʼ elu á esī, étáŋ mela gɛ, pɔ́ é wɔ Nzaʼ‑Ŋkhʉ, emɔ̄ʼ e etáŋ mela ŋ́gɛ, pɔ́ é metswi‑ŋke Ndém, énɔŋ eghʉɛ etsiá meyiŋne anu, pɔ́ ndajʉ́ɔ menu. Éghʉɛ, élɔkɔ epɔptɛ epuɔ, tɛ ŋgɔ́ yīi pɔ́ gɔ ezéŋ mbɔ̄pte epuɔ pīi, Ndém a le tsɔ́ʼ á wɔ́p ŋ́gɛ pɔ́ egɔ́ epuɔ pí.

Matío 6:24

«Taʼ ŋiŋ a gɔ le fāʼ, á mbū memɔʼɔ́ afaʼ mémpīa á taʼ legʉɔ ɔ́. A ghʉɛ épúp, mbɔ a a shʉʼ epa mmɔʼ, épiŋ ekɔŋ mmɔʼ. Ŋ́gɔ́ te épúp ɔ́, á júʼ nchu mmɔʼ, ḿbiŋ ŋgwák eyi mmɔʼ. Ŋiŋ a gɔ le júʼ á mbū Ndém, ḿbiŋ nzéŋ njúʼ á mbū ŋkāp á.

Matío 7:15

«Pɛ epá epuɔ pīi pɔ́ é si ŋ́gɛ, pɔ́ é metswi‑ŋke Ndém, ńdɔkɔ ntáŋa mela. Pɔ́ gē eshʉʼ á mbū pɛ, ńzwík ŋgup njʉnjhʉ, ḿbiŋ ŋgɔ́ á ntē éwú, ŋ́gɔ́ áa kwaʼ metsho.

Jáaŋ 12:26

Ŋiŋ a nɔŋ ŋkɔ̄ŋɔ á yí á legɔ̄ ŋgaŋ afaʼ ga, á tsé á nzem meŋ. Ajʉʼ zīi meŋ á éwú la, á shʉʼ nzéŋ ŋ́gɔ́ azí éwú. Ŋiŋ a nɔŋ ŋghʉ̄ɛ afaʼ zá, mbɔ Mɔʼɔ́ ga a a shʉʼ ekɔŋte á yí.

Lomɛŋ 14:18

Ŋiŋ a ge eghʉ afaʼ Klísto, ŋ́gwɛ̄ ntií atswhī jʉɔ mɛ́t, mbɔ á pɔŋ á Ndém, epuɔ menɔŋ e ekɔ̄ŋte á yí.

Lomɛŋ 16:19

Epuɔ metsem é si nzhɛ́ɛ páʼ, pɛ juúʼ nchu Atsyapuɔ. A épúp tɛ́, ntē gá é si ŋgáŋtɛ melaʼ mɛ́. Meŋ á si ŋké ntsáa ŋ́gɛ, pɛ ewɛ̄ azhɛ̄‑anu, á lelɔk ŋghʉ̄ anu mbɔŋ, ŋ́gɔ́ efʉʼ metsem, ŋ́kʉ̄ anu tepɔŋ.

2 Kɔlɛŋte 11:3

Meŋ á si mbiŋɛ mbɔ́kɔ ŋ́gɛ, ndɛ́ʼ ŋiŋ á kʉlɛ leghi tsɛ́, pɛ fhó ánɛ mbɔŋ mɛnzhɛ Klísto ntó, ńdeŋ ndeŋ páʼ Éva a le cʉ́ʼ, nnū é pɔpte á yí, á fa nzhɛ.

2 Kɔlɛŋte 2:17

Pek te si ŋgɔ́ páʼ emɔ̄ʼ epuɔ pīi, pɔ́ lɔkɔ ashuŋne Ndém ntáŋa esaá á. Pek é si ŋgē eshúŋɔ anu Ndém, ńdɛ̄tne ánɛ Klísto, ńdɔ̄kɔ anuúnē tɛ́ eshúŋɔ, Ndém mé túɔ́ á wék, pek a pɔ́p mé gɔ́ nnɔ.

2 Kɔlɛŋte 4:2

Pek le pú ndʉ̄ʼ ajūɔ tsem zīi, mɛ́ kɔ́ŋne kɔŋné tɛ́ ŋghʉ̄, ńdʉ̄ʼ ajūɔ tsem zīi, á gɔ enéŋ esē á athū pek. Pek te si mbɔ̄ptɛ epuɔ ɔ́. Pek te si ŋkúmnɛ anu zīi, ashuŋne Ndém á si ndʉ́ɛ́. A cʉ́ʼɛ épúp, mbɔ pek é si ŋghʉ̄ɛ mɛ́ zhɛ́ɛ anuúnē ndeŋ ndeŋ, ńdɔkɔ efāʼa á leghʉ, epuɔ menɔŋ metsem, é zhɛ́ á légɛ, pek é si ŋgɔ́ epuɔ ndeŋ ndeŋ, á mvhɔ Ndém.

Galat 1:10

Pɛ é kwaŋ ŋ́gɛ á tsetsɔŋɔ, meŋ nɔ̄ɔŋ efāʼa ŋ́gɛ, epuɔ menɔŋ e ekɔ̄ŋte á gá lɛ́? Ŋgáŋ, meŋ á si efāʼa ŋ́gɛ, Ndém a ekɔ̄ŋte á gá. Meŋ te si efāʼa á gá á leghʉ ajū mīi, epuɔ menɔŋ é lɔk ewuʼte á gá á. Á ŋgwíʼe ŋgɔ́ éyi, meŋ á si ntsáa á gá á leghʉ, epuɔ menɔŋ é wuʼte á gá, mbɔ meŋ gɔ le ghʉ̄ épúp, ḿbiŋ ŋgɔ́ á ŋgaŋ afaʼ Klísto ó.

Fílíip 2:21

Mvuʼ epuɔ metsem é si ŋghʉ̄ɛ mefaʼ mīi, e tswíte á wɔ́p pɔ́plépɔ̄p. Ḿbiŋɛ te nzɛ́t ŋghʉ̄ɛ ajū mīi, Yɛɛ́so Klísto a á si ŋkɔ̄ŋɔ ɔ́.

Fílíip 3:19

Epuɔ puɔ mɛ́t, pɔ́ é si nzīŋɛ ánɛ mɛnzhɛ yīi, a a láʼ eghʉ pɔ́ elákne, melaʼ mīi, pɔ́ lē ndɔk levem tsɔ́p, ŋ́ghʉ̄ ewɔp Ndém. Pɔ́ ghʉʉ̄ menu mīi esē é ke gɔ́ é kú á wɔ́p éwú, ḿbiŋ ŋgɔ́ si ŋkáka. Ntē wɔ́p é tshí áa ánɛ tsitsi ndo esī atsetsáʼ.

Kɔlɔs 2:4

Meŋ ndʉ́ɛ́ páʼā, ńdɔkɔ mbɔ́kɔ á ŋiŋ á lelɔk mepɔŋ meshuŋne, ḿbɔ̄pte á wɛ́.

Kɔlɔs 3:24

Ńnɔŋ nzhɛ́ɛ á légɛ, Atsyapuɔ a a láʼ eyá ntaŋá yīi, a le laʼnē á mbū pɛ. Kwaʼ Mɔʼɔ́ wɛ a gɔ́ áa Klísto, pɛ pīiŋ nnɔ̄ŋ ŋghʉ̄ɛ afaʼ zí.

2 Tesalonik 2:10

Ézéŋ elɔk anu tepɔŋ ntií ntsem, é pɔpte epuɔ pīi, pɔ́ nzi nnɔ̄ŋ mbíi. Epuɔ puɔ mɛ́t é píi páʼā, melaʼ mīi pɔ́ lɛ te kɔ̄ŋ anuúnē, ŋ́kúʼte ɛ́, tɛ́ á piŋ ŋgɔ́ yīi, aziɛ́ mé le gɔ́, á ghʉ pɔ́ tswɛ́t.

1 Timotɛ 6:5

Ńzéŋ mbú ŋ́ghʉ̄ mbɔɔ á letɔʼne azō, á tsetsɛlɛ pɔ́p efʉʼ metsem, melaʼ mīi akwaŋte zɔ́p á té pɔŋ. Pɔ́ té zhɛ́ ajū mīi á anuúnē ɛ́. Pɔ́ kwaāŋ ŋ́gɛ legɔ̄ á ŋiŋ Yɛɛ́so, é si ŋgɔ́ emɔ̄ʼ eshhʉ̄, á lelɔk efāʼ ajū mīi a kó á apa.

Jáak 1:1

Meŋ Jáak, ŋ́gɔ́ á njuʼ‑nchu Ndém, mbɔɔ eyi Atsyapuɔ Yɛɛ́so Klísto, meŋ mé tíi ndɔkɔ ntsāʼtɛ epuɔ, ánɛ etseŋ ŋgyā Islaɛl ntsɔp pīa mé legēm, épi pɔ́ naŋteé á nzem apɛ́.

2 Piɛ 2:3

Epuɔ puɔ mɛ́t, e shʉʼ eté á ŋkɔɔ̄ŋ ŋkāp, élɔk epoó‑anu, epɔpte á wɛ́, ékú etsō tsɛ́. Táʼ, Ndém a lē ndáʼ nzáʼ ntsaŋ zɔ́p tɛ efhó tɛ afʉʼ, tɛ á lɛɛ̄ ncʉ́ʼ áa méŋ afʉʼ, pɔ́ ekó á ntē ŋgʉɔ̄ʼ te mi.

Zwide 1:1

Meŋ Zwíde ntsiʼnzem Jáak, ŋ́gɔ́ á ŋgaŋ afaʼ Yɛɛ́so Klísto mé tíi akɛtte jʉɔ páʼa. Ńtíi á mbū epuɔ pīi, Ndém a le tɔ́ŋ á wɔ́p ŋ́gɛ, pɔ́ ecʉ́ʼ epuɔ pí, épuɔ pīi Ndém, á Mɔʼɔ́ yímpɛ a kɔɔ̄ŋ á wɔ́p, ŋ́kápte á wɔ́p, ńdɔkɔ nzwíʼtɛ á Yɛɛ́so Klísto.

Zwide 1:12

Pɔ́ mé si ntsēŋtɛ nzwiŋ wɛ́, áfʉʼ zīi pɛ a pɔ́p é cúʼtɛ mpfɛ́tɛ etsō, páʼ epɔ̄ memía lā. Pɔ́ gɔ́ éwú, ńnɔŋ ŋkʉ̄ɔ ŋgɔŋ, té esē ŋkú á wɔ́p, mbiŋ nzī te nɔ̄ŋ esáŋa á ŋiŋ ɛ́. Pɔ́ é si ŋgɔ́ páʼ alɔ zīi, afēm á túʼɔ ndɔ̄kɔ ŋkʉ̄nɛ, á piŋ ŋgɔ́ yīi, á gɔ́ le ghʉ̄, mbeŋ é lú ú lā. Ŋ́gɔ́ páʼ athʉ́ zīi, á zi mbú ŋgɔ́ le zém, tɛ mbɔɔ afʉʼ zīi, á pɔŋteé á lezēm ɛ́ lā, áthʉ́ zīi, mɛ́ é tsɔ́ʼ mé meŋgaŋ, á kwhʉ́, ḿbú ŋkwhʉ́ lā.

Zwide 1:16

Epuɔ puɔ mɛ́t é efʉʼ metsem, ńzwɛ́tte zwɛtté, ńzéŋ ndā nnɛ̄t la. Pɔ́ é efʉʼ metsem, ŋ́ghʉ̄ áa ajū mīi mbe nnɛ̄t zɔ́p e é si ntshónɛ á wɔ́p, ŋ́gɛ pɔ́ eghʉ̄. Meshuŋne aŋaʼte nnɛ̄t, mé nɔŋ ntúɔ́ á nchu pɔ́p. Pɔ́ gē elʉte á ŋiŋ, á gɔ́ áa éyi, pɔ́ lɔkɔ efāʼa á lejhʉ̄ apɛ á nzem yí.

Menjʉɔ te lí 1:1

Menu mīi é ntē aŋwaʼne jʉɔ, é si ŋgɔ́ menu mīi é lʉɔneē, mbɔ Yɛɛ́so Klísto a le tswī á mbū wɔ júʼ‑nchu Ndém. Ndém a le yá menu muɔ mɛ́t á mbū yí ŋ́gɛ, a elɔk ntswī á wɔ́p mecū mīi, é cʉ́ʼɛ eshʉʼ shʉʼe. Yɛɛ́so Klísto a le tó á cɔʼ yi, ŋ́gɛ a egʉɔ ntswī menu mɛ́t, á mbū ŋgaŋ afaʼ yi Jáaŋ.