Lomɛŋ 16:17 - Eka Eswhī

¹⁷ Epɔ̄ memía, meŋ á si ntswɛ̄tɛ á wɛ́ ŋ́gɛ, pɛ epá megaŋ aŋwaŋ, pɔ́ gɔ elɔ̄ɔk á lelʉɔ̄ʼ anu zīi, mɛ́ le ziʼné á wɛ́, ŋ́ghʉ̄ tɛ pɛ efāa nzhɛ. Pɛ ekʉ̄ á wɔ́p.

Lomɛŋ 16:17 Iomraidhean Croise

Matío 18:17

Ŋ́gɔ́ éyi, a á kó nzéŋ ńdʉ̄ʼ á levēŋ mefa á mvhɔ pɔ́p, o elɔ̄k anu ŋgʉ̄ɔ mé mvhɔ alúŋ wɔ fɛ́‑nnɛ̄t ŋgyá á mbū meŋ. Ŋ́gɔ́ éyi, a á kó nzéŋ ńdʉ̄ʼ á levēŋ mefa á mvhɔ pɔ́p, o elɛ ndɔ̄k á yí ntɔ́ŋ á te zhɛ́‑Ndém, ńdɔ̄k á yí ntɔ́ŋ á ntswi‑ncup.

Matío 18:7

Meshhʉ̄ tepɔŋ é si ŋgɔ́ epuɔ pīi, pɔ́ é esī atsetsáʼ ŋ́ghʉ̄ɛ, epuɔ tɛ nzáne é faa nzhɛ. Ajū mīi á gɔ eghʉ̄ʉ, ŋiŋ á fa nzhɛ, á gɔ́ le púŋ. Táʼ, ndɔ e é athū ŋiŋ yīi, a á tshóne á ŋiŋ, ńnéŋ á ntē mefa.

Matío 7:15

«Pɛ epá epuɔ pīi pɔ́ é si ŋ́gɛ, pɔ́ é metswi‑ŋke Ndém, ńdɔkɔ ntáŋa mela. Pɔ́ gē eshʉʼ á mbū pɛ, ńzwík ŋgup njʉnjhʉ, ḿbiŋ ŋgɔ́ á ntē éwú, ŋ́gɔ́ áa kwaʼ metsho.

Lúkási 17:1

Yɛɛ́so a le lé á mbū nnɔ yí ŋ́gɛ: «Tɛ mbɔɔ eséŋɛ́ lɛ́, ajū mīi á gɔ eghʉ̄ʉ, ŋiŋ á fa nzhɛ, á gɔ le púŋ. Táʼ, ndɔ e é athū ŋiŋ yīi, a á tshóne á ŋiŋ, ńnéŋ á ntē mefa.

Mefaʼ Meziŋ-ntō 15:24

Pek ke júʼ páʼ, emɔ̄ʼ epuɔ é ke fhó á nnɔ pek, éshʉʼ eshúŋ á wɛ́ menu, ńdɔk ntákte athū zɛ́, tɛ pɛ cʉ́ʼɛ ntāpne tapne. Pek mé ke ké te á wɔ́p tó.

1 Kɔlɛŋte 11:18

Mvhɔ anu zīi, meŋ gɔ á eshúŋɔ e ejʉɔ. Mɛ́ ke shúŋ á gá ŋ́gɛ, efʉʼ metsem yīi pɛ é cúʼte, ŋ́gɔ̄ á ŋguʼté Ndém, pɛ fākte menɔ menɔ. Meŋ á kwaŋ ŋ́gɛ, á gɔ́ mmɔʼ mbɔ á anuúnē.

1 Kɔlɛŋte 3:3

melaʼ mīi, pɛ zɛɛ́t nziŋɛ, áa páʼ lenāŋ wɛ a zɛɛ́t páʼ, eyi epuɔ ŋgɔŋ puɔ lā. Sɛ́h ntē pɔ́ mentsaŋ, é zɛɛ́t á tsetsɛlɛ pɛ páʼā, pɛ elɔ̄kɔ te ntswīi á légɛ, pɛ zɛɛ́t nziŋɛ áa páʼ, mbe nnɛ̄t zɛ e é si ntshónɛ á wɛ́ ɛ́ lɛ̄? Pɛ elɔ̄kɔ te ntswīi á légɛ, pɛ zɛɛ́t áa epuɔ ŋgɔŋ puɔ ɔ́ lɛ̄?

Galat 2:4

Tɛ mbɔɔ páʼ wɔ táŋ‑mela ŋ́gɛ pɔ́ é epuɔ Yɛɛ́so, é kɛ si ŋŋíŋɛ ŋ́gɛ mɛ́ etém á yí. Wɔ wɛtɛ‑ŋkó puɔ mɛ́t, é le ŋɛté ŋkó á nnɔ pek, ŋ́gɔ̄ á mbápnɛ, éjʉ́ɔ páʼ, pek naáŋ á ŋga athū pek melaʼ mīi, pek lɛtneē ánɛ Yɛɛ́so. Ézéŋ eghʉ, pek epiŋ ncʉ́ʼ epuʼ lepé epuɔ Yúda.

Fílíip 3:17

Epɔ̄ memía, pɛ metsem e epú efʉ̄ʼne á gá. Pɛ etshí menēk mɛ́ ánɛ epuɔ pīi, pɔ́ é si ŋkúʼtɛ atswhī zīi, pek ke ziʼné á wɛ́.

Kɔlɔs 2:8

Pɛ epá, tɛ ŋiŋ a á le lɔ̄k azhɛ̄‑anu megaŋ azhɛ̄‑anu ŋgɔŋ puɔ, ḿbɔ̄pte á wɛ ɛ́. Azhɛ̄‑anu zɔ́p mɛ́t, á gɔ́ áa mela, ŋ́gɔ́ áa anu ŋiké. Azhɛ̄‑anu zɔ́p mɛ́t, á fhó áa ánɛ mɛt yīi, epuɔ menɔŋ mé le zapáā, éfhɔ́ɔ á mbū tepɔŋ mete yīi, a sáʼa ŋgɔŋ jʉɔ. Á té efhɔ́ɔ á mbū Klísto ó.

2 Tesalonik 3:6

Epɔ̄ memía, pek é si ntswīi á mbū pɛ ánɛ lezēŋ Atsyapuɔ Yɛɛ́so Klísto, ŋ́gɛ, ndɛ́ʼ pɛ egɔ́ á nzem awɔ́ méŋ mɔ́ lɛ́ yīi, a lɔŋneé, a te zīŋ ánɛ mekhu anu zīi, pek ke ziʼné á wɛ́ ɛ́.

1 Timotɛ 1:3

Páʼ meŋ nde gē egʉɔ mé apak ŋgɔŋ Maseduan, éshúŋ á wú tɛ ntswɛ̄te épúp lā, náŋ á tésɔŋ Efɛze, ńtɔ̄ʼ emɔ̄ʼ epuɔ pīi, pɔ́ é éwú ndūptɛ menu ánɛ anu Ndém, ńzíʼnɛ epuɔ, ŋ́gɛ ndɛ́ʼ pɔ́ zéŋ nzíʼne.

2 Timotɛ 3:5

Mɛ́ cʉteē á wɔ́p á nzem apɛ́, ńjʉ́ɔ pɔ́ gɔ́ páʼ epuɔ pīi, pɔ́ ziīŋ páʼ Ndém a á si ŋkɔ̄ŋɔ lā. Tɛ́ pɔ́ ké ŋgɔ́ epuɔ pīi, pɔ́ é si ndʉ̄ʼɛ mete Ndém. Lʉɔ́ʼte ntií epuɔ jʉɔ mɛ́t azɔ́p.

Tíit 3:10

Ŋiŋ a nɔŋ mmāʼa mekɔŋ asɔpne ánɛ alúŋ epuɔ Yɛɛ́so, o etswɛ̄te á yí mvhɔ legʉɔ, á gɔ te júʼ, ńtswɛ̄te á yí ánɛ mbáte epīa, á gɔ te júʼ, o efhó á nnɔ efók á yí.

1 Jáaŋ 2:19

Epuɔ puɔ mɛ́t, é le fhó á nnɔ pímpɛ ntó, pɔ́ le zī te epuɔ pímpɛ ɛ́. Pɔ́ le wíʼe ŋgɔ́ epuɔ pímpɛ, mbɔ ḿpɛ a pɔ́p é zɛ́t nnɔ. Pɔ́ le pīŋ efhó á nnɔ pímpɛ ntó épúp, tɛ́ á lɔk ntswī ndeŋ ndeŋ á légɛ, tsɔ ŋiŋ wɔp, a lɛ te á ŋiŋ nnɔ yímpɛ ɛ́.

Zwide 1:19

Á épúp, pɔ́ mé si ŋgɔ́ epuɔ pīi, pɔ́ maʼa mefakne á nnɔ epuɔ Yɛɛ́so. Pɔ́ ghʉʉ̄ azɔ́p, áa ajū mīi, epuɔ ŋgɔŋ puɔ é kɔɔ̄ŋ. Azwakne Ndém á té ánɛ pɔ́p ɔ́.