Lomɛŋ 16:13 - Eka Eswhī

¹³ Pɛ etsāʼte á Lufus, á mbɔŋ mía ŋgaŋ afaʼ Atsyapuɔ, ńtsāʼte á mɛ́ wɔp, a á mbū meŋ, ńzéŋ ŋgɔ́ páʼ mɛ́ ga lā.

Lomɛŋ 16:13 Iomraidhean Croise

Matío 20:16

Yɛɛ́so á ge emakne ndé ŋ́gɛ, á épúp tɛ́ mezoknzem, e fú ecʉ́ʼ megaŋ mvhɔ, megaŋ mvhɔ e epīŋ ncʉ́ʼ mezoknzem. »

Málkúsi 15:21

Pɔ́ gʉɔ ŋkó á mɛnzhɛ, ńjʉ́ɔ mmɔʼ ŋiŋ, á nɔŋ efhɔ́ɔ mé ŋkāʼ, lezēŋ tsí é gɔ́ lɛ Simɔŋ, á gɔ́ á ŋiŋ tésɔŋ Silɛ̄ne, ŋ́gɔ́ á mɔʼɔ́ Alɛkzaŋdle pɔ́ Lufus. Wɔ lʉɔ́ʼ‑ncu é lɔk mbʉʼ ŋgɔ̄ á yí, ŋ́gɛ a epīʼ á mbaŋne paŋné Yɛɛ́so.

Málkúsi 3:35

Ŋiŋ yīi a ghʉʉ̄ ajū mīi, Ndém a á si nzɛ́ttɛ, ŋgaŋ mé méŋ mɔ́ ga, éyi menzwí kɛ́ eyi mbaŋa, ńzéŋ ŋgɔ́ á mɛ́ ga. »

Jáaŋ 15:16

Pɛ mé lɛ te gá kaŋ, meŋ mé le tsɔ́ʼ á wɛ́, ńchʉ́ á wɛ́, ŋ́gɛ pɛ egʉɔ nzém ntá mbɔŋ, ńtá mbɔŋ zīi é náŋa náŋa. Tɛ́ ajūɔ tsem zīi, pɛ é lɔk lezēŋ tsá ndɔ́ á Mɔʼɔ́ ga, a eyá á mbū pɛ.

Jáaŋ 19:27

Ńdé á mbū ŋiŋ nnɔ yi mɛ́t ŋ́gɛ: «Mɛ́ wu a awɔ̄. » Tɛ efhó á afʉʼ mɛ́t, ŋiŋ nnɔ yi wɔ̄, á lɛ ndɔ̄k á mía Yɛɛ́so mé mba zi.

Lomɛŋ 16:12

Pɛ etsāʼte á Tlifɛ́ne pɔ́ Tlifóze. Pɔ́ ke tséŋ aziʼne á leghʉ afaʼ á mbū Atsyapuɔ. Pɛ etsāʼte á Pɛɛsida, á mbɔŋ esoó ga eyi menzwí, a ke tséŋ aziʼne tɛʼ, á leghʉ afaʼ á mbū Atsyapuɔ.

Lomɛŋ 16:14

Pɛ etsāʼte á Asinklit, mbɔɔ Flegɔŋ, mbɔɔ Ɛɛmɛs, mbɔɔ Patlobas, ŋ́ghʉ̄ á Ɛɛmas pɔ́ a epɔ̄ memía pīi, pɔ́ a pɔ́p é gɛ ncúʼtɛ.

Efɛze 1:4

A le zapá ánɛ yí, ŋ́kāŋ á yímpɛ, tɛ nzī nzɛ́t áa té nɔŋ ŋgɔŋ, ŋ́gɛ ḿpɛ egɔ́ epuɔ pí, ŋ́gɔ́ á menēk yí, ŋ́gɔ́ epuɔ pīi, mɛ́ té si ndāʼa á wɔ́p ɔ́, ŋ́ghʉ̄ɛ épúp, ńdɔkɔ ŋkɔ̄ŋɔ á yímpɛ.

2 Tesalonik 2:13

Epɔ̄ memía pīi Atsyapuɔ a kɔɔ̄ŋ á wɔ́p, pek é si esyáknɛ á Ndém té ká ánɛ athū zɛ́, páʼ pek pɔŋteé á leghʉ épúp. Ésyáknɛ á yí melaʼ mīi, a le tsɔ́ʼ á wɛ́ tɛ efhó á nzií‑ŋgɔŋ, ŋ́gɔ̄ eghʉ pɛ etswɛ́t, ŋ́ké ŋgē eghʉ pɛ etswɛ́t, éfhó ánɛ Azwakne zí zīi, á ntē pɛ ntsāŋa á wɛ́ ánɛ mɛnzhɛ yi, ńzéŋ efhó ánɛ wɛ́ á lekūʼte anuúnē.

1 Timotɛ 5:2

Ńjʉ́ɔ wɔnzwí pīi pɔ́ é tswhí, páʼ memía pú lā. Ńjʉ́ɔ ŋgwɛŋgɔ, páʼ metsiʼnzem pú lā, ndɛ́ʼ o ewɛ̄ɛ akwaŋte ndɛʼɛ ánɛ pɔ́p.

2 Jáaŋ 1:1

Meŋ mɔ́ ndʉɛ mé tíi akɛtte jʉɔ páʼa, á mbū Mía ewɔŋkhʉ̄ yīi, Ndém a le kāŋŋ̄, mbɔɔ á mbū ewɔŋkhʉ̄ pí. Meŋ kɔɔ̄ŋ á wɛ́ á kwaʼ anuúnē. Meŋ méŋwɛ̄t ndaʼ mé té lɛ ŋkɔ̄ŋ á wɛ́ ɛ́. Epuɔ metsem pīi pɔ́ neéŋ ntē wɔ́p ánɛ anuúnē, é zeéŋ ŋkɔŋ á wɛ́ azɔ́p.