Lomɛŋ 16:12 - Eka Eswhī

¹² Pɛ etsāʼte á Tlifɛ́ne pɔ́ Tlifóze. Pɔ́ ke tséŋ aziʼne á leghʉ afaʼ á mbū Atsyapuɔ. Pɛ etsāʼte á Pɛɛsida, á mbɔŋ esoó ga eyi menzwí, a ke tséŋ aziʼne tɛʼ, á leghʉ afaʼ á mbū Atsyapuɔ.

Lomɛŋ 16:12 Iomraidhean Croise

Matío 5:47

O lɛɛ nnɔ̄ŋ ntsāʼtɛ áa ndaʼ méŋ mɔ́ wu, mbɔ o ó tswhi ŋghʉ̄ akɔ̄ eswhī í? Tɔ́ŋ ŋ́gɛ wɔ te zhɛ́‑Ndém, é zeéŋ nnɔŋ ŋghʉ̄ɛ azɔ́p áa épúp.

Matío 9:38

Púp, pɛ elɛ mbúʼ mbū, éswíŋte á ŋgaŋ ŋkāʼ, a etó megaŋ afaʼ, pɔ́ egʉɔ efāʼ etsō tsí mɛ́t. »

Lomɛŋ 16:11

Ńtsāʼte á Elodiɔŋ, ŋiŋ alāʼ wek. Ńtsāʼte epuɔ mba Naasis pīi é lɛtneē ánɛ Atsyapuɔ.

Lomɛŋ 16:13

Pɛ etsāʼte á Lufus, á mbɔŋ mía ŋgaŋ afaʼ Atsyapuɔ, ńtsāʼte á mɛ́ wɔp, a á mbū meŋ, ńzéŋ ŋgɔ́ páʼ mɛ́ ga lā.

1 Kɔlɛŋte 15:10

Táʼ, Ndém a le ké nzápa ánɛ apɔŋɔ́ ntē te ndhʉ zí, tɛ́ ŋghʉ̄ meŋ ecʉ́ʼ ajū mīi, meŋ á ayáʼa ŋgɔ́ aziɛ́ la. Apɔŋɔ́ ntē te ndhʉ mɛ́t zīi, a le wɛ̄ ánɛ meŋ, á lɛ te ndémndēm azō ɔ́. A cʉ́ʼɛ épúp mbɔ, meŋ nde ghʉ̄ afaʼ ntɔ́k meziŋ‑ntō metsem. Meŋ te ndʉ́ɛ́, ńdɔ̄k mete má tɛ́ ŋghʉ̄ afaʼ á, mete Ndém mé le tswité á gá á leghʉ.

1 Kɔlɛŋte 15:58

Púp me mepɔŋ mesoó pá, pɛ etswīʼne efók ŋkwɛ, ńdɛ̄tne ánɛ Klísto, amɔ̄ʼ azō á le pú efāŋne á wɛ́ ɛ́, pɛ etswiʼne ŋghʉ̄ mefaʼ Atsyapuɔ Ndém, ńdɔk ŋgʉ̄ɔ mé mvhɔ. Ńnɔŋ nzhɛ́ɛ á légɛ, ŋgʉɔ̄ʼ zīi pɛ jʉ́ɔ á nzem Atsyapuɔ, e te e láʼ etó ndémndēm ɛ́.

1 Kɔlɛŋte 16:16

Pɛ ejúʼ nchu ntií epuɔ jʉɔ mɛ́t, ńjúʼ nchu epuɔ pīi, pɔ́ ghʉʉ̄ afaʼ té ká páʼ pɔ́p.

Kɔlɔs 1:29

Á épúp tɛ́, meŋ á si ŋkāka ete, ńnɔŋ mbɛ́ttɛ ŋkwɛ, mé mete mīi, é fhɔ́ɔ á mbū Klísto. Emiɛ́ mé si ntshónɛ á gá, á leghʉ mefaʼ muɔ mɛ́t.

Kɔlɔs 4:12

Epaflas, ńzéŋ ŋgɔ́ azí á ŋiŋ alāʼ wɛ, a á si ntsāʼtɛ á wɛ́. A zeéŋ ŋgɔ́ á ŋgaŋ afaʼ Yɛɛ́so Klísto. A neéŋ athū zí tɛʼ, á leswīŋte á Ndém á athū pɛ ŋ́gɛ, Ndém a elɛ ŋghʉ̄, pɛ etswiʼne ntēte ánɛ lefɛ̄ nnɛ̄t, ŋ́gyá á mbū Yɛɛ́so. Ńtswiʼne ntswhí, ánɛ anu Ndém. Ńnéŋ á ntē pɛ, á legɔ̄ efʉʼ metsem, ŋ́ghʉ̄ ajūɔ ntsem zīi, Ndém mé si ŋkɔ̄ŋɔ.

1 Tesalonik 1:3

Pek tshií á mvhɔ Mɔʼɔ́ yímpɛ Ndém tɛ́ eswíŋtɛ épúp, ńnɔŋ ŋkímtɛ ajū mīi, lefɛ̄ nnɛ̄t wɛ ŋgyá á mbū yí, a le tshoné á wɛ́, pɛ ghʉ̄ʉ. Ńzéŋ nnɔŋ ŋkímtɛ páʼ, ŋkɔŋne zīi pɛ wɛ̄ɛ, e le tshoné á wɛ́, pɛ ghʉ̄ʉ afaʼ, ńdɔk ntswíte emɔ̄ʼ epuɔ. Ńnɔŋ ŋkímtɛ páʼ, pɛ é si nnéŋɛ ntē té ká, ńzwíʼtɛ ajū mīi, Ndém a le laʼnēē. Á gɔ́ lɛ: Atsyapuɔ yímpɛ Yɛɛ́so Klísto, a a láʼ ezéŋ epiŋ nzem.

1 Timotɛ 4:10

Pɔkɔ é si njʉ́ɔ ŋgʉɔ̄ʼ, ŋ́ké nnɔŋ ŋkāka ete páʼā, é gɔ́ melaʼ mīi pɔkɔ é si nzhɛ́ɛ ŋ́gɛ, akɔ̄ akɔ̄ lɛ́ zīi, pɔkɔ é si nzwíʼtɛ á mbū Ndém yīi a á nte, a epō. Yí mé Ŋghʉɛ‑epuɔ menɔŋ ntsem é tswɛ́t. Ńtswhi ŋgɔ́ á ŋghʉ̄ɛ epuɔ pīi, é fɛɛ́ nnɛ̄t ŋgyá á mbū Yɛɛ́so, é tswɛ́t.