Lomɛŋ 16:10 - Eka Eswhī

¹⁰ Ńtsāʼte á Apɛlɛs, a le tswī á légɛ, yí chʉʉ́ nnɛ̄t ndɛ̄tne ánɛ Klísto. Pɛ etsāʼte epuɔ mba Alistobul.

Lomɛŋ 16:10 Iomraidhean Croise

Lomɛŋ 14:18

Ŋiŋ a ge eghʉ afaʼ Klísto, ŋ́gwɛ̄ ntií atswhī jʉɔ mɛ́t, mbɔ á pɔŋ á Ndém, epuɔ menɔŋ e ekɔ̄ŋte á yí.

Lomɛŋ 16:3

Pɛ etsāʼte á Plisil pɔ́ Akilas, mésoó afaʼ pá pīi, pek a pɔ́p é pútɛ ŋghʉ̄ɛ afaʼ, á mbū Yɛɛ́so Klísto.

Lomɛŋ 16:7

Ńtsāʼte á Aŋdlonikus pɔ́ Junias, pɔ́ é si ŋgɔ́ epuɔ alāʼ pék. Pek a pɔ́p mé lɛ á ŋgyā atʉɛ́. Pɔ́ é si ŋgɔ́ memía meziŋ‑ntō Klísto, mbɔ pɔ́ le zī nzi á lefɛ̄ nnɛ̄t ŋgyá á mbū Klísto, tɛ́ meŋ ndáʼ efɛ́ azá.

Lomɛŋ 8:11

Azwakne ŋiŋ yīi, a le ghʉ̄ Yɛɛ́so á zím ánɛ lewhʉ̄, á gɔ́ á ntē pɛ, mbɔ ŋiŋ mɛ́t yīi, a le ghʉ̄ Yɛɛ́so Klísto mɛ́t, á zím ánɛ lewhʉ̄, a shʉʼ ezéŋ eghʉ, mbe nnɛ̄t zɛ zīi, é gɔ́ áa akwhʉɛ́‑azō, e egɔ́ nte, éfhó ánɛ Azwakne zí zīi, á ntē pɛ.

1 Kɔlɛŋte 11:19

Á mbɔŋ ŋ́gɛ, pɛ ezi efākte menɔ menɔ, púp, mɛ́ elɔk nchʉ́ nnɛ̄t njʉ́ɔ epuɔ pīi, pɔ́ té kɔ̄ŋ á wɔ́p á lefakte menɔ menɔ ɔ́.

2 Kɔlɛŋte 12:2

Meŋ á si nzhɛ́ɛ emɔ̄ʼ ŋiŋ Klísto yīi a á éwú, mbɔ á ayáʼa ŋguʼ ntsɔp lekua mé legēm, páʼ Ndém a le lɔ̄k á yí ŋgʉ̄ɔ tɛ ŋkó á ajʉʼ zīi, yí méŋwɛ̄t Ndém a naáŋ éwú. Kɛ ŋgaŋ a lɛ péʼe, ńdíi athū lɛ́, mbɔ meŋ ka zhɛ́ ɛ́. Kɛ a le lɔ̄k á kwaʼ mbe nnɛ̄t zi lɛ́, mbɔ meŋ ka zhɛ́ ɛ́. Ndém méŋwɛ̄t mé si nzhɛ́ɛ.

2 Kɔlɛŋte 2:9

Meŋ nde ge etí azi amɔ̄ʼ akɛtte, ńdɔkɔ nzwíʼɛ á wɛ́, ŋ́gɔ̄ á njʉ́ɔ kɛ pɛ zɛɛ́t ŋkúʼtɛ menu ntsem mīi, meŋ nde shúŋ á wɛ́ lɛ́ɛ.

2 Kɔlɛŋte 5:17

Ŋiŋ a lɛtneē ánɛ Klísto páʼā, ńcʉ́ʼ á ŋiŋ eswhī, mbɔ nzwiŋ atswhī ŋgaŋ, a á mi. Á cʉ́ʼɛ ŋgwɛ̄ áa atswhī eswhī.

2 Kɔlɛŋte 8:22

Pek le tó epuɔ mémpīa pwɔ̄, pɔ́ a mmɔʼ méŋ mɔ́ wek. Á gɔ́ ŋiŋ, mbɔ pek lé zii nzwíʼ á yí ánɛ menu tɛ nzáne, ŋ́gɔ̄ á njʉ́ɔ páʼ, a khʉneé épúp, ánɛ mefaʼ Ndém. A á tsetsɔŋɔ, ŋ́ké ntswiʼnɛ ŋkhʉ́nɛ, ńdɔkɔ ŋgʉ̄ɔ mé mvhɔ, ánɛ páʼ, a á si mbúu mmāʼa ŋgua zi, ŋ́gyáa mé pɛ.

Galat 1:22

Á gɔ́ épúp páʼā, mbɔ melúŋ epuɔ Klísto mīi é ŋgɔŋ Yudéa, pɔ́ la lezēk ánɛ meŋ tshí ɛ́.

Fílíip 2:22

Ŋ́gɔ́ mé Timotɛ, mbɔ pɛ é si nzhɛ́ɛ páʼ, a ke tswī á légɛ, yí wɛɛ̄ atswhī mbɔŋ. Pek yí é ke puté ŋghʉ afaʼ, á letswi ŋke mbɔŋ. Á nɔŋ ntswítɛ á gá ánɛ afaʼ jʉɔ mɛ́t, páʼ méŋkhʉ̄ a tswítɛ mɔʼɔ́ yi lā.

1 Timotɛ 3:10

Á si nzɛ́ttɛ ŋ́gɛ, mɛ́ ezī mvhɔ, ńzwíʼ á wɔ́p, tɛ nnɔ̄ŋ le ndāʼa á wɔ́p ánɛ amɔ̄ʼ azō ɔ́, tɛ́ ŋké ntswī, pɔ́ etswíte á leghʉ afaʼ.

2 Timotɛ 4:19

Tsaʼte á Plisil mbɔɔ Akilas, ńzéŋ mbú ńtsāʼte epuɔ mba Onezifɔɔ ŋgyá á gá.

1 Piɛ 1:7

Pɛ e jʉ́ɔ ŋgʉɔ̄ʼ mɛ́t épúp, tɛ́ mɛ́ ejʉ́ɔ kɛ pɛ zi ŋkwāʼ efɛ́ nnɛ̄t ŋgyá á mbū Yɛɛ́so lɛ́ɛ. Wɛ́ lefɛ̄ nnɛ̄t ŋgyá á mbū Yɛɛ́so, a teē nzwiŋ ntɔ́k á gɔ́ɔl. Mɛ́ gē ezhɛ́ á gɔ́ɔl mbɔŋ, ńtɔ̄ á yí á mmók. Á piŋ ŋké efú ndáʼ ḿbék péke. Ndém a a láʼ efhó ánɛ wɛ́ á lefɛ̄ nnɛ̄t ŋgyá á mbū Yɛɛ́so, tɛ́ ekɔ́ʼne nzwiŋ wɛ́, tɛ́ ewuʼte á wɛ́, tɛ́ eghʉ mekuʼ mɛ́, á aleʼé zīi, Yɛɛ́so Klísto yí méŋwɛ̄t, a ghʉɛ mɛ́ zhɛ́ɛ á yí.