Lomɛŋ 15:8 - Eka Eswhī

⁸ Meŋ ndɔkɔ eshúŋɔ á wɛ́ á anuúnē á légɛ, Klísto a le cʉ́ʼ ŋkwa epuɔ Yúda páʼā, tɛ́ ndɔk ŋghʉ̄, melaʼne mīi Ndém a le ghʉ̄ á mbū wɔ maŋgānjʉʼ pek, é po, ńzéŋɛ ndɔkɔ ntswīi á légɛ, Ndém a á te sɛt nzem.

Lomɛŋ 15:8 Iomraidhean Croise

Matío 15:24

Yɛɛ́so á pwɛt á mbū pɔ́p ŋ́gɛ: «Ndém a le tó á gá áa mbū epuɔ Islaɛl. Pɔ́ é si ŋgɔ́ páʼ memvhō Ndém, mbɔ pɔ́ lē mbíte. »

Matío 20:28

Á páʼa mɛ́t, tɛ́ Méŋ‑Ŋiŋnɔŋ wuɔ a lɛɛ́ te eshʉ̄ʼɛ á ŋgɔŋ ega páʼā, ŋ́gɛ mɛ́ efāʼ á mbū yí í. A lɛɛ́ eshʉʼɛ, égɔ́ á ŋgaŋ afaʼ epuɔ menɔŋ, éfaʼ faʼe, tɛ eyá athū nnɛ̄t zí, élɔk ecuʼ atʉtʉ epuɔ.

Jáaŋ 1:11

A le shʉ̄ʼ á alāʼ pɔ́p, epuɔ alāʼ pɔ́p, é piŋ te yí kókne.

Jáaŋ 10:16

Meŋ zɛɛ́t ŋgwɛ emɔ̄ʼ memvhō mīi, pɔ́ té á ŋgē ega á. Á si nzɛ́ttɛ ŋ́gɛ, meŋ egʉɔ efāʼ emiɛ́ mɛ́t, ńdɔk eshʉ̄ʼ azɔ́p. Pɔ́ e shʉʼ ejúʼ ŋghi za, a etsīa épúp, taʼ akɛt memvhō mé egɔ́ á esī, taʼ mpfɛnne‑memvhō mé egɔ́ éwú.

Mefaʼ Meziŋ-ntō 13:46

Pɔ́ɔl pɔ́ Baanabas é shúŋne á mbū pɔ́p esia sia ŋ́gɛ: «Á nzi mbɔ̄ŋ ŋ́gɛ, pek ezi nté njhʉ̄ eshúŋ anu Ndém á mbū pɛ epuɔ Yúda. Páʼ pɛ é ké ndʉ̄ʼ, ḿbiŋ njʉ́ɔ ŋ́gɛ, pɛ te kūʼ epi, pɛ gɔ efú ntā á lezēŋ Ndém ɛ́ lā, tsetsɔŋɔ, pek e swáŋ, écʉ́ʼɛ etswii ŋke mɛ́t, áa mbū epuɔ pīi, pɔ́ té epuɔ Yúda á.

Lomɛŋ 11:22

Jʉ́ɔ páʼ Ndém a á ŋgaŋ ntē mbɔŋ, ńzéŋ ŋgɔ́ á ŋiŋ, ŋ́kīa, ŋiŋ a te zíʼ. A tswaá ŋgʉɔ athʉ́ lepé, á athū epuɔ pīi, pɔ́ é fa nzhɛ. A á piŋ ŋghʉ̄ anu mbɔŋ ánɛ wu. Ńdaʼ ŋ́gɛ, o eké nnáŋ é efʉʼ metsem, ńzhɛ́ á légɛ, yí mé ghʉʉ̄ anu mbɔŋ ánɛ wu, tɛ ŋgɔ́ te épúp zhɛ́, mbɔ a a shʉʼ ezáʼ á wú ajú.

Lomɛŋ 11:30

Á lɛ efʉʼ mvhɔ, pɛ etēe athū á mbū Ndém, tsetsɔŋɔ, Ndém a lē mbiŋ ntsá mezeŋɛ mɛ́, éfhó ánɛ páʼ epuɔ Islaɛl é le tē athū á mbū yí.

Lomɛŋ 15:16

Á gɔ́ páʼ, a le lɔ̄k á gá ŋghʉ̄ á ŋgaŋ afaʼ Yɛɛ́so Klísto, á mbū epuɔ pīi é té epuɔ Yúda á. Ńchʉ́ á gá ŋ́gɛ, meŋ etswī ŋke mbɔŋ Ndém, tɛ́ Azwakne Ndém a eghʉ̄, epuɔ pīi é té epuɔ Yúda á, e ecʉ́ʼ páʼ epɔʼ yīi, mɛ́ é yá á mbū Ndém, tɛ é pɔŋ á yí lā.

Lomɛŋ 3:26

Éfhó ánɛ páʼ, a á ŋiŋ, a te gákne nzáŋ á lɔ́ŋ ɔ́. A piīŋ ŋgɔ́ tsetsɔŋɔ, ńnɔŋ ntswīi páʼ, yí gē etɔ́ŋ á ŋiŋ lɛ, ŋiŋ ndeŋ ndeŋ, á ziŋ épúp. A etsīa épúp, epuɔ menɔŋ e ezhɛ́ á légɛ, yí é ŋiŋ ndeŋ ndeŋ. Ŋiŋ yīi a á ge enáŋ, ńnɔŋ efíɛ́ nnɛ̄t ŋgyáa mé Yɛɛ́so, yí etɔ́ŋ á yí lɛ, ŋiŋ ndeŋ ndeŋ.

Lomɛŋ 3:3

A zi ŋgɔ́ éyi, emɔ̄ʼ epuɔ á nnɔ pɔ́p, é le sɛ̄t nzem Ndém, mbɔ wɔ́p á lesɛt nzem Ndém, á gɔ eghʉ̄ʉ, Ndém á sɛt nzem zɔp lɛ́?

Lomɛŋ 4:16

Púp, Ndém a le gē eghʉ alaʼne, á cʉte áa epuɔ pīi, e láʼ efɛ́ nnɛ̄t eyá mé yí, tɛ́ a etsīa épúp, alaʼne a egɔ́ ajū mīi, Ndém a yáa ndémndēm á mbū ndhu Ablaham ntsem. A á le lɛ̄ ŋgyá áa mbū epuɔ pīi, pɔ́ ziīŋ páʼ lepé é si nzɛ́ttɛ ɛ́, a eyá mbɔɔ á mbū epuɔ pīi, é fɛɛ́ nnɛ̄t ŋgyá á mbū yí, páʼ Ablaham mɔʼɔ́ yímpɛ metsem, a le fɛ́ azí épúp.

1 Kɔlɛŋte 1:12

Ńdɔkɔ ŋ́gɛ, emɔ̄ʼ epuɔ é nnɔ pɛ ndʉ́ɛ́ ŋ́gɛ: «Meŋ á ŋiŋ Pɔ́ɔl. » Emɔ̄ʼ é nɔŋ ŋ́gɛ: «Meŋ á ŋiŋ Apolos. Emɔ̄ʼ é nɔŋ ŋ́gɛ: «Meŋ á ŋiŋ Sefas. » Emɔ̄ʼ é nɔŋ ŋ́gɛ: «Meŋ á ŋiŋ Klísto. »

1 Kɔlɛŋte 10:19

Meŋ á páʼā, ńdɔkɔ ndʉ́ɛ́ ŋ́gɛ akɔ̄? Mesī pɔ́ mbap zīi, mɛ́ lɔk ŋgwáʼ njʉʼ á mbū pɔ́p é azō lɛ́?

1 Kɔlɛŋte 10:29

Meŋ ndʉ́ɛ́ á ŋiŋ yīi a á shʉʼ ntswɛ̄te á wú lā, á lezōko ŋkwāŋtɛ amɔ̄ʼ anu, meŋ te ndʉ́ɛ́ á wú ú, melaʼ mīi, ŋiŋ ndɛʼɛ mé té pɔŋté á leshʉʼ eshúŋ á gá ajū mīi meŋ gɔ epfɛ́t ɛ́.

1 Kɔlɛŋte 15:50

Epɔ̄ memía, anu zīi meŋ ndɔkɔ ndʉ́ɛ́ a a jʉɔ. Mbe nnɛ̄t páʼ e é si ŋgɔ́ mbap pɔ́ metshi lā, e gɔ le náŋ á ajʉʼ zīi, Ndém a naáŋ éwú esáʼa epuɔ ɔ́. Ajū mīi á gɔ ekwhʉ́, pɔ́ azi á naáŋ á lemiʼɛ, á gɔ le púte ajʉʼ nnáŋ á.

2 Kɔlɛŋte 1:20

Ajūɔ tsem zīi Ndém a le laʼnēē, á le zapá ánɛ Klísto tɛ́ mbō. Púp, ḿpɛ zeéŋ nzápa ánɛ Klísto mɛ́t, tɛ́ mvéŋ ŋ́gɛ, Á ÉPÚP á mbū Ndém, ńdɔkɔ ŋgūʼtɛ á yí.

Efɛze 2:12

Á lɛ efʉʼ mɛ́t, pɛ nɔ̄ɔŋ te nzwíʼtɛ á Nzaʼ‑Ŋkhʉ ɛ́, ŋ́gɔ́ á nnɔ epuɔ Islaɛl, ŋ́gɔ́ mege. Mɛ́ nɔŋ te esáŋa á wɛ́ ánɛ alaʼne zīi, Ndém a le ghʉ̄ á mbū epuɔ Islaɛl, tɛ pɔ́ a pɔ́p é kʉɔ́ʼ eka á. Pɛ lɛ á ŋgɔŋ, ńnɔŋ te nzwíʼtɛ amɔ̄ʼ azō ɔ́, pɛ a Ndém é zi te nnɔ ɔ́.