Lomɛŋ 15:7 - Eka Eswhī

⁷ A épúp tɛ́, pɛ ekókne mennɛ̄t mɛ́ nzeŋne zeŋné, ńdeŋ ndeŋ páʼ, Klísto á le kokné á wɛ́ épúp, ŋ́ghʉ̄ épúp, ńdɔk ŋgūʼte á Ndém.

Lomɛŋ 15:7 Iomraidhean Croise

Matío 10:40

«Ŋiŋ a kóknɛ á wɛ́, mbɔ a lɔkɔ ŋkóknɛ áa gá. Ŋiŋ a piŋɛ ŋkókne á gá, mbɔ a lɔkɔ ŋkóknɛ á ŋiŋ yīi, a le tó á gá.

Málkúsi 9:37

«Ŋiŋ a kóknɛ á méŋ agáʼ mɔ́ páʼ ewuɔ lāa, melaʼ má, mbɔ a lɔkɔ ŋkóknɛ áa gá. Ŋiŋ a piŋɛ ŋkókne á gá, mbɔ a te ŋkóknɛ á gá wuɔ ɔ́, mbɔ a lɔkɔ ŋkóknɛ áa ŋiŋ yīi, a le tó á gá. »

Lúkási 15:2

Epuɔ Falísia pɔ́ wɔ kɛ́ʼte‑mbé Ndém, e ejʉ́ɔ épúp, ḿbú nzwɛ́ttɛ á tsetsɛlɛ pɔ́p, ńdʉ́ɛ́ ŋ́gɛ: «Ŋiŋ wɔ̄ pɔ́ epuɔ tepɔŋ, é si nzīŋɛ, ńzéŋɛ mbútɛ etsō mpfɛ́tɛ. »

Lúkási 9:48

Á lé á mbū pɔ́p ŋ́gɛ: «Ŋiŋ a ŋkóknɛ á méŋ agáʼ mɔ́ wuɔ melaʼ má, mbɔ a lɔkɔ ŋkóknɛ áa gá. Ŋiŋ a piŋɛ ŋkókne á gá, mbɔ a lɔkɔ ŋkóknɛ á ŋiŋ yīi, a le tó á gá. Ŋiŋ yīi a á nnɔ pɛ metsem, ńnɔ̄ŋ nnɛ̄t zi á esī, yí mé mía ŋiŋ. »

Jáaŋ 13:34

Meŋ á yá lepé leswhī á mbū pɛ, é gɔ́ lɛ̄ɛ: pɛ ekɔ̄ŋne mennɛ̄t mɛ́ nzeŋne zeŋné. Ndeŋ ndeŋ páʼ meŋ kɔɔ̄ŋ á wɛ́ lā, pɛ ekɔ̄ŋne mennɛ̄t mɛ́ nzeŋne zeŋné.

Jáaŋ 6:37

Epuɔ metsem pīi, Mɔʼɔ́ ga a á yá á mbū meŋ, e shʉʼ eshʉʼ á mbū meŋ. Ŋiŋ a piŋɛ eshʉ̄ʼ á mbū meŋ, mbɔ meŋ gɔ le á yí wáʼ.

Lomɛŋ 15:9

A lɛɛ́ eshʉʼɛ á ŋgɔŋ páʼā, ńzéŋɛ ndɔkɔ efāʼa ŋ́gɛ, epuɔ pīi é té epuɔ Yúda á, e ewūʼte á Ndém, melaʼ atsāmezeŋɛ zīi, Ndém a wɛɛ̄ ánɛ epuɔ. Á lɔk ŋgɔ́ páʼ, mɛ́ le tí á ntē aŋwaʼne Ndém ŋ́gɛ: «É melaʼ épúp tɛ́, meŋ a shʉʼɛ ewuʼtɛ á wú, á tsetsɛlɛ epuɔ pīi é té epuɔ Yúda á, meŋ a shʉʼɛ ezɔpɔ, élɔkɔ ewuʼtɛ á wú. »

Lomɛŋ 5:2

Yɛɛ́so Klísto mɛ́t mé le tsɔ́ʼ nzhɛ, Ndém á lɔk ntswī apɔŋɔ́ ntē te ndhʉ zí ánɛ pímpɛ, melaʼ mīi, ḿpɛ fɛɛ́ nnɛ̄t ŋgyá á mbū yí. Ḿpɛ kuʼteé páʼ, Ndém a le tswī apɔŋɔ́ ntē te ndhʉ zí mɛ́t tɛ á te, tɛ́ ndɔk nnáŋ. Ajū mīi á si ŋghʉ̄ɛ ḿpɛ ekāʼtɛ, á si ŋgɔ́ páʼ, ḿpɛ é si ntsáa, ńnɔŋ nzhɛ́ɛ á légɛ, a láʼ egɔ́ épúp, á légɛ, ḿpɛ e láʼ ekó á ntē lewūʼ Ndém.

Efɛze 1:12

Ŋ́ghʉ̄ épúp ŋ́gɛ, epuɔ e ejʉ́ɔ á mía mía ajū mīi, a le ghʉ̄ á mbū pek pīi, pek le té njhʉ̄ mmāʼ ŋgua zek, ŋgyá á mbū Klísto, ńjʉ́ɔ epúp, ŋ́gūʼte á Ndém.

Efɛze 1:18

Ŋ́gɛ a elɛ ndɔ̄k ŋkaʼ yí ŋkɛ̄ʼɛ ntē wɛ́, pɛ ecuŋte nzhɛ́ ajū mīi, a lɛɛ́ ntɔ́ŋɔ á wɛ́ páʼā, ŋ́gɔ̄ eyá mé pɛ, ńcuŋte nzhɛ́ páʼ, mía mía lewūʼ yīi, a yáa á mbū epuɔ pīi é lɛtneē ánɛ yí, a á épúp.

Kɔlɔs 3:13

Pɛ etɔ́te mennɛ̄t mɛ́ nzeŋne zeŋné, ánɛ menu mīi, ŋiŋ a á fhó á tsetsɛlɛ pɛ, ŋ́ghʉ̄ ánɛ mmɔʼ. Ŋiŋ pɔ́ ŋiŋ é wiɛ ntsaŋ á nnɔ pɛ, á lekne azí ŋgyá á mbū yí, ńdeŋ ndeŋ páʼ, Atsyapuɔ Yɛɛ́so a le leknē mefa mɛ́ ŋgyá á mbū pɛ.