Lomɛŋ 15:6 - Eka Eswhī

⁶ Púp, ńdɔ̄k á taʼ ntē, ńdɔ̄k á taʼ nchu, ŋ́gūʼte á Ndém, á Mɔʼɔ́ Atsyapuɔ yímpɛ Yɛɛ́so Klísto.

Lomɛŋ 15:6 Iomraidhean Croise

Jáaŋ 20:17

Yɛɛ́so á lé á mbū yí ŋ́gɛ: «Ndɛ́ʼ o ekúʼte á gá. Meŋ zɛɛ́t te pe njʉ́ɔ á Mɔʼɔ́ ga. Ŋ́gɔ́ mé wu mbɔ, gʉɔ njʉ́ɔ epɔ̄ memía pá, ńdé á mbū pɔ́p ŋ́gɛ, meŋ a pe á njʉ́ɔ á Mɔʼɔ́ ga, páʼ a zeéŋ ŋgɔ́ á Mɔʼɔ́ wɛ lā, mé lezēŋ Ndém ga, páʼ a zeéŋ ŋgɔ́ á Ndém wɛ lā. »

Mefaʼ Meziŋ-ntō 4:24

Pɔ́ júʼ anu mɛ́t, ḿbú mbúte ŋ́gɔ́ á taʼ nchu, ŋ́ghʉ̄ aswiŋte jʉɔ á mbū Ndém ndé ŋ́gɛ: «Efɔ esaʼ‑ŋgɔŋ, wu mé le ghʉ̄ lephū pɔ́ esī atsetsáʼ mbɔɔ mentshi, ńzéŋ ŋghʉ̄ etsō etsem.

Mefaʼ Meziŋ-ntō 4:32

Nnɔ epuɔ Yɛɛ́so é le nɔ̄ŋ nnáŋa, ŋ́gɔ́ɔ á taʼ nchu, ńzéŋɛ ŋgɔ́ɔ á taʼ ntē. Á tsia épúp, ŋiŋ a te tswhī ŋgwɛ̄ amɔ̄ʼ azō, tɛ ndé ŋ́gɛ, á gɔ́ azí yíléyī í. Ajūɔ awiɛ́, á lɛ azi epuɔ metsem.

2 Kɔlɛŋte 1:3

Awuʼte a egɔ́ á mbū Ndém, á Mɔʼɔ́ Atsyapuɔ yímpɛ Yɛɛ́so Klísto. Á Mɔʼɔ́ yīi, atsāmezeŋɛ ntsem á fhoó á mbū yí. Á Ndém yīi, a zhɛɛ́ á leswīte ntē ŋiŋ ntsem.

2 Kɔlɛŋte 11:31

Ndém, á Mɔʼɔ́ Atsyapuɔ yímpɛ Yɛɛ́so, a á si nzhɛ́ɛ á légɛ, meŋ te ntáŋa mela á. Awuʼte a egɔ́ á mbū yí á lemiʼɛ.

Efɛze 1:17

Ŋ́gɛ Ndém yīi, Atsyapuɔ yímpɛ Yɛɛ́so Klísto a wuʼtɛ, á Mɔʼɔ́, ŋ́gɔ́ á ŋwɛ́t shʉ́shɔ́k, a eyá á wɛ́ á kwaʼ azhɛ̄‑anu zīi, a ŋáʼa menēk mɛ́, pɛ ecuŋte nzhɛ́ á ŋiŋ yīi, Ndém a á ewiɛ́.

Efɛze 1:3

Awuʼte a egɔ́ á mbū Ndém, á Mɔʼɔ́ Atsyapuɔ yímpɛ Yɛɛ́so Klísto. A le fhó á lephū, ńzápa ánɛ páʼ ḿpɛ lɛtneē ánɛ Klísto, ŋ́gyá á yímpɛ etsō mbɔŋ ntsem tsīi, e tswíte á yímpɛ á lenāŋ páʼ a á si ŋkɔŋɔ.

Kɔlɔs 1:3

Efʉʼ metsem yīi, pek é si eswíŋtɛ á Ndém, á Mɔʼɔ́ Atsyapuɔ yímpɛ Yɛɛ́so Klísto, á athū pɛ, pek esyákne á yí.

1 Piɛ 1:3

Awuʼte a egɔ́ á mbū Ndém, á Mɔʼɔ́ Yɛɛ́so Klísto Atsyapuɔ yímpɛ. A le fhó ánɛ mía atsāmezeŋɛ zí, ńzápa ánɛ páʼ Yɛɛ́so Klísto á le zím ánɛ lewhʉ̄, ńzhí á yímpɛ leswhī leswhī. Melaʼ épúp tɛ́, ḿpɛ enéŋ á ntē pímpɛ á légɛ, ḿpɛ e fú ewɛ ajūɔ tsem zīi, Ndém a le phʉ́ʉ̄,

Menjʉɔ te lí 1:6

Ŋ́ghʉ̄ ŋ́gɛ, ḿpɛ a pɔ́p e epúte esáʼ ŋgɔŋ, ŋ́gɔ́ wɔ nɔŋ‑epɔʼ, ŋ́ghʉ̄ afaʼ á mbū Ndém Mɔʼɔ́ yi. Awuʼte pɔ́ mete e egɔ́ á mbū yí á meŋguʼ meŋguʼ. Á épúp.