Lomɛŋ 15:5 - Eka Eswhī

⁵ Ŋ́gɛ Ndém yīi, a yaá á lekak ete, ŋ́gyá á lekwɛ̄t ntē, a elɛ ŋghʉ̄, pɛ enáŋ, ŋ́gɔ́ á taʼ nchu á nnɔ pɛ, páʼ Yɛɛ́so Klísto a kɔɔ̄ŋ épúp.

Lomɛŋ 15:5 Iomraidhean Croise

Mefaʼ Meziŋ-ntō 4:32

Nnɔ epuɔ Yɛɛ́so é le nɔ̄ŋ nnáŋa, ŋ́gɔ́ɔ á taʼ nchu, ńzéŋɛ ŋgɔ́ɔ á taʼ ntē. Á tsia épúp, ŋiŋ a te tswhī ŋgwɛ̄ amɔ̄ʼ azō, tɛ ndé ŋ́gɛ, á gɔ́ azí yíléyī í. Ajūɔ awiɛ́, á lɛ azi epuɔ metsem.

Lomɛŋ 12:16

Pɛ enáŋ á tsetsɛlɛ pɛ, ŋ́gɔ́ á taʼ nchu. Ndɛ́ʼ pɛ enáŋa ŋŋīa. Pɛ eghʉ̄ áa ajū mīi, á tswii á légɛ, pɛ soʼneé nnɛ̄t zɛ ŋgyá á esī. Ndɛ́ʼ pɛ esáʼ ŋ́gɛ, pɛ é megaŋ azhɛ̄‑anu.

Lomɛŋ 15:13

Meŋ á si eswíŋtɛ ŋ́gɛ, Ndém, páʼ ḿpɛ zwiʼteé ajūɔ tsem áa mbū yí lā, a elɛ efhó ánɛ páʼ pɛ fɛɛ́ nnɛ̄t ŋgyá á mbū Klísto lā, ŋ́ghʉ̄, lekāk pɔ́ apwɛne e egɔ́ á ntē pɛ tɛ ndó. Tɛ́ mete Azwakne zí, é eghʉ̄, pɛ ecuŋte nzwíʼte ajū mīi, a le laʼnē á leyā á mbū pɛ.

Lomɛŋ 15:3

Klísto a lɛ te ghʉ̄ á ajū mīi á pɔŋ áa yí méŋwɛ̄t ɛ́. A cʉ́ʼɛ épúp, mbɔ mɛ́ le tí á ntē aŋwaʼne Ndém ánɛ yí ŋ́gɛ: «Azɔte zīi mɛ́ le lɔ̄k nzɔte á wú, á le soʼné áa athū meŋ. »

1 Kɔlɛŋte 1:10

Epɔ̄ memía, meŋ á si ŋké mbiŋɛ esēmtɛ á wɛ́, ánɛ lezēŋ Atsyapuɔ yímpɛ Yɛɛ́so Klísto. Ŋ́gɛ pɛ egɔ́ á taʼ nchu. Ŋ́gɛ ndɛ́ʼ tákátáká, á gɔ́ á tsetsɛlɛ pɛ. Pɛ epú ncʉ́ʼ á taʼ ŋiŋ, ŋ́gɔ́ á taʼ ntē, ŋ́gwɛ̄ á taʼ akwaŋte.

2 Kɔlɛŋte 13:11

Tsetsɔŋɔ, epɔ̄ memía, meŋ a ge elaʼne á wɛ́, elé gɛ, pɛ enáŋ mé lekāk. Pɛ ekāk ete, ńtswiʼne ntswhí ánɛ mɛnzhɛ Ndém. Pɛ etɔ́te mennɛ̄t mɛ́, ńzeŋne zeŋné. Pɛ ewɛ̄ á taʼ nchu á nnɔ pɛ. Pɛ enáŋ mé apwɛne. Púp, Ndém, á ŋwɛ́t ŋkɔŋne, ŋ́gɔ́ á ŋwɛ́t apwɛne, a egɔ́ mé pɛ.

2 Kɔlɛŋte 7:6

Táʼ, Ndém, páʼ a switeé ntē epuɔ pīi, anu á tsya á wɔ́p lā, a le gē eswíte ntē wék, ŋ́ghʉ̄, Tíit á shʉʼ tɛ ŋkó ega.

Efɛze 5:2

Pɛ elɔ̄k ŋkɔŋne tɛ́ nnáŋ, ńdeŋ ndeŋ páʼ Klísto a le náŋ épúp. A le kɔ̄ŋ á yímpɛ, tɛ ŋgyá athū nnɛ̄t zí méŋwɛ̄t, melaʼ mímpɛ, ńdɔ̄k nnɔ̄ŋ epɔʼ yīi, é pɔɔ̄ŋ á Ndém.

Fílíip 1:27

Mía azō á gɔ áa lɛ, pɛ ezīŋ ánɛ mɛnzhɛ yīi, ŋke mbɔŋ ánɛ Klísto é si nzɛ́ttɛ, tɛ ŋgɔ́ yīi, azi ŋgɔ́ éyi, meŋ a shʉʼ ejʉ́ɔ á wɛ́, kɛɛ meŋ te shʉʼ eshʉʼ ɛ́ lɛ́ɛ, meŋ etshí njúʼ páʼ pɛ kwɛɛ́t, ńchʉ́ nnɛ̄t ŋgɔ́ á taʼ nchu, éfók mbʉʼ metsem mé taʼ ntē, ŋ́ghʉ̄, lefɛ̄ nnɛ̄t ŋgyá mé Klísto, á gɔ́ páʼ ŋke mbɔŋ é si nzíʼnɛ épúp.

Fílíip 2:2

Pɛ egɔ́ á taʼ nchu, ŋ́kɔ̄ŋne mennɛ̄t mɛ́t, ŋ́gwɛ̄ á taʼ ntē, pɔ́ taʼ akwaŋte, púp, lekāk e egɔ́ á ntē meŋ tɛ nzíʼ.

Fílíip 3:16

Mía anu a gɔ́ áa lɛ, ḿpɛ metsem e eké nzɛ́t nzīŋɛ ánɛ mɛnzhɛ yīi, ḿpɛ ke zī nnɔŋ nzīŋɛ éwú, tɛ ŋkó tsetsɔŋɔ.

Fílíip 4:2

Meŋ á si ntékɛ á Evodi pɔ́ Sɛŋtish, éswíŋtɛ á wɔ́p ŋ́gɛ, páʼ pɔ́ lɛtneē ánɛ Atsyapuɔ lā, pɔ́ ewáʼ mbo zīi é tsɛtsɛlɛ pɔ́p, ŋ́gɔ́ á taʼ nchu.

1 Piɛ 3:20

Epuɔ puɔ mɛ́t, é si ŋgɔ́ epuɔ pīi, pɔ́ lɛ efʉʼ mvhɔ, ńtē athū á mbū Ndém. Afʉʼ zīi Noe a le kɔ́ akɛnūʼ, Ndém á nɔŋ nzwíʼtɛ té kyákte nnɛ̄t, ŋ́gɛ pɔ́ eshʉʼ ŋkó éwú, pɔ́ zɛ́t ntʉɛ athū tee. Emɔ̄ʼ ntaʼné epuɔ lefaá ndaʼ, mé kó á ntē akɛnūʼ. Ndém á ghʉ pɔ́ vuʼu ntshi.

1 Piɛ 3:8

Meŋ a ge emakne, élé gɛ, pɛ metsem e epú nnáŋ ŋ́gɔ́ á taʼ nchu. Awíɛ a ejʉ́ɔ anu ŋiŋ páʼ azí, ŋ́kɔ̄ŋne mennɛ̄t mɛ́ páʼ epɔ̄ taʼ ŋiŋ lā. Ŋ́gwɛ̄ atsāmezeŋɛ á nnɔ pɛ, ńnɔ̄ŋ nnɛ̄t á esī á nnɔ pɛ.

2 Piɛ 3:15

Pɛ ecuŋte nzhɛ́ á mbɔŋɔ́ á légɛ, Atsyapuɔ a te ŋgáknɛ á leshʉʼ ɛ́ páʼā, ńdɔkɔ ŋgyáa eshhʉ̄ á mbū epuɔ, á lefū ntswɛ́t. Ánɛ ajʉɔ anu mɛ́t, mbɔ Ndém a le yá azhɛ̄‑anu á mbū méŋ mɔ́ yímpɛ Pɔ́ɔl, ŋ́gɔ́ á esoó yímpɛ, á lɔk ntí menu muɔ mɛ́t eshúŋ á wɛ́.

2 Piɛ 3:9

Atsyapuɔ a gɛ te nnáŋa á leghʉ, ajū mīi a le laʼnēē, á po ɔ́. Emɔ̄ʼ epuɔ é piŋ ŋkwāŋ ŋ́gɛ, a naáŋ á leghʉ. A gē eziŋ ménda páʼā, é gɔ́ áa melaʼ mɛ́, melaʼ mīi a te kɔ̄ŋ ŋ́gɛ, tsɔ taʼ ŋiŋ a efā nzhɛ ɛ́. A cʉ́ʼɛ épúp mbɔ, a kɔɔ̄ŋ ŋ́gɛ, ŋiŋ ntsem a ewɛ̄ njhʉ̄, á lelɔk ŋgɔ̄ nnɛ̄t zi, ŋ́gwáʼ atswhī tepɔŋ zí.