Lomɛŋ 15:31 - Eka Eswhī

³¹ Pɛ eswíŋte ŋ́gɛ Ndém a lɛ ŋghʉ̄, meŋ evūʼu á mbū wɔ te fɛ́‑nnɛ̄t ŋgyá á mbū Klísto pīi, é apak ŋgɔŋ Yudéa. Ŋ́gɛ a eghʉ̄, epuɔ Ndém pīi é Yelósalɛm, e elɛ ntswí ncup jʉɔ zīi, meŋ ndɔkɔ mé éwú la, mé taʼ ntē.

Lomɛŋ 15:31 Iomraidhean Croise

Mefaʼ Meziŋ-ntō 22:24

Mía tɛŋgyā wɔ lʉɔ́ʼ‑ncu epuɔ Lóma, á tswi ŋ́gɛ mɛ́ elɔ̄k á Pɔ́ɔl ntɔ́k mé lenaŋá wɔ lʉɔ́ʼ‑ncu, ńdɔ̄k ntɛ̄ ntswá á yí, a eshúŋ anu zīi, alāʼ á léŋɛ ŋguŋ á athū yí melaʼ épúp.

Mefaʼ Meziŋ-ntō 25:2

Ŋ́kó éwú, wɔ nɔŋ‑epɔʼ epi melʉɛ, pɔ́ mekém epuɔ Yúda, é shʉʼ eswīŋ ntsaŋ Pɔ́ɔl á mbū yí. Ńzéŋ ndé mé ntseŋne á mbū yí ŋ́gɛ,

Mefaʼ Meziŋ-ntō 25:24

Fɛstus á lɛ ndé á mbū Efɔ Aglioa ŋ́gɛ: «Na te maʼ, mɛ́ ecʉ̄te á ŋiŋ wuɔ njʉ́ɔ. Epuɔ metsem pīi, é pú ŋgɔ́ á ŋgyā, e ezéŋ njʉ́ɔ á yí. Epuɔ Yúda metsem, é ke swīŋ ntsaŋ zi á mbū meŋ á Yelósalɛm, mbɔɔ ega páʼa, ńnɔŋ ndʉ́ɛ́ ŋ́gɛ, a te pɔŋté á lezēŋ nnáŋ á ŋgɔŋ ɔ́.

Mefaʼ Meziŋ-ntō 9:13

Ananias á lɛ ndé ŋ́gɛ: «Atsyapuɔ, meŋ ke júʼ epuɔ tɛ nzáne, é nɔŋ eshúŋɔ menu ánɛ ŋiŋ wuɔ mɛ́t, éfhó ánɛ páʼ, a á si ŋgēnɛ epuɔ pú épúp, á Yelósalɛm.

Mefaʼ Meziŋ-ntō 9:15

Atsyapuɔ á tsɔ́ʼ ŋ́gɛ: «Ké ŋgʉ̄ɔ gʉɔ. Meŋ á tsɔ́ʼ á ŋiŋ mɛ́t ŋ́gɛ, a eghʉ̄ afaʼ zá, ńzéŋ eshúŋ á ŋiŋ yīi meŋ á ewiɛ́, á mbū melāʼ ndɛʼɛ, mbɔɔ á mbū mefɔ pɔ́p, mbɔɔ á mbū epuɔ Islaɛl.

Lomɛŋ 15:25

Á ké mbiŋ ŋgɔ́ tsetsɔŋɔ, meŋ nɔŋ ŋgʉ̄ɔ mé Yelósalɛm, á ntswíte epuɔ Ndém pīi é éwú.

1 Kɔlɛŋte 16:15

Epɔ̄ memía, amɔ̄ʼ ajū mīi, meŋ a zéŋ elɔk esemte á wɛ́, a a jʉɔ. Pɛ é si nzhɛ́ɛ páʼ Stefanas pɔ́ atseŋ ŋgyā zí, é si ŋgɔ́ mvhɔ epuɔ pīi, é le fɛ́ nnɛ̄t ŋgyá á mbū Yɛɛ́so, á apak ŋgɔŋ Akayi. Pɔ́ neéŋ athū á leghʉ afaʼ zīi, á tswíte epuɔ Yɛɛ́so.

2 Kɔlɛŋte 1:10

Yí mé le kú á wék á mbū ejʉɔ ntií lewhʉ̄ mɛ́t, ézéŋɛ enáŋa ekúu á wék épúp. Pek kʉʉ̄ŋ mbú ḿmāʼ ŋgua zek ŋgyá á mbū yí. A a náŋa ezéŋɛ ekúu á wék á mbū lewhʉ̄.

2 Kɔlɛŋte 8:4

Pɔ́ le zɛtté á wék ŋŋiŋ ŋiíŋ ŋ́gɛ, pek lɛ mvéŋ, pɔ́ enéŋ azɔ́p apū, ńdɔk ntswíte epuɔ Ndém.

2 Kɔlɛŋte 9:1

Éshʉ̄ʼ ánɛ leyā azō ndɔk ntswíte epuɔ Ndém, mbɔ meŋ tíi á mbū pɛ, ńdɔ̄k eshúŋ á wɛ́ anu éwú, á le á wɛ́ tswíte,

2 Kɔlɛŋte 9:13

Púp, pɔ́ ewūʼ nzwiŋ afaʼ jʉɔ mɛ́t zīi pɛ ghʉɛ, ŋ́gūʼte á Ndém ánɛ páʼ, pɛ kuʼteé ŋke mbɔŋ Klísto. Ńzéŋ ŋgūʼte á yí melaʼ mīi pɛ wɛɛ̄ azō, ŋ́gap ŋgyá azɔ́p, mbɔɔ azi emɔ̄ʼ epuɔ metsem.

1 Tesalonik 2:15

Epuɔ Yúda mé le zwhí á Atsyapuɔ Yɛɛ́so pɔ́ metswi‑ŋke Ndém, pɔ́ le zéŋ ndʉɔ́ʼ á wék azék. Pɔ́ té ghʉ̄ ajū mīi, á pɔŋ á Ndém ɛ́. Pɔ́ é si ŋgɔ́ megaŋ mbo epuɔ menɔŋ metsem.

2 Tesalonik 3:2

Páʼ epuɔ metsem mé té fɛ́ nnɛ̄t ŋgyá á mbū Ndém ɛ́ lā, pɛ eswíŋte ŋ́gɛ, Ndém a elɛ ŋkápte á wék, tɛ epuɔ tepɔŋ, ŋ́gɔ́ megaŋ esɔ̄, é le á wék mé azō ghʉ.

2 Timotɛ 3:11

O ó si nzhɛ́ɛ páʼ mɛ́ ke lʉɔ́ʼ á gá épúp, ńnɔŋ nzhɛ́ɛ ŋgʉɔ̄ʼ zīi, meŋ ke jʉ́ɔ á tésɔŋ Aŋtiɔsh, mbɔɔ á tésɔŋ Ikoniɔm, mbɔɔ á tésɔŋ Lístle. Mɛ́ kɛ te gá ánɛ ezɛ́ ntií lʉɔ́ʼ ē? Táʼ, Atsyapuɔ á ké ŋgɔ́ efʉʼ metsem, ńnɔŋ ŋkáptɛ á gá kápte.

2 Timotɛ 4:17

Pɔ́ le wáʼ á gá páʼā, Atsyapuɔ á ké nnɔ̄ŋ ntɔ́tɛ á gá, éfho á nchu mena nzwi, ésāʼ á gá. Ŋ́gyá á gá mete á lelɔk ntswī ŋke yí, páʼ mɛ́ pɔŋteé á letswi épúp. Meŋ tswīi épúp, tɛ epuɔ metsem pīi, é té epuɔ Yúda á, é júʼ.