Lomɛŋ 15:30 - Eka Eswhī

³⁰ Meŋ á si ŋké ntsīa ánɛ Atsyapuɔ yímpɛ Yɛɛ́so Klísto, mbɔɔ ánɛ ŋkɔŋne zīi é fhɔ́ɔ á mbū Azwakne Ndém, ńzɛ́tɛ á wɛ́ me epɔ̄ memía, ŋ́gɛ: pɛ eswíŋte á Ndém á athū meŋ, ḿpɛ elɔ̄k épúp, ḿbúte ndʉɔ́ʼ.

Lomɛŋ 15:30 Iomraidhean Croise

2 Kɔlɛŋte 1:11

Pɛ azɛ́, e elɔ̄k á leswīŋte Ndém ánɛ athū zék, ńnéŋ azɛ́ apū éwú. Púp, Ndém a ejúʼ aswiŋte zīi, epuɔ tɛ nzáne é ghʉ, ḿbwɛ̄t á mbū pek. Epuɔ tɛ nzáne e epiŋ esyákne á yí, ánɛ azék athū.

2 Kɔlɛŋte 12:10

Melaʼ épúp tɛ́, meŋ nɔɔ̄ŋ mbwɛ́tɛ lɛ akɔ̄ lɛ́, mɛ́ nɔŋ nzɔ̄tɛ á gá lɛ akɔ̄ lɛ́, Eziɛ́ ntií ŋgʉɔ̄ʼ é nɔ̄ŋ eshʉ̄ʼɛ ánɛ meŋ lɛ́, mɛ́ nɔŋ ndʉɔ́ʼɔ á gá lɛ akɔ̄ lɛ́, meŋ gɔ́ á ntē eziɛ́ ntií atapne melaʼ anu Klísto lɛ́, ntē gá é nɔŋ ké ŋgáŋte gaŋté, melaʼ mīi meŋ nɔɔ̄ŋ mbwɛ́tɛ páʼā, tɛ́ mete Ndém é ghʉ, meŋ ekāak ete.

2 Kɔlɛŋte 4:11

Pek é ndo esī atsetsáʼ ega, ŋ́gɔ́ efʉʼ metsem, ńzápne áa nchu lewhʉ̄ melaʼ Yɛɛ́so. Pek ké ŋgɔ́ nte páʼā, tɛ́ epuɔ menɔŋ é ezápa ánɛ pek, nzhɛ́ á légɛ, Yɛɛ́so a á nte, tɛ́ á piŋ ŋgɔ́ yīi, pek e fú eláʼ ekwhʉ́ kwhʉ́.

2 Kɔlɛŋte 4:5

Pek é si ŋgē etswii ŋke mbɔŋ á mbū pɛ páʼā, pek te efāʼa áa leshūŋ á wɛ́ epuɔ pīi, pek é epiɛ́ ɛ́, pek é si ŋghʉ̄ɛ áa lɛ, pɛ ezhɛ́ á légɛ, Yɛɛ́so Klísto a á si ŋgɔ́ á Atsyapuɔ. Ŋ́gɔ́ mé pek, mbɔ pek é si ndʉ́ɛ́ ŋ́gɛ, pek é megaŋ afaʼ pɛ́, melaʼ Yɛɛ́so.

Galat 5:22

Pɛ eké njʉ́ɔ ntá zīi, Azwakne Ndém á ghʉ̄ʉ, ŋiŋ á zém. Á ghʉʉ̄, ŋiŋ á wɛ ŋkɔŋne. Ŋ́ghʉ̄, ŋiŋ á náŋ mé lekāk. Ŋ́ghʉ̄, ŋiŋ á náŋ mé apwɛne. Ŋ́ghʉ̄, ŋiŋ a te gákne nzáŋ á lɔ́ŋ ɔ́. Ŋ́ghʉ̄, ŋiŋ á wɛ apɔŋɔ́ ntē. Ŋ́ghʉ̄, ŋiŋ tswíte emɔ̄ʼ epuɔ. Ŋ́ghʉ̄, ŋiŋ á gɔ́ ŋiŋ yīi, mɛ́ gɔ etém nzem ŋgyá á mbū yí.

Efɛze 6:19

Pɛ eswíŋte á Ndém, mbɔɔ ánɛ azá athū. Éswíŋte ŋ́gɛ, Ndém a enéŋ ashuŋne zí á nchu meŋ, meŋ ndɔk ntɛ̄ʼte éshúŋ ntsem zīi, e lʉɔneē ánɛ ŋke mbɔŋ.

Fílíip 2:1

Páʼ legɔ̄ yīi, Klísto mé si ntsāŋa á wɛ́, a á si ŋghʉ̄ɛ pɛ etētɛ lā. Páʼ ŋkɔŋne zīi a wɛɛ̄ ánɛ pɛ, e é si nnɔŋ ŋghʉ̄ɛ, pɛ ekāka ete lā. Páʼ pɛ kuʼteé Azwakne Ndém tɛ́ ndɔk nnáŋ lā. Páʼ pɛ wɛɛ̄ apɔŋɔ́ ntē pɔ́ atsāmezeŋɛ á tsetsɛlɛ pɛ lā.

Kɔlɔs 1:8

A ke shúŋ á wék páʼ, Azwakne Ndém á si ŋghʉ̄ɛ, pɛ kɔ̄ŋɔ epɔ̄ memía épúp.

Kɔlɔs 2:1

Meŋ á páʼā, ńdɔkɔ ŋkɔ̄ŋɔ ŋ́gɛ, pɛ ezhɛ́ lewɛ ncu tsīi, meŋ ntshií éwú melaʼ mɛ́, mbɔɔ melaʼ epuɔ Yɛɛ́so á tésɔŋ Laodisɛ, mbɔɔ melaʼ emɔ̄ʼ epuɔ tɛ nzáne pīi, pɔ́ zi la lezēk ánɛ meŋ tshí ɛ́.

Kɔlɔs 4:12

Epaflas, ńzéŋ ŋgɔ́ azí á ŋiŋ alāʼ wɛ, a á si ntsāʼtɛ á wɛ́. A zeéŋ ŋgɔ́ á ŋgaŋ afaʼ Yɛɛ́so Klísto. A neéŋ athū zí tɛʼ, á leswīŋte á Ndém á athū pɛ ŋ́gɛ, Ndém a elɛ ŋghʉ̄, pɛ etswiʼne ntēte ánɛ lefɛ̄ nnɛ̄t, ŋ́gyá á mbū Yɛɛ́so. Ńtswiʼne ntswhí, ánɛ anu Ndém. Ńnéŋ á ntē pɛ, á legɔ̄ efʉʼ metsem, ŋ́ghʉ̄ ajūɔ ntsem zīi, Ndém mé si ŋkɔ̄ŋɔ.

1 Tesalonik 5:25

Epɔ̄ memía, pɛ eswíŋte á Ndém á athū pek azék.

2 Tesalonik 3:1

Pek ge ezoko me epɔ̄ memía, élé gɛ, pɛ eswíŋte á Ndém á athū pek, éswíŋte ŋ́gɛ, ashuŋne Atsyapuɔ a etswiʼne esāŋ ejʉʼ. Ŋ́gɛ a egɔ́ á ajūɔ mekuʼ, páʼ á mbū pɛ, ŋ́gɔ́ épúp lā.

2 Timotɛ 4:1

A fú aleʼé, Yɛɛ́so Klísto, a ezéŋ eshʉ̄ʼ, ésáʼ ŋgɔŋ ntsem, ńzáʼ ntsaŋ zɔp a epuɔ mete, mbɔɔ ezɔp a mepfhō. Meŋ á tshí á mvhɔ yí, mbɔɔ á mvhɔ Ndém, ńdɔk á legɔ̄ yīi, a a fú eshʉʼ épúp, ńdé mé wu ŋ́gɛ: