Lomɛŋ 15:3 - Eka Eswhī

³ Klísto a lɛ te ghʉ̄ á ajū mīi á pɔŋ áa yí méŋwɛ̄t ɛ́. A cʉ́ʼɛ épúp, mbɔ mɛ́ le tí á ntē aŋwaʼne Ndém ánɛ yí ŋ́gɛ: «Azɔte zīi mɛ́ le lɔ̄k nzɔte á wú, á le soʼné áa athū meŋ. »

Lomɛŋ 15:3 Iomraidhean Croise

Matío 10:25

A gɔ́ éyi akɔ̄ á le ghʉ̄ á mɔʼɔ́ afaʼ lɛ́, mbɔ aziɛ́ azō a shʉʼ ezéŋ eghʉ á nziʼnɛ afaʼ. Ŋ́gɔ́ éyi akɔ̄ á le ghʉ̄ á mɔʼɔ́ ŋkwa lɛ́, mbɔ aziɛ́ azō a shʉʼ ezéŋ eghʉ ŋkwa. Páʼ pɔ́ ke zɔtē á ŋgaŋ ŋgyā, ńtɔ́ŋ á yí lɛ Bɛlzebul efɔ mesī lā, pɔ́ e shʉʼ ekó ánɛ wɔ náŋ á ŋgyā ega mɛ́t, ézɔ á wɔ́p etɔ́k épúp.

Matío 26:39

Ńdé épúp, ńnáʼ ŋgʉ̄ɔ tɛ ŋgia é sak, ésóʼo ntswíʼte á esī, ŋ́ŋɔ́ʼne tɛ eshhʉ̄ yí é pfeŋ esī, éswíŋte á Ndém ŋ́gɛ: «Mɔ́ʼɔ, o kɔŋɔ, o epāʼne ejʉɔ ntūʼ ŋgʉɔ̄ʼ, tɛ meŋ ńde nú. Táʼ, akʉ̄ɛ a eké ntɔ́k áa páʼ o ó kɔŋ épúp, te ghʉ̄ʉ ajū mīi meŋ mé kɔŋ. »

Matío 26:42

Ńdé épúp, ńzéŋ ŋgʉ̄ɔ leswhī leswhī ánɛ mbáte pīa, ńzéŋ eswíŋte á Ndém ndé ŋ́gɛ: «Mɔ́ʼɔ, a lɛ ŋgɔ́ éyi ejʉɔ ntūʼ ŋgʉɔ̄ʼ, é gɔ etɔ́k té gɔ́ yīi meŋ á nú, o eghʉ̄ áa páʼ wu mé kɔŋ. »

Matío 27:44

Tɛ mbɔɔ metsɔ́ŋ pīi mɛ́ ŋkwɛ̄te á wɔ́p a pɔ́p, é zéŋ nnɔ̄ŋ nzɔ̄tɛ á yí azɔ́p ndeŋ ndeŋ épúp.

Jáaŋ 15:10

Pɛ ziŋɛ páʼ meshuŋne má é si ndʉ́ɛ́ épúp, mbɔ pɛ etemte nnɛ̄t zɛ ánɛ eza, éjʉ́ɔ páʼ meŋ kɔɔ̄ŋ á wɛ́ épúp, ńdeŋ ndeŋ páʼ meŋ ziīŋ páʼ ashuŋne Mɔʼɔ́ ga á leé épúp, ńtēmte nnɛ̄t za ánɛ ezi, ńjʉ́ɔ páʼ a kɔɔ̄ŋ á gá épúp.

Jáaŋ 15:24

Meŋ nde wíʼe, meŋ te ghʉ̄ mefaʼ mīi, ŋiŋ a zi la eghʉ̄ á tsetsɛlɛ pɔ́p ɔ́, mbɔ mefa é té á athū pɔ́p ɔ́. Tsetsɔŋɔ, tɛ mbɔɔ páʼ pɔ́ ke pīŋ njʉ́ɔ mefaʼ mɛ́t lā, pɔ́ é si mbiŋɛ mbāa á gá, ńzéŋɛ mbāa á Mɔʼɔ́ ga.

Jáaŋ 4:34

Yɛɛ́so á lé á mbū pɔ́p ŋ́gɛ: «Etsá etsō lejhʉ̄, é si ŋgɔ́ á leghʉ ajū mīi, ŋiŋ yīi a le tó á gá, a á si ŋkɔ̄ŋɔ. Ŋ́gɔ́ á gá á lelɔk afaʼ zīi, a ke tsekné á mbū meŋ, ŋ́gʉ̄ɔ mé mvhɔ, tɛ nzōko.

Jáaŋ 5:30

Meŋ méŋwɛ̄t é gɔ le kūʼ á leghʉ tsɔ azō ɔ́. Meŋ gē ezáʼ ntsaŋ, éfhó ánɛ páʼ, Ndém a á shúŋ á gá. Ḿbiŋ nzáʼ ntsaŋ ndeŋ ndeŋ melaʼ mīi, meŋ te si efāʼa á leghʉ páʼ, meŋ mé kɔŋ ɔ́. Meŋ á si efāʼa áa leghʉ ajū mīi, ŋiŋ yīi, a le tó á gá, a á si ŋkɔ̄ŋɔ.

Jáaŋ 6:38

Meŋ ndɛɛ́ efhɔ́ɔ á lephū eshʉ̄ʼɛ á ŋgɔŋ ega, á ŋghʉʉ̄ ajū mīi, ŋiŋ yīi a le tó á gá, a á si ŋkɔ̄ŋɔ. Meŋ ndɛɛ́ te eshʉ̄ʼɛ, á ŋghʉʉ̄ ajū mīi, meŋ méŋwɛ̄t mé si ŋkɔ̄ŋɔ ɔ́.

Jáaŋ 8:29

Pek ŋiŋ yīi, a le tó á gá á ŋgɔŋ mé nnɔ. A ka tshi á gá néŋ, meŋ cʉ́ʼ meŋɛmeŋ ɛ́, melaʼ mīi, meŋ mbúu ŋghʉ áa ajū mīi, a pɔŋ á yí. »

2 Kɔlɛŋte 8:9

Pɛ é si nzhɛ́ɛ apɔŋɔ́ ntē te ndhʉ zīi, Atsyapuɔ yímpɛ Yɛɛ́so Klísto a wɛɛ̄ ánɛ pɛ, ajūɔ tsem á lɛ á alá apū yí, á véŋ á lecʉ̄ʼ á te kuʼ ánɛ azō melaʼ mɛ́, ńdɔkɔ efāʼa ŋ́gɛ, pɛ etsīa épúp, ŋ́gwɛ̄ ajūɔ tsem.

Fílíip 2:5

[Pɛ enáŋ ánɛ ntií zīi, epuɔ pīi pɔ́ ziīŋ á nzem Yɛɛ́so Klísto, é pɔŋteé á lenāŋ épúp].

Fílíip 2:8

Yí méŋwɛ̄t á véŋ á lesōʼne nnɛ̄t zi ŋgyá á esī, ńjúʼ nchu Ndém tɛ ndáʼ ŋkwhʉ́. Ŋ́gē ekwhʉ́, mɛ́ kwɛte á yí ánɛ mbaŋne paŋné.