Lomɛŋ 15:26 - Eka Eswhī

²⁶ Á gɔ́ páʼ, epuɔ Yɛɛ́so pīi é apak ŋgɔŋ Maseduan mbɔɔ á apak ŋgɔŋ Akayi, é ke jʉ́ɔ ŋ́gɛ á mbɔŋ, á lemaʼ ncup ndɔ̄k ntswíte epuɔ Ndém pīi, é Yelósalɛm, ŋ́gɔ́ wɔ te kuʼ ánɛ azō.

Lomɛŋ 15:26 Iomraidhean Croise

Matío 25:40

Efɔ a etsɔ́ʼ á mbū pɔ́p ŋ́gɛ: “Meŋ a shúŋ á wɛ́ á kwaʼ anuúnē. Efʉʼ metsem yīi, pɛ le ghʉ̄ épúp tɛ mbɔɔ á mbū méŋ agáʼ mɔ́ á nnɔ epuɔ pá, pɛ lɛ páʼā, ńdɔkɔ ŋghʉ̄ɛ áa mbū meŋ.”

Matío 26:11

Pɛ a mepūŋ mé á esī efʉʼ metsem, ḿbiŋ ŋgɔ́ mé meŋ, mbɔ ḿpɛ mé té shʉʼ egɔ́ á esī efʉʼ metsem ɛ́.

Lúkási 14:13

O shʉʼɛ nnɔ̄ŋ ŋghʉ̄ɛ lekāk, o etɔ́ŋ áa wɔ te kuʼ ánɛ azō, ńtɔ́ŋ megaŋ alɔʼ, ńtɔ́ŋ wɔ kékʉɔ́ʼ‑akhu, ńtɔ́ŋ wɔ efʉʉ́‑menēk.

Lúkási 6:20

Yɛɛ́so á náŋ tɛ mbʉ́ʼɛ menēk mí, ńtshí ánɛ nnɔ yí, ńdé á mbū pɔ́p ŋ́gɛ: «Eshhʉ̄ mbɔŋ a á wɛ́ wɔ te kuʼ ánɛ azō, melaʼ mīi, pɛ é ndáʼ nzī á lejūʼ á mbɔŋɔ́ á ntē Lefɔ Ndém.

Mefaʼ Meziŋ-ntō 16:12

Éfhó éwú, ńzīŋ á esī ŋgʉ̄ɔ mé tésɔŋ Fílíio, á gɔ́ á mía mía tésɔŋ á ntē apak ŋgɔŋ Maseduan, ŋ́gɔ́ á tésɔŋ yīi, epuɔ Lóma é lē ŋkaŋ. Pek kó éwú, ńnáʼ nnáŋ tsɔ eleʼé shɔ́ʼɔ́ lɛ́.

Mefaʼ Meziŋ-ntō 16:9

Á kó ŋgɔ́ ŋkɔʼɔ́ atswɛt, Pɔ́ɔl á jʉ́ɔ mmɔʼ njʉɔ te lí, ńjʉ́ɔ mmɔʼ ŋiŋ Maseduan á tshí á ajʉʼ, éswíŋte ndé á mbū yí ŋ́gɛ: «Lɛ ntó eshʉʼ ntswíte á wék, á Maseduan ega. »

Mefaʼ Meziŋ-ntō 18:12

Páʼ Pɔ́ɔl á nzɛ́t éwú lā, á shʉʼ ŋgɔ̄ afʉʼ zīi Ŋgaliɔŋ a lɛ á ŋgɔpna apak ŋgɔŋ mɛ́t, mɛ́ tɔ́ŋ lɛ Akayi. Epuɔ Yúda é cúʼte, ŋ́gɔ́ á taʼ nchu, ḿbā á Pɔ́ɔl, ŋ́gɔ̄ á yí, éshūŋne á yí ndɔk ŋgʉ̄ɔ mé mvhɔ asāʼ,

Mefaʼ Meziŋ-ntō 19:21

Menu muɔ mɛ́t é tɔ́k páʼa, Pɔ́ɔl á wɛ akwaŋte á yí á letɔ̄k ánɛ apak ŋgɔŋ Maseduan pɔ́ Akayi, ŋgʉ̄ɔ mé Yelósalɛm. Ńnɔŋ ndʉ́ɛ́ ŋ́gɛ: «Meŋ shʉʼɛ ŋgʉ̄ɔ tɛ ŋkó éwú, mbɔ á pɔŋ ŋ́gɛ, meŋ egʉ̄ɔ á tésɔŋ Lóma. »

Mefaʼ Meziŋ-ntō 9:13

Ananias á lɛ ndé ŋ́gɛ: «Atsyapuɔ, meŋ ke júʼ epuɔ tɛ nzáne, é nɔŋ eshúŋɔ menu ánɛ ŋiŋ wuɔ mɛ́t, éfhó ánɛ páʼ, a á si ŋgēnɛ epuɔ pú épúp, á Yelósalɛm.

1 Kɔlɛŋte 16:15

Epɔ̄ memía, amɔ̄ʼ ajū mīi, meŋ a zéŋ elɔk esemte á wɛ́, a a jʉɔ. Pɛ é si nzhɛ́ɛ páʼ Stefanas pɔ́ atseŋ ŋgyā zí, é si ŋgɔ́ mvhɔ epuɔ pīi, é le fɛ́ nnɛ̄t ŋgyá á mbū Yɛɛ́so, á apak ŋgɔŋ Akayi. Pɔ́ neéŋ athū á leghʉ afaʼ zīi, á tswíte epuɔ Yɛɛ́so.

1 Kɔlɛŋte 16:5

Meŋ a shʉʼ ege eshʉʼe á alāʼ pɛ, été njhʉ̄ egʉɔ á Maseduan. Meŋ a shʉʼ efhó éwú tɛ́ eshʉʼe.

2 Kɔlɛŋte 1:16

tɛ́ eshʉʼ efhó á alāʼ pɛ, ŋgʉ̄ɔ mé Maseduan, ḿbiŋ efhó á Maseduan, ńzéŋ eswáŋ nnɛ̄t á alāʼ pɛ, tɛ́ pɛ etswíte á gá á legʉɔ mé Yudéa.

2 Kɔlɛŋte 11:9

Á lɛ afʉʼ zīi meŋ ndɛ á alāʼ pɛ, azō á nɔŋ ŋkíŋɛ á mbū meŋ, meŋ te ŋiŋ lɔ́. Epɔ̄ memía é le fhó á apak alāʼ Maseduan, tɛ́ eshʉʼ ŋgyá ajū mīi á si ŋkíŋɛ, ńdɔk ntswíte á gá. Meŋ ndɛ te kɔ̄ŋ á gá á legɔ̄ apiʼ á mbū pɛ, ánɛ amɔ̄ʼ azō ɔ́, épīŋ le láʼ aleʼé ŋgɔ́ ɔ́.

2 Kɔlɛŋte 2:13

Táʼ, mbe nnɛ̄t za é ké nnɔ̄ŋ ntsyɛ̄tte tsyɛtte, melaʼ mīi, meŋ nde kó éwú, meŋ te jʉ́ɔ á méŋ mɔ́ yímpɛ Tíit ɛ́. Púp, ńdɛ ndāʼne epuɔ tésɔŋ mɛ́t, ŋgʉ̄ɔ mé apak ŋgɔŋ Maseduan, á efaāʼ yí.

2 Kɔlɛŋte 7:5

Á lɛ, pek le gʉ̄ɔ tɛ ŋkó á tésɔŋ Maseduan páʼā, ḿbú te wɛ̄ njhʉ̄ á lelɔk nzwītɛ ɛ́, ŋgʉɔ̄ʼ é pú eshʉ̄ʼ á mbū pek á ŋkɔʼɔ́ ŋkɔʼɔ́. Epuɔ é nɔŋ ndʉɔ́ʼɔ á wék, ntē wék é nɔŋ te ŋímnɛ nnáŋa á.

2 Kɔlɛŋte 9:12

Pɛ ezhɛ́ á légɛ, ncup zīi pɛ maʼa, e te lɛ ŋgɔ́ áa lelɔk ntswíte epuɔ Ndém ndaʼ á, é si nzéŋ ŋgɔ́ á lelɔk ŋghʉ̄, epuɔ tɛ nzáne é syákne á Ndém.

2 Kɔlɛŋte 9:2

melaʼ mīi, meŋ á si nzhɛ́ɛ á légɛ, pɛ wɛɛ̄ akwaŋte mbɔŋ á lelɔk ntswíte epuɔ. Meŋ ke zéŋ ndɔk á wɛ́ ŋkāʼte, á mvhɔ epuɔ apak ŋgɔŋ Maseduan. Éshúŋ á wɔ́p ŋ́gɛ, tɛ efhó ŋguʼ afʉʼ a, epuɔ Ndém á ntē apak ŋgɔŋ Akayi, é lē ndáʼ mbɛ́tte á leyā azō, ńdɔk ntswíte epuɔ Ndém. Pɔ́ júʼ páʼ pɛ é si ŋkhʉ́nɛ á leyā azō épúp, ńtswiʼne ŋkɔ̄ŋ á leyā azɔ́p azō, ńdɔk ntswíte á wɔ́p.

2 Kɔlɛŋte 9:4

Pek a epuɔ Maseduan é gɔ́ péʼe, ŋ́gē eshʉʼe, pɛ zɛ́t té pɛ́tte á leyā azō, mbɔ esē é kú á wék ánɛ páʼ, pek le nɔ̄ŋ nzhɛ́ɛ té miʼte á légɛ, pɛ lē ndáʼ mbɛ́tte. Meŋ eké nzéŋ ŋ́gɛ akɔ̄, ánɛ esē á lekū á wɛ́ ɛ́?

Fílíip 4:15

Mesoó pá epuɔ Fílíio, pɛ méŋwɛ̄t, é chʉʉ́ nnɛ̄t nzhɛ́ á mbɔŋɔ́ á légɛ, á lɛ afʉʼ zīi, meŋ nde zī á letswi ŋke mbɔŋ, á ntē apak ŋgɔŋ Maseduan, éshʉʼ efhó éwú ŋgʉ̄ɔ, pɛ pwɔ̄ ndaʼ mé tswíte á gá. Amɔ̄ʼ alúŋ epuɔ Yɛɛ́so ndɛʼɛ, á té yá á gá ŋkāp, ńdɔk ntswíte á gá á.

1 Tesalonik 1:7

Púp, pɛ lɔ̄ɔk ncʉ́ʼ efʉʼ mbɔŋ, á mbū wɔ fɛ́‑nnɛ̄t metsem pīi, pɔ́ é ntē apak ŋgɔŋ Maseduan, mbɔɔ á ntē apak ŋgɔŋ Akayi.

1 Tesalonik 1:8

Ashuŋne Ndém a le fhó a alāʼ pɛ, ḿbú esāŋ ejʉʼ épúp, á té lɛ ŋkó á apak ŋgɔŋ Maseduan, mbɔɔ apak ŋgɔŋ Akayi ndaʼ á. Mɛ́ le zéŋ mbú nzhɛ́ ejʉʼ tsem, páʼ pɛ fɛɛ́ nnɛ̄t ŋgyá á mbū Ndém épúp, tɛ ŋgɔ́ yīi, pek gɔ le zóko nzéŋɛ ŋkímɛ ɛ́,

1 Tesalonik 4:10

Pɛ ké nzi ŋgɔ́ si ŋgwīɛ̄ ŋkɔŋne mɛ́t, ánɛ epɔ̄ memía ntsem, á ntē apak ŋgɔŋ Maseduan. Pek ké ŋgɔ́ si esēmtɛ á wɛ́ me epɔ̄ memía, ŋ́gɛ pɛ ezéŋ ntwiʼne ŋ́ghʉ̄ épúp, ńdɔ̄k ŋgʉ̄ɔ mé mvhɔ.

1 Timotɛ 1:3

Páʼ meŋ nde gē egʉɔ mé apak ŋgɔŋ Maseduan, éshúŋ á wú tɛ ntswɛ̄te épúp lā, náŋ á tésɔŋ Efɛze, ńtɔ̄ʼ emɔ̄ʼ epuɔ pīi, pɔ́ é éwú ndūptɛ menu ánɛ anu Ndém, ńzíʼnɛ epuɔ, ŋ́gɛ ndɛ́ʼ pɔ́ zéŋ nzíʼne.

Filemɔŋ 1:5

Ŋ́ghʉ̄ɛ épúp melaʼ mīi, meŋ á si njúʼɔ mɛ́ shúŋɔ páʼ, o kɔɔ̄ŋ epuɔ Ndém metsem épúp, mbɔɔ páʼ, o fɛɛ́ nnɛ̄t ŋgyá mé Atsyapuɔ Yɛɛ́so épúp.