Lomɛŋ 15:2 - Eka Eswhī

² Awɔ́ ŋiŋ nnɔ yímpɛ lɛ́, a pɔŋteé á leghʉ ajū mīi á pɔŋ emɔ̄ʼ epuɔ, ájū mīi á mbɔŋ á mbū pɔ́p, étswíte á wɔ́p á lelɔk lefɛ̄ nnɛ̄t wɔp, ŋgʉ̄ɔ mé mvhɔ.

Lomɛŋ 15:2 Iomraidhean Croise

Lomɛŋ 14:19

Púp, ḿpɛ efāʼ á ajū mīi á gɔ eghʉ̄ʉ, ḿpɛ enáŋ mé apwɛne, ńtswíte á yímpɛ á letswaŋ mbū, ńdɔ̄k á yímpɛ á lefɛ̄ nnɛ̄t ŋgʉɔ mé mvhɔ.

1 Kɔlɛŋte 10:23

Emɔ̄ʼ epuɔ á nnɔ pɛ, é leé ŋ́gɛ: «Mɛ́ gɔ eghʉ̄ʉ páʼ mɛ́ kɔŋ. » Pɛ eké njúʼ, ajūɔ tsem zīi pɔ́ ghʉɛ, á gɔ́ le wɔ́p tswíte. Á anuúnē «Mɛ́ gɔ eghʉ̄ʉ páʼ mɛ́ kɔŋ. » Táʼ, ajūɔ tsem zīi mɛ́ ghʉɛ, á gɔ le tswíte á lefɛ̄ nnɛ̄t ŋgyá á mbū Ndém ɛ́.

1 Kɔlɛŋte 10:24

Ndɛ́ʼ ŋiŋ á lɛ ŋghʉ̄ áa ajū mīi, á tswíte á yí yíléyī. Ŋiŋ a eghʉ̄ á ajū mīi, á gɔ etswíte emɔ̄ʼ epuɔ.

1 Kɔlɛŋte 10:33

Pɛ eghʉ̄ páʼ meŋ lā, meŋ kaāk ete á légɛ, ajūɔ tsem zīi meŋ ghʉɛ, a etswíte epuɔ metsem. Meŋ te lɛ ŋghʉ̄ áa ajū mīi, á tswíte á gá meŋɛmeŋ ɛ́. Meŋ ghʉʉ̄ azi, á tswíte á atʉtʉ epuɔ, ńzhɛ́ páʼ Ndém a a ghʉ pɔ́ etswɛ́t.

1 Kɔlɛŋte 13:5

A te ghʉ̄ menu esē ɛ́. A te ghʉ̄ ajū mīi yíléyī mé jhʉ́ apɛ éwú ú. A te gákne nzáŋ á lɔ́ŋ ɔ́. A te tém lefā ŋiŋ ɛ́.

1 Kɔlɛŋte 14:26

Epɔ̄ memía, anu zīi meŋ a ge emakne, élé mé pɛ, a ajʉɔ páʼa. Pɛ cúʼtɛ nnɔ̄ŋ ŋgɔ̄ á eswíŋte Ndém, ŋ́gɔ́ éyi, ŋiŋ a gɔ ezɔ̄ɔp ntshi, á zɔp. Ŋ́gɔ́ éyi, ŋiŋ a gɔ eshúŋne, ńdɔk nték epuɔ, á shúŋne. Ŋ́gɔ́ éyi ŋiŋ a tswi ŋke yīi, é fhɔ́ɔ á mbū Ndém, á tswi. Ŋ́gɔ éyi ŋiŋ a gɔ elé anu mé alāʼ zīi, a laá nzíʼne ɛ́, ŋgaŋ á lé. Ŋ́gɔ́ éyi ŋiŋ a gɔ ekɛ́ʼte alāʼ mɛ́t eshúŋ epuɔ, ŋgaŋ á kɛ́ʼte eshúŋ. Ajūɔ tsem a eké ŋgɔ́ áa lelɔk ntswíte á leghʉ, alúŋ epuɔ Yɛɛ́so, á tswiʼne efɛ́ nnɛ̄t, ńdɔk ŋgʉ̄ɔ mé mvhɔ.

1 Kɔlɛŋte 14:3

Ŋiŋ yīi a piŋɛ ntswīi ŋke yīi, é fhɔ́ɔ á mbū Ndém, a tswii á mbū epuɔ menɔŋ. Ńtswīi ndɔkɔ ntswítɛ á wɔ́p á lefɛ̄ nnɛ̄t ŋgyá á mbū Ndém, ńdɔk ŋgʉ̄ɔ mé mvhɔ. Ńtswīi ndɔkɔ ŋgyáa á wɔ́p ŋgate. Ńtswīi ndɔkɔ ŋ́gɛ, pɔ́ etswiʼne ŋkāk ete.

2 Kɔlɛŋte 12:19

Tɛ efhó tɛ afʉʼ, pɛ nɔ̄ɔŋ ŋkwāŋa ŋ́gɛ, pek é si ndhʉ̄ɛ athū zék á mvhɔ pɛ lɛ́? Ŋgáŋ, pek zapaá ánɛ Klísto, ńtshí á mvhɔ Ndém tɛ́ eshúŋnɛ. Ŋ́ghʉ̄ɛ épúp me epɔ̄ memía, ńdɔkɔ efāʼa á légɛ, pɛ efɛ́ nnɛ̄t ŋgyá á mbū Ndém, ńdɔk ŋgʉ̄ɔ mé mvhɔ.

2 Kɔlɛŋte 13:9

Pɛ nɔɔ̄ŋ ntetɛ ánɛ mɛnzhɛ Ndém páʼā, ntē wék é gáŋte, tɛ a zi ŋgɔ́ éyi, pek é si mbwɛ́tɛ. Melaʼ épúp tɛ́, ajū mīi pek é si eswíŋtɛ á Ndém ndɔ́ɔ, á si ŋgɔ́ á légɛ, pɛ etswiʼne ntswhí ánɛ mɛnzhɛ yi.

Efɛze 4:12

A le ghʉ̄ épúp, ńdɔkɔ efāʼa ŋ́gɛ, epuɔ Ndém, e ekūʼ á wɔ́p á leghʉ afaʼ, á lelɔk ŋghʉ̄, mbe nnɛ̄t Klísto, álúŋ epuɔ pí, á tswhí ŋgʉ̄ɔ mé mvhɔ.

Efɛze 4:29

Ndɛ́ʼ anu tepɔŋ á tó á nchu pɛ, azi ŋgɔ́ éyi ashuŋne a tó á nchu pɛ, á gɔ́ azi mbɔŋ, pɛ eshúŋ ndɔ̄k ḿbʉ́ʼte epʉ́ʼte, ńdɔk ntswíte epuɔ pīi, pɔ́ é si njúʼɔ á wɛ́ á leshūŋne.