Lomɛŋ 15:19 - Eka Eswhī

¹⁹ Ńzápa ánɛ páʼ Azwakne Ndém á le yá á gá mete, á lelɔk ŋghʉ̄ mendajʉ́ɔ menu, mbɔɔ meyiŋne menu mīi, é tswii mete Ndém, tɛ́ ŋghʉ̄ épúp. Púp, meŋ zīi, á Yelósalɛm, ńtɔ́kte nchʉ́ nnɛ̄t ntswī ŋke mbɔŋ ánɛ Klísto, tɛ ŋkó á apak ŋgɔŋ Ilili.

Lomɛŋ 15:19 Iomraidhean Croise

Matío 12:28

Á gɔ́ áa lɛ, meŋ ndɔkɔ mete Azwakne Ndém tɛ́ njūŋɔ mesī ánɛ epuɔ. Á lɔkɔ ntswīi á légɛ, Lefɔ Ndém é ndáʼ nzī á ndo esī atsetsáʼ, tɛ é shʉʼ tɛ ntswɛ́tte á wɛ́.

Jáaŋ 4:48

Yɛɛ́so á pwɛt á mbū yí ŋ́gɛ: «Pɛ gɔ te jʉ́ɔ meyiŋne mīi, é tswii mete Ndém ɛ́, ŋ́gɔ́ te jʉ́ɔ mendajʉ́ɔ menu ú, mbɔ pɛ gɔ le láʼ efɛ́ nnɛ̄t zɛ, ŋ́gyá á mbū meŋ ɛ́ lɛ̄?»

Mefaʼ Meziŋ-ntō 1:8

Azwakne Ndém mé gɔ eshʉʼ esóʼo ánɛ pɛ, éyá á wɛ́ mbʉʼ, tɛ́ pɛ elɔk eshúŋ ajū mīi, pɛ é si nzhɛ́ɛ ánɛ meŋ, ńzī á tésɔŋ Yelósalɛm, éshúŋ mmāk ŋgɔŋ Yudéa, ŋ́kó á Samalía ntsem, éshúŋ shúŋ tɛ ndáʼ mbú ŋ́kó á nzokó ŋgɔŋ. »

Mefaʼ Meziŋ-ntō 13:14

Pɔ́ɔl pɔ́ Baanabas, é láʼ nzīŋ á esī, ŋ́gʉɔ tɛ ŋkó á tésɔŋ Aŋtiɔsh yīi, á ŋgʉ̄ŋ ŋgɔŋ Pisidi. Aleʼé aswite epuɔ Yúda á kuʼ, pɔ́ gʉɔ ŋkó á ŋgyā aswiŋte, ńnáŋ á esī.

Mefaʼ Meziŋ-ntō 13:51

Pɔ́ lɛ ŋgʉ̄ɔ, ŋ́ké ŋgē egʉɔ, ḿbʉ̄p á avɔ́p á mekhu pɔ́p, ńdɛ ntsé á mɛnzhɛ, ŋgʉ̄ɔ mé Ikoniɔm.

Mefaʼ Meziŋ-ntō 14:10

Pɔ́ɔl á lɛ ndé á mbū yí mé ŋghi teté ŋ́gɛ: «Lu á esī ntshí á ajʉʼ ndeŋ ndeŋ. » Á lɛ ŋkyɛ́t ntshí ajʉʼ, ńzī á leziŋ.

Mefaʼ Meziŋ-ntō 14:20

Epuɔ Yɛɛ́so é shʉʼ ntʉɔ́ʼte á Pɔ́ɔl, á náŋ tɛ ndū á esī, pɔ́ sɛt nnɛ̄t mé tésɔŋ. Njhʉ̄ é lá, pɔ́ Baanabas é gʉɔ mé tésɔŋ Dɛlbe.

Mefaʼ Meziŋ-ntō 14:25

Ŋ́kó éwú, éshúŋ anu Ndém á tésɔŋ Pɛɛje. Ḿbiŋ efhó éwú esóʼo ŋgʉ̄ɔ mé tésɔŋ Atali.

Mefaʼ Meziŋ-ntō 14:6

Pɔ́ɔl pɔ́ Baanabas é zhɛ́, ŋ́kʉ ŋgʉ̄ɔ mé ŋgɔŋ Likaoni, ńtɔ́kte ánɛ metésɔŋ Lístle pɔ́ Dɛlbe mbɔɔ ánɛ metésɔŋ á eshhʉ̄ ajʉʼ mɛ́t.

Mefaʼ Meziŋ-ntō 15:12

Piɛ á shúŋne épúp, epuɔ metsem é pú ndáŋte, ŋ́gɔ̄ á njúʼ anu zīi Baanabas pɔ́ Pɔ́ɔl é gɔ á eshúŋɔ. Pɔ́ lɛ mbɛ́te eshúŋ á wɔ́p páʼ, pɔ́ ke wúa epuɔ pīi, é té epuɔ Yúda á, Ndém á nɔŋ ntsīa ánɛ pɔ́p, ŋ́ghʉ̄ɛ meŋkʉʼne anu mīi, é tswii mete mí á tsetsɛlɛ pɔ́p.

Mefaʼ Meziŋ-ntō 16:18

Á ghʉ épúp, ńdɔk ŋgʉ̄ɔ mé mvhɔ tɛ meleʼé é záne. Á ge emakne, ḿbék á Pɔ́ɔl pekeé, tɛ á swáŋ nnɛ̄t, ńcɔ́k esī mɛ́t ndé ŋ́gɛ: «Meŋ tswii á mbū wu, ánɛ lezēŋ Yɛɛ́so Klísto ŋ́gɛ, fhó ánɛ menzwí wuɔ ntó. » Esī mɛ́t é lɛ efhó ánɛ yí ntó afʉʼ mɛ́t afʉʼ mɛ́t.

Mefaʼ Meziŋ-ntō 17:10

Nzém é kó eséŋ, epɔ̄ memía é lɛ ŋghʉ̄, Pɔ́ɔl pɔ́ Silas é gʉɔ mé tésɔŋ Bele. Ŋ́gʉɔ tɛ ndɛ̄ ŋgē ekó éwú, ŋ́kó á ntē ŋgyā aswiŋte epuɔ Yúda.

Mefaʼ Meziŋ-ntō 17:15

Epuɔ pīi pɔ́ nnɔŋ ntsāknɛ á Pɔ́ɔl, pɔ́ lɔk á yí ŋgʉ̄ɔ tɛ ŋkó á tésɔŋ Atɛne. Ŋ́ghʉ ŋgē epiŋ nzem mé Bele, Pɔ́ɔl á tó ŋke á mbū pɔ́p ŋ́gɛ, Silas pɔ́ Timotɛ, é ha eshʉ̄ʼ ntswɛ́tte á yí.

Mefaʼ Meziŋ-ntō 18:1

Ajʉɔ á tɔ́k épúp, Pɔ́ɔl á fhó á Atɛne, ŋgʉ̄ɔ mé tésɔŋ Kɔlɛŋte.

Mefaʼ Meziŋ-ntō 18:19

Pɔ́ gʉɔ tɛ ŋkó á tésɔŋ Efɛze, Pɔ́ɔl á tshi á Akilas pɔ́ Plisil éwú nnéŋ. Ŋ́gʉɔ ŋkó á ŋgyā aswiŋte epuɔ Yúda, pɔ́ a pɔ́p é zi á leshūŋne.

Mefaʼ Meziŋ-ntō 19:1

Apolos a ge egɔ́ á Kɔlɛŋte, Pɔ́ɔl á zíʼ mekwɛ̄t apak ŋgɔŋ Azíi, ŋgʉ̄ɔ mé Efɛze. Ŋ́kó éwú, ńjʉ́ɔ emɔ̄ʼ ntaʼné epuɔ Yɛɛ́so.

Mefaʼ Meziŋ-ntō 20:20

Meŋ kɛ te lʉ̄ɔ á wɛ́ amɔ̄ʼ ajū mīi, á mbɔŋ á mbū pɛ ɛ́. Meŋ ke shúŋ anu Ndém á mbū pɛ, ńzíʼne á wɛ́ á meŋgyā alúŋ epuɔ Yɛɛ́so, tɛ mbɔɔ ánɛ meŋgyā mɛ́.

Mefaʼ Meziŋ-ntō 20:6

Pek é cʉ́ʼ azék, ńjhʉ́ lekāk mblɛ té levwi, tɛ́ éfhó á Fílíio, ŋkó á mɛtúa ntshi ŋgʉ̄ɔ. Ńdáʼ ŋgē etswɛ́tte á wɔ́p á Tloas, á gɔ́ eleʼé táa. Ŋ́kó éwú, pek a pɔ́p é náŋ á taʼ ŋgap.

Lomɛŋ 15:13

Meŋ á si eswíŋtɛ ŋ́gɛ, Ndém, páʼ ḿpɛ zwiʼteé ajūɔ tsem áa mbū yí lā, a elɛ efhó ánɛ páʼ pɛ fɛɛ́ nnɛ̄t ŋgyá á mbū Klísto lā, ŋ́ghʉ̄, lekāk pɔ́ apwɛne e egɔ́ á ntē pɛ tɛ ndó. Tɛ́ mete Azwakne zí, é eghʉ̄, pɛ ecuŋte nzwíʼte ajū mīi, a le laʼnē á leyā á mbū pɛ.

Lomɛŋ 15:16

Á gɔ́ páʼ, a le lɔ̄k á gá ŋghʉ̄ á ŋgaŋ afaʼ Yɛɛ́so Klísto, á mbū epuɔ pīi é té epuɔ Yúda á. Ńchʉ́ á gá ŋ́gɛ, meŋ etswī ŋke mbɔŋ Ndém, tɛ́ Azwakne Ndém a eghʉ̄, epuɔ pīi é té epuɔ Yúda á, e ecʉ́ʼ páʼ epɔʼ yīi, mɛ́ é yá á mbū Ndém, tɛ é pɔŋ á yí lā.

Lomɛŋ 15:24

meŋ á jʉ́ɔ ŋ́gɛ, meŋ a shʉʼ enɔŋ egʉɔ mé alāʼ epuɔ Apaŋyáŋ, éshʉʼ á alāʼ pɛ. Meŋ á si ntsáa á gá á leshʉʼ ŋgē egʉɔ mé éwú, ńtsia tɛ njʉ́ɔ á wɛ́, pɛ emāʼ mvēŋ ánɛ meŋ, ńdɔk ntswíte á gá á legʉɔ tɛ ŋkó éwú. Mbɔ meŋ á jhʉ́ apɛ ánɛ páʼ, ḿpɛ é náʼ nnáŋ.

1 Kɔlɛŋte 2:4

Meŋ nde shuŋnéē, ŋ́gē etswii ŋke mbɔŋ á mbū pɛ, meŋ te lɔ̄k á azhɛ̄‑anu epuɔ menɔŋ tɛ́ ŋghʉ̄, pɛ evéŋ ɛ́. Azwakne Ndém mé nɔŋ ndɔ̄kɔ mete mí ŋghʉ̄ɛ, pɛ ezhɛ́ á légɛ, ŋke mɛ́t é anuúnē.

2 Kɔlɛŋte 12:12

Meŋ ndɛ á tsetsɛlɛ pɛ, ŋ́ghʉ̄ menu mīi é tswii á légɛ, meŋ á si ŋgɔ́ á nziŋ‑ntō. Á gɔ́ á lekwɛ̄t ntē ánɛ menu ntsem, ŋ́gɔ́ á leghʉ nda jʉɔ́ menu, ŋ́gɔ́ á leghʉ meŋkʉʼne menu, ŋ́gɔ́ á leghʉ menu mīi, é tswii mete Ndém.

Galat 3:5

Ndém a le gē eyá Azwakne zí á mbū pɛ, ŋ́gē eghʉ meŋkʉʼne anu á nnɔ pɛ páʼā, a te efhó ánɛ wɛ́ á lekūʼte mbé mí í. A le fhó ánɛ páʼ pɛ le júʼ ŋke mbɔŋ, ḿvéŋ.

Kɔlɔs 1:25

Meŋ ndē ncʉ́ʼ á ŋgaŋ afaʼ Ndém, éfāʼa á gá á letswi ŋke mɛ́t, á mbū alúŋ epuɔ Yɛɛ́so. Ndém mé le tsekné ajʉɔ afaʼ mɛ́t, á mbū meŋ, melaʼ mɛ́. Afaʼ mɛ́t, á gɔ́ á gá á lekɛ̄ʼte ashuŋne zí ntsem, éshúŋ á wɛ́.

1 Tesalonik 1:5

Pek é si nzhɛ́ɛ épúp melaʼ mīi, pek le gē etswi ŋke mbɔŋ á mbū pɛ, pek te lɔ̄k áa ashuŋne ndaʼá, Azwakne Ndém á le zéŋ nnɔŋ ndɔ̄kɔ mete mí, ńtswítɛ á wék. Pek le nɔ̄ŋ ncuŋtɛ nzhɛ́ɛ á légɛ, anu zīi pek shúŋɔ, á anuúnē. Ḿpek lɛ á tsetsɛlɛ pɛ épúp, pɛ enɔŋ njʉ́ɔ ntií atswhī zīi pek wɛ̄ɛ, ŋ́gwīɛ̄ épúp, ńdɔkɔ ntswítɛ á wɛ́.

2 Timotɛ 4:17

Pɔ́ le wáʼ á gá páʼā, Atsyapuɔ á ké nnɔ̄ŋ ntɔ́tɛ á gá, éfho á nchu mena nzwi, ésāʼ á gá. Ŋ́gyá á gá mete á lelɔk ntswī ŋke yí, páʼ mɛ́ pɔŋteé á letswi épúp. Meŋ tswīi épúp, tɛ epuɔ metsem pīi, é té epuɔ Yúda á, é júʼ.

Eble 2:4

Pɔ́ le gē etswi ŋke mɛ́t, Ndém á nɔŋ ndɔ̄kɔ meyiŋne menu, mbɔɔ meŋkʉʼne menu ntií ntiī, pɔ́ metsiá menu, ńtɔ́tɛ. Ńzéŋ nzápa ánɛ Azwakne zí, ŋ́gyá mete á mbū awíɛ awíɛ, á lelɔk ŋghʉ̄ mefaʼ, páʼ yí Ndém a á kɔŋ.

1 Piɛ 1:12

Ndém a le kɛʼté eshúŋ á wɔ́p ŋ́gɛ, ŋke yīi mɛ́ le gɛ, pɔ́ egʉɔ ntswī, é té cʉ̄te á wɔ́p pɔ́p méŋwɛ̄t ɛ́, ŋ́ké mbiŋ ncʉ̄te á wɛ́. Ŋke mɛ́t, tɛ́ wɔ shúŋ‑anu Ndém, ŋ́ke mbɔŋ, pɔ́ é ayáʼa ntswīi, á mbū pɛ. Ŋké ndɔ̄kɔ áa mete Azwakne Ndém, páʼ Ndém a le fhó á lephū ŋgyá lā, tɛ́ ntswīi. Mecɔʼ Ndém, é zeéŋ nnɔŋ eshʉ́ɛ́ azɔ́p, á lezhɛ̄ ŋke wuɔ mɛ́t.