Lomɛŋ 15:18 - Eka Eswhī

¹⁸ Meŋ ŋaʼaá nchu gá, ńdɔk eshúŋ áa ajū mīi, Klísto a le zapá ánɛ meŋ ŋghʉ̄, tɛ́ epuɔ pīi é té epuɔ Yúda á, é júʼ nchu Ndém. A le zapá ánɛ meshuŋne má, mbɔɔ ánɛ ega leghʉ, tɛ́ ŋghʉ̄ épúp.

Lomɛŋ 15:18 Iomraidhean Croise

Matío 25:16

Ŋgaŋ afaʼ yīi, mɛ́ le yá ŋkāp ŋkhʉ táa á mbū yí lā, á gʉɔ ndɔ̄k ŋkāp mɛ́t ntáŋ esaá, tɛ njhʉ́ apɛ emɔ̄ʼ ŋkhʉ táa.

Málkúsi 16:20

Megaŋ nnɔ Yɛɛ́so ntsem é pú ŋgʉ̄ɔ, ŋ́kʉ́ʼne ejʉʼ tsem ntswī ŋke mbɔŋ. Atsyapuɔ á nɔŋ ntswítɛ á wɔ́p ánɛ afaʼ jʉɔ mɛ́t, ḿbiŋɛ ŋghʉ̄ɛ pɔ́ ghʉɛ meŋkʉʼne anu, e nɔŋ ntswīi á légɛ, ŋke mɛ́t é fhɔ́ɔ á mbū Ndém.]

Mefaʼ Meziŋ-ntō 14:27

Ŋ́gʉɔ tɛ ŋkó éwú, ńtɔ́ŋ megaŋ alúŋ epuɔ Yɛɛ́so, éshúŋ á wɔ́p páʼ, leziŋ a ke tɔ́k épúp. Éshúŋ á wɔ́p páʼ Ndém a ke tswitéē, ńtsɔ́ʼ á mɛnzhɛ, epuɔ pīi é té epuɔ Yúda á, é fɛ́ nnɛ̄t ŋgyá á mbū Yɛɛ́so.

Mefaʼ Meziŋ-ntō 15:12

Piɛ á shúŋne épúp, epuɔ metsem é pú ndáŋte, ŋ́gɔ̄ á njúʼ anu zīi Baanabas pɔ́ Pɔ́ɔl é gɔ á eshúŋɔ. Pɔ́ lɛ mbɛ́te eshúŋ á wɔ́p páʼ, pɔ́ ke wúa epuɔ pīi, é té epuɔ Yúda á, Ndém á nɔŋ ntsīa ánɛ pɔ́p, ŋ́ghʉ̄ɛ meŋkʉʼne anu mīi, é tswii mete mí á tsetsɛlɛ pɔ́p.

Mefaʼ Meziŋ-ntō 15:4

Pɔ́ gʉɔ tɛ ŋkó á Yelósalɛm, alúŋ epuɔ Yɛɛ́so pɔ́ meziŋ‑ntō Yɛɛ́so mbɔɔ epɔ̄ melʉɛ, é tswí á wɔ́p á mbɔŋɔ́. Pɔ́ɔl pɔ́ Baanabas é pɛ́te eshúŋ á wɔ́p menu mīi, Ndém a ke tswité á wɔ́p, pɔ́ ghʉ.

Mefaʼ Meziŋ-ntō 21:19

Pɔ́ɔl á tsaʼte á wɔ́p, ḿbiŋ mbɛ́te á taʼ á taʼ eshúŋ á wɔ́p menu mīi, Ndém a ke tsīa ánɛ mbū mí, ŋ́ghʉ̄ á tsetsɛlɛ epuɔ pīi, é té epuɔ Yúda á.

Mefaʼ Meziŋ-ntō 26:20

tɛ meŋ kʉʉ̄ŋ ndáʼ ńzī á leshūŋ anu zí á mbū epuɔ Damas, ḿbáte epuɔ Yelósalɛm, éshʉʼ eshúŋ á mbū epuɔ Yudéa ntsem, mbɔɔ á mbū emɔ̄ʼ melāʼ ndɛʼɛ ŋ́gɛ, pɔ́ egɔ̄ nnɛ̄t zɔp, ŋ́gwáʼ atswhī tepɔŋ zɔ́p, ḿbīŋ nzem á mbū Ndém, ḿbiŋ ŋghʉ̄ menu membɔŋ mīi, é tswii á légɛ, pɔ́ é wáʼ atswhī tepɔŋ zɔ́p.

Lomɛŋ 1:5

Ndém a le zapá ánɛ yí, ŋ́gwɛ̄ apɔŋɔ́ ntē te ndhʉ ánɛ meŋ, ŋ́ghʉ̄ meŋ ecʉ́ʼ á nziŋ‑ntō. Éfāʼa ŋ́gɛ, meŋ eghʉ̄, elāʼ ntsem e efɛ́ nnɛ̄t ŋgyá á mbū Klísto, ńjúʼ nchu yí. Meŋ eghʉ̄ɛ épúp, ńdɔkɔ ŋgūʼtɛ á yí.

Lomɛŋ 16:26

Á ké ŋgɔ́ tsetsɔŋɔ, mbɔ meŋwaʼne metswi‑ŋke Ndém, é lē ŋghʉ, ntsem mɛ́t é tó á ntentā. Ndém yīi a naáŋ lemiʼɛ, a lē ntswi ŋ́gɛ, mɛ́ eghʉ̄, epuɔ elāʼ tsem, é ezhɛ́ ntsem mɛ́t. Ńzhɛ́ épúp, éfɛ́ nnɛ̄t ŋgyá mé yí, ńjúʼ nchu yí.

Lomɛŋ 6:17

Ḿpɛ eké ŋgūʼte á Ndém. Pɛ lɛ amɔ̄ʼ afʉʼ, ŋgɔ́ apuʼ mefa. Á piīŋ ŋgɔ́ tsetsɔŋɔ, anu zīi epuɔ é le ziʼnéē, pɛ júʼ mvéŋ, pɛ ekúʼte mé ntē wɛ́ ntsem.

2 Kɔlɛŋte 11:31

Ndém, á Mɔʼɔ́ Atsyapuɔ yímpɛ Yɛɛ́so, a á si nzhɛ́ɛ á légɛ, meŋ te ntáŋa mela á. Awuʼte a egɔ́ á mbū yí á lemiʼɛ.

2 Kɔlɛŋte 12:6

Meŋ á nzi ŋgwíʼe nnɔ̄ŋ ŋkɔ̄ŋɔ á gá á leŋia, mbɔ meŋ te ndɔ̄kɔ ŋgɔ́ɔ apia á, mbɔ meŋ ndɔkɔ eshúŋɔ áa anuúnē. Táʼ, meŋ ké ka kɔ̄ŋ á gá á leŋia á, melaʼ mīi, meŋ te si ŋkɔ̄ŋɔ ŋ́gɛ, epuɔ ewɛ̄ á akwaŋte ndɛʼɛ, tɛ a etɔ́k ajū mīi, pɔ́ é si njʉ́ɔ á gá á leghʉ, ká ázi pɔ́ é si njúʼu á gá á leshūŋ ɔ́.

2 Kɔlɛŋte 3:5

Pek lɛ te lɔ̄k mete mék méŋwɛ̄t, tɛ́ ŋkūʼ á leghʉ mefaʼ mɛ́t, tɛ ŋgɔ́ yīi pek gɔ epú ŋŋáʼne ɛ́. Ndém mé si ŋgyáa á wék mete á lelɔk ŋkūʼ á leghʉ ajūɔ tsem.

2 Kɔlɛŋte 6:1

Páʼ pek a Ndém mé si mbútɛ ŋghʉɛ afaʼ lā, pek é si swíŋtɛ á wɛ́ ŋ́gɛ, ndɛ́ʼ pɛ elɔ̄ɔk apɔŋɔ́ ntē te ndhʉ zīi, Ndém a le néŋ á ntē pɛ, ŋ́ghʉ̄ mega.

Galat 2:8

Ndém yīi a le yá mete á mbū Piɛ, á cʉ́ʼ á nziŋ‑ntō yi á mbū epuɔ Yúda, a le zéŋ ŋgyá mete á mbū meŋ, meŋ ncʉ́ʼ á nziŋ‑ntō yi, á mbū epuɔ pīi, é té epuɔ Yúda á.

Kɔlɔs 3:17

Ajūɔ tsem zīi, pɛ gɔ eshúŋ, ká azi pɛ gɔ eghʉ̄ʉ, pɛ epú ŋghʉ̄ páʼ epuɔ pīi, pɔ́ lɛtneē ánɛ Atsyapuɔ Yɛɛ́so, é pɔŋteé á leghʉ épúp. Ńzápa ánɛ Atsyapuɔ mɛ́t, ésyákne á Mɔʼɔ́ yímpɛ Ndém.

2 Tesalonik 2:17

Ŋ́gɛ pɔ́ elɛ nnéŋ azaŋne á ntē pɛ, ńtswíte á wɛ́ á leghʉ mefaʼ mbɔŋ, mbɔɔ leshūŋ ashuŋne mbɔŋ.

Eble 11:8

Á le fhó ánɛ páʼ, Ablaham a le fɛ́ nnɛ̄t épúp, ŋ́gyá á mbū Ndém, tɛ́ Ndém á tɔ́ŋ á yí, á lɛ mvéŋ, ŋ́gʉ̄ɔ mé alāʼ zīi, Ndém a le phʉ́ á leyā á mbū yí ŋ́gɛ, a ecʉ́ʼ azí. Ŋ́gē egʉɔ, a te nzhɛ́ ajʉʼ zīi, a gʉɔ mé éwú ú.

Eble 5:9

Ndém á náŋ á yí ánɛ mía ajʉʼ, á cʉ́ʼ á mbū epuɔ pīi é juúʼ nchu yí, ŋ́gɔ́ á Ŋghʉɛ‑mɛ́‑tswɛ́t á lemiʼɛ.

Jáak 1:22

Ndɛ́ʼ pɛ lɛ nzwíʼte ashuŋne Ndém zwíʼte. Pɛ eghʉ̄ páʼ ashuŋne mɛ́t, á si ndʉ́ɛ́ épúp. Tɛ á té épúp ɔ́, mbɔ á páʼā, pɛ lɔ̄kɔ mbɔ̄ptɛ áa mennɛ̄t mɛ́,

1 Jáaŋ 3:18

Ewɔŋkhʉ̄ pá, ndɛ́ʼ ḿpɛ elɔ̄k mekup nchu, mbɔɔ mesisia meshuŋne tɛ́ ŋkɔ̄ŋne. Ḿpɛ elɔ̄k á leghʉ, tɛ́ ntswī ŋkɔŋne. Ŋ́kɔ̄ŋne á kwaʼ anuúnē.

Zwide 1:9

Tɛ́ mbɔ Míshʉɛ, á tɛ ŋgyā mecɔʼ Ndém, a lɛ te épúp ghʉ. A le nɔ̄ŋ ndʉʼɛ anu á nchu Sɛ́ta, pɔ́ yí é nɔŋ ntɔ̄ʼnɛ apfhō Mɔɔ́sɛ, á láʼ te lé anu á mbū Sɛ́ta tɛ ndɔ̄k nzɔ̄te á yí í, ńdaʼ páʼ a le lé me yí ŋ́gɛ: «Tɛ Atsyapuɔ Ndém, a elɛ ntswá á wú ŋgʉɔ athʉ́ lepé. »