Lomɛŋ 15:15 - Eka Eswhī

¹⁵ Meŋ nde nɔ̄ŋ nzhɛ́ɛ épúp, tɛ́ ŋké ntí té lʉɔ amɔ̄ʼ azō, ánɛ emɔ̄ʼ mejʉʼ á ntē mekɛtte má, ńdɔk ŋkímte á wɛ́ á ajū mīi, mɛ́ lē ndáʼ nzíʼne á wɛ́. Meŋ nde gē etí épúp, éfhɔ́ɔ ánɛ apɔŋɔ́ ntē te ndhʉ zīi, Ndém a le wɛ̄ ánɛ meŋ.

Lomɛŋ 15:15 Iomraidhean Croise

Lomɛŋ 1:5

Ndém a le zapá ánɛ yí, ŋ́gwɛ̄ apɔŋɔ́ ntē te ndhʉ ánɛ meŋ, ŋ́ghʉ̄ meŋ ecʉ́ʼ á nziŋ‑ntō. Éfāʼa ŋ́gɛ, meŋ eghʉ̄, elāʼ ntsem e efɛ́ nnɛ̄t ŋgyá á mbū Klísto, ńjúʼ nchu yí. Meŋ eghʉ̄ɛ épúp, ńdɔkɔ ŋgūʼtɛ á yí.

Lomɛŋ 12:3

Meŋ á lɔk páʼ Ndém a le ghʉ̄ anu mbɔŋ té ndhʉ ánɛ meŋ la, ńdé á mbū awíɛ awíɛ á tsetsɛlɛ pɛ ŋ́gɛ: ndɛ́ʼ ŋiŋ á nɛ́tte. Ndɛ́ʼ ŋiŋ á ghʉ, mɛ́ lɔk á yí ntɔ́ŋ á ajū mīi, a te aziɛ́ ɛ́. Awiɛ́ awiɛ́ a ecuŋte nzhɛ́ páʼ yí é épúp. Awíɛ awíɛ a efhó ánɛ páʼ, Ndém a le yá á yí á lefɛ̄ nnɛ̄t épúp, tɛ́ nzhɛ́ páʼ yí é épúp.

Lomɛŋ 12:6

Ndém a le zapá ánɛ apɔŋɔ́ ntē te ndhʉ zí, ŋ́gyá eyi nthū awiɛ́ á lelɔk ŋghʉ̄ mefaʼ mí, é tswhi. A gɔ́ éyi, eyi nthū ŋiŋ, é si ŋgɔ́ á letswi ŋke Ndém, á fhó ánɛ páʼ lefɛ̄ nnɛ̄t yímpɛ, a á si nzɛ́ttɛ ŋ́gɛ mɛ́ ezīŋ épúp, tɛ́ ntswī.

1 Kɔlɛŋte 15:10

Táʼ, Ndém a le ké nzápa ánɛ apɔŋɔ́ ntē te ndhʉ zí, tɛ́ ŋghʉ̄ meŋ ecʉ́ʼ ajū mīi, meŋ á ayáʼa ŋgɔ́ aziɛ́ la. Apɔŋɔ́ ntē te ndhʉ mɛ́t zīi, a le wɛ̄ ánɛ meŋ, á lɛ te ndémndēm azō ɔ́. A cʉ́ʼɛ épúp mbɔ, meŋ nde ghʉ̄ afaʼ ntɔ́k meziŋ‑ntō metsem. Meŋ te ndʉ́ɛ́, ńdɔ̄k mete má tɛ́ ŋghʉ̄ afaʼ á, mete Ndém mé le tswité á gá á leghʉ.

1 Kɔlɛŋte 3:10

Ndém a le yá á gá meshhʉ̄, tɛ́ meŋ ndɔ̄ɔk ŋkūʼ á gá á lenɔŋ atseŋ ŋgyā mɛ́t, á tsetsɛlɛ pɛ, páʼ mbɔŋ mbɔɔ‑ŋgyā lā. Mmɔʼ ŋiŋ á shʉʼ ŋkɔ́ʼne mbe. Táʼ, awíɛ a eké ndāk athū zí, ánɛ ntií zīi, a lɔkɔ ŋkɔ́ʼnɛ mbe ŋgyā mɛ́t.

Galat 2:9

Jáak pɔ́ Piɛ mbɔɔ Jáaŋ, é le fhó épúp, ńzhɛ́ apɔŋɔ́ ntē te ndhʉ zīi, Ndém a wɛɛ̄ ánɛ meŋ, á wɔ́p pīi, pɔ́ é si ŋgɔ́ mentɔ̄ ánɛ alúŋ epuɔ Yɛɛ́so. Pɔ́ le zhɛ́ épúp, ńtswí apū zék, á azá mbɔɔ azi Baanabas, ńdɔk ntswī á légɛ, pek a pɔ́p é taʼ nchu. Púp, pek gē egʉɔ á ntswiī ŋke mbɔŋ á mbū epuɔ pīi, é té epuɔ Yúda á, pɔ́ gʉɔ ntswī á mbū epuɔ Yúda.

1 Timotɛ 4:6

Shúŋ menu muɔ mɛ́t ntsem, á mbū epɔ̄ memía, púp, ńdɔk ŋgɔ́ á mbɔŋ ŋgaŋ afaʼ Yɛɛ́so Klísto. Ńzīŋ páʼ ashuŋne Ndém zīi, ḿpɛ kuʼteé tɛ á te, á si ndʉ́ɛ́ épúp. Ŋ́kúʼte menu ntsem mīi, mɛ́ ke ziʼné á wú.

2 Timotɛ 1:6

É melaʼ épúp tɛ́ meŋ kímtɛ á wú ŋ́gɛ, te cʉ́ʼ, menu mbɔŋ mīi, Ndém a le néŋ á ntē wu, ŋ́gɛ o eghʉ̄, á afʉʼ zīi meŋ nde zapá mbū á athū wu lā, é lí.

2 Timotɛ 2:14

Kímte menu muɔ mɛ́t, á mbū epuɔ metsem, ńtshí á mvhɔ Ndém, éshúŋ á wɔ́p esīa sia ŋ́gɛ, ndɛ́ʼ pɔ́ zɔŋ ashuŋne. Pɔ́ ghʉɛ épúp, mbɔ á gɔ le á wɔ́p tswíte. A cʉ́ʼɛ épúp, mbɔ pɔ́ e ghʉ, epuɔ pīi é júʼɔ meshuŋne mɛ́t, e éfhó á nzem Ndém ntó.

Tíit 3:1

Kímte á mbū epuɔ Yɛɛ́so metsem ŋ́gɛ, pɔ́ pɔŋteé á lejūʼ nchu wɔ sáʼ‑alāʼ, ńchu wɔ tɛ́ne‑alāʼ, ŋ́ghʉ̄ ajū mīi pɔ́ é si nzɛ́ttɛ. Ŋ́gɔ́ efʉʼ metsem, ntshí á leghʉ mefaʼ membɔŋ.

Eble 13:22

Epɔ̄ memía, meŋ á si ndʉ́ɛ́ ŋ́gɛ, pɛ ekúʼte anu jʉɔ zīi, meŋ á shúŋ, ńdɔk ŋgyá á wɛ́ ŋgate lāa, té záŋte nnɛ̄t. Akɛtte zīi meŋ á tí á mbū pɛ, á zi ka tswhī esāk á.

1 Piɛ 5:12

Méŋ atsém akɛtte wuɔ mɛ́t, a á páʼa, mbɔ Silvɛŋ mé ntswíte á gá á letī á mbū pɛ. A á si ŋgɔ́ á méŋ mɔ́ ga á nzem Klísto. Ŋ́gɔ́ á ŋiŋ yīi, mɛ́ gɔ etém nzem ŋgyá á mbū yí. Meŋ á ntíi, ńdɔkɔ ŋgyáa á wɛ́ ŋgate, ńzéŋɛ ndɔkɔ ŋkɛ́ʼtɛ eshúŋɔ á wɛ́ páʼ, Ndém a ghʉʉ̄ anu mbɔŋ té ndhʉ épúp, ánɛ pímpɛ. Pɛ echʉ́ nnɛ̄t ŋkúʼte épúp, ńdɔk nnáŋ.

2 Piɛ 3:15

Pɛ ecuŋte nzhɛ́ á mbɔŋɔ́ á légɛ, Atsyapuɔ a te ŋgáknɛ á leshʉʼ ɛ́ páʼā, ńdɔkɔ ŋgyáa eshhʉ̄ á mbū epuɔ, á lefū ntswɛ́t. Ánɛ ajʉɔ anu mɛ́t, mbɔ Ndém a le yá azhɛ̄‑anu á mbū méŋ mɔ́ yímpɛ Pɔ́ɔl, ŋ́gɔ́ á esoó yímpɛ, á lɔk ntí menu muɔ mɛ́t eshúŋ á wɛ́.

1 Jáaŋ 5:13

Meŋ tíi akɛtte jʉɔ, á mbū pɛ páʼa, ńdɔkɔ efāʼa ŋ́gɛ, pɛ ezhɛ́ á légɛ, pɛ pīi pɛ fɛɛ́ nnɛ̄t ŋgyá á mbū Méŋ Ndém, pɛ lē ndáʼ ntā á lezēŋ Ndém.