Lomɛŋ 15:14 - Eka Eswhī

¹⁴ Epɔ̄ memía pá, meŋ á si ncuŋtɛ nzhɛ́ɛ azō ánɛ pɛ, á gɔ́ á légɛ, pɛ é megaŋ ntē mbɔŋ. Ńzhɛ́ á ajū mīi, mɛ́ pɔŋteé á lezhɛ̄, tɛ ntsékne. Ŋ́kūʼ pīi, pɛ gɔ etékne mennɛ̄t mɛ́ nzeŋne zeŋné.

Lomɛŋ 15:14 Iomraidhean Croise

1 Kɔlɛŋte 1:5

Ésyáknɛ épúp melaʼ mīi, Ndém a tsiā ánɛ Yɛɛ́so Klísto, ŋ́gyá á wɛ́ etsō mbɔŋ ntsem tɛ é záne. Ŋ́gyá á wɛ́ á leshūŋ ashuŋne zí, mbɔɔ á lejūʼ ashuŋne zí.

1 Kɔlɛŋte 12:8

Azwakne Ndém, á yaá eyi nthū mmɔʼ ŋiŋ, á gɔ́ á yí á lelɔk eshúŋ anuúnē zīi, ánɛ Ndém. Ńzɛ́t áa Azwakne mɛ́t, ŋ́gyá eyi mmɔʼ ŋiŋ, é gɔ́ á yí á lelɔk nzhɛ́ metsō, éshúŋ.

1 Kɔlɛŋte 13:2

Meŋ zi nnɔ̄ŋ ntswīi ŋke yīi, Ndém mé tswi, ńnɔŋ nzhɛ́ɛ á gá á leghʉ ajūɔ tsem, ńnɔŋ nzhɛ́ɛ ajūɔ tsem zīi, Ndém a le lʉ̄ɔ̄, ńzī efɛ́ nnɛ̄t ŋgyá á mbū Ndém tɛ ntsékne, tɛ ŋgɔ́ yīi meŋ gɔ elé á mbū lekwɛ̄t ŋ́gɛ, e efhó ega ntsɔ́ʼɔ. Meŋ gɔ́ épúp, ḿbīŋ te ŋkɔŋne á ntē meŋ wɛɛ̄, mbɔ meŋ mbuú te azō ɔ́.

1 Kɔlɛŋte 8:1

Ŋ́gɔ́ ánɛ mbap zīi, mɛ́ é lɔk ŋgwáʼ njʉʼ á mbū ajūɔ tsem zīi, mɛ́ lɔkɔ ŋghʉ̄ɛ á Ndém, mbɔ pɛ é si ndʉ́ɛ́ ŋ́gɛ, ḿpɛ metsem é zhɛɛ́ azō éwú. Ńdʉ́ɛ́, á zéŋ ŋgɔ́ épúp. Táʼ, azō mɛ́t zīi, ḿpɛ é si nzhɛ́ɛ lā, á si ŋghʉ̄ɛ, ḿpɛ cʉ́ʼɛ ŋŋīa ŋia. Ajū mīi, á ké gɔ á tswíte á yímpɛ á legʉɔ mé mvhɔ, á si ŋgɔ́ á lewɛ ŋkɔŋne, á tsetsɛlɛ pímpɛ.

1 Kɔlɛŋte 8:10

Ḿpɛ elɛ ndé ŋ́gɛ, ŋiŋ yīi a zɛɛ́t te zhɛ́ anuúnē ánɛ melém, a jʉ́ɔ á wú, wu yīi o ó si nzhɛ́ɛ anuúnē, o náŋ á ŋgyā mesī mpfɛ́tɛ mbap zīi, mɛ́ lɔk ŋgwáʼ njʉʼ, mbɔ akwaŋte zí á té tshóne á yí, á legʉɔ mpfɛ́t azí lɛ̄?

1 Kɔlɛŋte 8:7

Táʼ, emɔ̄ʼ epuɔ á nnɔ pímpɛ, é té si nzhɛ́ɛ á légɛ, melém é té etsō ɔ́. Pɔ́ lē ŋgūa mesī, tɛ ntshí mé ayáʼa. Pɔ́ pfɛɛ́t mbap zīi, mɛ́ lɔk ŋgwáʼ njʉʼ, ńjʉ́ɔ á gɔ́ páʼ, pɔ́ wuʼtɛ melém lā. Pɔ́ zɛɛ́t te tete ánɛ mɛnzhɛ Ndém. Á épúp tɛ́ pɔ́ kwaāŋ ŋ́gɛ, mbap mɛ́t zīi pɔ́ é pfɛ́t lā, e é tseŋ lenāŋ tsɔ́p a Ndém.

2 Kɔlɛŋte 8:7

Pɛ wɛɛ̄ ajūɔ tsem, tɛ á zá ntɔ́k: á lefɛ̄ nnɛ̄t ŋgyá á mbū Ndém, á lezhɛ̄ leshūŋ anu Ndém, á lezhɛ̄ anu Ndém, á lekhʉ̄ne ánɛ mefaʼ Ndém ntsem, á lewɛ ŋkɔŋne páʼ pek le ziʼné á wɛ́ épúp. Púp, pɛ ezéŋ ŋkó ánɛ anu jʉɔ mɛ́t, ńtswī á mbɔŋɔ́ á légɛ, pɛ zhɛɛ́ á lewɛ azō ŋgyá á ŋiŋ.

Efɛze 5:9

Ŋiŋ yīi a naáŋ á ntē ŋkaʼ, a eghʉ̄ menu membɔŋ, ńzīŋ ndeŋ ndeŋ, ńnáŋ mé anuúnē.

Fílíip 1:11

Yɛɛ́so mɛ́t, a a shʉʼ eghʉʉ, ajūɔ tsem zīi, pɛ ghʉɛ, a egɔ́ áa mbɔŋ. Epuɔ menɔŋ e ejʉ́ɔ épúp, ŋ́ghʉ̄ mekuʼ Ndém, ńzéŋ ŋgūʼte á yí.

Fílíip 1:7

Á mbɔŋ á mbū meŋ, á lewɛ ejʉɔ ntií akwaŋte ánɛ pɛ metsem, melaʼ mīi, meŋ tshií ntē gá tɛʼ, ánɛ pɛ. Mbɔɔ páʼ Ndém a ke tswī apɔŋɔ́ ntē te ndhʉ ánɛ pímpɛ, ŋ́ghʉ̄ pɛ etswíte á gá á afʉʼ zīi, meŋ ke nɔ̄ŋ nchʉ́ɛ nnɛ̄t ntswīi páʼ, ŋke mbɔŋ é anuúnē, mɛ́ piŋ mbɔ́ŋte á lenēŋ ntē éwú. Ńzéŋ ntswíte á gá tsetsɔŋɔ, páʼ meŋ á ŋgyā atʉɛ́.

Kɔlɔs 3:16

Ŋ́gɛ ashuŋne Klísto, páʼ á wɛɛ̄ lewūʼ ntsem lā, a egɔ́ á ntē pɛ efʉʼ metsem. Pɛ elɔ̄k azhɛ̄‑anu, ńzíʼne anu Ndém á nnɔ pɛ, ńzeŋne zeŋné, ńtékne mennɛ̄t mɛ́. Pɛ ezɔ̄p mé ntē wɛ́ ntsem, ńdɔk ŋgūʼte á Ndém. Ńzɔ̄p mezɔp ntshi mīi, é ntē aŋwaʼne Ndém, ńzɔ̄p mezɔp ntshi epuɔ Yɛɛ́so. Ńzɔ̄p mezɔp ntshi mīi, Azwakne Ndém á néŋ á ntē pɛ.

1 Tesalonik 5:11

Á épúp tɛ́, pɛ esēmte mennɛ̄t mɛ́ nzeŋne zeŋné, ńtswíte mennɛ̄t mɛ́ nzeŋne zeŋné, á letswiʼne ntswhí ánɛ mɛnzhɛ Ndém, páʼ pɛ é nzi ndáʼ nnɔŋ ŋghʉ̄ɛ épúp lā.

1 Tesalonik 5:14

Pek é si ntswiʼnɛ esēmtɛ á wɛ́ me epɔ̄ memíá, ŋ́gɛ pɛ etswɛ̄te epuɔ pīi, lenāŋ tsɔ́p é té pɔŋ, ŋ́gyá ŋgate á mbū epuɔ pīi, afhʉte zɔ́p á si nzīŋɛ, ńtɔ́te epuɔ pīi, pɔ́ é si mbwɛ́tɛ ánɛ meshhʉ̄ ntsem. Pɛ ewɛ̄ asekɛ́‑ntē ánɛ epuɔ metsem.

2 Tesalonik 1:11

É melaʼ páʼa mɛ́t, tɛ́ pek swiŋteé á Ndém á athū pɛ, té ká. Éswíŋtɛ ŋ́gɛ, Ndém yímpɛ a elɛ ŋghʉ̄, pɛ ekūʼ á lenāŋ páʼ, a lɛɛ́ ntɔ́ŋɔ á wɛ́ ndɔkɔ ŋghʉ̄ɛ epuɔ pí páʼā, ŋ́gɛ pɛ enáŋ épúp. Ŋ́gɛ a elɛ ndɔ̄k mete mí, ŋ́gyá á wɛ́ á leghʉ menu mbɔŋ mīi, pɛ é kwaŋte. Ŋ́gɛ a elɛ ŋghʉ̄, pɛ etswiʼne ŋghʉ̄ ajū mīi, lefɛ̄ nnɛ̄t wɛ a á si ntshónɛ á wɛ́, pɛ ghʉ̄ɛ.

2 Timotɛ 1:5

Meŋ á si ŋkímtɛ páʼ, o fɛɛ́ nnɛ̄t ju, ŋ́gyá á mbū Yɛɛ́so mé taʼ ntē. Mbɔ Loyísi, á mía mɛ́ wu, mbɔɔ mɛ́ wu Enis é le fɛ́ azɔ́p. Meŋ á si nchʉ́ɛ nnɛ̄t nzhɛ́ɛ á légɛ, o fɛɛ́ ajú nnɛ̄t ŋgyá á mbū Yɛɛ́so, páʼ pɔ́p.

Filemɔŋ 1:21

Meŋ tíi akɛtte jʉɔ páʼā, ńnɔŋ ncūŋtɛ nzhɛ́ɛ á légɛ, o o lɛ eghʉ ajū mīi, meŋ á si nzɛ́ttɛ á wú, éghʉ tɛ emaʼ á afɛ̄.

Eble 5:12

Á le gɔ́, á ge egɔ́ páʼa, mbɔ pɛ lē ndáʼ ncʉ́ʼ meziʼnɛ. Á piīŋ ŋgɔ́ tsetsɔŋɔ, mɛ́ zɛ́t mbɔ́ŋte á lezēŋ nzíʼne á wɛ́ epɔ̄ metsō, ánɛ anu Ndém. Á pú ŋgɔ́ gɔ́ɔ, tɛ mɛ́ e cʉ́ʼɛ eyáa á wɛ́ áa lepē, mbɔ á ŋgɔ́ yīi a ke gɔ́, mɛ́ cʉ́ʼɛ ŋgyáa á wɛ́ áa etsō lejhʉ̄ tsīi, é si ntētɛ.

Eble 6:9

Ŋ́ké ŋgɔ́ mé pɛ mepɔŋ mesoó pá, mbɔ pek ké ndʉ́ɛ́ páʼa, ńnɔŋ nchʉ́ɛ nnɛ̄t nzhɛ́ɛ á légɛ, pɛ é ánɛ mɛnzhɛ mbɔŋ, á mɛnzhɛ letswɛ̄t.

2 Piɛ 1:12

Á páʼa ŋgɔ́ ajū mīi á ghʉɛ, meŋ ndáʼa nzóko ŋkímtɛ á wɛ́ menu muɔ mɛ́t. Tɛ mbɔɔ páʼ pɛ é si nzi nzhɛ́ɛ, ńnɔŋ ŋkúʼtɛ anuúnē, páʼ mɛ́ le ziʼné á wɛ́.

1 Jáaŋ 2:21

Meŋ tíi á mbū pɛ páʼā, meŋ te ndɔ̄kɔ ŋ́gɛ, pɛ te si nzhɛ́ɛ anuúnē ɛ́. Pɛ é si nzhɛ́ɛ anuúnē, ńzéŋ ńnɔŋ nzhɛ́ɛ á légɛ, mela é gɔ le tó ánɛ anuúnē ɛ́.