Lomɛŋ 15:13 - Eka Eswhī

¹³ Meŋ á si eswíŋtɛ ŋ́gɛ, Ndém, páʼ ḿpɛ zwiʼteé ajūɔ tsem áa mbū yí lā, a elɛ efhó ánɛ páʼ pɛ fɛɛ́ nnɛ̄t ŋgyá á mbū Klísto lā, ŋ́ghʉ̄, lekāk pɔ́ apwɛne e egɔ́ á ntē pɛ tɛ ndó. Tɛ́ mete Azwakne zí, é eghʉ̄, pɛ ecuŋte nzwíʼte ajū mīi, a le laʼnē á leyā á mbū pɛ.

Lomɛŋ 15:13 Iomraidhean Croise

Jáaŋ 14:1

Yɛɛ́so á zéŋ ndé á mbū nnɔ yí ŋ́gɛ: «Ndɛ́ʼ azō á ták leghi tsɛ́, pɛ é si fíɛ́ nnɛ̄t ŋgyáa á mbū Ndém, pɛ ezéŋ efɛ́ nnɛ̄t ŋgyá á mbū meŋ.

Jáaŋ 14:27

«Meŋ á tsya apwɛne á mbū pɛ. Meŋ á yá apwɛne zá á mbū pɛ. Meŋ te ŋgyáa ánɛ ntií zīi, epuɔ ŋgɔŋ puɔ, é lɔɔ̄k ŋgyá apwɛne ɛ́. Ndɛ́ʼ além zɛ́ á zéŋ ntsɔ́ʼɔ, ndɛ́ʼ pɛ ezéŋ ncɔ̄ʼ.

Lomɛŋ 12:12

Ajū mīi pɛ é si ntsáa, ńnɔŋ nzhɛ́ á légɛ Ndém a a láʼ eyá, pɛ egē ezwíʼte, ŋ́gɔ́ á ntē lekāk. Ŋ́kwɛ́t ntē, ánɛ afʉʼ ŋgʉɔ̄ʼ. Éswíŋte á Ndém té ká.

Lomɛŋ 14:17

melaʼ mīi, Lefɔ Ndém é té si ŋgɔ́ anu etsō lejhʉ̄ pɔ́ anu meluʼ ɔ́. É si ŋgɔ́ á lecʉ̄ʼ, Azwakne Ndém á ghʉ, mɛ́ lɔk á ndeŋ ndeŋ nnáŋ, ńnáŋ mé apwɛne, ńnáŋ mé lekāk.

Lomɛŋ 15:19

Ńzápa ánɛ páʼ Azwakne Ndém á le yá á gá mete, á lelɔk ŋghʉ̄ mendajʉ́ɔ menu, mbɔɔ meyiŋne menu mīi, é tswii mete Ndém, tɛ́ ŋghʉ̄ épúp. Púp, meŋ zīi, á Yelósalɛm, ńtɔ́kte nchʉ́ nnɛ̄t ntswī ŋke mbɔŋ ánɛ Klísto, tɛ ŋkó á apak ŋgɔŋ Ilili.

Lomɛŋ 15:5

Ŋ́gɛ Ndém yīi, a yaá á lekak ete, ŋ́gyá á lekwɛ̄t ntē, a elɛ ŋghʉ̄, pɛ enáŋ, ŋ́gɔ́ á taʼ nchu á nnɔ pɛ, páʼ Yɛɛ́so Klísto a kɔɔ̄ŋ épúp.

1 Kɔlɛŋte 2:4

Meŋ nde shuŋnéē, ŋ́gē etswii ŋke mbɔŋ á mbū pɛ, meŋ te lɔ̄k á azhɛ̄‑anu epuɔ menɔŋ tɛ́ ŋghʉ̄, pɛ evéŋ ɛ́. Azwakne Ndém mé nɔŋ ndɔ̄kɔ mete mí ŋghʉ̄ɛ, pɛ ezhɛ́ á légɛ, ŋke mɛ́t é anuúnē.

2 Kɔlɛŋte 9:8

Ndém a kuūʼ á leyā á ntií ntiī etsō mbɔŋ té ndhʉ á mbū pɛ, ńdɔkɔ efāʼa ŋ́gɛ, pɛ egɔ́ efʉʼ metsem, ŋ́gwɛ̄ ajūɔ tsem zīi, á kuʼ á mbū pɛ, tɛ nzéŋ ŋgwɛ̄ azi, pɛ gɔ eyá, ńdɔ̄k ntswíte á leghʉ mefaʼ mbɔŋ ntsem.

Galat 5:22

Pɛ eké njʉ́ɔ ntá zīi, Azwakne Ndém á ghʉ̄ʉ, ŋiŋ á zém. Á ghʉʉ̄, ŋiŋ á wɛ ŋkɔŋne. Ŋ́ghʉ̄, ŋiŋ á náŋ mé lekāk. Ŋ́ghʉ̄, ŋiŋ á náŋ mé apwɛne. Ŋ́ghʉ̄, ŋiŋ a te gákne nzáŋ á lɔ́ŋ ɔ́. Ŋ́ghʉ̄, ŋiŋ á wɛ apɔŋɔ́ ntē. Ŋ́ghʉ̄, ŋiŋ tswíte emɔ̄ʼ epuɔ. Ŋ́ghʉ̄, ŋiŋ á gɔ́ ŋiŋ yīi, mɛ́ gɔ etém nzem ŋgyá á mbū yí.

Efɛze 1:2

Ŋ́gɛ Mɔʼɔ́ yímpɛ Ndém, pɔ́ Atsyapuɔ Yɛɛ́so Klísto, e eghʉ̄ anu mbɔŋ té ndhʉ ánɛ pɛ, ŋ́ghʉ̄ pɛ enáŋ mé apwɛne.

1 Tesalonik 1:5

Pek é si nzhɛ́ɛ épúp melaʼ mīi, pek le gē etswi ŋke mbɔŋ á mbū pɛ, pek te lɔ̄k áa ashuŋne ndaʼá, Azwakne Ndém á le zéŋ nnɔŋ ndɔ̄kɔ mete mí, ńtswítɛ á wék. Pek le nɔ̄ŋ ncuŋtɛ nzhɛ́ɛ á légɛ, anu zīi pek shúŋɔ, á anuúnē. Ḿpek lɛ á tsetsɛlɛ pɛ épúp, pɛ enɔŋ njʉ́ɔ ntií atswhī zīi pek wɛ̄ɛ, ŋ́gwīɛ̄ épúp, ńdɔkɔ ntswítɛ á wɛ́.

1 Timotɛ 1:1

Akɛtte jʉɔ á fhɔ́ɔ á mbū meŋ Pɔ́ɔl, meŋ gɔ́ á nziŋ‑ntō Yɛɛ́so Klísto, páʼ Ndém mbɔɔ Klísto é le tswī épúp. Ndém a á si ŋgɔ́ á Ŋghʉɛ‑mɛ́‑tswɛ́t, Klísto á gɔ́ á ŋiŋ yīi, a ghʉɛ, akɔ̄ akɔ̄ lɛ́ zīi, ḿpɛ é si nzwíʼtɛ á mbū Ndém á puɔ.

Eble 6:11

Pek é si ntsáa á légɛ, awíɛ awíɛ á nnɔ pɛ, a ekúʼte á mbɔŋ atswhī wuɔ mɛ́t, tɛ ndáʼ nzōko, ńnéŋ á ntē yí á légɛ, yí é ndáʼ ŋgwɛ̄ ajū mīi, yí é si nzwíʼtɛ.

1 Piɛ 1:8

Á yí yīi, pɛ é si ŋkɔ̄ŋɔ á yí, té zi ŋgɔ́ aleʼé ntshí lezēk ánɛ yí. Á yí yīi, pɛ fɛɛ́ nnɛ̄t ŋgyá á mbū yí, tɛ nzī nzɛ́t áa té jʉ́ɔ á yí. Melaʼ épúp tɛ́, pɛ é ntē lekāk té ndhʉ, ŋ́kák tɛ ŋgɔ́ yīi, mɛ́ gɔ le zhɛ́ páʼ, mɛ́ gɔ eshúŋ épúp ɔ́.