Lomɛŋ 15:1 - Eka Eswhī

¹ Pek pīi pek teteē ánɛ lefɛ̄ nnɛ̄t ŋgyá á mbū Yɛɛ́so, pek pɔŋteé á lepʉ̄ʼte epuɔ pīi, pɔ́ é si ŋkáa ánɛ lefɛ̄ nnɛ̄t, ŋ́gē eghʉ épúp, pek é le ghʉ̄ ajū mīi, á pɔŋ áa wék ɛ́.

Lomɛŋ 15:1 Iomraidhean Croise

Lomɛŋ 14:1

Pɛ etswí á ŋiŋ yīi a á si mbwɛ́tɛ á ánɛ lefɛ̄ nnɛ̄t ŋgyá á mbū Klísto, ńnéŋ á nnɔ pɛ. Ndɛ́ʼ pɛ a pɔ́p é ŋak ánɛ ezi ntií lekwaŋte anu.

Lomɛŋ 14:2

Lefɛ̄ nnɛ̄t mmɔʼ ŋiŋ ŋgyá á mbū Klísto, a shuúŋ á yí á légɛ, á gɔ epú mpfɛ́t etsō tsem. Lefɛ̄ nnɛ̄t mmɔʼ ŋiŋ á ká, tɛ eshúŋ á yí ŋ́gɛ, a gɔ le mbap pfɛ́t.

Lomɛŋ 4:20

Ablaham a lɛ te náʼ mmīʼte ánɛ alaʼne zīi, Ndém a le ghʉ̄ á mbū yí í. A cʉ́ʼɛ épúp mbɔ, yí lefɛ̄ nnɛ̄t ŋgyá á mbū Ndém, a le nɔ̄ŋ ŋghʉɛ, á kaka ete, ńzéŋ nnɔŋ ŋgūʼtɛ á Ndém.

1 Kɔlɛŋte 4:10

Epuɔ ŋgɔŋ puɔ é si njʉ́ɔ á wék páʼ epia lā, melaʼ mīi pek é si ntswīi ŋke mbɔŋ Klísto. Ŋ́ké ŋgɔ́ mé pɛ, pɛ enɔ̄ɔŋ ŋkwāŋa ŋ́gɛ, pɛ é megaŋ azhɛ̄‑anu, melaʼ mīi pɛ a Klísto é nnɔ ká? Epuɔ é kwaāŋ ŋ́gɛ, pek é si ŋgɔ́ epuɔ mbwɛ́t pwɛté. Pɛ piŋ ŋkwāŋ ŋ́gɛ, pɛ é si ŋgɔ́ epuɔ ntē tɛʼ ká? Epuɔ menɔŋ é si nzwīi á wék, ḿbiŋ nnɔ̄ŋ ŋgūʼtɛ á wɛ́ ká?

1 Kɔlɛŋte 9:22

Meŋ gʉɔ̄ tɛ ŋkó á nnɔ epuɔ pīi, pɔ́ zɛɛ́t te tete ánɛ mɛnzhɛ Ndém, ńcʉ́ʼɛ nnáŋa áa páʼ pɔ́p lā, ńdɔkɔ efāʼa ŋ́gɛ, pɔ́ efɛ́ nnɛ̄t ŋgyá á mbū Atsyapuɔ Yɛɛ́so. Meŋ mbúu ŋgʉɔ tɛ ŋkó akɔ̄ ajʉʼ lɛ́, ńcʉ́ʼɛ nnáŋa áa páʼ, epuɔ ajʉʼ mɛ́t é si nnáŋa épúp, ńdɔkɔ efāʼa á lelɔk meshhʉ̄ metsem, ŋ́ghʉ̄ tɛ, kɛ emɔ̄ʼ epuɔ é gɔ etó éwú, éfɛ́ nnɛ̄t ŋgyá á mbū Atsyapuɔ Yɛɛ́so, Ndém á ghʉ pɔ́ tswɛ́t lɛ́ɛ.

2 Kɔlɛŋte 12:10

Melaʼ épúp tɛ́, meŋ nɔɔ̄ŋ mbwɛ́tɛ lɛ akɔ̄ lɛ́, mɛ́ nɔŋ nzɔ̄tɛ á gá lɛ akɔ̄ lɛ́, Eziɛ́ ntií ŋgʉɔ̄ʼ é nɔ̄ŋ eshʉ̄ʼɛ ánɛ meŋ lɛ́, mɛ́ nɔŋ ndʉɔ́ʼɔ á gá lɛ akɔ̄ lɛ́, meŋ gɔ́ á ntē eziɛ́ ntií atapne melaʼ anu Klísto lɛ́, ntē gá é nɔŋ ké ŋgáŋte gaŋté, melaʼ mīi meŋ nɔɔ̄ŋ mbwɛ́tɛ páʼā, tɛ́ mete Ndém é ghʉ, meŋ ekāak ete.

Efɛze 6:10

Meŋ a ge ezoko, élé gɛ, páʼ pɛ lɛtneē ánɛ Atsyapuɔ lā, pɛ ezápa ánɛ mía mía mete mīi, a yáa á mbū pɛ, ńtswiʼne ntēte.

Fílíip 2:4

Ndɛ́ʼ ŋiŋ á lɛ ŋghʉ̄ áa ajū mīi, yíléyī ndaʼ mé gʉɔ me njhʉʉ́ apɛ éwú. Pɛ eghʉ̄ azi, a tswíte emɔ̄ʼ epuɔ azɔ́p.

1 Tesalonik 5:14

Pek é si ntswiʼnɛ esēmtɛ á wɛ́ me epɔ̄ memíá, ŋ́gɛ pɛ etswɛ̄te epuɔ pīi, lenāŋ tsɔ́p é té pɔŋ, ŋ́gyá ŋgate á mbū epuɔ pīi, afhʉte zɔ́p á si nzīŋɛ, ńtɔ́te epuɔ pīi, pɔ́ é si mbwɛ́tɛ ánɛ meshhʉ̄ ntsem. Pɛ ewɛ̄ asekɛ́‑ntē ánɛ epuɔ metsem.

2 Timotɛ 2:1

Ŋ́ké ŋgɔ́ mé wu yīi, o ó méŋ ga, lɛ ncʉ́ʼ Yɛɛ́so Klísto a eyá á wú mete, éfhó ánɛ páʼ a wɛɛ̄ apɔŋɔ́ ntē te ndhʉ.

1 Jáaŋ 2:14

Ewɔŋkhʉ̄ pá, meŋ á tí ndɔk eshúŋ á wɛ́. Pɛ é si nzhɛ́ɛ á Ndém Mɔʼɔ́. Meŋ á tí á mbū pɛ memɔʼɔ́, ńdɔk eshúŋ á wɛ́. Pɛ é si nzhɛ́ɛ á ŋiŋ yīi, Ndém a le gē enɔŋ ŋgɔŋ, á gɔ́ áa éwú. Meŋ á tí á mbū pɛ ŋkaŋa ŋkhʉ̄, ńdɔk eshúŋ á wɛ́. Pɛ wɛɛ̄ mete, melaʼ mīi, ashuŋne Ndém á ntē pɛ, pɛ lē njhʉ́ á Efɔ menu tepɔŋ.