Lomɛŋ 14:9 - Eka Eswhī

⁹ melaʼ mīi a le kwhʉ́ʉ̄, ńzéŋ nzím ánɛ lewhʉ̄ páʼā, ńdɔkɔ ŋgɔ́ á Atsyapuɔ á mbū mepfhō, mbɔɔ á mbū epuɔ mete.

Lomɛŋ 14:9 Iomraidhean Croise

Matío 28:18

Yɛɛ́so á tshóte nnɛ̄t mé lezēŋ tsɔ́p, ńdé á mbū pɔ́p ŋ́gɛ: «Mɛ́ lē mbú ŋgyá mete ntsem á mbū meŋ, á athʉ́ lephū mbɔɔ á esī atsetsáʼ.

Lúkási 24:26

Pɛ ka zhɛ́ á légɛ Nzaʼ‑Ŋkhʉ yīi Ndém a le laʼnēē, a ke pɔŋté á lejʉ̄ɔ ŋgʉɔ̄ʼ tɛʼ, tɛ́ ŋkó ánɛ lewūʼ tsí lɛ̄?»

Jáaŋ 12:24

Kwaʼ anuúnē anuúnē, meŋ shúŋɔ á wɛ́ ŋ́gɛ, mvem ŋgesáŋ zīi mɛ́ é phi á atsáʼ, e gɔ́ te kwhʉ́, mbɔ e e gɔ́ áa yíléyī. E piŋɛ ŋkwhʉ́, mbɔ e e sáʼ, ézém emɔ̄ʼ memvem tɛ é záne.

Mefaʼ Meziŋ-ntō 10:36

Pɛ ke júʼ ŋke mbɔŋ yīi, Ndém a ke tó á mbū epuɔ Islaɛl ŋ́gɛ, Yɛɛ́so Klísto a ke shʉʼē, á letswaŋ epuɔ menɔŋ, pɔ́ a Ndém é cʉ́ʼ á taʼ nchu. Yɛɛ́so mɛ́t, a á Atsyapuɔ ŋgɔŋ epuɔ metsem.

Mefaʼ Meziŋ-ntō 10:42

Yɛɛ́so a le tswī me pek ŋ́gɛ, pek mé pɔŋteé á letswi á mbū alāʼ ŋ́gɛ, yí tɛ́ Ndém a le chʉ́ʉ̄, ńdɔk ŋghʉ̄ á ŋiŋ yīi, a záʼa ntsaŋ zɔp a epuɔ mete mbɔɔ ezɔp a mepfhō.

Lomɛŋ 10:9

Púp, o lɔkɔ nchu wú mvéŋ á mvhɔ epuɔ ŋ́gɛ, Yɛɛ́so a á Atsyapuɔ, ḿvéŋ á ntē wu á légɛ, Ndém a le ghʉ̄ á zím ánɛ lewhʉ̄, mbɔ Ndém a fú eghʉ, o etswɛ́t.

2 Kɔlɛŋte 5:14

Ŋkɔŋ te ndhʉ zīi, Klísto a wɛɛ̄ ánɛ pek, mé tshoneé á wék á leghʉ ajūɔ tsem, melaʼ mīi pek é si ncuŋtɛ nzhɛ́ɛ á légɛ, yí ndaʼ mé le kwhʉ́ á athū epuɔ metsem. Epuɔ metsem é tsia épúp, ŋ́kwhʉ́ ánɛ mefa mɔ́p.

1 Tesalonik 4:14

Páʼ ḿpɛ é si mvéŋɛ á légɛ, Yɛɛ́so a le kwhʉ́ʉ̄, Ndém a ghʉ á zím ánɛ lewhʉ̄ lā, ndeŋ ndeŋ épúp, epuɔ pīi é le gē ekwhʉ́te, ńnɔŋ efíɛ́ nnɛ̄t ŋgyáa á mbū Yɛɛ́so, Ndém a a láʼ etsia ánɛ yí, éghʉ pɔ́ ezím azɔ́p.

1 Tesalonik 5:10

Klísto a le kwhʉ́ ánɛ athū zímpɛ, tɛ́ a etsīa épúp, ḿpɛ epú ndɛ̄tne ánɛ yí, tɛ azi ŋgɔ́ éyi, a a fú ege epiŋ nzem, mbɔ ḿpɛ lē ŋkwʉ́te, kɛɛ ḿpɛ zɛɛ́t ntē lɛ̄ɛ.

2 Timotɛ 4:1

A fú aleʼé, Yɛɛ́so Klísto, a ezéŋ eshʉ̄ʼ, ésáʼ ŋgɔŋ ntsem, ńzáʼ ntsaŋ zɔp a epuɔ mete, mbɔɔ ezɔp a mepfhō. Meŋ á tshí á mvhɔ yí, mbɔɔ á mvhɔ Ndém, ńdɔk á legɔ̄ yīi, a a fú eshʉʼ épúp, ńdé mé wu ŋ́gɛ:

Eble 12:2

Ŋ́gē ekʉte épúp, ńtshí menēk ánɛ Yɛɛ́so. Yí mé le ghʉ̄ʉ̄, ḿpɛ fɛ́ nnɛ̄t ŋgyá á mbū Ndém. Yí mé zéŋ nnɔ̄ŋ ŋghʉ̄ɛ, ḿpɛ e eláʼ ŋgʉɔ tɛ ŋkó á lezēŋ Ndém. Á yí yīi, a le kʉŋnē lepɔŋ tsīi, a lɛ á ntē éwú, ḿvéŋ á lekwhʉ̄ ánɛ mbaŋne paŋné, té kwaŋte esē yīi, é kuú epuɔ pīi, mɛ́ é kwɛte á wɔ́p ánɛ mbaŋne paŋné. A le kwhʉ́ épúp, a ké ŋgɔ́ tsetsɔŋɔ, ńnáŋ á ŋkɔʼɔ́ apū ete Ndém.

1 Piɛ 1:21

Pɛ zapaá ánɛ yí tɛ́ efɛ́ nnɛ̄t ŋgyá á mbū Ndém. Ndém mé le ghʉ̄ á zím ánɛ lewhʉ̄, yí mé yá á yí lewūʼ te mi, tɛ́ pɛ egē efɛ́ nnɛ̄t eyá á mbū Ndém, ńnɔŋ nzhɛ́ɛ á légɛ, pɛ é ndáʼ ŋgwɛ̄ ajū mīi, pɛ é si eshʉ́ɛ́.

1 Piɛ 4:5

Táʼ, pɔ́ e láʼ etshí á mvhɔ Ndém, élɛʼ menu mɔ́p. Ndém mɛ́t a á ndáʼ ntshí á yí á lezāʼ ntsaŋ zɔp a epuɔ mete, mbɔɔ ezɔp a mepfhō.

Menjʉɔ te lí 1:18

Ŋ́gɔ́ nte. Meŋ nde kwhʉ́ʉ̄, ńzím ánɛ lewhʉ̄, tɛ awuɔ yīi, meŋ mbiīŋ ŋgɔ́ nte á meŋguʼ meŋguʼ lāa. Meŋ nde tsyā á lewhʉ̄, ḿbɔ́ŋ mete ánɛ alāʼ mepfhō.

Menjʉɔ te lí 2:8

Tí á mbū cɔʼ Ndém yīi, a cʉtɛ alúŋ epuɔ Yɛɛ́so zīi, á tésɔŋ Smiine ŋ́gɛ: «Ŋiŋ yīi a á Nzií, ńzéŋ ŋgɔ́ Nzokó, á ŋiŋ yīi a le kwhʉ́ʉ̄, ḿbiŋ nzím ánɛ lewhʉ̄, a á si ndʉ́ɛ́ ŋ́gɛ: